影片
港铁牛头角站 B6 出口, 步行约10分钟
继续阅读
电话号码
26828409
营业时间
今日营业
07:30 - 17:00
星期一至五
07:30 - 17:00
星期六至日
全日休息
以上资料只供参考，请与餐厅确认详情
【觀塘區】【朋友冰室】今次想講呢間嘢係喺觀塘海濱道，喺九龍灣站或者牛頭角站行過去都係唔近嘅，認真有趣。不過呢，我又唔係因為工作而經過喎，我係真係特登山長水遠走去呢個位就淨係為咗食呢間餐廳架喎，可以話係「慕名而來」，我並不否認呢一點嘅。咁呢間嘢又做咗啲乜嘢咁大鑊又或者咩事出名到我要特登嘥時間走入去食呢？事緣係有一次活動，同一位對飲食好有要求嘅朋友交流飲食心得。過程中講咗啲中伏經歷，其中呢間最搞笑，個黑椒炒意粉變咗白烚意粉加黑椒，朋友講得非常生動。有見及此，我喺返工之前都特登走入去呢個咁隔涉嘅位食嘢。不過因為我曾經有兩三年時間喺牛頭角呢個美食沙漠返工，所以趁機喺附近緬懷吓過去。當年翠華大樓開翠華餐廳，又豪華又轟動，不過當年嫌佢貴所以冇食過，而家已成廢墟。終於行到呢間朋友冰室門口，見佢門口有個小心地滑牌，幾驚佢已經過咗 last order，不過我出得 post 嘅，就當然係已經入咗去食嘢啦。可惜嘅係，我最想試嘅黑椒炒意粉，阿姐居然話冇，我即刻就好晴天霹靂，人生頓時失去希望咁嘅樣。馬死落地行，一場嚟到咯，都食啲嘢啦，呢間好歹都係一間冰室，咪叫個「冰室常餐」囉。主食可以揀兩個餸嘅，我揀咗「自家制雲呑」同「午餐肉」配「米粉」，個雲呑好普通但食得出係自己包，有家的感覺，其他嘢就都係正常茶記水準。配菜係「火腿奄列」同「甜餐包」，餐飲係「凍奶茶」，夾埋就 $56，認真唔平嘅價錢。加上我一食隻奄烈就發覺佢啲火腿酸粟咗，哎，都係要中伏先安樂，求其叫阿姐叫廚房煎隻蛋畀我算喇。呢間嘢都係有啲奇怪，冇乜機會有下次。。。（地址：牛頭角海濱道83號宏利大廈1樓W3號舖）#1amfoodie #foodie #hkfoodie #thatfoodiething #hkfood #food #1ambackup #1am0555 #foodlover #delicious #foodies #tasty #globaleats #tastyfood #foodpics #followforfollowback #love #eat #1am觀塘區 #牛頭角 #九龍灣 #朋友冰室 #friendscafe #茶餐廳 #冰室 #常餐 #特餐 #雲呑
继续阅读
今天上這座大樓工作，中午搵食，見到呢棟大廈有間餐廳，叫咗個照燒汁豬頸肉飯，豬頸肉又硬又難食，個飯仲衰，又鞋又硬灰灰黃黃，肯定貪平用左越南米，真係食到我反肚，好在下次唔使嚟呢棟大廈工作，否則我要夾硬被逼減肥，估唔到呢間嘢懷舊格調，連食材都係咁懷舊，好似當年食糙米噉，真係好難再回頭。
继续阅读
#小秘書 呢日07:30就要返到office安排早會嘅一齊。見仲有時間，又去 #朋友冰室 食早餐。琴日試咗 #午餐，反而我對佢哋嘅 #港式早餐 有啲興趣，平時 #小秘書 #早餐 都只會食「草」，不過如果要返去開早會，我會對自己好少少😏 整個 #沙嗲牛肉麵 配 #火腿蛋、#牛角包🥐比自己。#配角 味道普普通通，而我就鍾意配 #沙嗲牛肉麵 多啲，用嚟撈 #牛肉 嘅 #沙嗲醬 有特別嘅味道、好香口，而麵底唔會煮得太淋，加埋個 #熱飲 都係$34，比出邊街檔嗰啲垃圾好好多啦👍🏻最後我想講嘅就係呢度啲阿姐都幾熱情，仲主動叫大家多啲幫襯。#小秘書 份人就最心軟，不如等多啲同事過嚟試吓啦。
继续阅读
今日LUNCH過咗嚟宏利呢邊食, 原本試電梯直行第一間, 但太多人等位, 之後再行入少少就到呢間茶記, 咁啱又冇人等位當然入去啦, 呢到地方好大, 所以輪候時間一般唔會太耐, 價錢方面都唔算大貴, 觀塘區平均都要咁既價豬軟骨湯烏冬 - 賣相一般, 烏冬口感麻麻, 豬軟骨就幾軟熟, 常餐跟火腿奄列同蒜蓉包沙嗲牛肉麵 - 沙嗲醬唔夠濃, 味道一般咖哩雞飯 - 咖哩味都好濃, 味道唔錯口水雞飯 - 賣相都好吸引, 雞肉好入味檳城什錦叻沙 - 湯底濃, 所以食材都好入味凍檸茶 - 一般***總結 : 地方大坐得舒服既茶記
继续阅读
今日中午去咗牛頭角宏利間朋友冰室食lunch。去到有三間餐廳都幾多人，等咗五分鐘左右入咗去。叫咗個洋蔥豬柳飯$58，凍飲+$3。豬柳結實冇骨，冇咩肥膏，有少少肉汁，但洋蔥汁好明顯係用油推出黎...如果要減肥都係叫走汁啦
继续阅读