東京一番 (已結業)

千奇吾好去食，未食過咁難食既放題🤢1.魚生吾新鮮已經好大問題，系極級吾新鮮！！！！😡😡😡反去要狂補益菌補補2.串燒好乾，完全無肉汁😡3.天婦羅好厚粉，整開仲要有粉系入面😡😡4.點野食吾上齊，要追！又要再寫單5.叫第三轉竟然上得一碟菜，系咩意思？6.算數，諗住食下甜品下下氣，雪糕都好劣，好油做左折吾抵食，有老世系度睇舖都。。。。。。成肚氣😤😤😤😤😤😤😤😤😤😤當時我應該要搵佢傾傾🤦🏻‍♀️

真係好耐冇寫食評啦，但真係忍唔住要寫吓，因為食完一肚氣呀中秋節前同屋企人興祝生日，屋企人話想食日本嘢，咁諗住搵間近近地嘅試吓啦，選擇咗嚟呢間食放題，雖然價錢唔係貴，但啲食物真係好麻麻，魚生種類少唔在講，仲要切得又細又薄，而且魚生都冇咩味，漏單情況嚴重，落咗三次螺片都冇嚟要問先講話今日冇貨，平均落兩次嚟一次嗰， 燒物嗰張單我仲要落咗三次追咗三次先有得食，熟食味道亦都好麻麻，牛肉粒肥膏多，焗蠔細粒到呀又唔好食，基本上食咗成晚我都諗唔起有邊樣係特別好食嘅，總之今次真係食到火都嚟呀，嗰晚都仲要唔係坐滿人都咁差，呢間永久blacklist 呀

悶悶地，同囡囡兩人試下，星期五晚夜晚7點幾，完全大細枱盡有!坐低，點餐先來個剌身拼盤，人完全不多，但上剌身好像等了很久，由愛回家睇緊中斷去到完場，15分鐘仲未上剌身!終於等到，一夾起上來，我仲以為係任食火煱，剌身切到薄如火煱配料，細件又超薄，完全沒囗感! 雪味十足，鮮味完全 feel 唔到!跟住再試花之卷，軍艦等，食完毫無滿足，足。過眼雲煙，好失望。什麼一囗牛，如果我是帶假牙去食，相信假牙也要報消，趙不到，吞不下，食到想嘔!芝士焗蠔，仲以為係迷你蛋撻! 佢無蠔殼都算，蠔細到好似潮州蠔仔粥果d蠔! 芝士不像芝士，好灰!食了不足一個鐘，都無乜好食，老實講是完全不好食! 埋單吧，一大人加一位5歲小童，盛惠337元，只收現金!埋單離開，行了落樓即肚痛! 好不清潔的食材! 好失敗的放題!

晚餐選了這間比較平民的放題， 裏面比較熱鬧和空曠。。基本的放題有的刺身壽司炸物選擇也算多手卷應該是即制的。 紫菜還是脆的。 料比飯還要多 另外餅乾配的哪個不知是魚籽還是蟹籽也很夾，感覺不會乾巴巴的炸香蕉感覺很清新。 有點漏感覺。但吃的時候還是熱辣辣的。 有個比較特別的就是炸Oreo. 感覺很有趣。 炸皮薄薄的。 Oreo經油炸很還是脆的。不過沒有原來的Oreo那麼甜。甜蝦和三文魚是放題必選。 很鮮甜。 甜品中最愛的是泡芙。 裏面的cream是冰涼的這個一口牛。很juicy. 而且很嫩

服務態度唔錯，但係漏單情況好嚴重有三分二單都無黎到。天婦羅落㽞大三次追單勁多次最好上昏至三件比我。環境唔太好廚房不停播歌勁嘈。野食無乜選擇，7點鐘入座橙汁己無一直到9點都無refill。

本來都不想出動投訴之刀因為朋友們想食放題就話食跟住就係網上團購左東京一番既優惠卷$128+$57跟住就惡夢開始上到去 坐落個位到 地下d雪糕積都還沒清理踏到我對鞋都痴淋淋跟住點刺身 都幾快泥但係就三文魚簿過紙 不過都算 咁既價錢都可以接受到跟住叫左天婦羅、串燒個d就點左3張先泥一碟張台就長時間都係空既 我都未試過食放題 張台由頭空到落未 叫野又成日溜單 我都唔會太介懷食物質素如何 價錢便宜仲想點但係都唔會點什麼 什麼都不來或很遲先到 我終於明白為何有三個小時比客人用膳 因為等待既時間都用左成兩個小時 貼錢也不去不如買爭鮮回家吃算了吧

見佢係團購sell到好好食，一心去試下睇下點一早訂左位喇，到個日去講完訂左幾多位貴姓佢俾埋飛叫上樓，上到一半就叫停又唔講係無位定係安排，就係由我地企係樓梯等左五分鐘有位，一坐發現坐角落落完單黎左一碟刺身同一碟一口牛之後落嘅單全部無等左半個鐘，問左幾個人，最後問埋經理，佢話不如你再入單算！再寫過！又等左半個鐘發覺其他枱遲過我黎都係咁有野食後黎發現有原來個店員係咁將我落嘅野食野分去其他枱點解我會知？我係佢分完隔離枱野食之後搵人拉佢問佢張單啲野食我見到佢手上張單係寫我枱號但無放係我張枱，之後再等最後一次問個店員，佢不停話整緊，佢是但放底左幾碟壽司走左而我前後幾次落單野食到我埋單都無黎過放題放到咁好心就唔好開喇汁左佢算吧喇

上到去 一入門口 就聞到 一陣唔新鮮嘅味， 係啲魚生嘅腥味， 成間嘢 好似 茶餐廳咁 又嘈， 廚房嗰度 又喺度播啲歌好大聲， 嘢食選擇好少， 嗌咗啲刺身 一啲都唔新鮮， 嗌咗其他嘢 串燒嗰啲， 叫咗五樣嘢嚟得兩樣 留單好嚴重， 坐咗15分鐘 乜都未嚟過， 如果畀呢個價錢 加多幾十蚊， 其他地方可以食到好多嘢，我就以後不會再來了， 裏面啲員工 全部都係好細個， 態度好差 有啲仲好似 小朋友 咁， 可能係深水埗區 服務同環境 都唔得 如果深水埗區 198加一 都算貴。

臨時臨急想食放題，周圍都無晒位。重點係帶住個2.5b 好多要等到8-9點之餘呀b仲要收錢。依間放題老實說好似去左大排檔咁， 任飲任食 獅威🍺任飲， 百幾蚊位真係超值，小b仲免費食物方面刺身唔夠凍，叫既出到亂晒籠。炒什菜同羊架都唔錯，壽司有個叫海鮮船都唔錯。總類都幾多，有甜品雪糕好似提早order（加錢）仲有蠔，依到絕對係麻甩天堂仲要攞住佢張傳單有9折，服務都叫ok 男人們值得一去

只係貪近而去食！阿媽話想試吓呢間放題！今次係我第二次去食！今次去d食物感覺比上次少咗好多！上次去係開業無耐去食！上次去食都有串燒食！但今次去就唔多覺有！上次去餐紙成本字典厚！而又多餐單選擇！多到要選定要食咩款式嘅食物！今次去款式少！唔問侍應攞！佢哋都唔會攞餐紙俾你！連鍋物都冇！餐前小食又少選擇！甜品又少！得雪糕同啫喱！大人二百幾蚊！但咁少款式食！呢個價錢唔值！仲要加一！小童＄88 !不過都要加一好似都係唔值！有唔多款式！可以比小朋友去食！食物新鮮！但款式真係好少！如果鐘意食放題又想多d款式選擇嘅人士！我唔係好建議食呢間！總結：二百幾蚊食一間放題！又好少選擇！咁叫乜嘢放題！

剛剛經過見有個女仔派傳單就上左去食,點知就中伏! 第一,選擇非常少,又唔新鮮。入得口的只有甜蝦。其他超腥!油甘魚咬左一啖吐都吐唔切😰 第二, 等得耐兼漏單! 明明叫左10隻甜蝦 就黎得6隻 幾次都係咁! 都唔係叫得好多啫,咁都可以比少... 叫左d炸物同埋熱食 又等左超過半個鍾先黎! 黎到仲要係凍的!!! 第三, 態度好差! 侍應係唔識應人,叫左好多次落單都無人應。d 野食黎到就好悔氣咁放落張枱到。聽到“拍”一聲好大聲。。。 😢 總結呢間野只可以用兩個字來形容:垃圾! 食普通茶餐廳都好食過佢! 唔會再去!!!!

咁岩碌碌下ig見到呢間團購都幾抵星期五六日$128再加$57服務費就可以食三個鐘除返都係$185一個人 依家大部份都一定200up!店舖位置很易找, 長沙灣A2出口直行三個街口 宇宙商場右邊就是~未來過這區的朋友不用怕找不到這店繁忙時間似乎於730後, 初初7點沒有人 後來全場幾乎爆滿言歸正傳, 食物的種類的確不多! 沒有串燒, 刺身沒有帶子, 自助吧的甜品種類亦不多...奇怪的是天婦羅沒有天婦羅醬, 問店員拎竟然給了豉油... 不知是否店員搞錯~ 有些不推薦的: 七味豆腐卜 - 很硬推薦:一口牛肉泰式雞翼另外, 店員服務亦不錯~ 很快有人收單, 算少漏漏單追店員也馬上幫追以這個價錢算是不錯 除開一小時才$62

專登為e間野開ac漏單 唔足件數都算全場客人10枱以內，但竟然可以半粒鐘都冇野上 催完又催先得少少野上野食難食唔再講 服務態度奇差食完既野唔會執，追單就叫人再填過由侍應到廚房都係到玩緊手機 吹水 食野 舉手比單完全冇人理，有個見到即刻擰轉面扮見唔到，要出聲叫先有人埋黎Last order唔出聲 話夠鐘就夠鐘好評果d相同評語去到根本差天共地一間夜晚食飯時間，可以多位到任坐既放題，得10枱客人內既放題 可以想像到有幾高質E間係我食過最差既放題 不知所謂

見到網上做緊團購優惠$118+$47，好似好抵，即打去book.因一行十三人，book位時己要求要房，亦講明團購， 侍應姐姐話ok留間房畀我們。 點知去到話冇曬房， 賠六隻生蠔畀我哋，但我地有十三人……都算……之後 order， 除咗刺身， 其他食物長期漏單， 追佐十幾次， 死都唔肯上。 最終問侍應妹妹， 其他嘢算啦唔上就唔上， 可否幫我最後燒蝦， 阿妹妹答我: 廚房話冇蝦喇。心諗book佐8:30，九點鐘三咁快就冇蝦？？最終炸物上咗 天婦羅， 炸番薯， 燒物上咗 燒菠蘿、 豆 卜、 金針菇。 其他嘢食不見蹤影。 十點半埋單時， 見到隔離枱， 有燒蝦，再問 侍應妹妹， 點解人哋有燒蝦嘅？ 阿妹隔離有個疑似老細人物， 妹妹想求救， 老細擰歪面走開咗， 好似仲嘴藐藐。 問心 三文魚同 甜蝦食得出係新鮮的，但因團購原因，好多野食都冇嚟，咁我地都可以選擇同D野食一樣，死都唔嚟。個人認為食物好壞見仁見至，誠信同服務有都好影響。

先聲名我地係用正價+錢食蠔生日飯，老公話同事介紹食呢度，話有蠔食，黎到呢度超嘈，廚房狂fing機，加埋食客既聲，係呢個四方環境入面係好難頂！第一轉刺身等左3個字，蠔等左半個鐘，刺身款色少，係虎蝦ok，其他食物都一般，雞軟骨嚇死人，焗蠔無黎過，288加1真係食完只有想講粗口