東京築地拉麵 (已結業)

表姐推介在雅蘭中心的東京築地拉麵，話說我也是個拉麵控，於是決定去瞧瞧。不然下雨天除了睡覺和吃美食以外，也無法從事什麼户外活動啊⋯⋯餐廳裝潢都好日式化，餐牌都好特別以一份報紙刊登形式，非常吸睛👀，黃金濃厚豚骨湯叉燒拉麵，叉燒一d 都唔「鞋」肥瘦均勻，有入口溶化的感覺，拉麵🍜麵質美味來自於濃郁豚骨湯。伴上半隻糖心蛋，半溶狀態既蛋有一種蛋香味。沾麵與拉麵相似的麵食料理，把麵和湯分開，湯是熱的，麵卻是泠的。沾麵用的是粗麵，配上兩片紫菜，糖心蛋，一件厚切半肥瘦豬豚肉，直接爽快地將麵沾上湯享用，好好品嚐麵與湯的絕妙組合，這個就是櫻花蝦沾麵。芝心餃子雞翼，溶溶的芝士與豬肉混合，雞翼嫩滑，極具創意。另一客香辣手羽，外皮甘香脆口，辣味刺入喉嚨，喜歡食辣的朋友一定要試試呀！所以就飲番杯翠梅梳打冰，杯面有一粒翠梅，酸酸地好開胃！😋😋✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤，我會寫更多豐富既食評比大家！🤤✨✨✨✨✨✨✨✨✨✨

今日天氣反常，早上落大雨，下午出太陽🌞，好彩到放工時間係好天，悶悶地就找朋友出來食晚餐，我地2人就相約去旺角等，我們選擇去:東京築地食堂(旺角分店)，入到去覺得裝修很像日本風格，枱上的餐牌十分特別，好像報紙一樣。我們叫左4款食物和1杯飲料，看到餐牌上有沾麵，我很喜歡食沾麵，就叫左個:魚介沾麵，麵內有1塊很厚很長既豬豚肉，十分腍而且好滑又入味，半隻流心蛋，蛋黃很金香，還有一些筍，十分爽口，碗邊伴了2片大大的紫菜，最重要仲係有碗魚介醬，十分濃郁，將麵條放入魚介醬內轉幾轉跟住吸入口中，好味道！ 仲配埋魷魚🦑黃蟹籽小食，感覺太幸福啦! 朋友中意食少少辣，赤神濃厚豚骨湯叉燒拉麵，這碗麵看似很辣，其實不是太辣，不食辣的我也可以食少少，都是有半隻流心蛋和一些粟米，碗邊也有2片紫菜，有塊大大的叉燒，肉味唔錯幾好食。日式煎餃子(5隻)，餃子煎到金黃色，很香脆皮又薄，餃子饀內有菜和肉，味道剛剛好不會太鹹，再點下醬料間直是perfect。串燒-燒雞軟骨(2串)，雞軟骨燒到很香，又不會太硬，食落口仲感覺脆脆地，好怕食到D好硬的雞軟骨，這裡就可以好放心食，最後叫左杯日式柚子冰，柚子蜜多左些少，所以覺得太甜，如果

周末即興係旺角食飯又無book位，係雅蘭中心見到間野就入去試下點知就中咗伏，日式牛肉飯點解會有肉燥飯味，完全唔和味，牛肉好腥好咸開始唔知自己食緊咩個芝麻醬菠菜既菠菜食落無沙無澀味，加埋芝麻醬味道正常唔會伏我就叫咗個蝦花蝦沾麵，個沾麵汁質地好似BB糊仔咁似生粉溝出黎扮豬骨煲出黎既膠質重點個湯有陣縮味同勁咸肉同麵蛋都可以既，但個沾麵汁咁，懷疑廚師其實有無試過味呢餐飯咁就食咗我就200蚊，早知食茶記好過

綠魅拉麵- 抹茶色湯底，看似杰身，實質是順滑魚湯加菜茸，頗輕盈。魚味中等，帶鹹香，滲出淡淡菠菜清香。配搭得宜，魚香菜甜，融為一體。惟麵的鹼水滲了入湯中，不討好- 溏心蛋蛋白滑溜，富醬油甜香。蛋黃呈啫喱狀，甘香- 拉麵偏腍有鹼水味，不討好- 紫菜味濃但很腍- 豚肉片兩分肥八分瘦，鮮嫰，肉味濃郁

忍不住要說...真的不會再試平常嘗試喜歡食菜食健康新鮮的蔬果，我絕對不介意青草味道，基本上生吃西芹、西蘭花、芫荽等，我都喜歡。可是這個波菜雞肉拉麵絕對是難忘！賣相：太不自然的綠色，太像添加色素，比油畫更鮮艷香味：沒有特別的香味道：淡味，一點都吃不了新鮮自然的蔬菜味道。雞肉是韌優點：環境清靜，因為客人不多，不會太嘈，而且坐的蠻舒服。相信於旺角，需要與人談心聊天，環境來說都是個不錯的選擇。另外，有前菜-中華沙律附送，好吃的。

假日睇戲前黎醫飽個肚，見有Lunch Set黎試試。入面裝修幾好，符合日式風格，以木色為主，座位唔會太迫。服務正常，野食中規中矩，飯品反而較出色。兩人叫兩個餐，連埋加一，每人大約$75。跟餐小食-味付螺肉螺肉同平時食嘅一樣，正正常常。赤神濃厚豬骨湯叉燒拉麵個湯辣味幾香，但油左少少。叉燒有兩塊厚身都整得幾淋。麵煮得較淋身，少左彈口。綠味拉麵菠菜湯底味道幾特別唔錯，無乜菜嘅腥味，但男友就覺得味道有啲怪。豬肉分量都幾多下，口感岩岩好，好嫩。而麵都係一樣偏向淋身。熱蜂蜜綠茶會有蜂蜜珠珠，一咬開甜甜嘅蜜糖爆出黎，令到杯綠茶好香好潤。 熱咖啡咖啡比一般更香濃滑口，落奶嘅分量又岩岩好，酸味唔多。

一個人既時候最鍾意食拉麵仲要唔洗等位 上openrice搵左呢間佢係雅蘭出面 甘方便既位置 食飯時間都仲有好多空位 (原來有原因的)坐底見到佢有沾麵諗都冇諗就叫左 再加左個粟米同串燒雞軟骨雞軟骨唔錯 燒得幾好 日式燒汁味就甘空口食都可以食既時候見隔離枱食緊燒魚 勁香可惜我唔太食魚 不過應該係唔錯既因為隔離個女人食得好滋味櫻花蝦沾麵其實我都係其他店食過唔少沾麵so far 最好食係炮台山果間小小沾麵店講番呢碗所謂沾麵佢所謂濃郁既個湯咸到一個點 完全冇蝦味 d麵還可以 亦冇痴埋一舊但個湯真係太咸 even快快沾1沾 都係咸舊黑豚肉是ok的 但未到好食片紫菜大半已經惗左食沾麵通常都會期待最後幾佢個汁加清湯飲但我食唔哂之餘亦冇問佢有冇得加湯

今日友人即興過黎旺角搵我食晚餐好耐無食過拉麵🍜所以醒起附近有尼間東京築地無食過，所以即刻黎左食。大概晚上八點多，因為聽日係假期超爆場，店員都無乜點招呼，茶🍵都係再添過。坐低又要我地再換位尼到餐牌好有趣用登報紙📰整不過小食款比較少。落左單等左20-30分鐘先上齊食物。友人揀左個《黑鬼濃厚豚骨湯叉燒拉麵》$69望個樣麵幾靚仔，點個湯完全淡如水，蛋又吾夠溏心叫左個《牛柳粒》$45非常硬又無牛味無口感 乾憎憎唯一好少少尼個《泡菜餃子🥟雞翼》$38等勁耐又貴，要成$20隻差吾多雞翼吾夠脆唯一係夠入味。朋友叫左杯提子🍇梳仔$24真心吾抵飲朋友食晒成碗拉麵先到我尼個《綠魅拉麵》$62見佢係招牌又綠色好似幾特別所以叫了，點知非常失望豬肉見又無味，拉麵🍜幼身算係夠爽，但個湯同樣無味埋單仲要加一收費但完全無服務。

今日去朗豪坊行街 行行下諗起附近有間日本拉麵🍜係附近 就同朋友去試下 門口要行落地府先入到 有d隱蔽🤔🤔🤔🤔入到去地方都幾大 我同朋友六點幾嚟 客人未係好多 menu上有好多日式菜選擇 包括拉麵 咖哩飯等等🤪 張menu又整到好似報紙咁好過癮😛最後我就叫左叉燒拉麵 入面有三塊叉燒 但叉燒太薄 一夾就散🤔 流心蛋變左實心 湯底無之前食過咁濃郁 無咩豬骨味 好清淡🤔🤔 唯一驚喜係竹荀都幾爽 好清甜 呢度唯一可取係價錢好平 但拉麵就一d都吾正宗😿推薦:⭐️⭐️

一心想試下沾麵啦，mk難得見到既沾麵店。入到嚟見都多人，放心坐下。誰知結果是令我們很無語。88蚊再加一包小食飲品。小食係中華沙律，食落辣辣地都ok。牛乳奶茶係牛奶味重，都ok。之後先重點，平時食麵等15分鐘到都ok。我地見住隔離枱不停上拉麵同飯類，遲過我地落單都上哂。30分鐘時問了店員，佢地話整緊。之後，等了45分鐘終於上菜。上菜了湯過了5分鐘才上麵，這麼的服務真是無語了。湯底超咸，豬肉肥肉太多。

一般拉麵鋪頭的醬汁或湯都比較過鹹，這家很好，夠味得來又不會太鹹，食得舒服又感覺健康啲，讚😊三月中才推出的沾麵有兩款，魚介沾麵及櫻花蝦濃湯沾麵，兩者均是$88另加一，包一杯餐飲及一小碟海帶條。沾麵湯汁味道適中，麵份量多，最值大讚係嗰塊特厚炙燒豚肉，好大塊，又夠厚，煎得好香口，連皮上，又不會太肥，入口即溶，正到痺，不像一般的叉燒，又薄又細塊，食兩啖就無，呢塊特厚炙燒豚肉超晒班麵方面如果好講究的，又的確係無其他沾麵餐廳咁煙韌，同時佢塊超正豚肉實在超班，補番晒數。杯熱蜂蜜綠茶包左嘅，驚喜有好幾粒爆珠😊😊

綠魅拉麵 ($62) + 五花肉叉燒 ($20/2塊)評分：8/10.為左呢個湯底特別嘅拉麵專程過嚟 ☺️ 同平時常見嘅豚骨同雞湯都有所唔同 😙 呢個系吸收晒鮮魚湯精華嘅湯底，混合菠菜蓉熬製 🙂 麵條上面可以見到湯底入面真係有好多菠菜。湯底飲落非常舒服滑溜 ☺️ 一啲都唔油膩。有別於平日配拉麵嘅圓型叉燒，呢個拉麵改配日本岩手縣「純情豬🐷」豬肉片，份量都合理。我信佢用嘅係靚豬肉因為薄薄一塊嘅肉味非常香同入味。另外試埋佢哋另一款叉燒，其實質素都可以，但比較單薄唔算太有驚喜。建議食其他拉麵的話都係試番普通叉燒就可以整體嚟講個湯底雖然冇平時嘅咁惹味，但哩呢個都好容易入口我覺得都唔錯 😌 反而麵條方面比較粗糙 😶 稍微軟咗哋冇乜彈性

旺角下午茶除左係女人街抵食之外雅蘭中心地庫都有隱世小店㗎😛呢間好少人 好多人都唔知地庫有間餐廳😂.#波菜雞肉拉麵 $46個湯底真係好特別 唔係色素啲真係波菜蓉 窄到係蓉🥰超足料 而且係有好香既波菜味 一啲都唔腥💯拉麵🍜超掛汁 每條麵都有波菜絲雞肉又滑又甜 太有驚喜👅🤤.#搪揚炸雞 $28超大舊雞🐥 以為細細粒雞粒咁 肉質鮮嫩 又甜 唔會炸到得返舊皮炸雞係即炸嘅 所以好香脆👍🏻加啲七味粉上去 更加惹味😋.燒鳥串 加$8其實係燒雞肉嚟嘅😏 上面淋左好香嘅燒汁再烤 一上枱已經好香😛

赤神濃厚豚骨湯叉燒拉麵 $69這個嘛，就看似很好吃，但… 先說拉麵的靈魂－湯底吧。當起赤神的虛名的卻不太辣（參考一下，譚仔我吃小辣而已）叉燒中規中矩，肥脂不夠入口即溶，肉質散而粗糙，可說是香港普遍的水平。筍是酸的… 其他配料也普普通通的… 唯一贊的是溏心蛋，外周幾乎沒有白色，很入味，黃蛋內芯都呈半流質，不是那些虛有其表，外面流內裡熟的那種。另外贊的是環境，坐得舒適，也不會趕人走，與朋友共聚一餐、聊天說地也是不錯的。

平時路過就路過得多，今次就去試下食呢間餐廳。約左朋友食六點，結果早左去，估唔到仲有下午茶食，咁我當然就點下午茶食啦！我諗價錢應該平好多掛！份餐牌都幾特別，係似報紙形式，幾有創意。餐飲我就點了最普通的柚子茶，朋友就點了蜂蜜生薑茶。天氣太乾，最適合飲柚子茶來滋潤一下。朋友點了餃子，我就點了燒雞串，雞串味道都幾好。餃子都好食，唔會內裡太乾。朋友點了叉燒拉麵，我就點了波菜雞肉拉麵。第一眼就被這個吸引住，其實味道唔差既，雞肉都幾嫩。