東京築地拉麵 (已結業)

收工在屯市覓食，突然很想吃拉麵，由於屯市樓上的拉麵質素漸漸令我失望，想起時代廣場地下也有一間拉麵！ 經過很多很多次但未試過，今次終於試到，還要質素很佳呢！店內裝潢帶日本風呢！ 先來個小前菜，帶子裙邊，吃落有點爽口，完全開了胃。然後還有日式前菜呢，是中華沙律、螺肉及wasabi魷魚。今次點了翠梅汁，為炎炎夏天盡情解渴。豬骨湯叉燒拉麵，湯底不會過濃，叉燒好吃到令我醉了，肥瘦剛好，很入味，吃多幾舊都得！ 還有一個新出的櫻花蝦沾麵，沾麵愛好者絕不會失望！ 叉燒是一樣令我著迷😍 櫻花蝦分量絕不吝嗇！最後小吃還有醬油雞翼，有居家感覺！ 醬油入味，可以爬幾碗飯食哈哈整體而言，我會再去的，有種相逢恨晚的感覺，明明經過了很多次但從來未試過，屯門人必食之選！

係巴士總站落車一眼就見到間食拉麵既，餓餓地唔理3721入咗先。接近晚飯時間較多人等位，內裏大多都2/4人位。沾麵係香港都興咗一排，個人認為比拉麵好食。店裏有兩款，魚介沾麵和櫻花蝦沾麵。叫咗一碗櫻花蝦沾麵，沾麵同拉麵唔同在於麵同湯係分開上枱的，同埋麵質有口感啲。碗沾麵裏面叉燒夠肥，糖心蛋櫻花蝦再加其他配料。櫻花蝦在魚湯鮮甜，麵條連櫻花蝦沾住食滿有層次感。有口感之餘又重味道。麵條粗幼度適中，麵質口感幾有彈性，掛湯一流。必叫純情豬菇力卷，純精豬以岩手縣純情蘋果餵飼，咬落去啖啖肉汁，加埋金針菇非常爽口，份量都比較多，有八條到。燒汁治雞肉棒，咬落去好有口感好似食緊雞軟骨。味道唔會太鹹。赤神濃厚豚肉湯拉麵，建議食到辣嘅人先好叫🥵

就係稻香裝修期間，完全唔知食咩好底下，由打Bino變左食拉麵🍜啦～👆門面單憑門口這面充滿民族線條的旗，就已為餐廳額外添加日式地道感覺了～👆餐牌2人餐單參考（飽足程度：★★★★★）：魚介沾麵 x1黃金三神拉麵 x1純情豬菇力卷 x1日式煎餃子 x1和歌山濟州梅子冰 x210% Service ChargeTOTAL HK$304👆魚介沾麵 HK$88（推薦指數：★★★☆☆）沾麵中最搶眼的部分絕對是這塊厚厚的三層肉莫屬，別看他那麼大塊，竟是入口即化，應該是經過長時間的熬煮吧～👆黃金三神拉麵 HK$66（推薦指數：★★★★☆）小編覺得帶湯的拉麵，湯底比起什麼都重要，這個是香濃不油膩。湯底選用了大量的豚筒骨、昆布、魚乾等材料，加上獨特的【五輪煮湯法】熬煮，大概就是經歷長時間跟五個過程的意思吧，也是築地獨有的三神拉麵。👆日式煎餃子 HK$38（推薦指數：★★★★☆）👆純情豬菇力卷 HK$40（推薦指數：★★★★☆）肉質新鮮多汁👆和歌山濟州梅子冰 HK$22（推薦指數：★★☆☆☆）👆餐廳環境

老公最鍾意食拉麵，今晚一於帶佢去《東京築地》食拉麵！😉一入到去環境真係好似日本拉麵店咁，雖然地方唔係好大，但坐得好舒服！👍我揀左雞白湯拉麵，老公就食魚介沾麵，仲嗌左兩個小食 - 燒秋刀魚＆燒汁治雞肉棒。叉燒拉麵就食得多，雞拉麵就真係未食過，試下啖湯，嘩~好濃嘅雞湯味，雞肉好滑，佢入面除左雞肉之外，仲有1塊叉燒，好味！👍未食過沾麵，第一次食好特別，啲麵掛滿濃濃嘅湯，good！叉燒好肥好厚肉，超滿足！燒秋刀魚ok，夠味夠香脆！燒汁治雞肉棒，係我同老公喜愛的，因為入面有雞軟骨，有咬口！仲有2碟螺肉前菜我仲點左翠梅梳打冰，酸酸甜甜，好醒胃！menu入面仲有好多野好吸引，一於下次再嚟食過！😎

入到餐廳，雖然地方不算太大，但五臟俱全。抬頭望餐廳的裝修有些日本風格，佈置得很日本風。今晚分別叫咗以下幾樣東西：魚介沾麵、黃金三神、純情豬古力卷、餃子、和歌山紀州梅子冰。等待魚介沾麵上枱時，店員送上一個冷盤小食-味付螺肉，可以食住等，好貼心🥰沾麵一上枱，聞到香氣四溢，碗內還有份量十足的豚肉，肥瘦適中，滿足味蕾。黃金三神個湯底Creamy，配有溏心蛋、叉燒、竹筍、蔥花等配料都比較多。純情豬古力卷，名字十分搞笑，而且該菜式做得十分出色。肉得比較香口，配上日式燒醬汁，唔會太乾身食落好Juicy。餃子，實在皮薄餡靚，煎得比較香口，再蘸碟上清清的豉油，簡直一絕。

想去築地～唔一定要去日本嘅，晚上去到了屯門，我們揀了位於時代廣場的「屯門築地」一試餐廳的拉麵🍜。餐廳內的裝潢也頗有氣氛，好別緻🥰而桌面放滿調味料，可自行調味。餐牌設計有心思，其中一份是以報紙形式 Design 的，別出心裁😄是晚分別叫了：❤️《魚介沾麵》～魚湯沾麵湯底鮮味，把竹筍、蔥花、麵條拌在一起，香味微渗，加肥厚豚肉大口咀嚼，絕對是享受。隨麵更附上一個冷盤小食（味付螺肉）👍🏻🧡《黃金三神》～湯底濃厚不油膩，配上豚肉叉燒+溏心蛋，麵有嚼勁，有水準。💛《純情豬古力卷》～名字有創意，此乃豚肉金菇卷是也😹純情豬配上香濃日式醬汁，入口帶點微甜，呢個小食無得輸💚《餃子🥟》～皮薄餡靚💙《和歌山紀州梅子冰x2》～梅子肉厚，甜中帶點酸，透心涼飲品。下次可試埋其他🙌🏻

今日終於唔係孤獨食，都可以去食拉麵啦！入到黎屯門市廣場，係呢間東京築地拉麵食晚餐。好，坐底睇下有咩好食先。叫套餐會有精選小食送，每日不同。魚介沾麵，以豚骨同乾魚一齊熬製湯底，拉麵粗身彈牙，大大舊半肥瘦叉燒好吸引。雞白湯拉麵，湯底係濃厚雞味，拉麵夠爽口，除左雞肉，仲有塊薄叉燒，抵食！日式黑油雞翼，肥美既雞翼咬落啖啖肉，醬油好入味。餃子，煎得唔錯，皮薄餡料足。和歌山紀州梅子冰，冰凍梅子酸酸甜甜，飲完夠涼快。

好耐無食過拉麵，去左屯門搵食，見到門面幾吸引，就入左去。櫻花蝦沾麵湯底是佈滿櫻花蝦，味道濃郁，配上一舊極厚的叉燒，有嚼勁得黎又有味道，麵質軟硬適中，水準之作。慢自味叉燒拉麵叉燒份量好足，都係較厚身，湯底勁香濃，加埋流心蛋，一人份量好足。中華拼盤有螺、中華沙律同辣味八爪魚，作為頭盤係勁開胃。日式黑油雞翼雞翼超入味，不只是表皮，肉都入哂味，咬落去好幼滑，推介！和歌山紀州梅子冰食完咁多野點少得解渴既飲品，酸酸甜甜好開胃，又解渴，梅子味又香整體上好滿意，下次會再食多次！

女朋友落order想食拉麵緊係揀個近佢又高質嘅【東京築地拉麵】🙇‍♂.裝修走日本風，以木枱木凳為主天花再掛滿一個個充滿特色嘅日本旗幟好有日本居酒屋feel🤩.連餐牌都設計成報紙款,又幾創新.魚介沾麵 $88中意濃湯嘅，沾麵係必選👍分成兩碗而上一碗係拉麵，有紫菜，流心蛋，荀片同五花腩肉而另一碗係魚介濃湯魚介湯用豬骨同魚乾等熬製而成，稠身度更高拉麵可以掛到好多濃湯而五花腩係厚切嘅，肉質鬆軟，啖啖肉腍甜香.濃厚雞白湯拉麵 $82以8小時嘅熬煮而成材料嘅精華完全滲入哂湯頭中所以濃稠度度，但吾係"杰"果種～配料方面有雞叉燒，豚肉叉燒，流心蛋同荀片拉麵口感彈牙加上雞白湯順滑而又濃厚但不油膩！.燒汁治雞肉棒 $34雞肉同雞軟骨混合而成食落有粒粒軟骨嘅爽脆口感~配上燒汁既鹹甜味，不錯👍🏻.燒秋刀魚 $33鹽燒秋刀魚魚皮香脆配上清酸味嘅檸檬汁食黎濃厚油脂甘香又帶鮮香！魚肉肉質嫩滑又實肉！.和哥山紀州梅子冰 $22味道酸甜，好醒胃～上面仲有一粒醃梅子添

今日突然想食拉麵上網搵既時候就見到呢間拉麵店見到築地二字就更添日本風味黎到門口都發現有唔少人等位不過食物都上得好快所以唔洗等太耐就有位喇今次我地就點左dinner set首先黎到既係跟餐小食螺肉夠凍酸酸地好開胃拉麵方面就簡左櫻花蝦沾麵同赤神三神第一次食櫻花蝦沾麵感覺都幾特別店員溫馨提示如果覺得湯底太咸可以要求提供清湯不過自己覺得個湯底再流質少少就好喇估唔到拉麵份量咁多最後都食唔哂呢至於赤神三神辣味十分足朋友就喜歡麵質較軟既拉麵建議可以提供麵度既軟硬就更加貼心喇飲品方面就點左柚子冰柚子分量不少 味道十足係咁熱既天氣飲返杯真係降溫不少小食方面就簡左芝士雞肉棒食落有d粒粒 類似雞軟骨既口感好特別！食完都幾飽架！今晚真係食得好飽呀！

好耐之前諗唔到食咩就會食呢間野，冇食一排估唔到差左咁多！每次黎襯都係食黑鬼濃厚豚骨湯叉燒拉麵，今次都唔例外，碗麵一到我都忍唔住「嘩」一聲，唔係因為覺得好精美，而係啲黑蒜油好少，我仲要係撥開啲油先影咗呢張相，實際望落去係仲少。口味方面我食唔到有蒜油味同辛辣感，後來淡到要落七味粉先有返啲味。叉燒係肥多過瘦嘅，因為我唔食肥嘅，淨係咬肉食，咬咬下發覺點解有塊咁柴咁難咬嘅？發覺原來係繩！係繩啊大佬！碗麵同張相已經好大落差架啦！仲要加料？我都係下午3點入去，冇乜人，一啲都唔忙，唔會係忙中出錯，仲要加埋一盛惠$75！你食唔唔食啊？我就以後都唔會幫襯啦！

身為屯門人其實都好少可會去市中心食飯😂😂今日屋企人去大會堂睇表演，就順便去市中心食日本野喔我地分別叫左唔到既湯底拉麵，黃金濃厚豚骨湯叉燒拉麵同埋北海道牛油叉燒拉麵🍜 一食落個湯底好重味道😂但就覺得只係普普通通冇乜太大既驚喜🙈同埋配料都比較少，得大概3塊到既叉燒唔係咁夠喉喔😅😅最後叫埋碟餃子食😝😝總結黎講，唔好抱太大期望，如果想為求填飽個肚都ok既，呢到好易揾到位，假日一入就入到去🤣🤣

我回來了，香港。剛剛去完澳洲旅行，媽媽說起我在澳洲吃了滿多日本菜，即使回到香港的第一晚也要嚐日本菜，今晚我選擇吃拉麵，在澳洲時沒吃過拉麵嘛。在吃拉麵前，先來點冷盤小食，烹調拉麵需時，沒理由餓著肚子嘛。中華拼盤包括中華沙律，味付螺肉與芥辣八爪魚，碧綠的中華沙律爽脆，味付螺肉彈牙，芥辣八爪魚香辣過癮，非常過癮。媽媽的豚骨湯味自慢叉燒拉麵來了，媽媽說豚骨湯鮮美不油，細細品嚐湯頭滿有層次感。慢慢拌開富彈性的拉麵，豚骨濃濃香氣四溢，太黯然銷魂了。慢自味叉燒微微炙烤，叉燒表層帶香烤氣息，豚肉口感軟嫩，肥瘦相間，微微油香教人愛不釋口。至於糖心蛋也滷得不賴，橘紅流心的蛋黃香甜誘人，蛋白入味極致。櫻花蝦沾麵讓我喜出望外，除了沾麵上有櫻花蝦外，沾湯亦給了不少櫻花蝦，可謂蝦蝦相連。叉燒屬肥厚足料型，肥肉燒過後把多餘油花逼出，瘦肉軟腍不乾柴，整體肉質不錯。將櫻花蝦，大蔥，竹筍和麵條攪拌在一起，香氣紛紛跑出來，然後沾麵沾上櫻花蝦濃湯，吸附湯的精髓，一口氣吸進口裡，大口咀嚼，絕對是爽誘的享受。中式滷水雞翼我們就吃得多，但日式黑油雞翼倒是第一次吃。日式黑油雞翼滷得透徹，深褐色的雞皮滑溜濃香，雞肉柔嫩，輕易地骨肉分離

行完屯市唸住去稻香晚飯，點知完來已結業，正在愁緒食乜好，就見到呢間拉麵店，很久以前都食過，佢嘅黑蒜油好正，一於就揀佢啦店舖雖然唔大，但裝修好有居酒屋風格精選小食點麵送的涼拌小食，帶子裙邊加爽脆的蔬菜，作餐前小食唔錯日式煎餃子外皮唔會煎到太乾太脆，仍保留軟熟感，餃子做到皮薄餡料飽滿又有肉汁日式黑油雞翼雞翼經過日式醬油滷煮之後，味道香甜帶點豉香燒秋刀魚秋刀魚經過燒製後略加點鹽及檸檬汁調味，味道已經很鮮燒汁治雞肉棒用免治雞肉加雞軟骨造成的雞肉捧，口感軟腍得嚟有脆口，加上燒汁十分惹味黑鬼濃厚豚骨湯叉燒拉麵濃香的黑蒜油加埋濃厚的豬骨湯底是整碗拉麵的靈魂，配埋經典的日式叉燒，絕對是連湯都唔會放過黃金濃厚豚骨湯叉燒拉麵湯底用咗大量的豬骨及昆布熬煮成金黃色濃厚帶膠質富鮮甜味，而拉麵口感爽彈，叉燒微焦帶肉香魚介沾麵湯底以豚骨熬煮出濃郁的湯頭再加入各式的魚乾一同熬製成傳統的魚介濃湯，配上炙燒黑豚肉、溏心蛋等，味道一流和哥山紀州梅子冰/翠梅梳打冰梅子冰口感像烏梅味；翠梅梳打酸甜夠氣，兩者都是開胃消暑之選

好耐食過呢間位於屯市嘅築地拉麵覺得唔錯最近行過興起又黎試下精選小食隨麵附送小食細細碟涼拌帶子裙邊同蔬菜莖部黃金濃厚豚骨湯叉燒拉麵湯底選用大量豚骨加埋昆布同魚乾等材料熬煮呈金黃色膠質豐富肉味香濃；叉燒厚薄適中肥瘦均勻肉質柔軟而且配料豐富；溏心蛋香而且蛋白滑溜蛋黃流心好正；拉麵粗身微曲掛湯力強而且口感軟彈黑鬼濃厚豚骨湯叉燒拉麵另外餐廳亦有供應黑蒜油同辛辣口味創作出獨有嘅三神拉麵；黑蒜蒜香濃郁配搭豚骨湯底好夾魚介沾麵沾麵湯底相較拉麵濃厚因此豚骨湯底額外加入櫻花蝦同魚介提鮮減輕油膩感黑豚肉厚而且肉質嫩腍油脂豐腴輕炙過後脂肪微焦半融甘香日式煎餃子餃子皮薄經過油煎焦黃酥脆而且餡料飽滿肉汁豐富日式黑油雞翼日式醬油鹹鮮且帶豉香；雞翼經過滷煮色澤黑亮肉質嫩滑入味燒汁治雞肉棒雞肉棒用免治雞肉混合雞軟骨碎製成口感豐富配搭燒汁微甜惹味燒秋刀魚燒秋刀魚肉質細嫩油潤簡單鹽燒加檸檬汁已經好正；留意秋刀魚骨偏幼食嗰時要小心和歌山紀州梅子冰和歌山縣盛產紀州梅子經過醃漬酸鹹醒胃翠梅梳打冰翠梅酸甜生津解渴配搭梳打氣泡感足冰涼消暑