木津 (已結業)

呢間餐廳令我特別登入翻幾年前login左既openrice,寫人生第一篇食評叫左個三色魚生飯 諗住都正常啦，有三文魚，帶子，甜蝦 個樣上到黎都好正常好ok既 但一食就出事了。。。。隻甜蝦係100%係果d批發行度買翻黎解凍 雪味重到 三文魚同帶子食落望落都正常既 但我唔會話新鮮好食 而因為甜蝦，佢既來源係邊我已經唔解想像 雖然佢刺身份量的確比一般多d 但。。。下圖係走既時候既相 已經放唔到入口了 我同朋友加埋只係食左兩成 嗯，不了

都有一段時間冇在旺角搵食，今次搵左依間日本菜。門面已經好有日本feel，入到去仲有棟櫻花樹，打卡之選。見串燒選擇較多，所以點左串燒，同烏冬，罕有地今次就唔點魚生飯。👨‍🍳👩‍🍳食物質素：🍜照燒雞扒豬骨湯烏冬$88雞扒同烏冬分開上，咁雞扒唔會比湯浸淋左，唔算嚡口，汁調較得幾好，甜甜地，烏冬煙韌，分量剛好。湯底麻油味同豬骨湯重，有栗米做配菜。另外，仲有個前菜，開胃。凍蕎麥麵$78碗內仲有幾粒冰，保持凍度。麵質彈牙，分量多，配合埋冷麵汁，人都即時降溫。🍢串燒系列，牛舌$38，雞皮$18，一口牛粒$48牛舌最喜愛，配合芥末醬，唔溜而且啖啖肉。雞皮同一口牛燒得香口，送酒一流。🐟燒三文魚頭$68，魚油好強勁，不止香，魚質滑。🛋️🛋️環境：日本feel，有sofa位，都有長枱，方便唔同食客👦👧適合人數：2-4人🥰😍Souffle 舒服指數：3.5/5

我地四個人去食，諗住半價試吓啦，話晒佢係呢個旺區都開左幾耐諗住試吓串燒。。。。叫左燒生蠔，帶子，鰻魚，牛舌，雞皮，大蝦，雞泡魚乾，魷魚筒。。。。。總結黎講又細又少，味道一般，最好食得雞泡魚刺身試晒油甘魚，三文，金目鯛，帶子，呑拿魚。。。。全部勁梅好吾新鮮。。。。第一次見呑拿魚可以一忽油脂都無，食完好似食💩仲叫左刺身丼，刺身同上quality。。。飯都難食到爆，吾係珍珠米仲要吾痴好似隔夜飯，仲要鬆散定食和牛定食我淨食到份燶味，送沙津，湯同前菜，但仲衰過百佳買飯食，收成238仲有叫左個雞串定食但我無試吾評論成張單總共1265，半價都咁嘅價錢，仲要好難食，嬲到要我第一次打劣評，叫大家咪中伏

在旺角這個轉彎位置，一直有一間餐廳，我經過見到這餐廳裝修很有特色，入面有櫻花樹，以木色系為主，感覺很自由，也讓我感覺自己身在日本的~~晚上見人在這裏談天說地， 沒有壓力地與好友聚會，一直也很希望可以進去品嚐一下。這天來到這裏，在門口看了一會兒決定進去。 裝飾吸引了我的眼睛， 餐牌上的食物也讓我心動無比。 我點了燒秋葵，可樂牛串燒， 一個鰻魚定食， 還有一個三文魚丼飯。 期待期待~ 三文魚丼飯到， 厚厚的一片片三文魚已經令我無比的興奮， 三文魚都鋪滿了珍珠飯面。 新鮮鮮味嘅三文魚令我味蕾充滿鮮味。 大家可以想像其實是三文魚刺身放在白飯上面， 沒有偷工減料的三文魚丼飯令我興奮。之後來了燒秋葵和 可樂牛串燒， 燒秋葵的醬汁非常好， 唔似一般的燒汁， 汁中大少少辣味， 這個醬汁能夠帶起原本沒有味道的秋葵。可樂牛串燒意想不到的7成熟， 外面燒得似煎牛扒的功力，但把肉汁鎖在裏面， 讓牛肉的味道沒有走失。串燒是送酒一流的食品， 非常適合在這裏談天說地的朋友。最後鰻魚定食， 原條燒鰻魚， 這個真的不能不推介，因為鰻魚處理得很好，沒有過份烤燶的味道， 連皮食也沒有魚腥的味道。 鰻魚汁沒有過量，

呢間餐廳個名其實見過好多次，每一次經過黑布街都會見到佢，不過就冇入去試過。今次佢係因為係OpenRice度見到佢做緊七五折，所以決定去試吓，睇過下啲相都覺得應該唔會太差。訂左晚上六點半，入到去淨係得我地一張枱，其實坐到去埋單都係得我地一張，全晚包場感覺已經贏咗。(當然餐廳就唔希望得一張枱嘅客) 入面嘅裝修都幾特別，好多位置都做得好detail ，其實都見到個老闆好用心。餐前小食，送既。阿辣妹近排長期四出獵蜆，實行要滅蜆行動。今日都唔例外，好彩啲蜆新鮮，湯都好飲，配料亦多。睇落去似蒸蛋，其實係凍豆腐，豆味都幾濃烈，質感比較硬身嘅豆腐，好食。平時是點蟹子沙律基本上兩個人每人食少少已經冇晒，呢一個就好唔同啦，真係大大兜，食極都仲有，同埋啲料都好足。活魚刺身全部都新鮮，不過以居酒屋嚟㗎係師傅嘅刀工仲爭小小，所以感覺上會比較遜色。全消方面味道唔錯，不過好似有一兩串比較乾身，不過唔記得係咩，只記得牛脷唔錯。叫咗個炸豬扒烏冬，基本上冇食過，全部比叉燒妹消滅晒。炸雞係最後加嘅，點樣都唔夠日本啲炸雞好食。鰻魚飯又係一啖都冇食過，俾肥仔消滅左。我哋今晚兩大兩細，叫咗好多嘢食，叫咗兩支720mL sake，

早幾日同朋友去波鞋街行街買野，行行下行到嚟呢間~係中旅社後面街~木津見佢門口貼住新店同行朋友就話，不如試下係度開飯啦入到去餐廳中間有棵大樹，仲有櫻花好靚，牆邊sofa位有一排白華木，環境清休好似去左樹林食飯甘樣野食方面我地叫左炸雞+原隻大魷魚食落好穌脆入面仲有Juice，個醬唔錯幾串串燒都燒得幾香唔錯喎！另外，朋友勁鍾意個焗芝士大啡菇佢食完一份即刻叫多一份我地仲叫左一枝純米大吟釀sake,2個女仔慢慢嘆

lunch時間一個人係旺角搵野食 經過亞皆老街 有間餐廳裝修望落幾特別 入到去 成間鋪用木做主題 有棵櫻花樹係正中間 食左個日式牛扒定食 第一眼個賣相幾好 食落都唔錯 幾高質 埋單120蚊 抵食 可能新開 同埋我2點幾食 過左lunch時間 無乜人 感覺可以慢慢食 好似脫離左旺角咁急速既節奏 感覺幾好 會返食

今日喺旺角收工同老婆去食飯經過黑布街 無意中見到一間 全木 裝修嘅日式居酒屋。。。喺門口睇睇個價錢之後入咗去食飯， 入到去嘅時候真係畀個裝修嚇親， 在餐廳中間有一個好大棵樹 好靚 ，一開頭以為會好貴環境氣氛我立刻比9.34分， 我睇完個menu之後嗌咗一啲小食兩公婆飲多少少清酒，叫左 焗啡菇( 泡菜醬茄芝士 焗)， 第一次食都覺得好好食味道比較重少少叫左魷魚鬚就配蛋黃醬我原先見到佢有得叫生蠔， 但老婆唔食生最終叫咗兩個焗蠔。 只好睇得出都係好新鮮脹卜卜我仲叫咗幾個串燒食串燒鰻魚 串燒 帶子串燒雞軟骨上菜速度都算ok 野食質素都算係唔錯下次會約啲朋友過嚟食下生蠔

今日同女朋友經過旺角 有間日本居酒屋 岩岩新開張 裝修好特別 全間店都係木做主題 中間長枱仲放左棵櫻花樹 應該好多女仔都會鐘意 環境坐得好舒服 唔算好逼 餐廳侍應都好好禮貌 講番d野食 我地叫左2個主食 一個鯖魚定食 條魚燒得好香 個湯略微有dd太濃 仲配左小小漬物 酸味味 好開胃女朋友叫左個海膽三文魚籽丼同幾款刺身 海膽問左侍應 係馬糞海膽 都幾鮮甜 如果份量再多小小就無得頂其他幾款刺身都好新鮮 同放題果d刺身完全無得比 仲叫多左個小食同串燒串燒不過不失 燒得好香 配埋sake 可以約埋35知己吹水 薯條食得多 但原來番薯條加埋佢地自己調既蒜味沙律醬 好特別 同女朋友2個total食左$560 而家新開張有8折 價錢唔算太貴 有小食 串燒 刺身 主食 已經算係甘 野食質數已經超出過預期 比想像中好 雖一有d唔方便 廁所要行出去店外(要問店員拎鎖匙）

約左朋友係旺角行街， 行行下想搵個地方食飯。 原本諗住去MOKO度搵食，點知行行下見到一間居酒屋又唔算太多人又見佢新開就膽粗粗試吓！ 一入到就就見到有一棵貌似櫻花樹係中央，氣氛相當唔錯見到有幾台人都叫蠔，侍應話今日返左法國水中花 。 就叫左半打試 ，原來仲有兩杯白酒或清酒包。 原本食蠔連檸檬汁都唔落既我，試左佢個cocktail sauce都覺得有驚喜！ 值得一試食完蠔就試下佢d刺身同串燒， 刺身係自選既， 我地每樣都點d試吓！ 海膽、牡丹蝦、三文魚子、油甘魚、吞拿魚、帶子等.........全部都好新鮮個可樂牛肉都值得一試... 食食下就忍唔住叫左支清酒飲！ 飲下食下唔覺唔覺就十點幾。環境幾好適合三五知已摸下杯底傾吓計。但呢間舖只係收Cash ， 叫酒飲的人就要留意下 ！