李香園茶餐廳

营业中

休息中

舊式茶餐廳朋友係柴灣返工，佢話柴灣興華（二）邨有間幾好食既餐廳，想帶我去試下，但一定要佢帶我去先識去。餐廳係坐落係興華（二）邨15樓平台，要去到平台一定要搭lift，上到平台後一出lift 轉左再直行再轉右行幾步就到餐廳了。朋友真係冇講錯，如果比我自己去我一定唔識去囉。好彩有佢帶路!一入餐廳，成個感覺係舊式70年代茶餐廳，分佐左面同右面既位，中間有啲圓枱。咁岩我地入去既時候，廚師就係廚房出面坐緊，佢同我地介紹有咩野食，餐廳有常餐同午餐，午餐係每日唔同既，有兩款可以選。今日既午餐就係豬排炒公仔麵同埋雞排腸仔意大利粉。我選佐雞排腸仔意大利粉。原來餐廳係即叫即炒既。等佐大約十分鐘，我碟意粉終於黎到了。賣相絕對唔輸比普通既茶餐廳，好紅噹噹，好明顯係用佐茄汁黎整既。一食落去果然同我諗既一樣，成碟意粉係用茄汁炒既，呢個亦都係呢碟意大利粉既賣點。酸酸甜甜既味，食起黎特別開胃。至於雞排，啲肉都幾林。雞排同埋腸仔既分量亦都好夠，食完基本一定飽肚。最後我想講既係成碟意粉好明顯食得出係有鑊氣既，我估廚師係用生鐵鑊黎炒既。😊杯凍檸檬茶同出面既一致差唔多味道，正正常常，冇咩特別。鐘意懷舊風既餐廳一定要黎光顧下，

搬離興華村廿年有多了，重回舊地，口味未必一樣，但人情味依舊。但當年的肥仔哥已經是老闆了，當年的老闆娘，靚姐還在。一入門口，老闆就直接過來招呼了。老老闆娘已知你是邊家人的「小朋友」。這種舊街坊既感情，真係不易保留。係舊區經營一間冰室真的不容易，這種街坊的口味，一杯水滚茶靓既奶茶，一件看似簡單但處處為你著想的西多，就夠我這種舊街坊回味了。遺憾係以前門口既蝦多士，蜜汁雞翼已經沒出品了。這種美食伴著我成長，但慢慢在消失中，還有幾多人係心中回味呢？

買少見少嘅舊式茶餐廳散叫左簡單的早餐鴛鴦稍嫌淡左少少，但可以接受的了奶油多士夠料，算大件唯一要改善的係地面幾濕，應該係剛拖完地。有啲濕滑同唔乾淨感覺。下次試試早晨套餐

自從20年前搬走左之後, 已經好耐冇返過柴灣, 今日趁過黎興民邨探朋友, lunch當然要搵返間港式茶餐廳嘆返杯靚茶啦。😌李香園位於興華邨二期7樓, 裝修以一貫港式茶餐廳風格, 家庭式經營。午市選擇款式多, 除左有精選午餐之外, 其他飯餐都配有餐飲, 今次我點左小時候最愛食嘅芙蓉蛋飯懷愐一番。😁芙蓉煎蛋飯 $37芙蓉蛋即點即製, 材料好豐富, 煎蛋外香內脆, 份量十足。$37已經包括埋餐飲, 熱奶茶夠香滑, 係大排檔式奶茶味道, 讚。👍

這裡都算是由細食到大的一間茶餐廳。這𥚃是很七八十年代的茶餐廳格局，木凳卡位，格仔階磚地板等，入到來感覺很舒服，很香港。久唔久都會嚟食個早餐，兩個餸加個粉麵加杯飲品盛惠$27，現在來説比很多地方都便宜了，現在基本上都$30以上了。叫了個紅腸肉丁公仔麵，紅腸有5大片，都是輕輕煎過的，至於肉丁，老闆是先把肉丁放在碗底，再落湯同麵，因此吃的時候先把麵撈一撈，整個湯和麵變得很香濃了簡單一個早餐的麵，做法也是頗具心思的。另外，很喜歡喝這裡的奶茶，很香的茶味，入口卻是非常幼滑小小的一杯為新一天帶來美好的開始。

住柴灣咁耐，一直都冇上過黎興華邨二期。。。興華邨二期對我黎講真係好神祕興華分兩期，一期重建後較新，領展既商場有好多野食大部份集團式經營，食到有少少厭倦所以就上黎二期行個圈，睇下有咩食！今日就試試李香園茶餐廳做街坊生意的小店，絕對值得支持！店內男女老幼，駱驛不絕膽粗粗的點了咖喱牛腩飯$42顏色雖不算是螢光色，但是偏辣的，不要睇小佢味精感覺甚濃，不過尚算可接受味道尚好，送飯之選飯口感好，較乾身立體，一粒粒的。飯分量很多，很適合附近學生。

以前响柴灣返工, 經常幫襯佢地既午餐, 老闆 & 員工非常好傾, 今次帶同學一齊上去食, 依然受到熱情款待, 哈哈~~ 不過可惜我事前無打去話上去食, 如果唔係, 我都希望食到佢地既糖醋骨飯, yummy 佢地既午餐依然咁平, 真係好想問一句, 點解仲可以維持咁平既價錢, 因為只係 $23, 就可以有多士 + 粉麵 + 飲品, 而多士有別於其他茶餐廳, 因為一般茶餐廳多士要加 $1, 但呢度唔駛, 另外, 你只要開聲, 佢會免費供應練奶, 即係話可以唔駛加錢有得食奶油多~~ 正~~ 另外仲有佢地既車仔麵都 ok, 價錢唔貴, 用料雖然唔係話好上剩, 但肯定唔會係差, 因為唔係靚野佢唔會比客人食架~~

　　　我要了一個常餐，就是火腿炒蛋、雪菜肉絲麵以及多士，要是我在別的茶餐廳的話，吃常餐一般都吃不完的，而在這裏的話，份量就剛剛好。　　不過，火腿炒蛋的賣相真的不敢恭維，大概是因為用平底鍋煎，那基本上不是炒蛋，是搞混了的蛋白與蛋黃拿去煎的，火腿只有幾粒而已。而雪菜肉絲麵是滿滿的一碟，但是油多了一點，倒是多士比較可取，鬆脆可口，牛油有點多，我去掉了一些。　　　最近對舊式茶餐廳多了一點熱愛，到處品嘗各家地道茶餐廳的風味，唯恐有一天當舊式屋邨都清拆了以後，就再也找不著這些餐廳了。好趁現在還有，便把握機會去吃。

平時如果食一個平凡的茶餐廰的例牌，我總會想起這一間以往十多塊到現在二十元。無論味道及份量，這多年來都是一樣。但是總類變了。最記得以往只有一種，而這種亦都是食了廿多年。每啖都是充滿回憶。牛油多士腸仔 蛋火腿意粉/通粉一杯熱飲直至某天腸仔蛋變成火腿炒蛋但亦不減我對這間茶餐廰的情意結因為，它們所製作的多士多士的賣相，雖然有點焦。但是香氣十足，咬落十分香脆。有時牛油會比較多左少少……但有時又剛剛好多左既時候我會批走D 牛油。不過呢，我比較鍾意放埋塊蛋上去食。又軟又脆，感覺一流。講到通粉…意粉。普普通通咁啦…但係就簡單。我的朋友最鍾意叫熱奶茶，因為佢地話好飲好飲的地方就係又滑又香又有茶香。而我就鍾意飲檸茶，原因都係一樣。茶香。簡單可能就係令到我肚餓而又想食得清D的地方。至於服務，有D 朋友第一次去既時候覺得好神奇。因為佢地係冇紙記數。但係你去到收銀的時候就會知要俾幾多，又準又快又環保。