札幌拉麵 Miso No.1 x 辛味屋

营业中

休息中

【黃大仙區】【札幌拉麵 Miso No.1 x 辛味屋】成日講親黃大仙區都係新蒲崗，呢個問題已經纏繞咗我幾年，今次難得有啲時間，我就喺鑽石山食，喺荷里活廣場起碼唔係新蒲崗吖嘛。不過我去嘅呢晚，呢個商場都幾多人，間間都滿座咁喎，又話生意差嘅，哈哈。呢間啱啱有枱客走咗，就畀我坐啦。呢度係用 QR Code 落單嘅，好啦，我就叫咗個 $95 嘅「自選一人套餐」，主食係「招牌牛油拉麵」，真係成粒牛油擺喺度㗎喎，所以都幾香，整體嚟講就一般啦，麵底同啲餸都唔係話特別好。配菜就食「吉列流心蛋豬肉餅」，睇就好睇，食就正常啦。食得套餐都好難唔跟嘢飲，我加 $15 要咗「熱情果梳打特飲」，都係正常而合情合理嘅操作，聰明嘅讀者們應該大概幻想到係乜嘢味。跟住我補多 $48 叫多碟「燒牛舌」，係薄切嘅，燒嘅感覺唔太濃，都係幾失望嘅一碟嚟。埋單 $174，我用錢瀟灑走一回咁啦。。。（地址：鑽石山龍蟠街3號荷里活廣場3樓325號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #del

燒鯖魚x豚肉便當🍱喺鑽石山荷里活商場食嘢，求其搵咗間日式嘢食，本身諗住食咖喱飯🍛後尾見到有呢啲便當幾吸引好多人食😋跟住隔離台order由於係下午茶嘅關係，所以份量比較輕盈，我覺得用下午茶去計嘅話份量係okay，但係如果當正餐就食唔飽🥲鯖魚燒得幾香，豚肉汁係甜甜地，兩樣嘢都幾好食，最後係唔夠白飯🤣因為太餸飯喇～間唔中食下都幾好，不過無飲品送得味噌湯🙂🔍鑽石山龍蟠街3號荷里活廣場3樓325號舖

今日即興去左附近吾駛排隊既店試試，點知又幾好味喎～1.黑豚拉面(嚟到d黑蒜味好香ar😆~拉面又淋又滑好好味，不過豚肉就吾太入味）2.炒魷魚鬚～ 呢個超爽脆好嫩， 送面食好d~就咁當餸剩食會有少少咸3.芝士鷄翼，俾個名吸引左， 可惜送到嚟好似幾熱氣同有d 油，但食落一口爆肉汁既感覺，同好鐘意啖啖肉，拆左骨既口感，不過芝士吾太多，同埋師父下次可以輕手d吾好炸咁燶就再好d la~欣賞師父既拆骨技術

某夜去完迪士尼好攰，但係其實樂園冇乜嘢好食係眾所周知，就同姊妹揸車嚟到呢一個荷里活廣場，貪佢有免費泊車，嚟到嘅時候已經九點，好彩仲有呢間拉麵店，醫好我哋又餓又攰嘅心靈我哋每人點咗一份拉麵，我點呢一個係赤豚肉拉麵。麵身質感彈滑，湯底濃郁，本身我係超喜歡食辣，所以就加咗好多辣粉小食都係非常出色，個炒魷魚鬚，個味道剛剛好香又有魷魚鬚味，唔太油，有時出邊食到啲炸魷魚鬚全部都係粉漿又油有冇魷魚味，炒魷魚就避免咗呢個問題個南瓜薯餅，淡淡都係南瓜味，炸到好脆口，燒牛舌燒到仲有少少牛油，好香牛味仲有呢度嘅咖喱飯都係好好食，啲咖喱汁又有好多，可能我哋太餓太攰，全部都食清光，食完剛剛好，佢就收工收10點，🤤臨走去仲有coupon送俾我哋，我哋下次都會再去

鑽石山蛋飯專門店 - 札幌拉面Miso No. 1 & 辛味屋之前拍拖送女朋友回家前行開荷理活禎場，大家都肚仔餓，呢個時候離遠都聞到香香既咖哩味，就忍唔住入呢間叫辛味屋既日式餐廳一試晚市時間餐廳都差唔多坐滿人，好彩取票後唔洗點等都可以入去餐廳環境算幾大，座位間隔算闊落，燈光充足，以木設計充滿日式風格簡單介紹一下我地叫左咩野食啦 :我地揀既係二人套餐 $235 兩個麵或飯再送三個定食，正餐方面 : 炸雞塊奄列咖啡室飯，咖哩汁調得好好味，唔太辣又甜甜地香香咁好開胃 !親子丼，蛋既比例都佔左碗既一半，無偷工減料既 !小食方面 : 自家製餃子，正正常常，4隻抵食！炸雞件，逼晒油脂出黎好香口 !炸魷魚鬚，柔軟既魷魚鬚經過油炸後，外焦裏嫩，愈食愈想食多幾條 ! 總括黎講係我地冇期待之下尼呢間餐廳食都算係帶來驚喜既，平民價錢食到有番咁上下質素既日式食物都滿意既札幌拉面miso no. 1 & 辛味屋地址 : 荷里活廣場 號 3 樓 325 號 舖訂座電話 : 2157 0388營業時間 : 星期一至日 11:00 - 22:00

再次到札幌拉麵用餐🥢，位於鑽石山龍蟠街3號荷里活廣場3樓325號舖。 店內環境整潔， 餐廳以日式料理為主， 菜式種類多， 今次點二人套餐$242 ～ 燒雞扒咖哩飯、 泡菜拉麵、 自家製餃子、 燒魚餅和燒牛舌。 ◽燒雞扒咖哩飯 ～ 啖啖肉而嫩滑的燒雞扒，日式咖哩又香又甜，拌飯之選。 ◽泡菜拉麵 ～ 濃郁的湯底，惹味的泡菜，彈牙的拉麵條，味道唔錯。 ◽自家製餃子 ～ 肉汁豐富， 餡料飽滿。 ◽燒魚餅 ～ 爽口煙韌的魚餅，味道可口。 ◽燒牛舌 ～ 薄切牛舌， 牛味香濃。 整體價錢親民， 性價比高， 相比第一次來用膳的質素提高了不少。 🏷️溫馨提示～ 整個用餐體驗均屬個人分享意見， 只作參考😊。

鑽石山食飯不二之選😂成日都食呢間，真係好抵食又多野擇！。🥢燒雞扒咖哩飯套餐 ($67):呢個燒雞扒咖哩飯套餐真係好吸引！燒雞扒煮得剛剛好，好嫩好多汁。咖哩醬汁好香好辣，仲有啲甜味，好開胃。加埋香噴噴嘅飯，成個套餐更加豐富。。🥢燒雞翼2串及燒雞軟骨2串 ($52):燒雞翼烤得金黃色，皮脆肉嫩。燒雞軟骨炸得酥脆，一口咬落去好香口。兩款串燒肉質豐滿，有炭燒嘅味道同埋口感。。🥢自家製餃子（4隻） ($35):每一隻餃子包得滿滿，皮薄餡多。餃子皮彈牙，餡料鮮美。每一口都可以感受到豐富嘅肉汁同餡料嘅味道。。🥢廣島炸蠔 ($32):超好食！蠔炸得外脆裡嫩，入口鮮甜。蠔肉鮮嫩多汁，炸得外脆嘅外皮帶嚟特別嘅口感同風味。。🥢Asahi ($35):正常價錢，無咩特別。

.🔥今日要同大家分享下呢間位於鑽石山嘅札幌拉麵 Miso No.1 x 辛味屋，呢度有好多好味嘅拉麵同埋壽喜燒鍋價錢都比較親密，不防一試。.🐷自選一人套餐 試咗佢哋嘅自選一人套餐，揀咗豬軟骨拉麵配芝士年糕！拉麵麵條彈牙，湯底都幾濃郁，豬軟骨好腍好入味。小食配咗嘅芝士年糕味道濃郁奶香，食落去熱辣辣，成個餐夠曬飽肚。.🐷牛肉壽喜燒鍋定食 另外仲試咗佢哋嘅牛肉壽喜燒鍋定食，燒鍋湯底有鹹鹹甜甜嘅醬油味，牛肉質素都OK，可以點埋生蛋汁一齊食，定食入邊仲有啲蔬菜同烏冬。.札幌拉麵 Miso No.1 x 辛味屋佢哋📍鑽石山龍蟠街3號荷里活廣場3樓325號舖

一直都對呢間拉麵店印象非常深刻～
因為佢哋嘅定食套餐性價比高，大份又抵食，平時自己一個去會叫一人定食（一個主食再＋一份小食），今次就同朋友仔去試吓佢哋嘅二人餐同埋壽喜燒鍋，非常豐盛，大滿足！先推薦一下佢哋嘅二人餐，可以揀兩個主食＋三份小食，而主食可以揀拉麵/丼飯，小食亦都有好多選擇！白豚拉麵呈奶白色嘅豬骨湯底，味道非常香濃，帶點奶香味！幼身拉麵有口感，軟硬度適中，豚肉香而不膩，仲有粒我最鍾意食嘢溏心蛋，非常不錯！鰻魚飯鰻魚燒得剛剛好，鰻魚肥美厚肉，入口鮮甜，配埋醬汁一齊食，口感同味道豐富！自家製餃子（6隻）餃子煎得剛剛好，香口又足餡料！燒牛舌燒牛舌芯牛味香濃，口感爽脆而且口感都幾唔錯。炒魷魚鬚炒得剛剛好，魷魚鬚唔會太鹹，又有口感！壽喜燒牛肉鍋定食天氣轉涼，食鍋物就啱晒啦！壽喜燒牛肉鍋可選配白飯或加錢轉烏冬麵，鍋物內除咗有牛肉，仲有豆腐 、新鮮蔬菜，仲有配雞蛋，可以將牛肉沾蛋汁食，口感更嫩滑！正！

這間日式店超吸引，平民價錢又抵食，有拉麵、丼飯，定食🤤最抵是有1人 和2人套餐，1人套$95主食加小食， 好抵食🫶🏻自選一人套餐 $95💠泡菜拉麵泡菜有酸辣味，與拉麵的麵條和湯底融合，帶來刺激的口感🤩🤩材料還有竹笙、海帶和叉燒😝. 叉燒甜中帶有一些醬油的風味，並且有著獨特的燒烤香氣💠芝士年糕(2塊）年糕有著綿密的口感和微甜的味道，芝士濃郁的奶酪味，口感煙韌☺️💠黑豚拉麵 +$5豬肉肉質鮮嫩多汁，拉麵的湯底濃郁而豐富。麵條幼身吸滿湯底精華😝💠炸豆腐炸豆腐外層變得酥脆，內部柔軟.搭配柴魚乾，帶出香口味道.

【鑽石山•札幌拉麵】ππππππππππππππππππππππππππππππ拉麵咖哩飯專門店叫左個自選二人餐 兩個主食+三個小食🌻｜黑豚拉麵｜湯頭濃郁味美，豬骨的香氣和豬肉的鮮嫩口感完美融合在一起。拉麵本身麵條Q彈有嚼勁，非常好吃。除了黑豚拉麵，他們還有其他口味，如味噌拉麵和雞白湯拉麵，每一款都值得一試。🌼｜親子丼｜炒蛋雞肉丼的外觀非常精美，炒蛋鋪在上面的雞肉和飯上，色彩鮮豔，讓人看了就有食慾。而且份量十分大，非常值得。🏵️｜芝士年糕｜年糕本身有一種Q彈的口感，而且吃起來非常香甜。芝士的融化在年糕上，增添了豐富的奶香味，非常好吃。🍁｜牛油炒草菇｜草菇的口感非常嫩滑，每一口都帶著濃郁的牛油香味。草菇的自然甜味與牛油的鮮美完美融合，讓人難以忘懷。🌿｜炒魷魚鬚｜炒魷魚鬚的味道非常特別而美味。魷魚鬚的口感非常脆嫩，咬下去有種爽脆的快感。而且魷魚鬚吸收了炒菜時的調味料，每一根都帶著濃郁的鮮味和微微的辣味。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 272（連加一）✨✨✨✨✨✨✨✨✨✨✨✨✨#鑽石山美食 #札幌拉麵 #web3鑽石山札幌拉麵 Mis

喺門口見到個二人餐好似幾抵食就入咗去🧐有3個小食、2個拉麵或飯🍚揀咗以下呢3個:天婦羅魷魚🦑雖然賣相麻麻，粉漿有加海苔，食落幾香口👍🏻燒牛舌👅好薄好薄，基本上都唔好期望有咩牛味，兩個人幾啖都食唒😂雜錦串燒🍢有雞翼、雞軟骨、仲有大蔥個蔥幾甜，其他就較為油膩牛肉咖哩飯🍛甜咖哩，再加十分普通嘅肥牛招牌牛油拉麵🍜🧈叉燒好瘦、偏靭😯唔知係咪因為牛油太細舊，之後溶咗都係冇咩奶油feel，好普通嘅一個豬骨湯拉麵🤣唔係話特別好食亦都唔係難食🤣所以話純粹只係對得住價錢兩個人食都夠唒飽~

平抵食好味道坐得舒服又唔會趕人走同fd吹水吹得好盡興咖哩好香嘅香料味滑蛋好juicy嫩滑餃子大大粒好豐富餡料豆腐內黎熱辣辣又軟熟juicy外交則脆❤️❤️❤️❤️

泡菜拉麵🍜麵條算有韌性 唔會太霖 可以接受範圍底下 湯底差dd 感覺配菜都算多樣 多元化 其中包括泡菜海帶 豚肉等 泡菜既湯底好濃 一試就知道泡菜口味 不過不失 不過下次唔一定再去

去了札幌拉麵Miso No.1 x 辛味屋，試了他們的招牌牛油拉麵配鰻魚飯、燒雞扒奄列咖哩飯、牛肉丼和炒魷魚鬚。😍首先，他們的招牌牛油拉麵非常好吃。湯底是秘製的札幌味噌湯底當中加入大量豬骨、昆布及洋蔥等熬製而成所以湯底非常濃郁。麵條彈牙而且掛湯，再配上一舊牛油，味道更加豐富。😋鰻魚飯和燒雞扒奄列咖哩飯都非常美味。鰻魚飯係細size, 鰻魚非常新鮮，配上用鰻魚醬油調味的飯，味道非常美味。燒雞扒奄列咖哩飯的燒雞扒非常嫩，咖哩的味道也很好，非常適合喜歡食日式咖哩的人。牛肉丼的牛肉很嫩非常好味。😋最後，我哋還試了一下炒魷魚鬚，也非常好吃惹味。😋