影片
港铁佐敦站 B1 出口, 步行约3分钟
继续阅读
付款方式
以上资料只供参考，请与餐厅确认详情
相关文章
兩餸飯嘅Standard越來越高當中都唔少人盛讚呢間餐廳嘅兩餸飯不過我一路都未試過～就咁經過見到門面裝修得咁靚，估唔到原來係兩餸飯嘅餐廳 雖然都好想坐低用餐想啲嘢食再熱辣辣啲不過嗰日有嘢要講俾老細，所以都係買完急急腳拎返公司食當日選擇好多～不過要留意有啲餸係要補差價我就揀咗泰式豬扒同埋菠蘿雞球兩個餸嘅調味都好好 分量好多 真係大大份見住姐姐裝完啲餸都仲會再裝多少少吸住個蓋壓到實一實～以$40兩餸飯嚟講性價比都算係好高👍下次趕deadline都會再買呢個返Office食🤺PS 唔收八達通/Apple Pay 臨近秋冬已經有糯米飯叫 😍
继续阅读
佐敦搵食系列，第一☝️次食權發，門口收錢先可攞飯，收錢已排5人，攞飯又排5人，叫咗兩餸飯（$40），椒鹽骨有d韌，鵝腸少少🤏辣 🌶️ 送飯一流，想食魷魚🦑鬚但話要加錢，同事請咗椒鹽蝦我食，覺得一般，但有個權發女就推薦。加$6有即磨咖啡☕️ 。
继续阅读
權發小廚係香港較知名既兩餸飯小店🍽️，香港油麻地同佐敦都有分店📍，而家仲有新開喺觀塘嘅分店🆕，方便咗唔同地區嘅食客👣，我今次就嚟咗佐敦依間嚟叫外賣🥡。佢哋嘅裝修簡約而有特色🏠🍽️，燈光柔和💡，整體感覺舒適😌。權發小廚主打嘅係二餸飯既酒樓小菜👨🍳🍚，每日都有30款以上嘅選擇🌈，而且會根據季節更換菜式🌞，保證食物嘅新鮮同美味。佢哋嘅招牌菜包括炒鵝腸🔥、生炒骨🍖同埋多款海鮮🦐，每一樣都做得好有心思。我今次揀咗鵝腸同黑醋骨🍽️。鵝腸權發小廚嘅鵝腸做得真係好出色👍，口感爽口彈牙🦷，而且炒得啱啱好，唔會過火🔥。調味方面，鹹香適中🧂，帶啲少少辣味🌶️，提升咗整體嘅味道層次。最值得一提嘅係佢哋嘅鵝腸冇咗腥味🙅♂️，食落去清新可口😋，令人回味無窮。黑醋骨呢道黑醋骨真係令人印象深刻😲，排骨外皮炸得金黃酥脆🍖，一咬落去就聽到「卡嚓」一聲🤤，非常滿足。黑醋嘅酸甜味道控制得啱啱好🍯，唔會過酸或者過甜，同排骨嘅肉質完美結合🥩，食落去肉汁四溢，令人一食難忘。價錢真係好抵食💰，特別係佢哋嘅$40兩餸飯，性價比極高💸，對於打工仔嚟講真係一個唔錯嘅選擇。份量更加係多到食唔晒🍽️📈。服務員態度親切🙂，夾餸速度快🏃♂️，仲會裝到好滿🈵️！如果你哋鍾意傳統嘅粵菜🥢，又想揾一間價錢實惠，食物質素好嘅餐廳🍴，權發小廚絕對係一個好選擇。佢哋嘅食物唔單只味道好😋，而且選擇多🍲，性價比高🌟，值得一試。
继续阅读
家庭式經營嘅兩餸飯店，所以佢哋嘅菜式真係好有住家飯feel，絕對可以成為旺角返工朋友嘅飯堂。必點招牌生煎咸香肉餅，肉餅煎到脆脆地，充滿肉汁帶鹹香，配飯真係無得輸！香茅雞翼都一定要食，炸得香脆又唔油膩，另外仲有椰汁芋頭炆排骨、黑椒蜜糖薯仔雞翼同節瓜粉絲蝦米呢啲家常菜。
继续阅读
兩餸飯（$40）凍檸茶（+$6）揀咗黑醋骨同豉椒鵝腸。黑醋骨有五舊，舊舊都有番咁上下size，味道酸酸甜甜，而且仲食到微脆嘅炸粉，排骨多肉唔會淨係得骨。豉椒鵝腸惹味，彈牙唔韌，有啲仲冇些少膏痴住（正），份量足。白飯底軟熟乾身唔會濕淋淋。一餸糯米飯（$58）揀咗臘味炒菜芯，有臘肉、臘腸、潤腸，份量可以。菜芯夠嫩唔老無渣。糯米飯有臘肉、臘腸、花生，炒得幾乾身但丁丁油（可接受）。椒鹽魷魚鬚（$68）之前經過幾次門口玻璃窗望到都好吸引，今次必定要食。雖然唔係即炸，但都微溫，最緊要仍然係脆口，無回油。調味剛剛好，些少咸。魷魚鬚炸得唔過火所以唔韌。份量足塞滿一整盒。
继续阅读