有口福美食店

营业中

休息中

唔好睇佢係舖面細細嘅潮洲粉麵檔佢賣嘅越南生牛肉河好高質🥳-🤍生牛肉越南河 $50湯底牛骨味幾重🐮比一般食嘅越南河多咗份酸味 幾惹味😋牛肉片都多 仲係保持到半生熟🥩食落都幾嫩口 牛味都重河粉都滑 洋蔥芽菜蔥花都比得唔吝嗇🧅但個人覺得湯底再重啲牛味就好啦-🤍牛腩飯 $48牛腩話想食瘦啲真係比咗瘦啲嘅但依然好稔身同入味😍唔知係咪太好食覺得唔夠飯配啲牛腩食🤣-回訪嗎：🙋🏻‍♀️

這碟牛腩飯是來自葵涌大隴街的有口福美店，今日是我第二次來食牛腩飯，仍然覺得好似上次咁好味。牛腩的烹調時間精準，濃湯汁令牛腩非常入味，但又不會煮得過火而令肉質變硬，雖然不至於入口即溶那麽誇張，但相信牙力欠佳的老友記也能輕鬆品嚐。不得不再讚賞一下濃湯汁，用來撈飯真係好正㗎。

這碟牛腩飯是來自葵涌大隴街的有口福美食店，今日是我第二次來食牛腩飯，仍然覺得好似上次咁好味。牛腩的烹調時間精準，濃湯汁令牛腩非常入味，但又不會煮得過火而令肉質變硬，雖然不至於入口即溶那麽誇張，但相信牙力欠佳的老友記也能輕鬆品嚐。不得不再讚賞一下濃湯汁，用來撈飯真係好正㗎。

屋企附近嘅平民越南河平平無奇嘅外觀香港第一的感覺😊湯底濃郁配料豐富配上檸檬又不會過度清新以前覺得佢知生牛肉唔夠生，所以轉叫牛腩，前幾日心血來潮食返牛肉，即刻覺得返唔到轉頭😝平時對牛肉好有要求一般都唔會喺茶餐廳叫牛肉有口福的牛肉我真係俾個like佢

話說今日收工收得晏，咁岩有人揸車接送， request去食有口福啦，因為之前食過，最令我念念不忘嘅我係佢嘅越南湯河，暫時我喺出面未食過俾佢好食嘅，有時候真係好掛住，就會特登碌過去食！.呢間表面上望落去非常之普通嘅粉麵店，究竟如何俘虜我嘅心呢！？首先講一講個環境先，真係一間好普通嘅粉麵店，左邊一入門口你可以見到煮麵師傅喺度整嘢食，右邊直入有個L位嘅枱set up俾大家坐。位置方面尚算可以，唔會太逼夾，亦都係我其中一個幾鍾意嘅地方！.我自己就嗌左：1. 越式湯河 + 雞扒2. 一碟菜心.真係要講一講個雞扒湯河，首先你見到佢嘅積水係比較清湯嘅感覺，只係有少少深色，但係食落去個味道非常濃郁，加上佢上面仲有一啲洋蔥，一片檸檬同埋芽菜，真係跟足晒材料俾你，自動自覺幫你加咗少少辣椒，但係唔會識落好辣，係幫手吊味(⁎⁍̴̛ᴗ⁍̴̛⁎)！另外塊雞扒非常之香脆，雖然我唔鍾意食皮，會去晒啲皮淨係食雞扒肉，但係咬落去都唔會話非常之柴，而且味道出色！.當然一碟菜心唔可以期望佢係識飛，但係都係有基本嘢，蠔油啊之類。.食完之後飽飽肚離開，抱住嘅係一個滿足感ʕ •ᴥ•ʔ

經常都會同同事食有口福，選擇多，價格抵，味道好，有飯麵，仲有特色越南河。「牛三寶米粉」$48牛三寶牛肚，牛筋，牛腩。牛肚爽勁有趙頭，牛筋軟，又淋，充滿膠質果種感覺，牛腩唔算好肥，但唔會柴。配搭埋牛湯湯底，好惹味。美中不足的是米粉較難食，米粉口感比一般坊間粗糙。「生牛肉越南河」唔記得左價錢，約$40幾，賣相就幾唔錯，香氣撲鼻，生牛肉好嫩口，份量尚可，有片檸檬同埋一大堆洋蔥🧅好清新但又好夠味，優秀。

連續兩次取消我張單 而唔告知第一次係9月26日 我晚上收工番屋企諗住叫外賣食 就用外賣平台叫有口福 時間大約9點到 我等到11點左右 冇口福打電話俾我話外賣平台冇人送叫我用第二個平台我飢寒交迫既情況下用第二個外賣平台重新叫一次本身風第一個外賣平台 運費14元 轉用第二個外賣平台 25元唔緊要 我比 我太肚餓 黎到d米粉質素極差 就好似收工大雜燴咁做比我 唔緊要 食飽就得 我算直至到10月27號 即係尋日 我10點左右再叫外賣等到11點半我發現張單仲未送 我去問第一個外賣平台客服 佢同我講話冇人送取消 我餓到崩潰 番左一日工就係想食個米線 我餓住咁等個幾2個鐘同我講冇人送 玩咩野 你質素差我都算 夜晚10點11點 我都知我個一區冇其他米線鋪 第一次都算你送唔到咪早講 今次電話都唔打比我同我講聲 同客服傾左陣話退番錢比我 根本唔係錢既問題係誠信問題 我再睇番個app 佢仲營業中 係咪想fake埋其他客 太過份 我以後都唔會再食依間垃圾

親戚極力推介的特式越南河，位於葵涌大隴街153號怡勝花園2號舖。主要係街坊食店，如果唔怕抄牌，門口可能有機會把車放低一陣食碗粉！不過俾人抄牌就唔好入我數啦！😅$44 一碗生牛肉河，唔覺唔覺，越食越辣，對於一個唔太好酸辣的人來說，可能好難可以食到尾。大大碗，牛肉滑口的。一杯加凍豆漿$8走唔得甩！下次我要走辣椒！🥵餐牌上也有一些高價單的品種，一碗大拼盤，盛惠$200，合有緣人會一會佢！我未係有緣人！😜

⁣中學時期經常幫襯既平價特式越南河🇻🇳⁣雖然店舖簡陋，其實都有招牌野🤤⁣⁣⁣⁣▫️特式越南河⁣⁣其實就姐係牛生肉湯河⁣⁣入面有洋蔥、牛肉、青蔥、炸蒜同芽菜等等⁣⁣而個河粉最靈魂既係辣椒水🌶️同檸檬🍋⁣⁣下？個河粉有檸檬既⁉️⁣⁣第一次食，我都驚訝左一下，重以為凍檸茶既檸檬跌左落去🤣🤣🤣⁣⁣提提你勁篤爆檸檬先好食呀😆⁣⁣宜2樣就係酸辣味道既來源⁣⁣順便一提怕辣既朋友，記得叫佢走/少辣椒🌶️⁣⁣因為慢慢食落先會覺得辣🥵⁣⁣⁣⁣主角當然係生牛肉⁣⁣如果堂食既話一黎既時候仲係生同好粉紅色⁣⁣等一等撈一撈，睇住牛肉慢慢變熟🤩⁣⁣食落好有肉味而且唔會un ⁣⁣絕對比得上出面成百蚊一碗既質素⁣⁣食一啖牛肉再飲一啖湯🤤⁣⁣打緊字都流口水呀真係💦⁣⁣⁣⁣至於湯底係好濃郁既牛骨湯⁣⁣而佢啲河粉值得讚 我地就算叫外賣⁣⁣佢D河粉放奈左都唔會話淋晒 ⁣⁣而且份量男仔都夠飽⁣

係IG見到好多推介呢一間小店去到既時候，以為自己入錯食店，哈哈佢除左賣中式粉麵，估唔到仲有特式越南河食仲要係咁受歡迎添~~真係估佢唔到呀!!見到賣相真係唔錯，幾十蚊黎講真係性價比高除左主菜生牛肉外配料都好多～有洋蔥絲，芽菜，檸檬，湯底是超濃郁濃濃的牛肉味，而且帶酸味味既的味道，食落好有層次感，真係心唔錯！好食過好多連鎖式既越南食店～～推介

近來家的附近開了一間越南河，因為不太好食，所以今日來此食越南河。 但超失望，唔駛再嚟食，個越南河湯底變唒，豉油味湯底，超失望。個師傅明顯轉了人，手勢不同，所以湯底都轉了，入口很大陣豉油味。不是以前的味道。牛肉還是以前一樣。沒有甚麼改變，都是‘嚡’的。Order 了跟餐凍檸茶，茶底一陣梘水味，個杯油淋淋。不知是否洗唔乾淨，幸好她讓我轉汽水。但是冇下次了。曾經是我一間 favorite 的越南河店，因為我喜歡個湯底，但係要 say bye 了。可惜。

呢間鋪頭仔喺葵涌開咗好多年，我一直係佢嘅捧場客，每次都只叫同一樣嘢，就係佢嘅招牌特式越南河😋食越南河湯底係最緊要，佢嘅湯底雖然未至於用濃郁嚟形容，但清得嚟層次豐富，有洋蔥、辣椒、青蔥、炸蒜同芽菜，當然唔少得成個河粉嘅靈魂──生牛肉同檸檬😋至於牛肉就正正常常，不過不失。因為鋪頭都幾細，而且長期多人，通常我都選擇外賣，但要留意如果叫外賣真係要睇下佢有冇俾檸檬，試過返到屋企先發現冇，成個河粉味道差好多😢仲有食完真心會口臭好耐🙊因為每次食完我都會俾屋企人投訴😂好老實講我認為佢嘅越南河真心好食過好多大鋪，價錢又實惠，難怪可以喺街坊口中獲得好評，咁多年嚟依然屹立不倒👍🏻

每次經過葵涌都會諗起越南河😋因為係我小時候嘅回憶，味道依然一樣好食👍每次黎都會經常滿座，親切嘅姨姨係我經常去食嘅原因🥰每次黎必點既越南河😋半生熟牛肉嫩滑，加上湯底濃郁，份量比較大抵食。炸魚皮🌟炸到脆卜卜，食得多都五會油膩。

🥢葵涌人氣小店越南河牛雜粉🥢這間位於葵涌的簡陋小店，外表平平無奇似一般的粉麵舖，卻內藏一碗比出面越南餐廳都要好吃的越南河🥢特式越南河 $42🥢這碗隱世越南河的配料有生牛肉，洋蔥絲，芽菜，還有一片檸檬，湯底是超濃牛肉牛骨湯，充滿牛肉味道，是真材實料煲出來的味道，而且帶點點點酸辣的味道，這酸辣來得剛剛好，剛好配合這牛肉牛骨湯，令味覺層次再提升🥢河粉雖然不是很滑那種，但是還可以接受的，生牛肉片是很重牛肉味的那種，整體份量不少，食完成碗會覺得飽肚滿足🥢牛雜飯 $43大大碟牛雜夠曬香又入味🥢今日是夜晚11:00 過來宵夜的，咁夜仲有咁多人食，坐得有點迫，但夠曬好味有口福美食店地址: 葵涌大隴街153號怡勝花園2號舖

細細個就食到大 胡so佬轉左手之後 味道愈嚟愈唔掂態度都愈嚟愈差 發現落錯左米線 好聲好氣問 佢竟然話問左你好多次la 我一直都食河粉 無lala 食咩米線ar 最後我食左幾啖就無食 走左