傑星冰廳

营业中

休息中

這間茶餐廳位於深水埗汝州街，主打地道正宗的港式料理，價錢定位親民貼地。店內環境寬敞舒適，裝潢以藍綠色為主調，設有多張卡位，亦有單向座位，適合一人及多人聚會。假日亦同樣設有早、午及晚市套餐，亦有全日供應的小食等等，跟配基本熱飲，可以優惠價轉凍飲或特飲。自助水果吧有蜜瓜、龍眼及橙等時令水果，香甜多汁好新鮮。香煎牛扒配煎雙蛋、司華力腸及薯條 - $54大大塊厚度十足的牛扒，帶陣陣黑椒香氣，嫩滑多汁帶爽脆的嫩筋，牛味頗濃郁；兩隻太陽蛋切開流出濃濃蛋液；半條司華力腸香脆多汁；金黃酥脆的薯條毫不油膩。忌廉芝士豬扒飯 - $56輕輕烤焗帶點微焦，濃稠的鮮蕃茄汁酸酸甜甜，半溶化的芝士富奶香有微微拉絲，一件件豬扒嫩滑多汁好豐富，還有時蔬平衡膩感。椒鹽豬仔骨 - $32五件帶骨豬扒特別軟腍富肉汁，肉味特別香濃，有陣陣椒鹽香氣。酥炸墨魚丸 - $34六粒墨魚丸外脆內嫩，魚肉結實彈牙，有少少爽脆的花枝肉。奶茶涼粉冰 +$12港式奶茶的茶香好突出，帶有濃郁的芳香，奶味偏於厚重，但又不掩蓋其茶香，一粒粒涼粉爽滑彈牙好清新。柚子茶 +$3具有獨特誘人的酸甜香氣。

踏入農曆新年天氣驟降，終於都感受到冬季氣息。由於要趁年頭去同啲客打招呼，所以同秘書經過深水埗睇下樓盤啲裝修情況，搞掂晒都已經下晝，又係收工嘆茶嘅時候。經過汝州街就諗起幾個月前食過嘅「傑星冰廳」，門面依然好有傳統味道而且亦都有蛇年嘅佈置，終於開始感到新年嘅氣氛。雖然已經過咗午飯時間，但下午茶呢個時間依然人流不絕，好彩剛好有卡位咁就可以舒舒服服食餐飯。見到場內食客主要都係叫茶餐、下午茶等等，不過最多人食都係豬仔骨同埋咖哩飯，所以我都唔需要考慮就揀咖哩豬扒蛋飯，而秘書就揀咗個椒鹽豬仔骨配薯條，咁樣就可以兩樣都試晒。飲品方面就梗係我最愛嘅凍檸茶少甜，而佢就要一杯茶走（意思係加煉奶）。等咗大約十分鐘食物先後上枱啦~~~ 首先椒鹽豬仔骨份量好多有四件，再配合一堆薯條，一個女仔都未必食得晒。趁我個飯未上枱時，我都偷食咗少少，呢度嘅豬仔骨即叫即炸入口好夠熱，而且豬仔骨鬆脆有口感，肉質鮮嫩無騷味，加上椒鹽配合得好夾味道一流。波浪薯條外脆內嫩，口感非常好。轉個頭咖哩豬扒蛋飯都上枱啦~ 主角豬扒有兩塊加上兩隻蛋，再配合香濃嘅咖哩汁及半個薯仔，就咁睇已經流晒口水。賣相上厚切丹麥豬扒大塊之餘而且有肥膏邊，完全係

#深水埗食好西 今次嚟到深水埗，晚餐發掘到呢一間唔錯嘅冰室，兩個人點咗10碟餸，每一份都大件夾抵食，人均港幣$194。🍋雜果西檸雞扒作為西檸雞愛好者嘅我，呢碟餸冇令我失望，好味道，連最後嗰啲檸檬片+醬汁我都清晒。🐟豉椒黃花魚我觀察到嚟呢度食嘢嘅每一枱客人，基本上都會嗌一條魚，又真係抵推嘅，性價比超高，魚質鮮嫩，所以我都好鍾意。🍳星洲炒米呢碟星洲炒米唔會太辣，惹味易入口，最鍾意係佢有好多大大隻嘅蝦，爽口彈牙，口感一流。🍖雜果咕嚕肉呢碟咕嚕肉一嚟到，開頭驚一驚以為會同西檸雞味道一模一樣，點知食落絕對有驚喜，如果鍾意咕嚕肉嘅各位，可以試吓。🥟韭菜豬肉餃呢個湯餃又真係好出色，size有我半個拳頭咁大隻，咬落去啖啖肉又有香濃嘅韭菜味，每一啖都食得好滋味，鍾意韭菜嘅朋友一定唔可以錯過呢一碟。🍗椒鹽豬仔骨本身對煎炸嘢冇乜特別好感嘅我，勇字開頭點咗呢碟餸，咬落去又幾唔錯喎，調味同埋肉質都控制得好好，啖啖肉。🍹雜果柚子茶、紅豆涼粉奶茶睇到其他食評推介佢哋嘅特色飲品，我嚟度當然就唔可以錯過啦，真係好好飲，料又多，完全係非常抵飲，絕對可以encore。#香港美食 #香港foodie #深水埗美食 #傑星冰廳

去完鴨寮街買野，經過見到呢間冰室裝修特別，好光亮有特色，就決定一戰😋！特別鍾意熊貓主題嘅壁紙，好適合熊貓迷打卡！▫️羊腩飯朋友係羊肉愛好者，見到茶餐廳竟然有羊腩飯，即刻要試！有馬蹄及腐竹伴碟，馬蹄爽甜，腐竹新鮮！羊肉嫩滑，淋上湯汁，羊味更濃郁！凍冰冰真係好適合食羊肉😋▫️芝士蕃茄豬扒飯份量一啲都唔少！6-7舊豬扒，豬扒冇雪味，新鮮肉👍🏻芝士蕃茄汁好滋味！整體口感好滋味，自己一個都K.O.咗成碗飯！🫣▫️蠔油菜心叫返碟菜心清吓腸胃！欣賞餐廳可以蠔油另上，有心思！▫️斑斕咖椰鮮油多又係估唔到茶餐廳有嘅話食物！多士烘得金黃，入邊有班蘭咖椰+牛油，雖然好邪惡，但係一啖咬落去，超級好食，斑斕味道好香，咖椰味又唔會太甜！值得返嚟再encore😋😋😋▫️凍奶茶港式奶茶，茶味濃郁，配上香滑嘅牛奶，一絕！

深水埗開咗一間茶餐廳，價錢大眾化，嘢食選擇多，平日晚市都幾多人嚟食，等我同老公嚟試吓先✅雜果咕嚕肉一上枱就好吸睛，色彩繽紛，青紅椒、罐頭菠蘿同金黃色嘅咕嚕肉非常搶眼。咕嚕肉外層炸得好脆，炸漿唔會太厚，肉質尚算結實。酸甜醬調得幾好，酸甜平衡得幾到位，唔會太膩，仲幾開胃✅金沙骨好入味，酸酸甜甜咁，完全唔會覺得膩。炸骨嘅肉份量唔算多，但肉質唔會過乾，仲有少少香甜嘅肉汁滲出嚟，食落口感非常豐富，送飯好夠味 ✅清蒸倉魚呢條清蒸倉魚賣相幾靚，條魚蒸得啲肉色潔白，淋上薑蔥豉油汁，非常傳統嘅做法。魚肉本身係新鮮，鮮味食得出，好少茶記夜晚會有蒸魚蛋，呢度真係比到屋企嘅味道岩同屋企人一齊食，呢間餐廳主打經典家常味，平靚正

有唔少港式地道風味都係深水埗食到呢間冰室由朝早到下午茶都keep住咁多人嚟食🫣價錢地道平民化~份量大大份超滿足🍛吉列咖喱雞球蛋蓋飯咖喱汁比較辣，係港式咖喱～炸雞球即炸，口感外脆內Juicy比日式咖喱更加惹味🍛冰室唔少得常餐🍳沙嗲牛肉出前一丁配太陽蛋+多士沙嗲牛口感軟腍，沙嗲汁濃郁😛兩點就有下午茶☕️炸雞髀配薯條都只係$40生炸雞髀啖啖肉～斑斕咖央西多士$35唔配薯條可以配沙律🥗西多士中間夾住斑斕醬比起傳統嘅西多士，味道更加特別😋

這間位於深水埗的【傑星冰廳】，晚市主打小菜、炒粉麵，價錢貼地，而且食物份量十足。小菜款式很多，全部都幾十元起，即叫即煮，新鮮熱辣。豉椒倉魚倉魚新鮮即叫即蒸，魚肉雪白，十分新鮮又嫩滑。金沙骨酸甜醬汁剛好掛在金沙骨上，金沙骨炸至外脆肉嫩，肉質爽口，十分開胃。鮮蝦雲吞雲吞每隻都脹卜卜，餡料十足，新鮮的豬肉餡加上原隻爽口蝦仁。福建炒米粉米粉炒至爽口，加上火腿、鴨肉、蝦仁等配料，十分豐富又帶點濕潤。奶茶紅豆冰奶茶不會太甜，超多煮至腍的紅豆。

SSPO最抵食小菜之一，環境又乾淨企理好服務，我地今晚叫左清蒸倉魚❤ 口感結實，仲有D豆豉香味清蒸黃花魚❤ 魚肉鮮嫩，大大條鴛鴦扒❤ 煎雙蛋 蒜蓉汁 意粉 雞扒豬扒都大大塊好juicy，蒜蓉汁惹味可口，意粉煮到岩岩好，撈埋2隻蛋，大滿足。鮮果沙律❤ 開胃小食瑞士雞脾❤ 瑞士雞中翼❤ 4隻 瑞士汁味濃，跟白飯食一流。菜心❤ 全走 爽甜，份量正常豬潤❤ 湯上 厚切大大塊，黎到俾佢浸多陣係D湯會更加入味，不過記得唔好浸太耐就唔會食到爽口脆身既感覺，零騷味，好抵食

今天下午又在深水埗發掘到一間邪惡性價比高下午茶🥴-<法蘭西多士拼沙律> $32西多士可以自選花生醬或咖央醬，以及煉奶或糖漿😈 我選了經典的花生醬配糖漿，上面還放上一塊牛油🤤多士炸得香口而鬆軟👍🏻沙律包含菠蘿、蘋果、薯仔、青瓜等等，很足料🥰-<椒鹽豬仔骨拼薯條> $38這個份量超級大！薯條炸得香脆，配上茄醬就是無敵🥳豬仔骨肉質鮮嫩，好吃！-跟餐附送的熱奶茶香滑，茶底香濃👍🏻-總括來說，$70吃到兩份份量大而好吃的下午茶很划算，下次準備試試它的菠蘿油和撈丁餐😈

今天黃昏，我到位於深水埗的傑星冰廳享用晚餐。這家餐廳以其豐富的菜單和舒適的環境而聞名，讓我迫不及待想要品嚐他們的招牌菜。我點了一份瑞士雞髀，雞肉入味，內裡卻鮮嫩多汁，搭配特製的瑞士醬汁是我最愛，口感層次分明，令人回味無窮。接著是豉椒倉魚，魚肉鮮嫩，豉椒的香氣恰到好處，讓這道菜更加美味。酸菜豬潤湯則是我此次用餐的驚喜，湯底清淡卻不失醇厚，酸菜的酸味與豬潤的鮮味相得益彰，暖心又暖胃。最後，我點了紅豆涼粉奶茶特飲，涼粉滑嫩，紅豆香甜，搭配濃郁的奶茶，真是完美。整體而言，這次的用餐體驗非常愉快，傑星冰廳的街坊菜都讓我感受到他們對食材的用心，值得再次光臨。

嚟開深水埗，有少少餓就search有乜好食。睇到間茶記有咁多笑笑食評，心諗應該ok於是就幫襯下，點知就中伏了...樓面阿姐無禮貌已經係預計之內，由得佢，但食物質素真心唔值我比一個笑，相都廢時影。叫咗常餐，叫一丁唔需要加錢於是就叫咗沙嗲牛肉一丁+煎蛋+牛油多士，凍檸茶少甜。主角沙嗲牛麵陣沙嗲味淡到以為自己條脷壞咗改名做清湯牛片麵就差唔多。作為茶記連最一般嘅menu 都做唔到，而且價錢唔算十分平，無下次。

✳️假日不用上班，瞓到自然醒，就與老婆來到深水埗的傑星冰廳享用早餐，性價比高的街坊用餐。✨老婆點的是醒神粉麵早餐，只需 $45，內容包括炒滑蛋、牛油多士、豬潤湯米線，還有一杯熱奶茶。炒滑蛋滑嫩可口，配上香脆的牛油多士，簡直是絕配。豬潤湯米線的湯底鮮甜，米線彈牙，豬潤新鮮美味，加上一口熱奶茶☕，整個早晨都變得溫暖起來。✨至於我，則選擇了歐陸扒餐，只需 $48，豐富的餐品包括炒滑蛋、司華力腸、多士、生炸雞腿，還有一杯熱奶茶。炒滑蛋一如既往地滑溜，司華力腸的鹹香味十足，多士外脆內軟，讓人一口接一口。而生炸雞腿外酥內嫩，雞肉多汁，咬下一口真是讓人無法抗拒，再配上那杯濃郁的熱奶茶☕，真是滿足。

這間冰廳位於深水埗汝州街, 主打港式料理, 食物款式選擇多, 價錢都好大眾化; 冰廳裝修簡單舒服企理, 裝潢以白藍綠色為主調, 有多張卡位, 亦有一排向牆的座位; 牆身貼滿好多熊貓公仔裝飾, 服務態度好好。餐牌上有早、午及晚市套餐, 仲有全日供應嘅小食等, 套餐跟配基本熱飲, 都可以用優惠價轉凍飲或特飲。除咗套餐, 仲有炒粉麵飯,常餐等, 晚市套餐仲可以加錢要酸菜豬潤湯。酸菜豬潤湯 – 加$8這個湯上菜時熱辣辣, 有家的味道, 夠哂味, 豬潤厚身, 肥美, 爽口, 唔腥，個豬潤湯好好飲。雜果咕嚕肉 - $65醬汁酸酸甜甜配上鮮嫩嘅咕嚕肉, 再加上豐富嘅雜果, 三色椒洋蔥一齊炒, 每一口都令人回味, 一試難忘。鴨胸橄欖菜炒豆角 - $65橄欖菜香氣四溢, 鴨胸煎香, 味道更突出, 配埋豆角一齊炒, 味道超惹味, 超好送飯。法蘭西多士 - $28熱辣辣上枱, 牛油一大片, 又香又濃; 西多士炸得啱啱好, 金黃色, 口感依然鬆脆, 我叫係配練奶食, 落去唔會覺得膩, 一口接一口食唔停呀!凍檸茶 - $3兩個飯餐配凍檸茶, 走甜的; 檸檬茶夠香濃, 有茶味, 唔錯!呢餐飯好有家的味道, 全部食

平靚正茶記～ 話說大佬下星期又要去旅行，所以落咗深水埗買電話卡，買完電話卡就去咗搵嘢食～ 光猛乾淨企理有晚市套餐、炒粉炒麵～ 晚市套餐包咗飯，加錢要咗酸菜豬潤湯～ 叫咗兩set : 豉油豬扒同金沙骨豉油豬扒似屋企餸～ 唔會太咸，個汁送飯啱晒金沙骨炸過香口，醬汁酸酸甜甜明星撈丁好多餸揀阿姐推介食炸雞翼、椒鹽豬仔骨，用瑞士汁嚟撈丁，鍾意佢將豬仔骨切片，啖啖肉咖喱吉列魚柳蛋蓋飯大大件嘅脆魚柳，咖喱汁係白飯小偷嚟全部都包飲品～

位於深水埗❣︎傑星冰廳❣︎裝修舒服企理，牆身貼滿好多熊貓🐼公仔裝飾🤩店主真係緊貼潮流👍🏻食物款式選擇多，價錢大眾化👍🏻服務態度仲好好添。❣︎豉椒黃花魚飯❣︎午餐E $58大大條黃花魚😍面頭鋪滿蔥絲，肉質鮮甜，街市都買三十幾蚊起一條，呢到都係$58，真係超抵食👍🏻👍🏻❣︎韭菜豬肉餃拼豬潤意粉❣︎$54呢到啲豬潤係招牌菜來，大大塊厚切👍🏻口感爽滑無腥味😋韭菜豬肉餃超大粒豐滿🤩爆餡料噤滯勁鮮味，湯底清而夠味。❣︎蠔油菜心❣︎$22菜心淥得岩岩好👍🏻清甜無渣。❣︎斑斕咖椰鮮油多❣︎茶餐$30多士即叫即烘外脆內軟😋👍🏻斑斕醬香甜幼滑，加埋大大舊牛油🧈邪惡😈得來超好味。❣︎紅豆涼粉鴛鴦❣︎跟埋+$12紅豆夠淋，加埋涼粉一齊食，可以當糖水飲都得😆❣︎紅豆冰❣︎跟埋+$12甜度適中，飲完冰涼舒服😋