望月 (非門市)

营业中

休息中

今次試咗望月嘅流心奶黃月餅濃郁香滑嘅奶黃流心就流出嚟奶味清香柔和,絲絲入口,同外層酥香脆身嘅口感形成強烈對比,風味獨特,越食越有癮!呢啲經典嘅港式流心奶黃月餅,真係難得一試,絕對係中秋節食月餅嘅最佳之選喇!

黎到中秋就忍唔住想試下嘅月餅，今年我搵到間好嘅店試佢哋嘅招牌酥皮奶皇月。開門見山，隻月餅嘅包裝正，無花哨嘢。輕輕撕開包裝，咸蛋黃香味即刻四溢，心諗：頂呱呱！✨一入口，酥皮酥得嚟又唔會太碎，牛油味濃郁得嚟又唔蓋過奶皇嘅味，正！奶皇味道夠晒香滑，咸蛋黃嘅鹹香就好似係度輕輕咬你嘅舌尖咁，惹味到不得了，得嚟又唔膩口。🥮最正嘅係，食完仲意猶未盡，唔似啲食完就覺得飽到飲唔落水嗰種。可能是因為佢哋個比例拿捏得好好，甜度控制得宜，攞捏到每樣材料嘅好處。細細個八隻，分量啱啱好，唔會令人覺得太攰。㊙️順帶一提，仲係自家品牌，香港製造嘅，食得又放心。支持本土很重要嘅，下次中秋節，我又會排隊等買佢哋嘅月餅。不過提提你，要早啲下手，唔係就搶唔到咧！👍

「望月月餅」眨吓眼仲有個幾星期就到中秋節喇！呢款品牌嘅月餅大家都唔陌生，品牌嘅監製師傅曾經喺半島酒店嘉麟樓嘅顧問。望月月餅每年我都會必買之選，今年買咗佢皇牌嘅流心奶黃月餅同埋松露黑毛豬果仁月餅 🥮《松露黑毛豬果仁月餅》 呢款皇牌嘅產品每一年開放訂購嘅時候都好搶手，基本上都冇現貨賣。食落去唔會太甜，裏邊有滿滿嘅果仁，果仁脆口，加埋焦糖醬同絲絲嘅黑毛豬火腿味道好夾。《流心奶黃月餅》餅皮唔會太厚又鬆化，翻熱嘅時候傳出香噴噴嘅牛油香味，切開嘅時候有流心嘅效果，細細件食完都唔會太膩。^值得一讚型格嘅包裝，黑色嘅鐵盒可以循環再用，用嚟儲物。另外旺角銀行中心換領處嘅職員服務非常好，因為拎餅嘅時候有個小插曲，就係返屋企嘅時候發現俾錯貨，事後職員都很好願意換貨👍🏻👍🏻👽星人指數👽👅味道：9/10🛸環境:N/A💫CP值：中🚀回頭Encore:✅

今年好早就訂左望月🥮上年食過佢既四式月餅（經典奶黃，流心奶黃，流心抹茶🍵，抹茶紅豆）覺得好正今年就試佢個榴槤奶黃🥳望月繼續沿用全黑鐵盒，簡單得黎又感覺好大氣❤️==========🔹望月 - 榴槤奶黃月餅（香港製造）一盒4個，早鳥價 $208每個50克係食之前我用電飯煲加熱15分鐘==========月餅裡面有榴槤肉溝左奶黃餡，餡偏少榴槤味唔算非常重，但甜度同乾濕度適中奶黃餡味道唔突出，唔係好食到奶同蛋香外層皮薄帶微微牛油香但未算酥脆食完唔會覺得好膩對比起奶黃流心，榴槤係比下去😢好味指數：7/10

又到左一年一度嘅中秋節今次買咗兩盒好出名嘅望月個包裝係用黑色既鐵盒裝住四個唔同味既月餅呢款月餅分別有經典奶黃 流心奶黃抹茶紅豆 流心抹茶 唔知你最鍾意邊隻呢 一個月餅細細舊 怕肥嘅人就啱晒 食一舊仔就唔怕肥啦😂😂流心奶黃月餅食落 好重奶香味流心抹茶就味道又唔會太甜 但係又會有抹茶味味道抹茶紅豆嘅紅豆唔會搶走左抹茶嘅味

望月🥮🌕……….中秋節係同家人賞月食月餅嘅大好節日！比起傳統蓮蓉月餅，我鐘意食奶黃月餅，流心奶黃月餅就更鐘意，望月月餅真係好好食🫶🏻……….📍 銅鑼灣 東角 Laforet 2 樓 260號舖(取貨店)……….🥮雜錦流心月餅(8件裝)$298•呢盒月餅分別有各4個流心奶黃月餅和流心抹茶月餅！嗰兩款味都好好味！奶黃香而不膩，抹茶有香濃而且不苦澀嘅茶香味，兩款月餅嘅外層同樣酥脆，內層鬆軟！可惜我嘅望月月餅於中秋前半個月購入，而一直放入冰櫃存放住，家中又沒有氣炸鍋/焗爐，只有微波爐加熱，未能做到流心效果，但月餅嘅外酥脆內鬆軟都令人回味😍

 #望月-我期待左好耐嘅流心奶黃月餅終於有啦，好想知道咁多間黃店月餅入面，望月嘅流心奶黃點解咁多fd都話好食，甚至早烏嘅時候已經賣哂，小妹有幸喺早鳥嗰陣買左盒😙🥮【流心奶黃月餅 (4件禮盒裝)】 早鳥價$178 (9/10)將望月自家研製嘅流心奶黃，融入奶黃月餅，一口咬開，香濃留心瞬間遍及味蕾，一試難忘，事實真係好好食，鹹蛋味嘅留心奶黃，奶黃豆蓉配以酥皮月餅，唔會好甜之餘，食完都想繼續再食，一次過好快就食左兩個😂，下年我都係會繼續買睇到呢個簡介都會想買，說明書就建議冰格可以存放45日，普通雪櫃可以儲存10日，室溫可以儲存3日📝用焗爐或者氣炸鍋以180度焗8分鐘？呢個絕對唔適用於喺雪櫃攞出嚟嘅月餅我試過跟住說明書解凍後再用焗爐去焗，出嚟嘅效果唔係流心，只係普通嘅奶黃月餅😂，之後我再焗到佢流心為止，再試多個月餅發現焗大約13分鐘左右就係最流心😆，如果大家焗完之後冇流心效果，就再焗多陣，然後拎出嚟之後靜置一陣，令到個皮酥化返就可以食啦我呢道就唔hashtag邊區啦，因為月餅實體店大多都係短期限定-📍【望月 Patisserie La Lune】 （換領）旺角銀行中心1樓中庭銅鑼灣東角廣場2樓

一年一度中秋節🥮又係食月餅嘅時候(´ސު｀)今年再次回購望月經典奶黃月餅(八件禮盒裝)$368因為佢嘅奶黃月餅好出色!!!一盒八件奶黃口味 (放咗一件抹茶味落去影埋)望月月餅外皮鬆脆，好重牛油香味ฅ •ﻌ•♡睇官網係採用特級進口麵粉內餡就用泰國椰汁混入奶黃、鹹蛋黃所以真係好濃嘅蛋香(๑´0`๑)未食用時要雪藏 10日內要食用!如果想流心 就要用焗爐/氣炸鍋整返熱我放咗入氣炸鍋9分鐘左右‎|•'-'•) ✧

中秋節就到🏮大家諗定食咩月餅未啊 ，🥮傳統嘅白蓮蓉月餅、冰皮月餅、定係其他口味嘅月餅呢。其實我好鍾意食啲應節食品，月餅係其中一樣我幾鍾意食嘅嘢。要講到最鍾意食嘅月餅 ，我就會揀奶黃月餅。😚😚😚如果鍾意食奶黃月嘅話，真係要試吓望月嘅流心奶黃月餅，未食前可以放雪櫃。🤗要食的話可以攞出嚟放入焗爐，焗返熱佢嚟食。咁樣呢一個流心奶黃月餅就會做到外脆內軟，香濃嘅奶黃味湧出嚟真係幾好食㗎。🌕🌕🌔🌝

舊年試過望月出嘅熊本熊限量版流心奶黃月餅覺得幾好食，今年見到有抹茶紅豆月餅都幾特別😃紅豆愛好者立即下單🫘拎到見到長條鐵盒裝好精緻，紙質環保底托👍然而滿懷期待切開——咦，點會係咁嘅？睇宣傳圖內餡好似係紅豆鯛魚燒入邊嘅紅豆蓉咁，但實際睇到大部分都係抹茶喎😧有紅豆粒但同個圖係totally different⋯⋯因為拎到屋企已經變室溫所以我就試埋半個先，皮有淡淡牛油香，內餡細膩有抹茶味不過有少少dry，唔甜，紅豆味好淡😅另外半個我又按建議食法用焗爐返熱，口感的確有變更好，外皮更香更松化，內餡都唔會太dry，抹茶味亦都有濃少少，可以嚐到啲甜味但依然冇乜紅豆香，真係買家秀同賣家秀嘅分別⋯⋯🫢抹茶紅豆月餅 6.0/9呢款月餅overall係好食嘅，我唔會話失望但完全唔同預期係真。抹茶控可能會覺得抹茶唔夠重手，紅豆控會覺得完全唔夠紅豆，作為抹茶月餅🙆🏻‍♀️作為紅豆月餅🙅🏻‍♀️

月餅界第一位🏆🥮流心奶黃月經烘焗5分鐘後，月餅外皮薄脆，但不易成碎；內餡軟滑，奶黃傾巢而出，香味撲鼻😋即使細嚼整舊都不覺膩😍*上年食過抹茶味，濃厚茶味，卻不苦不澀，正過原味😆🥰

舊年聖誕期間,要搜羅賀年禮盒喇,我又諗起望月,於是上網睇睇,見到佢有曲奇加蝴蝶酥禮盒,於是訂購,我買咗全部原價$228.00,早鳥優惠$188.00嘅茶韻曲奇及蝴蝶酥禮盒三盒,一盒經典曲奇及蝴蝶酥禮盒.預約27-1-2022(Thur) 喺旺角攞.到呢日晏晝,我就去到,出示咗電郵攪掂,店員拎出嚟都逐盒打開俾我睇,見到個盒同月餅嘅一樣,唔知佢哋接唔接受回收?而佢哋見到有一件曲奇斷咗就拎過另一盒俾我.四盒嘢都好重吓.介紹返呢兩盒嘅曲奇,茶韻曲奇及蝴蝶酥禮盒有伯爵茶曲奇,玄米茶曲奇24件,原味蝴蝶酥有6件.而經典曲奇及蝴蝶酥禮盒有雙重朱古力曲奇,杏仁曲奇各24件,原味蝴蝶酥有6件.到8-2-2022(Tue)晚我至打開其中一盒,食蝴蝶酥.佢嘅包裝好實,好難掰,真係夠防潮.拎出嚟睇好細件,食吓先.佢係脆嘅但唔夠鬆,味道就有燶味,牛油味弱,呢個麻麻.味道:1分到10-2-2022(Thur)晚,口痕開包曲奇食,食邊隻先呢?老公揀綠色嗰隻,我都唔記得咩味,只當佢係綠茶,食落,面上嘅粒粒好脆口,曲奇餅身口感正常鬆脆,味道唔同,唔似普通綠茶,我睇睇包裝,啊,係玄米茶,唔怪得.而佢好似冇乜牛油味,但食到

一年容易又中秋🌝 中秋節嘅晚上我哋一家人簡簡單單的在家中吃晚飯～ 然後飯後有「望月」嘅流心奶黃月餅做甜品！💕將月餅解凍之再用已經預熱嘅焗爐焗8分鐘，流心效果幾好，趁熱即刻切開，可以見到入面有半溶嘅流心～🤩🥮 焗完之後嘅餅皮好鬆脆、而且好香牛油味，好似曲奇皮蛋撻個餅皮咁，好好食！我哋買咗半半口味～😋 綠茶味嘅茶味香濃、有回甘🍵、奶黃味亦香甜可口，各有特色～ 不過我就更加鍾意綠茶口味，因為冇咁甜好似健康啲～

7月中諗起要開始訂購月餅,就趁23-7-2021(Fri)放假攪,喺Openrice見到有望月,就上佢網以特價$298.00買原價$378.00嘅8件裝雜錦流心月餅,到11-9-2021(Sat)喺旺角臨時舖位攞.嗰日去到攞,職員都即刻講出食用指引,話一定唔好用微波爐翻熱,同要喺12小時內放入雪櫃,由於呢日天氣太熱,拎咗後我哋就即刻返屋企雪.到13-9-2021(Mon)原本想用電飯煲翻熱食,但又有啲疑問,於是翌日打電話去問,個女仔好有禮貌同好sweet咁話除去所有包裝,將月餅放入電飯煲內,撳煮飯模式煮30分鐘,唔使加任何嘢,包括水.咁我嗰晚就先整奶黃流心,拎出嚟有少少香味,而佢大約有2.5cm高同4.5cm直徑.30分鐘過去咗,拎出嚟係暖暖地,顏色金黃咗少少同大咗少少.我小心翼翼同充滿期待地切開,睇見成功喇,真係有流心,不過流心饀好少但好滑,成個味道較舊年榮華嘅淡(嗰個食評係2020年9月23日刊登嘅呢篇:https://www.openrice.com/zh/hongkong/review/%E5%8F%A6%E7%9C%BC%E7%9B%B8%E7%9C%8B-e3815474

一拎起個盒已經俾佢靚到嚇親，黑色嘅鐵盒好高貴，仲有金句添，之後個盒仲可唔可以用做首飾箱。月餅細細個，所以食落唔會覺得好肥膩。但係奶黃味十分充足，真係未食過咁好味嘅奶黃月餅。如果用焗爐整熱中間仲有少少流心添。下年想試埋抹茶味！