影片
更多
2024-05-23
672 浏览
由於我最近都病咗，所以都少咗出去食，趁好返啲就揀一啲暖笠笠嘅嘢食，養生嘢嚟講呢間真係高質。舖頭嘅位置雖然唔係真係好起眼，但係勝在都夠近地鐵站，真係轉個彎就到。‣ 花膠@極上干貝龍蝦湯泡飯 $98我勁鍾意佢嘅湯泡飯，大大隻龍蝦頭擺喺到好養眼，而佢嘅龍蝦味都好濃郁。一擺上嚟就見到好多粒干貝，超級足料，青口都有三四隻，螺片、蜆都有唔少，仲有隻扇貝。當然我覺得最精彩嘅仲有花膠，食落去真係覺得喉嚨好舒服。不過我覺得有啲可惜就係我一開始倒晒成兜飯入去，好快就索晒啲湯，下次真係要飲幾啖先，如果唔係嘥咗。‣ 鮑魚花膠蟲草花雞煲翅 $128隻雞真係超級大隻，應該有半隻雞，我同朋友一邊食一邊切，啲雞肉好似食極都食唔完，勁抵食。佢都係有啲干貝，我已經數唔到我食咗幾多粒，鮑魚唔係好多隻，但係我覺得呢個價錢真係算係咁。雖然我覺得個米線比較清淡啲，但係我幾鍾意個雞湯，食完個人暖笠笠。‣ 爺爺三寶 $45三寶喺冬菇、魚腐同埋炸雞翼，佢嘅冬菇超級入味，鍾意食菇菇嘅人一定會好鍾意。而佢嘅魚腐都係有炸過，幾香口幾好食。佢嘅炸雞翼都係有醃過嘅，同時間都大大隻，如果下一次再嚟食嘅話我應該會淨係單嗌雞翼，超級抵食。‣ 熱情果梳
‣ 花膠@極上干貝龍蝦湯泡飯 $98
我勁鍾意佢嘅湯泡飯，大大隻龍蝦頭擺喺到好養眼，而佢嘅龍蝦味都好濃郁。一擺上嚟就見到好多粒干貝，超級足料，青口都有三四隻，螺片、蜆都有唔少，仲有隻扇貝。當然我覺得最精彩嘅仲有花膠，食落去真係覺得喉嚨好舒服。不過我覺得有啲可惜就係我一開始倒晒成兜飯入去，好快就索晒啲湯，下次真係要飲幾啖先，如果唔係嘥咗。
‣ 鮑魚花膠蟲草花雞煲翅 $128
隻雞真係超級大隻，應該有半隻雞，我同朋友一邊食一邊切，啲雞肉好似食極都食唔完，勁抵食。佢都係有啲干貝，我已經數唔到我食咗幾多粒，鮑魚唔係好多隻，但係我覺得呢個價錢真係算係咁。雖然我覺得個米線比較清淡啲，但係我幾鍾意個雞湯，食完個人暖笠笠。
‣ 爺爺三寶 $45
三寶喺冬菇、魚腐同埋炸雞翼，佢嘅冬菇超級入味，鍾意食菇菇嘅人一定會好鍾意。而佢嘅魚腐都係有炸過，幾香口幾好食。佢嘅炸雞翼都係有醃過嘅，同時間都大大隻，如果下一次再嚟食嘅話我應該會淨係單嗌雞翼，超級抵食。
‣ 熱情果梳打（跟餐：$18）
佢係額外再俾支梳打水你，好耐都冇見過咁大杯嘢飲，我朋友食完飽到梳打水都冇擺晒入去杯嘢飲到，真係飲到飲唔晒，我自己覺得佢嘅熱情果梳打都幾好飲，有啲汽係真係幾爽，但係個人鍾意冰茶多啲。
‣ 鮮果冰茶（跟餐：$36）
冰茶個size都一樣係咁澎湃，見咗佢掛住啲熱情果喺個杯邊到，仲有切好咗嘅火龍果，忍唔住口即刻食咗佢。事後諗返起下次應該可以將啲熱情果蓉溝埋杯嘢飲到，再擠埋個檸檬，應該會更加好飲。鍾意佢嘅茶味濃郁，酸酸甜甜幾開胃。
张贴
