木船泰國粉麵專門店 (已結業)

今日初嚐佢呢個生牛肉湯河就墮入愛河，佢個湯底好出色，都幾獨特，甜度同鹹度都岩岩好，係我試過覺得都好吸引嘅泰國風味湯底。同埋佢個湯嘅溫度拿捏得好好，令到啲生牛肉片真係做到半生熟個種口感，唔會熟曬而搞到佢無曬味。另外啲河粉都唔會好快朔晒啲湯，我平時食野都好慢所以好驚啲河粉因為啲湯發脹，但我食到最後啲河粉都係好似一開頭咁相差無幾。以呢個水準黎講午市堂食個價錢都真係幾實惠，下次都會想繼續食或者試下其他🥰

太和站行過嚟其實算近同易搵...餐廳內環境其實乾淨舒適，無得堂食有點可惜。外賣返屋企享用，整體性價比高😋👍🏼最後同家人一齊分享，先介紹下前菜同湯先...兩個湯都正，睇落極普通嘅魚丸雞湯竟然有驚喜，比想像中好飲，無咩味精，仲覺得幾香甜。而冬蔭湯都好足料好濃味，但個人認為過辣同偏咸。而前菜方面，係無骨鳳爪，魚餅同碎蛋。幾得意同特別嘅組合，無諗過會配碎蛋😂但魚餅同鳳爪好好食！另外飲品方面Thai Tea同咸檸7都好正阿！特別宜家天氣好岩飲咸檸7，生津解渴！海南雞飯好食😋雞件大件又夠滑！好新鮮既感覺！油飯偏硬但夠香口！燒豚肉飯個豚肉睇落好似焦燶咗啲，但食落都幾香脆有肉味，幾好！上面配菜都配得出色！提昇香味！辣椒膏豬頸肉炒飯都幾好食呀！炒得香口配料足夠！飯粒分明！

本身住呢度附近都想發掘一下美食呢間裝修有心思，好色彩繽紛以木做主題都係第一次見，牆上不同顏色的木板，再加上黃燈燈膽🧡好想坐低慢慢食，不過今次係買外賣～唯有下次！鰻魚配上特製嘅汁，豐厚味濃，甜甜地，驚喜！而且真係貨真價實 ，一試難忘，估唔到返到屋企都咁好味啊湯就揀咗冬陰功湯，返到去都仲好熱，裏面有泰式香料同埋菇，酸甜辣，飲完好惹味😈唔洗加錢㗎，真係好抵又多料！仲有個必定要食既，什錦海鮮蝦醬炒飯，估唔到呢個價錢有咁多海鮮，蝦爽滑彈牙，而且加埋蝦醬，炒埋一齊真係好香濃撲鼻，真係一定要試下！一啖啖不停咁食，正🤣以下係套餐可以加點嘅配菜～炸雞翼好貼心係單骨，再加埋呢個甜酸醬，酸中帶甜，少少辣，好夾呀！仲有炸魚餅，味道夠出又好滋味！跟餐嘅嘢飲選擇都好多，可以奶茶柚子蜜薑蜜咖啡等等，一定有杯你鍾意！

疫情之下冇得堂食但係都唔會阻止到我想食美食嘅心！外賣都係即叫即整所以所有野食都熱辣辣呢間餐廳主打新派泰菜咁就試一試佢哋招牌啦✨試咗呢個招牌燒黑豚肉丼賣相好似日式燒肉丼，黑豚腩肉燒得香濃，而且個汁甜甜地，非常夾，肥瘦適中！再加上有青木瓜絲，爽口的感覺，令到個飯唔會膩！呢個都係重點推介❤️ 連店舖嘅小哥哥都話好好味！跟餐重要左其他小食，真係好抵呀一款$10兩款$18！湯就揀咗肉丸扎肉雞湯，跟餐唔洗加錢！泰式鳳爪(小食)鳳爪係冇骨㗎，食落好方便而且夠飽滿，酸甜開胃，有大量蔬菜搭配！另外仲試咗佢哋嘅歐陸美食西冷牛扒，裏面有滑蛋、午餐肉同埋腸仔，估唔到個份量都幾多仲跟埋一個麵包，係真係有烤過！食完之後真係好飽都另外加咗款小食試一試！佢哋嘅春卷，香脆的外表，有軟軟的內心，口感一齊又真係唔錯架奶茶（跟餐)，味道啱啱好唔會太甜或者太苦，奶味都夠出呀！另外柚子蜜都夠晒足料希望下次可以同朋友一齊開心食夜晚，外賣價錢好抵，加上服務又好一定要再約！

抗疫期間自己煮得多, 都食到口歪歪… 好想出去食下飯, 但都係stayhome穩陣D~ 所以就買外賣食算hahaha因為想食下D 濃味既野, 濃味既野就梗係食泰國野! 就揀左木船! 而家所有餐廳都自救緊, 疫情下都有唔少外賣既選擇~ 今次我就左個燒豚肉飯同埋冬蔭功金邊粉黎慰藉下我良久冇出去食既心! 兩個set 都配左有蛋沙律同魚餅! 正! 另外再打左單骨雞翼同埋鳳爪!呢餐真係慰藉到我咁耐冇出街食既心! 好掛住重口味既所有野食! 自己係地獄廚神又唔會整到個D 味出黎! 燒豚肉飯真係抵食夾大件…. 勁多豚肉…. 淨係食肉都夠飽… 配埋甜甜地既汁真係好夾…. 好想再食! 仲要驚你會食滯夾左D 青瓜絲等你食個陣個感覺清新D! 真係好有HEART!個冬蔭功金邊粉入面有勁多海鮮, 唔記得影張撈起黎睇既相添hahaha!冬蔭公夠哂野味! 正!!! 真係連湯都飲埋…. 蛋沙律同魚餅都估佢唔到咁正… 蛋沙律真係堅好食… 每食一啖就知又加左好多卡路里hahaha但真係堅正!單骨雞翼就夠哂脆, 單骨既好處就係唔怕會哂左D 肉hahaha!正! 鳳爪酸得黎帶辣, 夠哂開胃惹味! 食完呢次外賣之後已經諗定下次要

最近因為疫情，天時暑熱唔想煮嘢食嘅時候，喺餐廳外賣自取回家食都變成左大家嘅習慣。呢間泰國菜嘅外賣午餐都幾抵食，我哋今次叫咗三個餐回家食，我哋四個人都食得好飽好足夠。豚肉燒得好好味！好有泰式燒烤嘅感覺，好香口！以一份午餐來講肉嘅份量好多，啖啖肉好正！跟飯配嘅小食包括蛋沙律、中華沙律以及泰式魚餅，好豐富。另外仲加埋一個肉丸扎肉鮮雞湯，清清地都幾好。雞肉好多，唔會太油膩，感覺健康河粉幾滑，佢嘅湯底好似泰式船粉嗰啲有牛肉味的湯底，河粉連小小湯一齊食好夾牛肉好林好入味，肥瘦適中，啖啖肉！正！青咖喱加飯超好味！平時因為怕辣好少叫青咖喱，但係食落原來青咖喱感覺特別香，雖然有點辣但也一啖接一啖🤣我哋有跟餐餐飲，熱咖啡同埋熱薑蜜各加兩蚊，熱奶茶就唔使加錢。杯咖啡意料之外地香濃，好飲！薑蜜有埋薑絲在內，好夠味！奶茶都幾滑幾香濃。初頭以為佢嘅飲品都係普通餐飲，估唔到都質素幾高。我哋等外賣期間都見到呢間舖頭嘅客源源不絕，應該質素唔錯所以附近嘅人都經常光顧。的確佢哋嘅午餐都價錢合理又幾好味😊

伴隨幾個月的半隔離狀態，人人都練得一手廚藝。可是疫情反彈人人自危，再說街市也變得危險，出外買外賣變成日常習慣。距離大埔墟10分鐘路程的木船位置不太方便，但亦因此租金較平省下來的都可用於食物上。該區有數個大型屋苑，主要招呼本區區民。聽說晚市時間病毒會到處亂跑，只好外賣晚飯在家安心進食。如果想減低在街等候的時間，最好預先打電話點餐，普遍大部份受歡迎的餐廳備餐要20分鐘以上。晚市套餐約五十至七十元，跟鄰近餐廳價相若。三個晚餐放滿一桌，其中兩份是定食系列，另附一碗湯以及三色小食。即使價錢貴十數元也是物超所值，一頓晚餐竟有四道菜! 全部套餐均送熱飲。本來沒甚麼期望的冬陰功湯，極為濃香，爸爸笑說濃得可以用來撈飯了。香茅香氣撲鼻，酸辣取得平衡。而且真材實料內有大量菇菌車厘茄，加上椰汁實在是餐點之重。另一款是越式肉丸扎肉清湯，肉丸有鮮味有肉汁。湯倒是比較鹹，只吃肉丸扎肉也是不錯。本來想試招牌燒豚肉飯但不知什樣入機變成饅魚飯。鰻魚滑蛋飯得到家人的讚賞，以一間非日式餐廳的出品是一個驚喜。鰻魚焗得乾爽，魚皮沒有糊糊的並且帶有焦香。滑蛋蛋香非常濃郁，非茶記的油浸雞蛋。黃咖喱雞飯焗飯該是港式食品吧，看看那坨拉絲

見到呢間陸續有人排隊等外賣，所以今日特別想試吓。加上見到佢有個抗疫外賣超值餐，價錢介乎$50～$60就已經買到一個有湯有飲品嘅泰國食物。真心超值。我哋叫咗一個招牌燒豚肉飯，我鍾意佢夠多燒汁，最驚喜嘅係原來中間有個流心蛋，而且燒豚肉份量多 ，再加上有木瓜沙律配合，超級開胃，而且木瓜沙律非常好味 不愧為外賣王牌菜式。套餐餸一個湯我揀咗冬陰功湯，冬陰功夠多材料，辣到適中，夏天食泰國菜非常之合適。加$10有泰式奶茶，呢度嘅泰式奶茶夠香濃，而且唔會非常甜，超級怕非常甜嘅飲品，我同老公都覺得甜度適中。 非常推介。另外叫咗個黃咖喱牛腩飯，原來青咖喱比較辣，黃咖喱會冇咁辣，好彩有店員悉心講解，今次真係長知識。咖喱味道適中，配合白飯一流。牛腩夠’林’！同樣推介。今次飲龍眼冰都係加$10，非常有誠意，入邊好多龍眼肉。

今次見天氣好好，專登踩單車入去大埔食嘢，見到網上面都推介呢一間木船泰國嘢，所以就一於嚟試吓呢一間野好唔好食啦。雖然呢間舖頭外表好似細細地，但係佢嘅午餐真係好抵食，一般來講四五十蚊都已經有一個set，又有嘢飲，真係好平嘅。但係裏面其實都坐得好舒服，食泰國嘢最緊要就係個冷氣夠，都係真係幾夠冷氣嘅，位置都係幾大，所以呢兩個人坐四人位都好舒服。其實餐牌嘅款式都算好多，每一樣野都好想食㗎，但今日最想食嘅就係個海南雞飯， $68包埋兩份小食，椰青都係加$25 ，所以今次一於試吓呢一個椰青好唔好飲啦。結果個海南雞飯個套餐真係好大，雞係好黃好油好滑，係好好食嘅海南雞，個飯都好大碗㗎，係嗰啲黃姜飯，而小食有魚餅啦，蛋沙律啦，同埋春卷兩條，最估唔到嘅竟然仲有一碗冬陰公湯送😋個椰青都真係好好飲，好大個啲水好足夠，亦都好甜呢一個椰青真係好好飲呀。而我個friend就叫咗一個豚肉飯，成個感覺真係好好食呀，啲豚肉燒得好好味，醬汁亦都好豐富，配合埋個冬陰功湯亦都好好食。最後，我哋都係有加到一個小食，就係泰式鳳爪啦，個泰式鳳爪汁配合埋啲鳳爪好夾，泰式鳳爪都好淋，呢一個我都好推介大家食，都只係加$10咋好抵呀。

今日又嚟到大埔區搵朋友食lunch, 上次嚟嘅時候已經見到有間食船麵嘅餐廳，今日再經過，見到咁多人食緊，lunchset又大概只係$50-$80就有交易，就決定係你啦！餐牌上嘅選擇唔算太多，但已lunch 嚟講都包含哂各式泰國美食，有船麵、泰式豬手飯、冬蔭公、甚至焗飯都有，眼見鋪頭入面都好多街坊食飯，應該算係區內口碑唔錯呱午餐定食嚟講，本身都包咗一份小食同湯，仲有飲品，呢個價錢算係非常抵食！同行朋友就叫咗個招牌燒豚肉飯定食，一嚟到嘅時候個份量真係大到嚇咗一跳，冇諗過每份小食同都有成兩件咁多，跟餐嘅就有蛋沙律、魚餅同春卷，另外加咗一份單骨雞翼試下，冬蔭公湯都唔少呢，入邊有秀珍菇等等嘅材料，酸酸辣辣好刺激😛主菜嘅燒豚肉都好推薦㗎，每塊燒豚肉都好大塊，邊邊會燒到焦脆，食落口有陣好香嘅炭燒味，下邊仲有隻半熟嘅溫泉蛋，撈勻送飯一流我就叫咗個生牛肉船麵配金邊粉，湯底濃郁，金邊粉都爽口，記得要問店員拎辣椒粉調味架，加完落去真係惹味好多呀！天氣實在太熱，所以補咗錢轉椰青飲，超清甜😋

一直都有幫襯開木船， 由於疫情關係 ，政府要求六點後唔可以堂食，只好叫外賣啦！呢個簡單嘅外賣menu ，粉、麵、飯類都齊，應有盡有。叫咗兩個定食，再加錢要埋特色飲品 都係呢個價錢，真係抗疫價！！外賣包裝都非常企理乾淨， 絕對值得一讚！！串燒雞柳香葉肉碎大碗飯定食～ 香葉肉碎既香口又惹味 ，仲有蛋黃撈飯，夠曬香滑順喉！！食泰菜當然要飲埋冬陰功湯 ，酸酸辣辣嘅口味，真係非常開胃！！雞柳串燒仲要有兩串咁多而且雞柳係非常之厚，絕無欺場！！ 仲要燒到香口無比！！招牌燒豚肉飯定食～ 叫得做招牌菜嘅item，果然冇令我失望！！先有酸辣嘅青瓜沙律，之後就係一片片豚肉，每片亦都可以做到燶邊香口 ，而且搽滿咗濃厚嘅燒汁， 啲汁會慢慢地流入飯粒，令到白飯增添風味！加埋香滑蛋汁簡直完美！！肉丸扎肉煎雞湯～用料十足！！湯頭香甜又夠鮮味！！小食亦都唔馬虎，除咗炸物之外，令我更欣賞嘅就係蛋沙律！！夠營養之餘亦好味！！呢一餐真係令我非常滿意 ，一定會再次光顧！

推薦呢度既早餐款式比較多！除左平時食開既茶記早餐款式 又有泰式選擇 而且佢呢度有薑汁牛肉通粉！佢既泰式湯粉早餐有4款 麵底可揀河粉/米粉/金邊粉 而且套餐連泰式小食(春卷、魚餅、雞卷)各1件 對我黎講幾豐富😋加上價錢同份量都👌🏻唯獨係佢杯柚子蜜 每次叫都係好甜🙈我一定要再加水開淡！

疫情下食肆6點後都只做外賣，行過見呢間外賣好抵食，一個餐包括主食、小食、湯、飲品。幾十蚊可以喺疫情下滿足口癮，實在係抵！招牌燒豚肉飯好香泰式燒肉味，豚肉香而不膩，面頭有木瓜絲。個飯汁又係超惹味，敗筆竟然係個飯太淋，好在肉同飯汁可以救得番整體水準。另一個黃咖哩牛腩，椰香咖哩香，雖然牛腩略嫌有些少唔夠淋，但呢個價錢牛腩份量算多，咖哩汁又煮得靚，係超值的。冬蔭公湯超足料同椰香，肉丸扎肉鮮雞湯都唔錯！三色小食係中華沙律、蛋沙律、魚餅，蛋沙律同中華沙律又幾好味，跟餐有兩塊魚餅又幾抵食！泰式奶茶都幾正，夠哂冰凍同茶味，但我覺得甜左dd😝。整體黎講，價錢packing材料，抵食到震的。

放工想同同事去食泰國菜，諗反起之前食過太和有間唔錯既泰國餐廳，於是再次來臨，但去到先知餐廳轉形做泰式粉、麵、飯，同事話無咩所謂，於是入了去坐低，一打開Meau巳被一碗巨大雜錦所吸引，同事就想食燒黑豚肉飯，當揭到Meau最後一頁，原來仲有小食提供，價錢都好抵，十幾蚊就有一款，我同同事就加了泰皇單骨雞翼、泰式炸魚餅，而飲品就叫左凍龍眼冰同凍柚子蜜。巨大雜錦，好大碗，裡面有肉丸、魚蛋、牛丸、牛肉片、扎肉、雞絲，魚漂等，配埋金邊粉，份量足夠兩個人食，而且配料每款都有三粒，食完真的好飽。單骨雞翅，望落好似普普通通，咬落先知原來醃製過，少少辣辣地，感覺似泰式風味，至於炸魚餅，雖然係炸但咬落唔會乾增增。朋友的燒黑豚肉飯最後送上，香噴噴，望到都流哂口水，面頭有些白色一絲絲的東西，以為係薑絲，原來係青咖哩撈青木瓜絲，好醒胃，朋友急不及待要開動，佢話豚肉薄薄的，個醬汁配合得好好，加埋隻太陽洗心蛋，好Juicy 野味。整體黎講，價錢加上食物質素都算唔錯。

好耐冇食泰國嘢，決定要搵一晚食一食先。原來呢間木船做主打泰式粉麵飯，另外可以再加一啲小食，好適合如果自己一個又或者好趕時間嘅時候食。入到去環境都同個名一樣，真係有一隻船嘅裝修，啲位都好闊落好舒服。我呢一晚人唔多。店員推介我哋食燒豚肉飯，一黎到見到成個碗面全部都係豚肉。而且個肉味好香，肉食落都好多汁，好有燒肉嘅香味，但唔會好乾。啲肉下邊原來仲有隻流心蛋。撈埋啲飯食真係一流！唔怪之得係佢哋嘅招牌菜。令一個係冬陰功金邊粉配燒豬頸肉。豬頸肉好大份，而且煎得岩岩好，唔會太乾亦都好鎖住肉汁。冬陰功個湯底好好味，不過個人就覺得唔係太辣， 比較適合大眾口味。小食都有好多選擇，我哋叫咗個春卷、蝦餅同魚餅。一上到黎真係熱辣辣，新鮮炸好。春卷外脆內軟，口感一流。蝦餅同魚餅都好有蝦味同魚味。最重要係三樣嘢夾埋先至10幾蚊，好抵食呀！另一個小食叫咗芝士磨菇釀雞翼，呢個真係一流！芝士味好香連埋蘑菇塞入去隻雞翼度，一咬落去全部都係芝士嘅香味，而且啖啖肉，另外仲食到粒粒嘅蘑菇粒，口感非常豐富，呢個真係值得一試！嘢飲我哋本身叫咗一杯泰式奶茶同一杯泰式咖啡，不過可惜嗰晚賣晒咖啡，最後飲咗兩杯都係泰式奶茶。泰式奶茶比起出邊