朝

营业中

休息中

喵～琴日夜媽媽，喵喵同朋友仔去咗間好有feel嘅居酒屋「朝」，嘆返杯燒酌，食返啲串燒，真係人生一大樂事呀！間舖頭裝修好有日本風味，昏暗嘅燈光，木質嘅枱櫈，牆上仲有個大大嘅月亮裝飾，真係好有氣氛！食物方面都唔錯，款式都幾多，價錢都算合理，啱晒同朋友happy hour！ᗦ↞◃ ….….. ᗦ↞◃ ….….. ᗦ↞◃ ……… ᗦ↞◃ ………✨1) 芒果蟹籽沙律「啲芒果好甜呀！」食第一啖佢兩個已經異口同聲咁講。配上清新爽口嘅沙律菜真係好開胃！上面仲有啲蟹籽，增加口感，令成個沙律更加豐富！✨2) 朝邪惡玉子燒🍳玉子燒煎得金黃嫩滑，入口即溶，蛋香十足！上面仲有啲蟹籽，增添鹹香，真係邪惡得嚟又好味！✨3) 西京銀鱈魚🐟銀鱈魚燒得啱啱好，外皮香脆，魚肉鮮嫩多汁，入口即化！配上酸酸甜甜嘅西京燒汁，更加係錦上添花！✨4) 燒辣味墨魚咀🦑🌶️墨魚咀燒得香噴噴，口感煙韌彈牙，帶有微微嘅辣味，好惹味！係喵女最愛✨5) 冷鳥冬🐔❄️冷鳥冬嘅口感好特別，煙韌彈牙，帶有少少嚼勁，味道清淡，好啱送酒！✨6) 日本芝士年糕🧀🍡熱辣辣嘅芝士年糕，外脆內軟，拉絲嘅芝士香濃可口，真係好邪惡！✨7) 熊本牛肉串🐮🍢牛肉串燒得啱啱好

之前食過覺得好好食，而且環境好舒適，今次朋友生日，就同佢一齊嚟食餐餐好嘅⭐️唐揚魷魚鬚炸到恰到好處，卜卜脆嘅口感，加上沙律醬，係一個絕配⭐️朝邪惡玉子燒蛋味濃郁，中間加咗啲芝士，配上魚子，香滑可口⭐️青椒仔味道控制到好好，唔算特別辣，但係佢嘅香味就出晒嚟⭐️秋葵爽口香滑，值得一試⭐️車厘茄鮮甜多汁，咬落去啲汁爆曬出嚟，非常Juicy⭐️燒辣味墨魚咀最有驚喜嘅就係呢一樣嘢食，辣嘅味道完全將墨魚鮮味突顯咗出嚟⭐️大蔥雞肉串肉質彈牙，但我都比較鍾意佢嘅大蔥，好香⭐️西京銀鱈魚肉質嫩滑，食材經過精挑細選，非常新鮮⭐️日本番薯上面噴咗啲cream，整體嚟講好有心思，而味道上，甜甜地嘅味道，加上一啲cream，甜而不膩⭐️甜品拼盤 拼盤一共有三樣嘢食，分別係紅豆湯、千層蛋糕同白米雪糕，咁多人入面我最鍾意白米雪糕，雪糕入面夾雜咗一啲米粒，食落去有煙煙韌韌嘅感覺，口感好特別⭐️富士山柚子梳打 & 蘋果梳打蘋果同埋柚子味都好香，絕佳嘅配搭

餐廳佈滿日式懷舊海報配合舒適嘅燈光🏮除左紙本menu仲有黑板上嘅串燒都可以點依家9點前後都有8折/6折！日本果酒 $58仲有其他sake/gin/美酒等等揀左柚子同蜜桃一樣都係咁fresh豆腐蕃茄沙律 $68胡麻醬配新鮮蔬菜同蕃茄十分開胃慢煮廣島蠔配法包 $128十分飽滿蠔肉配香脆法包食落好香明太子雞肉棒 $52邪惡雞肉棒 $52免治雞肉加雞軟骨配芝士同明太子都好食香葱牛肉卷 $45香味十足唔油膩炸雞皮餃子 $68雞翼皮包覆住餡料食落幾煙韌芒果炸蝦卷 $88鮮甜芒果加上炸蝦天婦羅帶黎一種清新口感明太子玉子燒 $108甜甜嘅玉子蛋配明太子鹹甜組合一啲都唔老牛油燒蟶子 $58爽口得黎醬汁都好好味燒明太子蓮藕 $58爽脆蓮藕燒得幾香而且帶少少辣

同朋友食飯想搵間坐得舒服，又可以吹水嘅地方，依間串燒小店好合適！選擇好多元化，首先叫左三點刺身盛 ($198)，有牡丹蝦、三文魚、同油甘魚，食落幾新鮮，尤其係牡丹蝦嗰種嘅鮮甜味同蝦嘅香味好出螢光魷魚（$38），好難喺香港會搵到，竟然呢度有，食落柔軟鮮甜燒明太子 （$68），鹹香味濃嘅明太子表面輕輕燒焦食落有層次感，配青瓜可以中和鹹味大蔥雞肉串($42)，雞肉配上燒過嘅香蔥。兩者一齊食嘅時候既食到大蔥嘅香氣又食到鮮嫩嘅雞肉豚腩串 ($38)，油脂味豐富嘅豚肉，經過燒烤表面脆脆地食落油香味好重鹽燒油甘魚鮫($128)，外皮煎得香脆， 配上檸檬汁或者柚子豉油，酸酸地好夾。而入面魚肉唔會太乾身，魚肉好鮮嫩熊本牛肉串($52)，調味豐富嘅牛肉，牛肉食落嫩滑得黎味道又濃郁山芋($48)，用左牛油黎燒香，食落好香好爽口飲品選擇都好多，試左日本柚子果酒($58)！淡淡嘅柚子味清香，飲落幾舒服整體黎講依間質素幾高

位於太子嘅朝ASA, 食物質素幾高😍 食完好有記憶點嘅一間居酒屋！五點刺身盛，有牡丹蝦、帶子、海膽等刺身，部份刺身由廚師安排，好新鮮，每款刺身啱啱好有兩件，啱晒二人食😋岩手県赤崎生蠔🦪喺餐牌上見到有生蠔😍忍唔住點咗隻，超級大隻，好似我手掌咁大，一啖都食唔晒😆好鮮甜肥美！清酒煮蜆，擺盤得好精緻👍🏻排到好似一朵花咁🌺蜆肉亦都好肥美厚大，yummy!牛舌，好有驚喜，第一啖感到好驚艷🤩食落非常彈牙，牛味亦都好濃郁，質素好高👏🏻雞頸肉，比較少有嘅部位串燒,每次見到都會必嗌，食落爽口，亦都帶有油脂，好食～

🖤環境偏昏暗格調風格🩶氣氛寫意舒適😌食物種類都幾多，有限量供應款式🤩亦有料理長推介👍🏻串燒、料理即叫即燒🔥即上臺 入口仲係熱辣辣😋保留最佳口味😚🫶🏻🫛枝豆加左黑胡椒起面調味，佐酒必備🥢自家製醬汁鵝肝燒豆腐大力推薦，整體口感幾好，自家醬汁好香口好夾鵝肝，鵝肝香而細膩，燒豆腐外皮微脆內軟🍢燒豆腐大大舊熱辣辣，外脆內軟，用香蔥醬汁調配香口好味🍢銀杏烤至微黃配上一點鹽花，甘香軟綿🍢炸雞皮餃子雞皮炸至微脆，面頭有沙律醬、蟹籽，食落味道豐富又夠juicy🍢鹽燒白鰻串兩面烤至微焦，鹽燒出黎微微彈牙又夠咸香🥢西京銀鱈魚肉質嫰滑帶點甘甜，配埋檸檬沙律醬別有風味🍢月見雞肉棒月見蛋香濃郁，雞肉棒沾月見一齊食香口美味🍢明太子雞肉棒明太子咸香得黎帶點微辣，配上雞肉鮮味濃郁🍙明太子燒飯團飯團外烤至微焦帶點嚼勁，食落口仲保持溫熱🍜冷烏冬烏冬口感順滑彈牙，配埋冰涼既醬汁食落清爽不膩🍺日本果酒 （青森蘋果）好香蘋果味，容易入口似果汁汽水🍹富士山柚子梳打酸酸甜甜，清新解膩

經開太子，都會去下朝Asa呢間性價比居酒屋食嘢。佢哋宵夜時段認真抵食。黑色主調裝修，襯返黑夜同星月主題。而且食物選擇亦都多。今晚邊飲住熱玄米茶，邊揀心水嘢食。螢光魷魚飽滿，口感爽脆，鮮甜且略有海水味。漬物拼盤：牛蒡漬/ 龍蝦沙律牛蒡含有豐富纖維和維生素，浸漬在醬油中的牛蒡淡淡的醬油香，健康又味美；龍蝦沙律啖啖龍蝦肉，仲有卜卜脆蟹籽，咬落去更有口感。赤背刺身味帶鮮甜，最喜歡佢硬硬地爽口有咬口嘅口感，清新特別。岩手縣赤崎生蠔生蠔體型足有手掌大，蠔肉大而且非常爽口，帶子位甜，非常好味。西京銀鱈魚重油份嘅銀鱈魚配呢種味道偏甜嘅西京白味噌最夾。甜甜地鹹鹹地，帶出海鮮甜味。明太子燒飯團燒得香脆嘅飯團，上面擠滿明太子醬，夾埋紫菜一齊食，香脆好味。串燒雞腎雞腎唔會燒得太乾，又有燒烤香味。月見雞肉棒每次嚟都一定會點呢個雞肉棒。食材用料十足，免治雞肉同雞軟骨比例剛剛好。食落有脆脆口感。微甜嘅燒汁，點埋月見蛋黃汁一齊食，滋味無窮。

<炸雞皮餃子🥟 $68>必點‼️呢個炸雞皮餃子真係好有驚喜 咬落去外脆內軟 雞皮嘅香脆同餃子嘅餡料原來可以咁夾 表面仲有沙律醬 真係好好味🥰<唐揚魷魚鬚🦑 $58>唐揚魷魚鬚炸得好好 外皮好脆 魷魚好彈口 炸粉仲加左紫菜 令成個味道更加豐富 份量都好多 我鍾意點埋啲沙律醬一齊食🤤
<芒果炸蝦卷 🍤$88>原來炸蝦同芒果都幾夾 成件事好清爽 我覺得佢哋嘅炸嘢都整得好出色 炸蝦好香脆 淋上咗沙律同明太子醬 一啖落去真係好滿足🥹
<和牛湯烏冬🍜 $128>個和牛嘅油花分佈均勻 肉質鮮嫩多汁 配上幼烏冬 口感彈牙 份量唔算好多 但係食咗咁多嘢之後加埋呢個主食就啱啱好🥰
<串燒類 🍖>
- 熊本牛肉串 $52 必點‼️ 有入口即溶嘅感覺 調味都啱啱好🥰- 月見雞肉棒 $48必點‼️雞肉好鮮嫩 點埋佢醬汁好正🤤- 阿波美雞翼 $32 燒得啱啱好 即使燒咗雞肉都好鮮嫩多汁🥹
- 豚腩串 $38唔會好肥嘅燒腩肉 有咬口 送酒啱啱好🙈<蜜桃日本果酒🍑 $58>呢杯好啱女仔飲 蜜桃嘅味道好香 酒味都唔會好濃 飲落去好

🥣蜜柑鯛刺身🥣：💰$128味道清甜，完全唔腥，有種淡淡柑香，肉質通透，魚皮爽脆，一試難忘🥹🥣海膽🥣：💰$148海膽幾塊大塊海膽肉，好鮮甜，夾埋紫菜同青瓜一齊食，清新減膩。🥣炸雞皮餃子🥣：💰$68雞皮外層香脆，整體唔太肥膩，肉餡有軟骨有咬口，肉汁爆棚。🥣芒果炸蝦卷🥣：💰$88配上新鮮芒果肉，又多蟹子，炸蝦肉彈牙。🥣牛油燒蟶子🥣：💰$58隻調味夠惹味，少少辣，蟶子肉鮮甜且爽口。🥣雞卷🥣：💰$52串橙色係明太子醬，濃味夠辛，雞卷有多軟骨口感，黃色係芝士醬，車打芝士濃，真係幾邪惡。🥣燒豆腐🥣：💰$32豆腐炸皮好脆，豆香濃郁，仲有芝麻香。🍢鹽燒白鰻串🍢💰$68香鰻厚肉實淨，外皮少少焦香，香茅味香濃。🍢蔥激獅子狗🍢：💰$58入口即爆芝士漿，大蔥夾係中間，秘制醬都幾辣，好惹味。🍢豚肉紫蘇卷🍢：💰$48，一片豚肉包住，外層煎香，肉味濃，而紫蘇豐富整體味覺，平衡油膩感。🍹日本果酒過高知柚子🍹：💰$58呢隻果酒有少少汽，淡淡柚子味突出，酒味唔濃幾易入口。🥤富士山柚子梳打🥤：💰$58梳打係枝裝，柚子味濃郁，味道好清甜。

適逢朋友生日想搵間居酒屋舒舒服服 揀咗呢間太子居酒屋 坐低吹水慶祝🏮 海膽帆立貝海苔包 鮮甜海鮮x脆卜卜紫菜x鹹香蟹籽 我最愛嘅海鮮組合🥰邪惡玉子燒煎得恰到好處 蛋香味濃郁又有拉絲芝士 滿滿嘅芝士真係好邪惡🧀 鹽燒吞拿魚下顎 吞拿魚刁鑽部位 識食梗係食油脂成份高嘅下巴 最適合燒😎鹽燒白鰻串亦都係每次食串燒必嗌 白鰻肉質爽口彈牙 魚皮鹽燒至皮脆金黃🤌🐓 串燒方面叫咗月見雞肉棒 明太子雞肉棒 雞頸肉 特別係第一次試汁燒雞心頂 雞心頂其實係雞心上方血管部分 汁燒做法去羶肉質亦軟嫩 有驚喜！明太子燒飯團表面煎到香脆 鹹香明太子增添鮮味🍙最後點少得甜品 叫咗個北海道千層蛋糕 每層都抹上忌廉分隔 口感綿密 仲可以插上 happy birthday 牌同朋友慶生🍰想小酌兩杯都有好多選擇 我哋就揀咗高知柚子同青森蘋果兩款日本果酒 甜甜地好啱女士 💃🏻

太子大南街一帶 餃子地道吃店居多 嗰度隱藏一間高質居酒屋🍢🍶 今晚約同學敘舊 去食優質日本料理-🧀唐揚一口辣芝士先嚟一round冷/熱前菜😉 香口小食之中 呢個較有特色 少辣惹味-🥗沖繩苦瓜沙律年紀大咗 鍾意食苦瓜😅 最like沖繩出品 炒豬肉抑或涼拌做沙律 嗰種淡苦澀味 我都咁受落☺️-🦪岩守縣赤崎生蠔將肥美生蠔啜入口 有海水鹹鮮味 又感受到甜美肉質 九點後入座 食嘢有六折 咁咪仲抵😈-🍊啜啜啫喱柚子酒酒精飲品🍾選擇相當多 啜啜啫喱酒最啱女仔飲 酒精度低 入口清爽 啫喱令整體味道更fruity更討好-🧂鹽燒吞拿魚下顎呢個部位比想像中多肉 亦係全條魚脂肪最多嘅地方 魚肉嫩滑 油脂豐腴 正‼️

近太子的大南街有間十分熱鬧的居酒屋～朝Asa。店內擺設有小妹熟悉的動漫海報，亦有各種酒瓶裝飾，只是一個簡單平凡的星期三晚，朝Asa依然高朋滿座，每枱每人手握啤酒或清酒，與朋友、同事、伴侶聊聊天、吹吹水，共度美好時光！小妹也攜同男朋友一同到訪Asa，他一杯威士忌梅酒，她一杯青森蘋果酒，各有各品嚐，邊感受店內熱鬧氣氛邊落柯打，不經不覺點了「十二道風味」：1️⃣ 吞拿魚腦天：刺身肥美鮮甜，凍冰冰2️⃣ 炸雞皮餃子：外皮脆肉嫩多汁，再搭配青瓜絲、蟹籽、沙律醬，自己整蟹籽沙律🤭3️⃣ 芒果炸蝦卷：咬落勁脆卜卜、芒果甜美4️⃣ 燒豆腐：外皮燒得香脆，內裡軟綿綿，燒肉汁蔥花，咸咸甜甜5️⃣ 燒白鰻串：魚皮又脆又煙韌6️⃣ 月見雞肉棒7️⃣ 明太子雞肉棒：雞肉棒含軟骨，食落有口感月見甜甜地、明太子咸咸地8️⃣ 清酒煮蜆：蜆肉大粒、鮮甜，因蜆肉鮮味出晒令清酒湯好好飲9️⃣ 香蔥牛肉卷：爆蔥牛肉卷吖，下次喺屋企試吓整先🤭🔟 蔥激獅子狗：芝士狗配白蔥段🔟1️⃣ 燒明太子飯團：有啲飯落肚暖胃啲🔟2️⃣ 豚肉紫蘇卷：豬肉燒得又脆又有紫蘇香飲飽吃醉後，他與她手牽手，甜甜蜜蜜地慢步回家，天氣漸凍，慢步期間特別覺得溫暖，因為身邊有著彼此❤️

鹽燒安格斯肉眼扒(168hkd) 肉質軟腍，椒鹽黑椒提味更香，可以加少少山葵、炸蒜、檸檬汁會更有層次，肥膏部份入口即溶，爽！牛舌(98hkd) 好爽脆，有牛味，尤其邊角位置更加焦香，配上醬汁，酸酸甜甜，配酒必點👍🏻豚肉湯烏冬(88hkd) 清湯清而不淡，豚肉的調味簡單，食到肉味，烏冬是稻庭烏冬，冬天來一碗熱騰騰的湯麵🍜感到幸福🙂‍↕️三文魚(58hkd) 非常肥美，件件厚切，有三四件，性價比高帶子(88hkd) 帶子夾雜檸檬片，梅花間竹，清新的酸味，好解膩牡丹蝦(78hkd)鮮味清甜，刺身必點，大滿足明太子玉子燒(108hkd) 層次分明，蛋仍然保持到嫩滑，有蛋香，微微回甜，食到中間居然有少少流心蛋漿，覺得好驚喜🫣Highball無落糖，淡淡酒味，微微苦澀，味道純粹梅酒Whisky先酸後回甜，好開胃清新，個比例恰到好處，好推薦嘗試🫶🏻🥃#foodiblum日式

❤︎海膽帆立貝海苔包甘香海膽遇上鮮甜帆立貝，雙劍合璧嘅海鮮組合令人非常滿足，炙燒過嘅帶子表面仲帶焦香，肉質飽滿又嫩口💦︎❤︎芒果炸蝦卷炸蝦夠曬酥脆，同甜美芒果交織，口感同鮮味都好豐富，表面淋上特調沙拉醬，餐點用黎打頭陣都幾開胃🤤❤︎牛舌食材選取質素高，肉心粉嫩粉嫩，即使燒完都係保留到肉汁✨❤︎鹽燒安格斯肉眼扒以簡單嘅鹽作為基本調味，蒜片香蔥配搭作昇華，肉扒熟度掌握恰當，彈性同油香都能夠完整呈現🥩❤︎雪女神 純米大吟釀雪女神純米大吟釀係一款高品質的日本清酒，以其細膩風味同優雅香氣聞名，入口好柔滑，想小酌兩杯不妨一試🍶

🍽️朝Asa 居酒屋📍太子大南街39號地舖喺太子想搵間高級的居酒屋同閨蜜嘆吓，，諗起之前食過一次的以月亮為主題、環境雅致有格調的「朝Asa」，就一於去encore，今晚印象最深刻的有以下美食：～鹽燒虎蝦燒的時間剛剛好，肉質細膩彈牙，鮮甜香口，蝦膏香口又甜，亦能感受到廚師的用心烹調，高水準😍～鹽燒油甘魚鮫外皮煎得很香脆，內裡鮮嫩多汁，搭配少許醬油和蘿蔔泥，已經非常好味，味道鮮美🍣🐟～鹽燒白鰻串外皮烤得金黃酥脆，內裡肉質鮮嫩多汁，鹽味恰到好處，提升了白鰻的鮮美，我哋加咗少許青檸汁，味道更加清爽，鍾意食鰻魚的一定會讚口不絕🍢🍋😋～牛舌口感爽滑有嚼勁，帶濃郁的牛舌香味😬～岩手縣赤崎生蠔🦪超級大隻肥美可口，一入口就知道係優質之選，非常新鮮美味，再加咗少少蔥同檸檬汁等，真係令我哋回味無窮🥰～牛油燒蟶子師傅燒得啱啱好，蟶子能保持嫰口而不過熟，烹調技術真一流，口感非常好😍整體嚟講，這間居酒屋有日本feel，食材新鮮，坐得舒服，加上優質的服務，絕對值得一試 💯