東大門韓國食品

营业中

休息中

今日突然好想食韓國湯野，見東涌又冇咩韓國餐廳做選擇，就叫左個韓式海鮮辣湯麵食，但係個麵底係拉麵唔係公仔麵，食落太淋，一pat pat咁，唔係特別好食，個湯底又唔夠辣，直程冇咩味，入面d海鮮麵唔係好多，有少量蝦同魷魚，但係少到同冇食有分別。別外瑞加左個小食食，小食就叫左個魚片頭，凍左d，但係就好食過個麵。65蚊就唔算好抵食，唔知係整好哂定係人手充足所以先咁快手，等左幾分鐘就有，如果唔想等就可以食呢間。

電話落Order態度極差，問多句講都句都比人鬧， 食物包錯同佢講, 重要比佢哋鬧番轉頭, 重要趕客， 好似唔憂做咁。以前一星期都會幫襯一次，但發覺食物質數越來越下降，反而價錢越來越貴，係咁加價， 真係唔會再幫襯！配菜又少， 冇咩選擇。泡菜炒豬肉飯，豬肉得2-3片,少到一個點。 D 汁又整到白飯全部濕晒, 真係睇到都唔開胃,  炒年糕十條都冇, 一次比一次失望, 真係冇下次。

以前在外賣平台下單沒有得揀配菜，現在連現場買都冇得揀配菜，有冇搞錯啊？禮貌又特別差，淨係叫你行開一邊食物其實好一般，只係東涌選擇特別少，如果有得選擇真係唔會幫襯.

噹噹！朋友介紹我去嗰間，真係讓我大吃一驚喇。首先嚟講，呢度嘅炸豬扒真係夠哂分，外皮炸到金黃酥脆，豬扒肉質嫩滑多汁，每一啖都係滿滿嘅滿足感。再加上佢哋嘅配菜，我每次都揀泡菜同薯仔，泡菜夠晒酸辣提味，而薯仔就係甜甜地，一酸一甜，完美平衡。至於泡菜薄餅呢，真係抵讚！煎得香脆無比，入口即化，同埋加埋一點點辣豉油，味道簡直冇得頂。同桌嘅朋友試咗雜錦飯，份量足之餘，每樣配料都新鮮，佢話係其中一個必試嘅選擇。店家氣氛悠閒，店員好客氣，好似去咗朋友屋企咁。每次嚟都見到幾多回頭客，證明我唔係唯一一個愛上呢度嘅。😋👍食物係令人滿足嘅，不過記得要黎早少少，因為熱門嘅菜式有時會賣晒。真係冇理由唔再嚟幾次！

泡菜都係韓國人自家製作最好食，比超市罐裝鮮甜 😂.一盒泡菜$75，唔算平，但真係非常好食！最愛係佢夠辣，我好食得辣（譚仔特辣），但呢間泡菜如果一次食得多，我都覺得辣，非常過癮！🥰

豬扒只是比頭尾 不是完整豬扒 又硬又難食 仲要應該返炸過 所以比平時深色同埋口感偏硬 佢如果沒有豬扒 或者唔想再炸 其實係可以好似平時咁唔俾人落單 可以喺菜單或訂單上面取消 但係佢沒有 就算知道係頭尾都照俾我 當我廚餘收集咩 俾我練牙力？平時睇戶戶送菜單 如果果樣冇嘅話佢係會拒絕選項 唔俾人落果樣 得返啲廚餘豬扒 其實係咪應該拒絕選項呢 仲要我唔係第一次食呢個飯 次次食都係完整豬扒 原本都食開東大門 差唔多一星期食一次 但今次咁樣真係完全唔會想再叫下次 成個飯根本係食唔到 仲要最無奈嘅係打電話俾佢佢連句唔好意思都冇 叫我直接去戶戶送錢啦 就收咗我線

番到屋企突然想食韓野，叫左個附近既韓國外賣。一直聽講幾好食低食所以試下。送到黎打開勁大份😂仲叫左其他野，全部冇食晒🤣炸醬麵幾好食。仲有泡菜湯😁好入味。😊😊幾介紹人去食值得一試呀～而且佢嗰到都係韓國人多~感覺幾正統的說，諗住下次試其他🤭

由阿朱媽開鋪年代幫襯已經多年，以前味道不錯同份量十足。但近呢兩年鋪頭生意多左好多後，味道走樣，不似以前好食....明白香港地貴鋪租貴，餐廳食品價錢都要提高，但價錢提高後，某些食品份量減少了 1/2 以上，真的令食客難以接受。平時多數買的是 烤雞、烤豬，烤牛飯 / 或其他食品，份量沒有大變，是足量的，雖然味道不及以前...但這次買了「炒年糕」，回家開蓋後十分令人失望，一個外賣碗：炒年糕份量只裝滿了 1/4 ，數埋得 8 條年糕 😓，其餘是椰菜，汁水仲要好稀。平時買都起碼有半碗 或者 半碗少啲，但這一次得番 1/4 碗真是難以接受。假若知道份量這麼少的話，在回家前還能再多買一款食品。明白生意難做，不知這道「炒年糕」份量以後是不是會改成這麼少，但希望以後餐廳能在餐牌上注明食品份量，以便消費者參考。

真係唔好意思都要講。以前d質素都仲好好，依一年叫過2次外賣，都係好難食。叫個泡菜炒飯，個飯係濕的叫外賣無得比人揀配菜，竟然好大方咁比左一堆黑豆同蘿蔔，泡菜都無條。叫個炸雞扒麵，塊雞扒比d汁搞到成塊變左紅色仲要唔脆，濕哂。叫個辣豬肉飯，食完個胃痛左成晚。重點係以上所有飯都係濕濕地，好似食粥咁。真係無下次，一次比一次失望。d配菜比正路d既泡菜芽菜都得掛，又唔比人揀，好似比d無人食又賣淨既配菜比我咁。如果可以比人揀配菜，d飯乾身d，可能會好d既

炸雞排麵 $60 （可選一個配菜：波菜、泡菜、蘿蔔、魚片、芽菜.......唔記得了）我揀左波菜麵底是現場將麵團放入麵條機碌出黎，應該是人手做的麵，就算冇分湯拎走，d麵都唔會冧。最正係本身個麵嘅配料已經好豐富，見到佢現場炒洋蔥同埋雜菜，撈落個面度令到成個湯底都好香！雞排炸得外脆內軟，粒粒炸粉好脆😋雞排都唔會炸得好乾。雖然成個麵好邪惡，但係都忍唔住要食多次🤪雞排好大塊！我朋友叫左個炸雞排飯 $48，都係勁大塊雞排！

和同事一起返夜更，晚飯叫韓式外賣吃。從落單到送逹只用了30分鐘，效率很高。大班同事，叫了一大堆餐點分吃，非常豐盛。食物包裝得很好，醬汁沒有滲漏。辣炒年糕醬汁比較稀身，辣味不夠。椰菜的比例較多，年糕的口感正常，不過不失。牛肉紫菜卷打開的時候微暖，飯質偏硬。味道沒有特別。泡菜薄餅的口感軟腍，不脆口。味道正常。炸雞送來的時候微暖，但口感仍然鬆脆。醬汁是韓式辣醬加上粒粒黑椒，惹味非常。辣豬肉飯的飯底超級好吃，是體型圓渾粒粒分明的韓式珍珠米，煙韌有米香。辣味不重，豬肉、泡菜和魚糕給得很大方。牛肋骨肉 (去骨)飯是最驚豔的一道菜。牛肋骨肉去骨後啖啖肉，燉得腍軟入味，配上韓式珍珠米和微甜牛肉汁，五星推薦。韓式雜錦飯(雞)用料豐富，蔬菜種類和份量很多，是較健康的選擇。味道正常，份量偏大。總括而言，東大門的CP值非常高，餐點的份量大，價錢便宜。味道中上，炸雞和牛肋骨肉 (去骨)飯表現非常出色。會再光顧試其他菜式。

Long story short. Lady preparing food tried the soup with stirring spoon, and only rinse with water before stirring another soup. They said they rinse in hot water. A sensitive time like this...it’s a disappointment. I used to love this place. And the gentlemen had mad attitude which I won’t go into detail. I hope they will improve because I do love their Korean soups. Very disappointed.

平時嗌外賣覺得呢間野幾好味，都keep住有幫襯，但今日親身去買，發現煮嘢食有個啊姐戴口罩，但個口罩係拉左落下巴，咁即係等於冇戴！一路煮一路係到同其他啊姐講嘢又不停笑到卡卡聲，啲口水噴晒落啲嘢食到啦！平時見到都會算，但以家疫情嚴重，咁樣煮嘢真係好唔安全囉！親眼見到真係以後都唔會再幫襯！

因為工作嘅需要依家成日去到東涌， 問過喺附近住嘅朋友就好推介呢間韓國嘅食店， 呢間食店係位於東涌街市裏面， 只係做外賣冇座位嘅。煎餅清清地、好香蛋味同埋蔥味，好好食！泡菜煎餅味道剛好，唔會太過辣， 又有少少泡菜嘅香味，令人忍唔住口一路食呀～極推薦呢個！炸豬扒飯 配小咸魚仔豬扒好香、好脆、好好食， 炸完之後外脆內嫩。配菜就簡左小咸魚仔， 炸得好香口，配埋個飯食就有豐富既口感。不過呢間食店就冇座位，比較唔方便，如果有埋座位可以坐低食就更加好啦！

呢間係一個真韓國人開有oppa夾餸😄叫左泡菜湯飯入口唔太辣，係香港人可接受，因為真係好怕 太辣~可以配1 個菜個小菜我要左辣魷魚雖然魷魚唔多，但青瓜同黃瓜都好好食，爽口入味😄個泡菜湯就酸辣好開胃，飯量好夠另外，叫左煎餅同泡菜煎餅泡菜煎餅其實真係好驚會肥膩但一入口冇油味辣味適合，而普通煎餅都夠咸厚薄適中 😆外貌都ok, 唔會甩甩漏漏咁既樣，一夾就起唔會跌所以睇得出唔會太濕，好有口感唔會太多粉既感覺價錢約$6x ~7x 1 個人