東大門韓國料理 (已結業)

終於病好啦！可以出去食返餐好嘅，老公就提議帶我去食個富有韓風的自助餐。升降機口兩邊掛咗好多鎖扣，個個顏色鮮艷，非常吸睛之餘，亦充滿浪漫氣息。而場內有分卡位及 OPEN AREA，燈光是非常充足，而且通風也不錯，絕對不會感覺四周有陣陣油煙味。無論是愛好開揚，或者是喜歡自成一角的，都會坐得很舒服。職員禮貌的為我們介紹如何點選食物，原來有一部份的食物和飲品是可以自行在外面提取，而一些燒物類就在點餐紙選取的。老公已急不及待取他最愛的可樂，不過他也很照顧我，知道我要避免凍飲，所以為我舀了碗人蔘雞湯，飲下去人蔘味的確很濃郁，並不會感覺喉乾。之後到我拿了一些即食的東西，選擇也頗多的，於是我便拿了蛋、蕃薯和即食的炸物。我覺得蕃薯拿回桌子要即刻食，感覺較為鬆軟美味。很快的，職員已為我們準備好燒物，先來幾款紅肉類，如 肥牛、牛肋骨、豬頸肉、豬排 等等。職員也不忘提醒我們，燒紅肉時千萬不要噴桌面旁邊的油，一來紅肉的油份充足，而且油太多會好容易彈到手。陸續地把肉類燒好了，肉質確質很鮮嫩，尤其是肥牛和牛肋骨，我們都安歌了一次。另外，我們也點選了些海鮮類，例如秋刀魚、蝦和貝殼類 等等...因為魚類的肉較為嫩，所以

前幾日難得放假，就約左幾個朋友去食韓燒上網見到呢間東大門好似好多好評，一於決定試下！呢間野都算多野食，但都幾多人，換爐會比較慢！韓燒黎講呢，呢間都算幾好，得閒經過旺角可以試下

平時我係香港好少食韓燒，通常都每年年尾去韓國旅行先會食到。今次有幸同好友黎到旺角既一間樓上韓國料理店，位置係西洋菜南街，地鐵站 E2 出口直行轉左「友誠商業中心」樓上五樓。呢度裝飾好摩登，加上五顏六色既燈飾，非常熱鬧。除咗任叫燒烤食物，餐廳既另一角都有自助吧，包括頭盤，熟食，壽司，熱湯，甜品同糖水；仲有任飲既汽水同啤酒。今次既套餐送海鮮拼盤一份。老闆亦一直推介我哋試五花腩。五花腩好肥美，一層肉一層肥膏，比我想象中嫩口，容易咬開；海蝦唔算大隻但都新鮮。另外係自助區夾返黎既韓式海鮮薄餅同泡菜煎餅都凍咗，所以我建議可以係鐵板上稍微燒一燒，更加脆口。最後，有甜品同水果咗完結，兩者不過不失啦！

星期六晚去食韓燒，唔算好多人，地理位置方便。入坐每張台都會送一碟海鮮。侍應服務都幾好，好主動換碟同收碟。食物種類選擇唔算多，但質素都唔差。仲有自助bar自己拎小食同壽司。

一搭lift就睇到張poster，東大門請你去東大門，大獎係雙人來回香港首爾機票，好有心思既獎品！ 喜歡放題前先飲湯，韓式蘿白湯清清地，足料蘿白、肉又鬆軟！ 冷盤最愛芽菜、小白菜！人地食放題多數食肉、食海鮮多，我就一黎食左2大碟前菜，喜歡咬落爽既感覺！ 熟食有炸薯條、雞翼、炸魷魚鬚、春卷、饅頭+煉奶都有，香口野先醫醫肚！ 重口味仲有薑醋蛋，非常入味！ 海鮮要讚讚，蜆細細隻，非常鮮甜！蝦咬落都有口感！ 韓燒部分：牛小扒唔多筋，對我呢d唔太喜歡咬野既黎講非常好！墨魚仔淹製既韓式醬入味，燒完出黎都好爽！ 牛肉必定叫，嫩肉，全碟放落燒烤盤炒+小小油，別有一番風味吧！ 要講講五花腩，老實講我好怕食肥肉，覺得會好多油好肥膩，仲要加埋燒，一定仲爆多油！今次另一相看，話說我朋友積極地叫我試試，一試... 原來咬落唔係咁多油，肥同瘦食落既比例都岩岩好，好分明！響燒既過程，仲叫到有多餘既油脂排出黎！長長一條既五花腩，我都食左半條！ 甜品黎講，馬豆糕細細件都夠椰汁味，啫喱夠口感，再+埋比我無限fill花奶，大滿足！ 呢度既服務都好好，好快有人幫我地收食完既碟，同去到差不多時候又幫我地換燒烤盤，果然細心！

第一次同男朋友來食，雖然款式唔多，但反正都係宵夜，唔緊要啦，都夠食，燒肉質素真心一般，仲有牛肉都算ok既，較為好食少少係五花腩，而且仲好大舊🤤🤤🤤副經理會教你加少少鹽令舊肉更有味，仲會教你食左啲咩先，啲野擺邊個位燒好啲，超級讚！其他員工做野都好有heart，因為其實我地都已經尾輪去食，佢地都好歡迎你，而且都好主動幫我地換燒盤，仲會主動幫我地落單，十分難得！餐飯比啲服務抵番哂👍🏻👍🏻👍🏻

很久沒有吃燒肉了，今日工作後，約了朋友到東大門吃大餐，就是美味的韓燒。6:30到達，不用等位就坐了下來，餐廳安排了沙發卡座給我們，座位寬敞，環境優美。 食物款式不算多，但貴精不貴多，食物質素卻很好，樣樣都非常有水準，還有以自助形式取的前菜、壽司、刺身、湯、糖水等等的食物。 這裡的精選菜式五花腩非試不可，是店內極力推薦食品之一。五花肉味道濃厚，記得要整條燒才能鎖住肉汁，燒完先剪開，咁先夠正！ 另外每一台顧客均送海鮮拼盤🦐一碟，有大蝦、蜆、同蒜蓉帶子。 蔬菜類吸收肉汁味道 海鮮類 還有多款肉類 我和朋友最喜歡的是牛肋骨，咬下去時肉汁湧出來，肉味香濃，十分惹味。 價錢方面，16:30-19:00 成人每位$168，而 17:30-24:00 成人每位$188。星期五、六、日及公眾假期以及假期前夕每位加$10。任飲任食，食物又有質素，在旺角地區實在難找到，真的非常划算，一定會再來！

很久沒有吃燒肉了，完成一天工作後，約了朋友到東大門吃一餐美味的韓燒。我們6:30到達，不用等位就坐了下來，餐廳座位寬敞，環境優美。食物款式不算多，正所謂貴精不貴多，食物質素很好，還有以自助形式拿取的前菜，壽司刺身，湯等等的食物。這裡的五花肉，味道濃厚，切記要整條燒才能鎖住肉汁，燒完先剪開，正！每一台顧客均送海鮮一碟我最喜歡的是牛肋骨，咬一下肉汁湧出來，十分惹味朋友說我這餐的食量驚人，因為真的很好吃，十分滿足，捧著肚子回家去

今天第一次和朋友上樓來這裡聚餐，一眼望去，環境還可以。我們點了午市套餐，但食物難吃🤢🤢菜色選擇少、份量少😤😤😤大陸阿姐服務態度極差，不知所謂👿👿👿唔會再幫襯第二次😡😡

星期一既時候同fd一起去食lunch,雖然...食物來既速度好快原本想開開心心緊食但係最令我好想發嬲既係 五知係經理定係服務員 對客人既態度好差 雖然最後我同fd有D嘢我地食五曬，但係最起碼都五應該對客人發脾氣阿嘛？同埋我挨咗幾多嘢都唔關你事啦？点解又串我哋？话时话，一定要我哋食晒啲嘢，不然就要扣钱，，距講完呢返說話真係完全冇尊重人既基本態度，期間我一直話買單 再慢慢食，一直係甘話要全部食曬再比你走？？？Excuse me？我食既係放題哦 自助餐哦請問你依家係咩態度？我真系冇試过邊一間餐廳嘅经理可以甘對客人冇禮貌就算我地係學生，尤其話距地D嘢好貴好貴 新鮮點點點...拜託 其他所有燒肉店都有新鮮食物啦 仲有貴過你鋪頭嘎店啦 所以我建議大家下次冇來呢間經理對客人不尊重既店。搞到最後都同fd不歡而散走佐，就算嘢好食又定？態度甘差，我講真唔會有客願意過來食你呢間爛铺頭

對上一次係香港食韓燒已經耐到唔記得，因為每次食完都飽好耐好辛苦最近唔知做咩突然想食韓燒，見好多推薦，就決定黎哩到試下。我地十一點半到啦，一出𨋢口已經有餐廳員工大叫：歡迎，兩位隨便坐。果陣除左我地就淨係得一台客，問返職員任食可以食幾耐，職員就話 如果冇人等可以一直食落去。我聽完都呆左下，竟然唔計時好啦！因為都有啲餓啦，就出去熟食區睇下有咩野食。可能太早啦，一開始淨係得少少野。就係下圖既粟米、蕃薯、魚蛋豬皮、豬腳薑、甜品生果同一啲泡菜識我既人都知我係不折不扣既甜品控，無論中式西式都為之瘋狂。一如慣常做法，一坐低就試左甜品先甜品款式其實唔多，得馬豆糕、楊枝甘露西米布丁同芋頭西米椰汁糕哩三款入面我個人比較中意芋頭西米椰汁糕，有芋頭係入面有咬口，底既西米都好幾多，我好似食左四個雖然平時都中意食蕃薯既我，係哩啲時刻就梗係唔食飽肚野啦。所以就冇試到蕃薯，淨係因為驚冇蔬菜落肚，食左舊粟米。魚蛋唔係我杯茶，都冇試到。但係估唔到豬腳薑有驚喜喎！平時出街食豬腳薑淨係夠膽食蛋，今次都唔例外，食左個蛋先，個蛋雖然唔太入味，但係都算係硬身。對肥膏有恐懼既我，最怕食到好多膏既豬腳，膽粗粗就食左一啖，哇，好食喎！首先

今日同朋友喺旺角行完街之後，朋友提出嚟東大門食韓燒，因為佢食過覺得唔錯所以推介，上到嚟全場爆滿，好彩咁岩仲有張枱，於是我哋就馬上入坐啦。原來呢度除咗有韓式燒烤之外仲有日本壽司，咁咪即係日韓合璧。小食方面仲有我最鍾意食嘅海帶，係用韓式醬油腌制嘅，非常啱我口味，而朋友就好鍾意佢個泰式鳳爪同埋冬陰公湯。首先我哋先燒海鮮，啲蝦好大隻而且好爽口。呢度間唔中都會有位哥哥行埋黎教導點樣燒最好食，哈哈唔會笨手笨腳，真係細心。另外仲order左個韓式牛肋骨煲，肉質柔嫩，啲汁滲入晒，蘿蔔勁淋超好味。總括嚟講所有食物都幾好食，特別係牛脷，而且價錢十分公道。超級方便嘅地理位置，係正旺角E2出口，下次會再同朋友嚟食。

要搵韓燒餐廳始祖，非旺角區嘅東大門韓國料理莫屬💁🏻記得以前讀書個時，一有喜慶節日，就會同班同學喺何文田行落嚟食韓燒，諗返起都令人回味。為左重拾呢個感覺，我就約埋啲同學一齊再去食飯。▫全層餐廳裝修都係走韓風，場地夠大，枱與枱之間有充裕空間，環境舒服！韓燒放題有四個時段，我就去左晚市。每位成人HKD 188 ，小童 HKD148，價錢方面尚算便宜！▫佢哋有好多款燒肉俾你揀，而且仲有湯、前菜、沙律、壽司、熟食、甜品，俾你任食！相中既係其中一款燒肉 - 五花腩。真材實料，絕無花假。每款燒肉有唔同醃料，食落味道剛好，唔會太咸。最後，我想讚讚抽氣設備做得好好，餐廳內完全冇出現煙霧彌漫嘅場面。▫今餐我食得好滿足，亦都好開心可以回味番以前返學嘅日子❤☺

按時段收費不緊要，上去時侯有很多枱，店員介紹如果夠鐘而沒有人等位你們可以繼續，終於時間到了，沒有制服的男人行過來説你們即刻停不要在燒，叫我們埋單OK吾緊要，之後立刻関息張枱個爐及收起我們所有食物及，其實係執枱，但我想講當時還有枱是沒有人坐亦沒有人等位。食物質素一般，地方很細，款式少都吾緊要，最重要係趕客走的態度十分差，以咁嘅價錢有很多地方好食😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡自助韓燒不是第一次吃，但從未遇過一間垃圾店舖。非常不快的自助餐😡見字者你們可以選擇其他地方去消費開心吧。

講到燒肉、放題童年回憶，點都會數到漢_、_陽苑呢啲港式韓燒，以前仲係學生，貪平得黎款式多，加上韓燒店冇而家咁成行成市，所以曾經都成日去。當中講到另一間歷史悠久嘅韓燒，仲唔少得東大門。週一晚收工後就去左食燒肉，餐廳位於樓上鋪，電梯一開已經聽到店員打招呼，印象唔錯。沿入口會見到好多鎖頭，雖然係港式韓燒，都加少少韓國風味。餐廳位置闊落，枱與枱間空間感足，冇左傳統韓燒嘅圓枱圓櫈、阻礙視線嘅抽風爐，相對坐得舒適，驟眼睇比較接近日式燒肉裝潢。雖然主打韓燒，但都有多款泰、日料理以自助形式供應，貫徹港式燒肉特色。我地入座係8pm，收費已經屬於「最貴」時段，但人頭只係188蚊，唔洗兩舊水，其實都幾划算。如果7pm前離座 / 9pm後入座更加平多20蚊。如果有食肉獸朋友，又唔想消費太高，都係唔錯嘅選擇。餐牌上燒物選擇唔算好多花款，但基本嘅都有齊哂，例如牛、雞、豬肉、雞翼、腸仔、多春魚、肥牛卷、豬排骨、牛肋骨、羊肉等。當中餐廳推介嘅係牛脷、八爪魚、多春魚、泰式豬頸肉、泰式香茅雞翼、泰式咖喱雞串、五花腩。另外設有單點嘅韓式主食、小食，例如韓式石頭飯、泡菜餅、炒年糕等。我地就去左自助區拎啲前菜、熟食，估唔到款式