月詠

营业中

休息中

雞白湯，一黎到，見到D泡。店員話飲左湯先試左再落白機露油。湯一見好白好滑嘅感覺，第一啖試飲無乜味，再試一啖雞，係滑嘅，去晒皮嘅雞慢煮左一段長時間，所以滑得黎都保留到淡淡雞肉味。但一落白機露油，成年湯唔同左，強列建議輕輕諮一啖湯就直接倒一大湯匙白機露油提升個味嘅層次。麵條算爽口嘅，個流心蛋都係我最愛，夠流心，唔會得少少黃流，係成個黃都流心。個雞肉餃有驚喜，雖然食到雞皮，但都脆口皖以唔覺好漏好滯，但個雞肉餃值得一試，只係嫌佢炸嘢多左少少油，如師父再留意下呢一點，我可能會買coupon嫁。蔬菜魚餅，裡面有芝士，都幾好味，但應該同超巿買分別唔算大，尚可。呢個視乎自己喜好加，污係必食。

這個雞白湯拉麵湯底，一入口真的在心裡嘩了一聲，就某某罐頭的忌廉雞湯味！真的沒有更貼切的形容，也不需要更精細的形容！原價$88加一的話，這種味道未免太廉價。但今次有半價優惠係一試無妨。雞胸肉兩薄片不是slow cook那種，有少少乾但也可接受。味道當然是意料中地淡啦。糖心蛋反而幾好，真正流心，調味也剛好，與傾向西化的湯底沒有衝突。麥麵配搭也好，吃起來較清爽，平衡忌廉的奶味。整體不過不失，但日本拉麵湯底來說，這個不值正價價錢。小食炸雞幾大件厚實，但肉汁不夠。調味出奇地淡。爽著拉麵食淡一些反是好事，如果湯底更鮮濃的話。還是要去日本試試地道的雞白湯，印證一下日本人是否對某罐頭湯特別有情意結呢？！

每次收工同fd食飯通常都會揀旺角😂但今次我地轉場轉左去奧海城🤣鍾意食日式菜既我地緊係揀間日式餐廳啦。我地就叫左個二人餐，盡可能都叫d特別d既野食。芝麻醬拌青瓜雞叉燒：平時食拉麵配既叉燒都會有d肥，但雞叉燒就唔肥，配埋芝麻醬同青瓜一齊食，一啲油膩感都冇，又容易咬，再食多d都冇問題🤗鹿兒島月揚庵魚餅：有3隻味：原味，芝士，蔬菜。兩個人食啱啱好😆每隻味都可以食到。原汁原味，濃味d，健康d，一次過滿足哂你3個願望😁檸檬牛油雞白湯拉麵：一直都想係日本食雞白湯拉麵。冇諗過去咗咁多次日本，一次都冇食過😂結果第一次竟然係香港食，雖然今次配埋檸檬牛油，但個湯真係好soft，檸檬可以中和牛油嘅油膩感，油得黎又帶出清新，味道冇得彈☺️ 平時好少飲湯底嘅我，今次都飲咗一大半🤣雞叉燒嘅軟硬程度都整到啱啱好👍雞白湯咖喱拉麵：濃郁嘅咖喱湯底，對比檸檬牛油湯底有好大分別。不過都好好味。抹茶生朱古力：係自家製的🥰鍾意甜品既我真係好滿足，唔會死甜，抹茶同朱古力各自既味道都平衡得好😋想一食再食～套餐當然唔少得野飲啦～

過江龍🌜月詠🌛TSUKIYOMI TORI-SOBA。月よみ 鶏そば今日去左來自日本鹿兒島。月詠雞白湯麵專門店，這間也是第一間海外分店🍜檸檬牛油雞白湯拉麵🍋🐓(附雞胸叉燒及溏心蛋🥚) $98湯底將蛋白，奶油和雞湯打成豐厚泡沫，加上檸檬清新酸味 和牛油 🧈感覺特別全新口味😋配菜有溏心蛋🥚。雞胸叉燒，使用日本國產雞肉和低溫慢煮烹調，可保持雞肉滑嫩，口感柔軟👍▫️▫️▫️▫️▫️▫️▫️▫️▫️▫️▫️▫️🍜鹿兒島魚餅雞汁冷麵(香港限定) $118 套餐加小食和茶 🍵加$20冷麵併上京都九條葱，鮮檸檬🍋和酸酸甜甜伴汁吃起來好醒胃👍配菜有溏心蛋🥚，雞胸叉燒 和 鹿兒島魚餅，魚餅甜甜地好有魚香味。小食有青瓜 🥒，雞胸叉燒和魚餅▫️▫️▫️▫️▫️▫️▫️▫️▫️▫️▫️▫️店舖裝修設計也帶鹿兒島店的風格，採用好多天然原木，好有大自然日系風格 😊📍大角咀海庭道18號奧海城二期1樓146A號舖

是日去咗月詠食雞白湯拉麵，店舖已開始有聖誕氣氛，貼有唔少聖誕裝飾叫咗雞胗同原味雞白湯拉麵，湯底話係鹿兒島直送，比起一般嘅雞白湯無咁膩，雞肉亦嫩滑，麵係全麥麵，但感覺偏幼，我個人覺得一般般反而有驚喜嘅係雞胗，幾彈牙一試便可

平時食拉麵多數揀豬骨湯拉麵, 今日經過奧海城, 見到呢間拉麵店標榜雞白湯拉麵, 門口電視播放緊煮麵的過程, 話係來自鹿兒島的日本過江龍, 好似幾吸引, 即管入去試下. 朋友食「原味雞白湯拉麵」, 我就揀咗香港店限定的「鹿兒島魚餅雞汁冷麵」, 起初見到個碗咁大, 好似好少嘢食咁, 所以追加咗兩個小食, 點知原來個碗好深的, 有好多麵和好多配料, 最後係眼闊肚窄, 食唔晒. 碗麵入面有成隻溏心蛋, 一開二, 流心的蛋黃味道濃郁, 另外有兩塊魚餅, 一大片雞柳, 三片檸檬和一大堆蔥絲, 麵底有啲雞汁, 全部撈勻先食, 咸咸地酸酸地, 好開胃, 魚餅彈牙, 夠實淨, 唔會淋 pat pat, 片雞胸肉大大塊, 好似 slow cook 的質感, 都好滑. 小食選擇方面大部份都係炸物, 食拉麵一定要配餃子, 但係呢度既餃子同其他拉麵店好唔同, 呢個係雞皮餃子, 幾特別, 啖啖肉, 好香口, $48 有五件. 另外叫咗炸魷魚圈, 有小小炸過火, 但味道不錯, 魷魚亦彈牙, 香脆可口. 店舖座位唔算迫, 坐得幾舒服, 乾淨企理, 收費中規中矩, 拉麵 $88 起, 可以再來.

最近到了奧海城的月夜軒,嘗試咗佢哋既檸檬牛油雞白湯拉麵 感覺相當不俗。湯底味道鮮甜清爽,飽含雞湯精華。麵條QQ彈牙,吸附住湯汁。而其中軟嫩多汁的雞肉,更是點睛之筆,令整碗拉麵層次豐富、滋味十足。我特別欣賞佢哋採用新鮮的蔬菜配料,如翠綠的芝麻葉,不但增加色彩,更為這道經典日式拉麵注入別樣風味。環境方面,月夜軒雖然不算奢華,但裝修溫馨舒適,氣氛悠閒惬意。服務員也非常殷勤周到,讓我用餐感受良好。總括而言,月夜軒的雞湯拉麵實在是一道驚喜之作,不僅填飽肚子,更能滿足味蕾。下次來到奧海城,我一定會再光顧,希望能發掘更多此等佳餚。

之前有聽聞過奧海城開咗呢間鹿兒島過江龍🇯🇵，主打雞白湯麵🐓，嗰時已經心思思想過去試吓但一直都無機會，上兩星期咁啱去嗰頭探朋友，就提議不如一齊去試試。以木色為主調嘅餐廳設計就最得朋友歡心，因為佢真係一個木系粉絲。餐廳有個二人set menu，最後我哋都係揀咗散叫，當然唔少得order埋suntory啦 🍺我揀咗「檸檬牛油雞白湯拉麵」，因為加檸檬🍋嘅熱湯麵唔太成日食到，朋友就叫咗「擔擔雞湯拉麵」。個雞白湯有種綿密嘅口感，加咗牛油令到個湯更濃郁，但檸檬又增添咗啲清新感，成個combination都幾match，唔錯唔錯。朋友個擔擔雞湯拉麵有微微辣感，味道比白湯再濃厚啲，啱晒重口味嘅人。呢度嘅叉燒係用雞肉整嘅，食之前我哋都有concern會唔會好乾好「鞋」，點知一咬落去有驚喜，係好軟腍的，我哋兩個清晒👍🏼 麵底唔係一般嘅拉麵，係全麥麵，同自己講又再健康啲🤣我哋仲叫咗啲小食一齊share，有雞皮餃子、炸雞同魚餅，一致認為個炸雞腌製得非常出色，鹹中帶微甜，如果唔係太飽真係想order多碟，等下次拉第二位密友嚟食過先。

約咗好耐冇見嘅中同re-u，見呢度做緊秋季promotion就去試吓😋一坐低太肚餓，就二話不說嗌咗個雞皮餃子食住先，雞皮炸到脆卜卜，入邊包住啲雞肉同椰菜，熱辣辣幾香口。跟住一齊嗌咗個二人餐，揀咗兩款唔同嘅湯底share，第一款穩穩陣陣就揀咗個原雞白湯，係好溫和嘅雞湯味同埋第一次食到咁多泡泡嘅拉麵湯底，好似飲緊Cappuccino咁幾得意。第二款湯揀咗檸檬牛油雞白湯，喺原本個雞湯底上面加咗幾塊檸檬同埋牛油，撈埋一齊濃得來又有少少清新嘅感覺，就算我平時唔係食得太重口味，但飲多幾啖湯都冇問題。尤其是呢排天氣開始涼涼哋，飲返啖暖笠笠嘅湯就啱曬。跟餐有兩款小食，炸雞味道都正正常常，炸得都幾脆得嚟啲肉又唔會好乾；個雞叉燒伴青瓜加咗啲甜甜地嘅芝麻醬撈埋，食完晒咁多樣濃味野之後，慢慢夾嚟咬吓，消下濟都幾正。最後個甜品係自家製抹茶生朱古力，朱古力味好香又唔會話好死甜，本螞蟻人表示approved 😌🙏🏻

本身都想嚟試但新開時日日排隊見過咗一排同老公夾岩時間就去呢間拉麵話係主打無添加、無添精、無添激素試咗佢個signature雞白湯再加個辛味擔擔拉麵小食叫咗雞皮餃子 + 黑酢伴炸雞雞白湯幾啱我呢個大肚婆好神奇湯底有好多泡泡口感好得意雞肉叉燒好滑同埋愛吃蔥的人最欣賞佢個京都九條蔥🤣食完又真係唔口渴有D surprise~我老公就中意辛辣濃少少🌶️仲有流心蛋~ 至於個炸雞炸得好出色配埋少少黑酢好開胃好好味雞皮餃子脆卜卜，我地都好中意店員超nice好細心見到我大肚就安排卡位 + 自動比杯暖水我呢個服務態度都真係💯

一坐低見到有秋季二人餐，唔洗諗咁多一於叫呢個餐🤣原味雞白湯拉麵第一次食泡系雞白湯拉麵，湯底好濃雞味，好creamy，有d似忌廉雞湯😋雞叉燒好嫩一d都唔鞋口，青蔥好香同埋份量都幾多👍麵條擺咗一陣先食都未腍啤啤，麵條上有好多啡色一點點，問店員佢話係自家製全麥麵，唔怪得知同平時食開嘅拉麵好唔同🤣雞白湯咖喱拉麵一上枱就聞到好香嘅咖喱味，日式咖喱偏甘口唔係太辣，味道濃郁，啱晒鍾意重口味嘅人😝原本以為套餐一定要嗌指定嘅小食，但手機落單嘅時候發現可以揀其他款式，所以揀咗食香酥雞腎同雞皮餃子。雞皮餃子炸得好香脆，個邊脆卜卜，餡料係雞肉加椰菜，唔係免治雞肉，口感好紮實，好好食🤤🤤雞腎就好爽口，兩款小食都係送酒一流😎另外仲加多咗兩件黑醋炸雞$38，每件都大大嚿，炸得香口唔多油，雖然最尾先食，但擺咗一排都仲脆口，黑醋汁酸酸甜甜都幾好食。最後套餐會上埋甜品，生朱古力入口即溶好軟滑，比想像中好食😋$298包兩碗拉麵、兩個小食、甜品同兩杯飲品（額外加錢轉咗做兩杯highball），兩個人都抵食啦，臨尾仲有coupon送可以下次再幫襯😆

喜歡拉麵🍜的我特別喜歡💕 雞白湯麵🍜專門店「月詠」，今次出了新品更是愛不釋手：日本國產雞白湯與日式咖哩的完美融合期間限定的新口味「秋の詠」— 雞白湯咖哩拉麵🍜日本國產純雞肉和雞骨等經過精心熬煮製作而成的湯底，色澤奶白，充滿骨膠原蛋白喔！在濃郁細滑的雞白湯中融入了日式甜辣咖哩的獨特風味，口感香濃醇厚！每一碗雞白湯咖哩拉麵包括有慢煮雞胸叉燒、溏心鹵蛋、京都九條蔥、鮮冬菇、油揚及紅椒絲，配料豐富，配合質感柔韌、麵條分明的全天然成分的全麥麵，除了口感極佳，亦食得更健康呢！秋季套餐優惠價都不錯， 埋單時店員更送了張$50 coupon 可以下次再幫襯呢！

▫️大盛雞白湯拉麵配料包括芽菜、溏心鹵蛋、香酥雞胗、慢煮雞胸、醬燒雞腿肉同香炸雞肉丸，份量十足。湯底方面，以日本國產雞肉熬煮至奶白色，香濃醇厚，雞味濃之餘並唔會覺得油膩。以 泡沫系拉麵做法將帶有綿密的泡沫口感湯的表面打出泡泡，口感綿密，香氣和口感都更有層次。▫️擔擔雞白湯拉麵配料包括溏心鹵蛋及慢煮雞胸。湯擔擔湯頭同樣以雞白湯做湯底，再加入多種辣椒及芝麻醬調製而成，湯頭味道融洽，入口順滑，微辛。▫️雞皮餃子餃子以雞皮包住餡料，煎得薄脆，十分惹味。

人生就係要不斷新嘗試😋同老公去試咗新開的雞拉麵，有意外驚喜，值得推介及encore試咗雞皮餃子，好好食，雞皮唔會太肥膩，好適合低醣、戒澱粉或生酮的朋友，不過份量少咗dd拉麵好味，湯稍鹹，雞肉食得出係慢煮，好嫩滑，糖芯蛋好入味又滑，兩樣都一流，如果拉麵份量可以多少少會更好枱上有白松露油，我每樣食物都加咗，味道及層次立即再提升，絕對要一試新開張期間有特別優惠，埋單時得知1. 第2碗拉麵有半價、2. 有儲印仔換禮物、3. 保留單據下次消費有小食送絕對值得一試再試

🍜🍜誓要試勻全港拉麵系列🍜🍜檸檬牛油雞白湯拉麵 $98湯底：白湯唔似平時日式拉麵嘅雞白湯，係忌廉雞湯味，奶味較強，較鹹。加咗三片檸檬，令到鹹嘅湯底有淡淡嘅酸味，算係多咗少少層次。牛油溶咗喺湯底，冇特別食得到牛油味。麵條：麵條彈牙有咬口，食落有嚼勁，都算係掛汁。雞肉：有三片雞肉，味道較淡。屬於整得滑嘅雞胸肉嘅預期中嘅味道。溏心蛋：都整得幾入味。松露油：餐枱上有樽油，初頭仲以為係普通嘅生油。睇comment先知道原來係松露油。餐廳應該喺上面貼個label，或者整張卡紙介紹，整體嘅presentation會吸引好多。至於味道就比較淡，要加頗多先食到淡淡嘅松露味道。同個湯底又唔係話特別夾。不過就有啲嘢玩試下唔同味咁。環境： ★★★☆☆ 食物： ★★★☆☆ 推介度： ★★★☆☆