東京站 章魚小丸子 (已結業)

之前第1次食係因為見到有叮噹豆沙餅..就停低望2眼...睇住個呀姐係度整Q餅($15),佢落蛋漿、切香蕉既手勢 爐火純青加上聽到路人對話:"Q餅好x好味ga..試下la!"本身見到ed Q餅冇乜興趣...結果都係一試左度右度,叫左日式蘑菇腸(芝士)見到岩岩個女仔問佢加芝士...我又問XD呀姐好好人咁加左比我諗住佢係腸還腸, 蘑菇還蘑菇..原來係d蘑菇本身就係d腸入面一食...原來真係幾好味wo!Q餅並唔係想像中咁硬食落脆脆地, 但又不失煙un既咬口=D好正~不過下次會叫甜既..咁個味應該會夾d另外又叫左豆沙餅同奶黃餅($14/4個)聞落一陣雞蛋仔ge味先試奶黃餅..冇咩特別味咁有椰絲係入面..差d以為佢拎錯椰絲味比我食埋豆沙餅先知原來真係有椰絲另外叫埋魚旦,都ok=]最近一次食又係q餅,今次係藍莓奶醬....唉,個呀姐整得好味好多lo下次都係見到呀姐先買!

路經此處，見到啲油池勁大件，所以買咗嚟食，果然 ichiban 另外，亦都試過章魚小丸子，夠大粒，熱辣辣，醬汁哂落唔嬲，好味...值得一讚嘅係員工態度，喺旺角買街頭小食，從來都唔會奢望有咩 service，亦唔好諗住佢哋會好有禮貎 ... 但呢度嘅員工，好有禮貎，買嘢食都買得好開心 ... 下次會試吓叮噹餅

四月十三日(星期日)同老公上次黎開呢度,見到d螺胸好吸引,不過忍住唔食,諗住去食肥媽,不過都係冇食到,老公仔仲好掛住呢度既鴨胸!好啦!食喇!等左一陣就有得食!不過老公仔話un左d d!我就覺得唔錯喇!同埋都幾厚!

自從大曼谷執o左後都無乜點係旺角食過串燒，呢間其實開o左好耐，但只係幫襯過佢買章魚燒同日式Q餅，今次行過見倒d串燒都幾靚所以試下，要o左我最鍾意既豬頸肉同埋雞肉串燒，見倒d芝士腸仔都幾靚所都要一串，因為我要三串既關係所以佢比個飯盒我裝，如果食魷魚既話仲會幫你剪細舊方便你咬幾周到，不過就唔係咁環保。加o左兩種唔同既沙爹汁，真係好好味，本身雞肉已經好入味，配埋沙爹汁真係正，因為有沙爹味得黎又唔會太辣，豬頸肉亦都無令我失望，每串幾其實真係唔知，只知三樣加埋廿八蚊，以質素計都算係抵食的。