東京淺草炸雞專門店 (碧海藍天) (已搬遷) 新店位置

工人姐姐放假，我又患上了 "懶鬼附身症候群" 只想攤在 sofa 上，不願出街吃飯，咁就唯有 "撥個輪" 叫外送 ~今次幫襯這家「東京淺草炸雞專門店」, 沒什麼原因的 , 就是只因未幫襯過 , 今次就試下囉 ~果香鹽味醬炸雞便當 : 打開個飯盒 , 都叫做整整齊齊 , 靚靚仔仔 , 而且香氣撲鼻 ; 炸雞全炸得金黃色 , 大大件又厚切 , 外層甘香酥 , 脆肉質嫩滑 , 果香鹽味醬調得香口惹味又甜甜哋 , 極好餸飯 , 而且減低了炸雞的油膩感 , 配上椰菜絲 , 感覺清新 , 不錯吃的 ~本篇完 ~

開店將近四年多嘅日式唐揚炸雞專門店, 叫得做專門店就知道可以選擇嘅項目唔會多, 因為日本人求專嘅心態必會圍繞一個題目從而追求自己心目中嘅至高境界。唐揚炸雞在日本家庭差不多8/9成主婦都會做, 而他們還會為這道菜出產專門嘅炸粉。務求精益求精。而一般主婦用的只會是片粟粉。炸出來就好似片片香雪沾附在金黃色嘅雞肉上一樣。今趟我叫的是"香炸雞翼和香脆雞肶肉定食 $55 +10% 剛剛好$60這店嘅獨門配方當然唔只片粟粉咁簡單啦。剛炸出嘅外衣硬脆口感但只是薄薄一層, 雞翼方面size 係正常的翼連翼尖。喜歡吃翼尖嘅朋友這裡的翼尖可能比雞中翼還好吃呢！雞肶肉兩件都交足功課夠大件。皮下脂肪食唔到因為炸透雞皮吧。跟餐椰菜絲沙律應該可以再做好d嘅, 米飯一碗絕對夠一個男生吃, 味噌湯則一般啦！這店廚房行的是日本大眾食堂格局, 白光管加不綉鋼柜組合。但唔知點解那些光管似用咗好耐咁望落好幽暗。加上疫情關係無咩客人整間店氣氛相當陰沉。希望佢4月中打後可以回復正常吧！始終這類型日式專門店無論質同質在市場上都好有競爭力。如果被疫情打散實

去開Aeon買嘢，見到有間炸雞人少少賣相又幾吸引，於是就坐低試吓😎香炸雞翼和香脆雞髀肉定食 $55一碟滿足哂我想食雞翼、又想啖啖肉既要求👍🏻 炸得夠香脆，雞肉唔會乾又鞋❣️但略嫌雞翼同雞肉唔夠味，必須要沾附上既醬汁先有味🥴 南蠻他他醬炸雞定食 $49呢個啱哂醬神豬先生！炸雞啖啖肉，配上他醬，perfect match，豬先生好快就掃哂，食完勁飽肚。如果食得多炸嘢覺油膩，仲可以食椰菜絲（配上芝麻醬）解膩✨整體以呢個價錢（有湯有飯有炸雞），絕對性價比高✨

鍾意食炸雞的我，突然心血來潮想食炸雞了，但因為限聚令期間六點後便沒有堂食，所以就外賣帶走炸雞回去食，這間淺草炸雞店之前已經試過，覺得價錢實惠，而且雞件大件兼厚肉，所以就來這裏購買了。今次不小心便買了一份炸雞A套餐（$199），裏面包含12塊炸雞，以及8隻炸雞翼，另外會配了兩個不知名的醬汁，經過試味後，決定單吃炸雞便好了。相比起雞翼，我更喜愛炸雞，因為感覺雞翼有一點騷味，而炸雞每一塊都有半隻手般大，亦都係乾晒起來，食落熱乎乎的，質感外脆內軟，非常有滿足感，最緊要係價錢十分優惠， $199入面有12隻炸雞及8隻炸雞翼，除翻開每件$10都唔使，無論自己食或是買來開派對也是不錯的選擇呢。

講起炸雞 好多人第一下都淨係會諗到啲快餐店嘅炸雞 其實日式炸雞都好好食㗎 今日就嚟咗呢間炸雞專門店☺️餐廳座位都幾開放式 不過總係覺得通風唔係好夠 聞到一陣油炸味 而食物選擇就係唔同口味嘅炸雞 今次叫嘅兩款炸雞都好好食呀🤤秘製芝麻蒜蓉炸雞丼炸雞有六件 食落口都係非常之脆 直頭係聽都聽到佢嘅脆 蒜蓉醬有少少太重口味 好彩有蘿蔔絲解一解個鹹味 個人覺得炸雞真係出色🐥南蠻他他醬炸雞定食呢個淋咗醬嘅關係 炸雞唔及丼飯嘅脆 南蠻他他醬唔會太甜 配炸雞幾夾😝 炸雞外脆內軟 仲有好多肉汁 好juicy兩個飯都配咗麵豉湯同大量椰菜絲 椰菜絲可以用檯上嘅芝麻醬配埋嚟食 椰菜絲真係好解到炸雞嘅油膩感㗎😋整體黎講 呢間炸雞店嘅炸雞好有水準😗 鍾意炸雞嘅朋友一定要嚟呀 好推介大家嚟試

今日同朋友去開荔枝角AEON行吓 肚餓係入面搵野醫肚 見到間淺草炸雞🍗 地方好大 坐得好舒服 又無乜人排隊 就一於試試佢👍🏻朋友叫左個秘製芝麻蒜蓉炸雞Don 🍗調味我唔太鐘意 感覺普通 炸雞新鮮熱辣 份量好多 不過不失 合格之作 我叫左佢個南蠻他他醬炸雞定食🍗 炸雞外脆內軟 配上他他醬同埋少少椰菜絲 好好送飯 另外叫左個甘辛雞翼都好食😋 醬汁甜甜辣辣 肉質鮮嫩多汁🍗可能全部新鮮炸起 值得一讚 價錢意外貼地 兩個人食埋單 $129 經過朋友仔可以一試 🦦🤙🏻

大家都知道，炸雞的基本好食的要求是脆，其次雞肉要嫩。但很可惜，今次光顧這日式餐廳的滑蛋雞扒丼，就連基本的要求也達不到，即炸雞不脆，其肉也不嫩。還有，其中的滑蛋也不夠滑，配上的白飯份量除了很少之外，也覺其偏軟。最後的疑問是，等了十多分鐘後，所奉給客人的餐為何會不熱呀？其實，除了餐廳乾淨及環境標誌外，我真的沒有可以讚美這餐廳的地方，當然亦包括員工帶著苦臉的服務呀!我衷心希望這間餐廳可以做到能令人難忘的是其食物而不是裝修。加油吧!

☕️ 食物：👍🏻👍🏻👍🏻 👍🏻/5  💰CP值：👍🏻👍🏻👍🏻 👍🏻/5🤵🏻 服務：👍🏻👍🏻👍🏻 /5🛋 環境： 👍🏻👍🏻👍🏻 /5 日本食物，如果唔想食魚生、壽司等等，日本炸雞係你不二之選，而淺草既炸雞更加係Juicy 滑嫩，又唔會厚粉漿 脆香炸雞定食  炸雞d皮脆卜卜，而醃料都好香好入味，入面雞肉又好Juicy，重點係佢係日本既抵食炸雞價！

黎到荔枝角aeon 附近一間東京淺草炸雞專門店，由於太耐無去過日本，睇完個名，就衝動入左呢間餐廳食野，叫左一個芝士滑蛋炸雞丼，面個層勁多芝士，d雞扒唔會淋晒，落左d汁後仲有少少脆，而且仲有肉汁係入面，正！！最低個層飯，有好濃烈嘅汁，唔會得少少，基本上每一啖飯都有足夠嘅汁，但又唔會過量，好細心，但唯一美中不足，係無滑蛋嘅視覺同口感，d蛋就熟左少少。而餐廳叫定食，加$12就可以任飲汽水同咖啡嘅飲品，性價比都唔高。

腦細忽然話想食炸雞， 好彩呢一頭都食過唔少鋪頭， 就介紹佢食呢間野。地點響吉之島入面，好四正整齊，堂食都非常放心。餐牌大部份都係炸雞，(雞，全部都係雞！) 不過就好多唔同款式煮法，又間中有新款，唔駛驚無變化！第一次可以試親子丼, 最穩陣。驚太油膩就南蛮雞，一塊雞扒，多醬，輕輕炸。我就推薦karayama定食/黑胡椒雞定食，足足有四大舊炸雞，過足口癮！食落好爽脆，感覺唔到有油，技巧分贏晒！飯係用日本米，一粒粒好彈牙，呢個價錢係非常抵食

去AEON轉左個圈, 見呢間未食過就試下😋 可能位置比較偏，8點幾去都無乜人，2個人坐4/6人卡位😂 環境就一般，櫈都幾殘舊🧐。同埋可能staff見無乜人或者準備定收舖…比較暗…叫左個香炸雞翼和香脆雞脾肉定食🐔🍱，加左薯角🥔 上菜速度都ok，全部熱辣辣。雞炸得好脆，唔會太乾，粉漿都唔會太厚，炸既時間啱啱好，炸到金黃色💛，所以啲雞仲幾juicy，不愧係炸雞專門店👍🏻。出去食通常一個set淨係得雞翼或者雞脾多，但佢呢個定食一次滿足兩個願望😂，幾豐富🖖🏻，價錢都唔算貴。因為想就咁試真啲炸雞既味就無點醬，倒左醬去椰菜絲到，撈飯又幾好食😝。2隻醬都唔錯，甜甜地，少少少少酸。薯角同味噌湯🫕都係普通無乜特別，so far喺香港食定食配既味噌湯味道都唔會相差太遠。

美國炸雞快餐店有好多間，想食的話，好多時都可以食到。這間 東京淺草 日本炸雞連鎖店就只有幾間分店，今日試試日本和美國有咩分別。這間 碧海藍天 分店，在Aeon門口，地方幾大，好濶落。坐得好舒服。果香鹽味醬炸雞丼 $49 +甘辛手羽 $10, 加一，合共$64。炸雞丼有好多蘿蔔絲和椰菜絲，新鮮爽脆，和炸雞一齊食，感覺無咁熱氣。炸雞好熱，皮脆肉厚，好好食。比美國炸雞好食太多，唔同level的。果香鹽味醬，咸咸甜甜的，幾好。因為有好多菜絲，加枱上的芝麻醬一齊食甘辛手羽 比 香炸雞翼, 貴$1。分別就是多了甜辣汁，我覺得有小小甜的味道，無辣味的。

其他地方食炸雞好多時都厚粉又柴，但呢間完全無呢個問題，價錢適中，炸皮又脆又薄，啲肉汁咬落去即刻流出嚟，好正!!好食過好多連鎖店同韓式炸雞!本身睇相以為會細細件，一上到檯就發覺件件都有手心咁大，正! 我哋叫咗雞拉麵，雞一樣係非常滑，雞味好濃! 味道方面，我自己就覺得樣樣都鹹甜適中，甘辛雞翼甜度剛剛好，辣味好輕微，但完全唔會蓋過原本嘅炸雞味，做得好好! 環境方面都ok，闊落坐得舒服，又有自助野飲吧，堂食都幾好!

滑蛋雞扒飯，溫度都夠（食炸食物最驚常溫或凍），滑蛋濕濕哋更易入口，有碗湯。如果多少少汁會更好。好似有得加12蚊任添飲，不過無試。六十幾蚊一餐還好，下次可以再試其他口味選擇。

新搬去荔枝角 繼續試附近餐廳係碧海藍天下面Aeon入口嘅淺草炸雞夜晚好少人食試左期間限定嘅黑胡椒甜辣雞脾肉定食同親子丼定食配兩件雞脾肉 叫完餐5分鐘就送到黑胡椒甜辣雞脾肉定食$59 （8/10）😱$59 有四件大雞雞超熱辣辣 皮好脆 肉都好厚甜辣味好香 好似食緊韓式雞咁其實黑胡椒味唔算重親子丼定食配雞肶肉 $59 (6.5/10)比較甜辣，呢個比較普通冇左汁後覺得雞有d乾親子丼個蛋都唔夠滑滑🐔下次可以試其他😂$59性價比高不過炸雞真係好熱氣偶爾食下就好味道：服務：環境：性價比：