杏花小館 (裝修中)

一間非常有良心的小店，令平日比較少機會吃到無味精家常便飯的我，找回體驗，已經幫襯過好多次，小店是由老闆娘以家庭式經營，親切待人。上海雲吞餡料新鮮，湯底清而不淡；鎮江排骨菜飯係我的至愛，令我憶起童年回憶最喜歡的餐廳「杏花樓」，因此問一問老闆娘，嘩，原來佢以前喺杏花樓做過好多年，難怪了～那種失而復得的感覺，彷如隔世！還有普通湯底可以免費轉做擔擔麵湯底，老闆娘說只要客人喜歡吃就可以，良心小店而家呢個年代不多，大家要用行動支持！

平時都好鍾意食上海嘢, 今次經過就即管試下呢間小店。餐廳環境比較樸素, 有家嘅感覺, 食物亦都的確好有自家製嘅味道。店主亦都好友善, 見到佢會自己親手包餃子同雲吞。今次第一次去就試試呢度嘅秘製花雕醉雞, 仲有叫咗個擔擔麵。個醉雞店主咁啱畀咗隻雞髀我, 個調味啱啱好,好芳香, 係食到個酒味但又唔會太濃或者太膩。個擔擔麵都好食,個湯係每日新鮮淆製, 幾creamy,食到個豬骨味同花生味, 同樣都唔會太濃。冇咩味精味,係健康自家製嘅選擇。

去了兩次, 第一次點了一碗粟米雲吞配擔擔麵, 雲吞鮮甜, 麵底很有質感, 彈口但不會太硬, 湯底點了小辣, 味道剛好,  有上海麵及菜飯等其他選擇。第二次點了陳醋骨, 排骨煮得淋, 汁的甜酸味令人開胃, 很好味, 配上海麵, 味道濃淡雙配, 配的小棠菜也不錯, 小店誠意制作, 推薦。 

偶然發現呢間家庭式小店, 之後先後再去左幾次, 似係做街坊生意. 試過鎮江骨, 醉雞等等~ 食落無咩味精, 健康外賣首選! 鎮江骨好林好入味, 似豬軟骨. 菜飯好食! 好少寫食評但係想支持下, 想佢長做長有 無影到相~ 遲啲補返先! 會再去😚😋

Tasty handmade Shanghainese dumplings ☺️Heart warming restaurant which run by a family, the food is simple, healthy and taste like home. I have ordered sweet corn dumplings with a bowl of Shanghainese veg rice, the dumplings are lovely, the pastry is not overly flour-y, not too thick not too thin, the veg rice is nice if you are going for a home cook taste, but to me, it can be a little bit more oily. The dumplings are for sure home made, because I saw the daughter of the owner was wrapping it.

今日要做嘢，兩個人揀咗喺工作室附近簡單食餐飯。呢度係家常上海菜路線，裝修簡單但人情味滿分💯老闆好好人，上菜好快，嘢食都唔錯。我地單嗌咗大嘅砂鍋雲吞雞同一份雞絲粉皮。粉皮口感爽滑，青瓜麻醬非常足料。雲吞我地揀咗椰菜雲吞，口感幾好同唔會太鹹（見人見致，我本身唔鍾意醃得好重口味的豬肉）。湯頭寫住係每日新鮮熬製，仲有我最鍾意嘅大大份娃娃菜底，所以湯非常甜！呢個有驚喜！二人晚餐埋單$126，幾抵食😂推薦俾附近想食住家菜嘅朋友～