東京築地拉麵 (已結業)

正當你地個個排隊等食 茶木, 我發現一間門口完全無人... 我以為大清潔緊既拉麵店 - 東京築地拉麵 Tokyo Tsukiji!! 估都估唔到, 只係晚上9點左右, 居然會有半價, 無錯, 所有拉麵及小食都有半價!! 真係好抵!兩個人叫左兩碗拉麵同一份雞翼做小食, 埋單係$88.8. 真係去邊度搵呀!!! 你去食譚仔都唔止呢個價錢啦!小食都有好多種類, 而家價格半價左之後非常非常之抵, 真係叫多幾個小食都唔怕!而拉麵呢, 唔算貴, 同出便一般拉麵店差不多, $60-70! 選擇都有好幾款, 不過對我呢個有選擇困難症患者, 我會揀最普通果款 - 味自慢叉燒拉麵 ^^黑椒脆皮雞中翼 - $28 三隻, 九點後半價, 即$14!好細粒既雞翼, 可以一啖一隻! 味道無乜黑椒! 但以$14有4隻黎講, 都算幾唔錯~味自慢豬骨濃湯叉燒拉麵 - $60, 九點後半價, 即$30!仲有隻糖心蛋跟埋比你, 呵呵呵~味自慢醬油湯叉燒拉麵 - $60, 九點後半價, 即$30!煮麵既質地OK, 唔會太硬或者林晒! 而湯既濃度, 兩者都差不多, 不過我都要落黑椒黎調味, 味道好視乎個人喜好!! 飲品就正價,

為慕名已久的茶木，與友人來到加拿芬廣場，一出升降機，全層也塞滿了人。其實早知道若要吃茶木，需等候約1小時以上，無奈地實在太多人，企位也機乎沒有。等了約20分鐘，見輪候位置動也沒動，故放棄走到同層附近的拉麵店，毋須等候可入座。雖然店內並不算人多，但被帶到牆角位的二人枱，空間偏細。正在猶豫吃辣拉麵還是餐牌封面上的黃金，餐牌封面的拉麵不會太差吧? 最後選了這個小吃則點了枝豆，豆太乾身，且味道不夠。炸蝦天婦羅炸得不錯，外皮鬆脆，不太過膩，內層的蝦亦算大大隻，軟淋淋，層次豐富黃金豚骨特製拉麵湯底好濃，並配粗拉麵，煮得太過軟，幸好薄薄的叉燒亦吸收了湯底，可以說全碗麵唯一精髓。如果特意聞一聞，拉麵會有好重鹼水味，好難聞，相信是過冷河過得不清，但其實食落又不太覺鹼水味，因被湯底蓋過味道，心理上也食得不開心。

想吃拉麵的晚上, 由於已時值10點多, 特別指名的拉麵店倒沒有, 就到加拿芬廣場碰碰運氣希望還未過LAST ORDER時間吧! 幸好既沒等位人潮, 而且座位也算舒適. Menu以大量文字介紹食品, 嚴如其說「拉麵新聞」. 不過肚太餓就沒腦細胞仔細閱讀了.店內其中一角留影, 店舖裝潢仿照日本, 不過略嫌裝飾過多, 變得弄巧反拙.兩種調味品, 介紹了食法, 頗用心的. 黃金濃厚豚骨湯叉燒拉麵 ($65) : 說是黃金濃厚, 基本上就是偏重味的豚骨湯了, 雖在menu上刻意介紹豚骨湯含大量美肌的骨膠原, 可是喝了如此調味甚重的湯還是會有罪惡感. 味自慢叉燒拉麵($60) : 原本有醬油 或 豚骨湯底選擇, 可是因醬油湯底賣完所以被迫選豚骨湯底, 使得和上面的黃金濃厚沒分別了. 七味香辣薯角($28) : 好像突如其來一客西式小食, 可惜淡而無味, 期待的"七味香辣"為 "零"味道.原味五花肉叉燒(4片)($35) : 與配拉麵不同的味道, 很惹味, 口感嫩滑. 由於第一次光顧, 除menu外並沒留意其他, 付款時發現單據的金額比預計的便宜超多才發現半價, 然後再看到門口早站著半價的招牌呢!

８點幾黎到尖咀又唔知食乜好。。唸住食爭鮮但系好似執左。跟住系街路上見到築地個招牌，於是友人話想試築地就陪下佢試～上到２Ｆ　唔使等就直接入座　非常好。最憎食野要等！入到去覺得環境唔錯，好似系日本街頭食拉面咁，待應仲會主動比杯茶我地。友人叫左赤神＋提子蘆薈疏打／我就叫左黑鬼＋翠梅疏打。提子ＳＯＤＡ一般，不過食完熱辣辣拉面飲ＳＯＤＡ好爽！翠梅ＳＯＤＡ就似酸梅湯味。赤神友人話好失望，唔抵$7X呢個價,系Ｄ荀夠味Ｄ好食之外，其它都唔系特別好食，Ｄ面條唔彈牙，又硬硬地。我試左佢啖湯，得Ｄ辣粉味，仲要唔系好辣（我唔食得辣），同埋叉燒一拎起就碎了，系湯底仲撈起Ｄ未溶既粉，佢話我個黑鬼好食Ｄ。而黑神我覺得湯底唔錯，幾濃幾香，同埋粒蛋好味，我幾鐘意食，有淡淡既老水味但如果多Ｄ料就好了，木耳,荀,豆芽,應該都可以多Ｄ，我最後將Ｄ面都食清光，岩岩好飽仲可以飲埋湯。整體而言唔會特登再黎食多次，試過就夠了 

有事做黎到加拿芬廣場，順便黎呢度食埋野，見呢度有幾間食店，就揀左食拉麵。上到二樓，都已經三點幾，但茶木多人等到痴線，相返隔離嘅築地就靜過乜，見店員大叫日文，都好似ok咁，就算啦試下佢。黄金濃厚豚骨湯叉燒拉麵 $65賣相幾好，湯真係幾濃，但啲味麻麻，好味精feel…配料只有數條木耳絲，三條荀同兩條豆芽。叉燒十分淋，一夾粉碎，味道無乜。味付蛋半隻，又係無乜味，同凍嘅。拉麵係黃色個種，好大陣鹼水味，唔like。赤神濃厚豚骨湯叉燒拉麵 $68友人叫嘅赤神，味道基本上同上，配料落得更姑寒。湯完全唔掂，喺豬骨湯上加左辣油，但一啲都溝唔埋，個隻辣味同某牌子嘅辣椒油分別不大，好失望。除左放低兩杯迷理嘅熱麥茶同落單，都無見過個侍應，想加茶都揾唔到人，咁都要加一，真係唔知服務左去邊。

第一次與老公光顧這家店隔壁的店都擠滿等位的人潮唯獨這家沒什麼顧客~~~老公點了黑鬼,,我則點了雪印牛油叉燒拉麵先嚐一口湯有牛油味,,但不算太香濃吃到底不會覺太鹹,,適合不好重口味的我~~只得一片叉燒,,不過一夾就散開唯獨麵的軟硬度剛好～～半熟蛋也不錯!!至於老公的黑鬼,,他則大讚好~~平日他吃東西比較重口味,,估計湯頭夠濃郁,,以至他喝完整碗湯之前光顧其他拉麵店,,都沒見他吃到見底的「感謝」字樣喇~~不過叉燒同樣比較淋身喇~~點的飲品有梅子soda及巨峰葡萄蘆薈soda兩杯飲品都有各自應有的味道~~不錯!!最好的就是沒太多客人,,即使吃飽了..坐著聊天..侍應也會主動加水啊~~總體來說,,都合我倆各自的口味喇~~

今日喺呢頭做完野~~就諗住搵個地方坐坐醫醫肚~呢期對日式拉麵情有所鍾所以刻意周圍搵拉麵食~!!喺呢頭附近,舉頭一望~就見到呢間~所以上黎幫襯上到黎~一個客人都冇~服務員優閒地招呼了我坐下~放下熱茶便行開了~我細心望下餐牌~簡單的几款選擇,主打有几款湯底~豬骨湯黑油同辣湯~仲有几款小食~可能服務員見我的選擇困難症發作~~所以前來協助推介一兩款~咁啱服務員推介的款式沒有列入下午茶優惠中~所以只能散點,(下午茶的話價錢會理想好多~!)最後經服務員介紹,決定點了他們最出色的黑油濃厚豚骨叉燒拉麵 + 自家制日式煎餃子黑油濃厚豚骨叉燒拉麵 - 份量唔算好大份~黑油原來係點蒜窄出的油~帶有點點蒜香,加在原本的豬骨湯中,不夠特出,反而豬骨湯口感好濃厚,令我忍唔住差D成碗飲晒~!叉燒兩大片~我個人覺得切得太薄~一夾就甩了, 漿汁煮的叉燒本身味道唔錯~有香肉味又唔會過咸~!拉麵本身煮得時間唔夠耐~覺得有D硬~~可以淋少少會好D!自家制日式煎餃子 – 等左一陣先上枱的餃子~餃子皮煎得有香脆的感覺,當中的菜肉又飽滿又多汁~唔錯~!旁邊仲有一個調味架~有自己即磨白芝麻同七味粉~磨白芝麻的小工具比較難用~磨黎磨去

港人一向對日本菜情有獨鍾,近年市場上更興起一片拉面熱潮,今次和大家介紹下位於TST的築地拉麵黑蒜油拉面 :叉燒幾肥但幾入味, 湯底咸而不濃,幸好有黑蒜油伴襯令口味不會扣太多分數黃金濃湯拉面：類似栗米湯甜味，面身偏硬豚骨豚角拉面：朋友叫,冇試,比張圖大家參考下

本身想去食茶木，點知要等到2046 XD 行左去隔離醫肚其實呢間都見左好多次，都冇咩衝動去試今次終於有機會啦～坐位之間都幾闊落，坐得都幾舒服，同埋裝修都幾有特色睇下睇下麵都好快到～叫左黑蒜油拉面，吉列炸蠔同埋梅子飲品（唔記得叫咩名）黑蒜油拉面依家好多地方都有～都唔算好特別，冇令人留下特別印象叉燒都幾大塊，唔算太薄，都okay ge反而吉列蠔做得幾好，外脆內嫩，有蠔味，唔係好多間餐廳用到呢隻水準ge蠔梅子特飲，上面個粒我放埋入去，拮爛左少少，成杯都好開胃又解渴～試左一細啖粒梅子，酸到呢～～X_X 大家真係唔好貪玩！ 哈哈哈

一間以拉麵做主打的專門店。裝修日本風格、座位寬敞可惜室温比較熱了一點。今晚點了日式煎餃子、日式蕃茄沙律、雪印牛油叉燒拉麵、黑油濃厚豚骨叉燒拉麵。沙律一般，一人份量，質量沒有多大驚喜！餃子太多油，冇肉味。其實自己今晚對拉麵就有點寄望、可能這是一家以拉麵做主打的專門店。雪印牛油叉燒拉麵、賣相可以、可惜牛油香及味則欠奉、麵身亦唔夠彈口，湯底平庸非常普通！店員推介黑油濃厚豚骨叉燒拉麵就更失望，只有黑色油、原全沒有香味、麵身都是偏向軟身，湯底非常淡！其實原全唔似食日本拉麵！兩碗麵湯底又唔熱，幸好有半隻還可以的温泉蛋！怪不得唔使等就有位、入到嚟都只有幾個客！服務亦只是普通、沒有一般日式拉麵店的熱誠。 如果在尖沙咀只求食一餐叫做日本拉麵、沒有要求，可以考慮！

是日同朋友仔食宵夜，去左tst呢間想食好耐既拉面店，因為9點後有半價，好抵！四個人叫左三個豚骨湯拉面，一個辛辣拉面，兩個小食同三杯野飲。講左小食先，餃子新鮮熱辣上，煎得岩岩好，ＯＫ！雞翼，同樣的新鮮熱辣，不會太咸，ＯＫ！豚骨湯拉面，湯底味道正常，拉面無特別，但糖心蛋同叉燒好味，尤其係糖心蛋，口感細緻。辛辣拉面，成個面都係油，朋友嚇左一嚇，「筆」哂層油出來先食，小小辣，聽講還是好味的。野飲方面，叫左兩個綠茶，而送到的綠茶只是茶包加水……同一支芒果飲品，朋友仔的，聽講好難飲，話唔似芒果味。野食大合照。overall算係不過不失，半價野食唔可以咁高要求。如果係宵夜，都可以有下次。

在窮困的狀況下逛尖沙咀，但又不想吃快餐，所以只好在街上走走走，沒想到上天還是眷顧我這窮家女，居然給我發現了在做半價優惠的東京築地拉麵，雙眼發光的我毫不猶豫地衝入店家，享受廉價日本拉麵晚餐。

最近十分流行的拉麵风！自從一蘭開業後，個個都去等住食！但本人就感到太貴了，一百多元吃一碗拉麵！平日的晚上，原本計劃到好時沙爹的，誰不知居然要等久十多張台，最後便到了這間拉麵店！七時人不多，立即有位，店內有點像到了台灣故事館一樣，全部都是舊式的場境，感到很舒服！他送上的不是一杯水或熱茶，而是一杯冰茶！這拉麵店主打的都是吃豬，便沒其他了！我點了一碗普通的豚肉拉麵不過是辣湯底的！看下去像很辣但其實一點都不辣，可是比我感到有點肥賦，湯底有點像五香肉丁的味該道！麵比較硬身，表面看像很細碗有不飽的可能性！但吃下去後原來十分飽滿，還有點反胃的感覺，應該是那湯底的問題吧！價錢貴了一點！68元一碗還要加一！我還是吃回他的平價麵好一點了！唯一比較吸引我的，還是那個装修吧！

早一陣子因酒友們的關係都會相約在這商場中的南燒北鍋吃飯, 每次經過去洗手間途中都會遇見這個充滿日本色彩的拉麵小巷。可是每次總是已告打烊, 但知道有這一店便想盡機會來試試。這家拉麵店東京飲食地標之一 - 築地市場為名, 可是賣的實非築地中都找到的新鮮魚料, 相信只是容易讓人記得而已。雖然名字未見輝煌, 但是卻是標榜用上七輪的傳統製麵方法 (即製造出來共有七個步驟)。令在來自北海道的三種不同的麵筋, 混入雞蛋, 海鹽及水, 經過壓, 攪, 發, 拉與熟成來造成, 麵身大剃均勻, 而且彈性好。而湯底也利用五輪的做湯方法, 將豬骨, 雞骨, 昆布, 魚乾, 蔬菜及乾貝等作料分五個階段加入, 務求集百家之所長。   點的是一個黑鬼濃厚豬骨湯叉燒拉麵。而所謂的"黑鬼", 其實是利用黑蒜精製出來的蒜油, 混入以豬骨為主的濃湯之中, 做出香味明顯的豬骨湯。而事實湯色真有如墨汁一樣的黑色, 蒜味也有, 可是不如想像中般明顯。奶白色的豬骨湯底, 豬骨鮮味明顯, 但湯身不算厚, 可是油膩感高。整體來說, 湯底不算得是突出, 甚至可能比即食麵的人工黑蒜味道都要弱一點。湯底 -- 6.5/10    麵條卻是用

After a quick snap for rubber-duck when it arrived HK over a week, sunflowerting , a noodle-monster rush to another side of TST looking for her 3rd noodle-meal within one day (i.e. breakfast: local cafe noodle with satay-beef, lunch: canton style noodle with fish-ball)~ Really looking for some good place rather line-up or too small space there, 2/F maybe a good idea when found the advertisement from that buildingSurprise for the tidy & japanese-stylish decoration upstair, it's the 1st time sunfl