東寶小館 (已搬遷) 新店位置

久違了的東寶, 好友們知道我多年好耐無黎, 所以一齊黎過, 風味氣氛依舊~ 唯獨唔好係我等咗好耐, 明明平日有好多枱吉咗, 但唔齊人唔俾入~蕃茄薯仔魚骨湯: 依舊美味鮮甜好多料, 我地5個人飲極都仲有~南乳炸豬手: 比以前差咗D, 因上到黎已凍咗唔夠脆 風沙鷄: 皮脆D肉入味, 依舊好味~豉椒炒蜆: 蜆數目算多, 大蜆多肉, 但辣咗少少~煎鱔: 因唔食魚, 所以俾唔到comment~炸墨魚卷: 試下新fusion野, 賣相特別, 炸得好乾, 大碟食唔哂, 可以一試但始終不及上面嘅傳統風味食物~炒通菜同炒油麥菜: 非常爽口~我最期待嘅重頭戲, 我嘅至愛<<薑汁涼粉>> , 黎呢度唔可以少咗呢個飯後甜品!! 係其他地方我唔會想食涼粉, 只會食呢度, 因其他地方食唔到咁好味!! 薑汁配涼粉(一條條嘅涼粉, 依家加埋少少西米)配搭得非常美味!! 百食不厭!!5個人食咁多樣, 每人唔洗$200有找, 抵食!!

隊友要回國，我地叫得一team人，就梗係唔會放過佢喇，今晚我地book左北角既東寶，貪呢度夠特色，又唔怕嘈(因為我地好嘈)，哈哈哈哈。我地既隊長好nice咁已經幫我地叫左餸，仲叫左啤啤啤酒呀！好鬼得意，呢度飲酒係用碗的，此碗名為「戰鬥碗」！哈哈哈哈，好有霸氣！我地一邊玩一邊飲，野食陸陸續續就到了。有呢度既招牌靚雞，今晚淨返豉油雞，雞好滑好入味，好好味，就算傾計傾到凍晒繼續食，都仲係好好味，果然係名不虛傳。蒜片牛柳粒，其中一味我最鐘意食既中菜，牛柳粒好Juicy，唔太韌，呢度仲有磨菇添！唯獨係佢太濕，乾身啲會正啲！我地仲叫左，蜆，蟶子，椒鹽魷魚同九肚魚，2味蔬菜，仲有好多其他餸，同埋好多好多……………啤酒！蜆同蟶子都好惹味，有少少辣，蜆既肉質都唔錯，但蟶子有啲韌，唔開心。2碟菜有通菜同油墨菜，2樣都係賣飛佛，嘻嘻嘻嘻～煮得都好有風味。食野同心情真係好有關係，今晚呢餐雖然係Farewell晚飯，但大家都好開心，食得好盡興，啲野都零舍覺得好味。再講，如果心情唔靚，去食餐好既，心情都容易好返啲。相反，如果野食/服務有唔好，有不快經驗，則會影響晒成餐飯，就算另外既野食或者服務再好，都彌補唔到已被

大熱天時, 要食大排檔, 當然要選上港島大排檔一哥, 位於北角渣華道市政大廈內有強勁冷氣既東寶小館... 爽!!!東寶小館一直以氣氛, 食物出名; 相信大家一推門到達大排檔既範圍, 就已經可以感受到場面既震撼, 人氣既旺盛, 接觸到Cool 爆既侍應, 持續受住現場既聲浪震盪聽覺, 仲有牆上好似鬼晝符既餐牌所吸引.當晚一行四人, 未安排到位置, 已經急不及待點左幾個出名小菜, 名單如下: 未食, 就先來個戰鬥碗配上國產名氣啤, 同各位食家行個見面禮涼伴青瓜 日式涼伴蕃茄 (蕃茄仔配上紫菜及日式冷麵醬汁, 清新開胃!)風沙雞 (雞炸過後仍能保持皮脆肉嫩, 肉汁豐富, 有水準!)南乳炸豬手 (豬手不肥不膩, 食既時候再點上南乳汁食, 特別!)辣酒煮花螺 (香辣醒胃, 可惜螺肉有點老, 吸收不了辣酒既味道)黃金蝦身拼醉蝦頭椒鹽上 (賣相雖然一樣, 但兩者內涵絕對不同; 但由於黃金蝦身因蛋黃味唔夠濃, 個人就較喜歡選擇醉蝦頭既香)墨汁鮮魷 (顏色特別, 味道卻一般, 試過一啖已經足夠)

今日黎左北角依到食野,由於都食過既關係,所以好快就叫到野食,首先黎既係依個例湯,今日既湯係粉葛赤小豆豬骨湯,依到幾好笑既就係佢無錢買味精,姐係無味精喇,不過佢真係做到。入口湯味算係幾清淡,真係無咩味精既感覺,果然真係無錢買,不過粉葛同赤小豆既香氣就有D唔夠,唔太夠濃,不過清清淡淡都算唔錯既。我地得四個人就叫左3樣野食,有依個凍食既瀨尿蝦,依個真係唔錯,只係叫左兩隻,因為佢份量都幾多下,所以唔洗叫太多,因為仲要食其他,依個瀨尿蝦蝦肉真係好鮮甜,蝦汁保留哂係裹面，味道真係好鮮甜，估唔弱佢仲有蝦羔，真係驚喜,咁樣食有好新鮮既味道！因為蝦無用到椒鹽,所以叫左椒鹽九肚魚 椒鹽味道唔重,雖然唔算重手,不過味道就岩岩好,唔會太過火,又唔會無咩味,另外魚塊炸得夠乾身，又唔會太濃唔錯。 

三條麻甩佬相聚，飲酒小不免了。最愛去東寶飲，貪佢好似古代人用個碗飲，夠豪氣。碗內更有個 "勝" 字，真係入型入格。幾條麻甩佬飲酒咬飯，小不免有煎炸野。南乳炸豬手：我最愛這個的食品，這裡不會大大件，不用吃得咁麻煩，南乳味剛好不太咸又炸得很干身。送酒絕對絕對絕對一流。椒鹽雞軟骨腰果：這個不太好，只是將雞軟骨同腰果，分開炸後，然後放左一起，D椒鹽也是放在上面。咁不如叫炸“雞軟骨腰果”還好啦。燒羊架：水準一般啦，有羊肉SO味，可能之前咬D味太濃，令到其他味道差些。油鹽水蜆：大大隻蜆，得個幾隻，但味道幾之好。個湯很香口，有粉絲有塘勤有籮白。多加胡椒，更加香口。不過價錢貴些。魚湯浸時蔬：加了很多爆香左的蒜頭，令到魚湯很香，加上粉絲吸湯，其他菜沒有被魚湯蓋個其菜蔬味道。好得很。豉汁蒸白鳝：我諗成晚最差係呢個，白鱔本身我就一般。因很霖身。冇咬口，好像係度食醬咁。三條麻甩佬係度咬係度飲，都不知過了幾多時間，只記得走時坐巴士的時候，上到座位架車未開已訓在了。幸好到站時自己斑醒在識落車。叫做好彩囉。

味道一般，大排檔的手勢，墉記的價錢，失望！真不知為什麼什麼還是這麼多人來！ 點了風沙雞，黃金蝦，是這邊的招牌菜，風沙雞就是油里炸一炸，沒有什麼味道！黃金蝦就是拿蛋黃炸的蝦子，有了蛋黃味，沒有了蝦的味！再不會來了！

當晚「寬粉王」、「你吚哇」、「尾尾」、「野蠻女友」、「油雞安」、老公和我七人到「東寶」用膳。選址「東寶」，除了為了吃以外，主要仍是要懷緬老公和我那些年在「東寶」的日子，將腦中的舊膠卷一一翻播，回憶總是溫柔的。家裡那瓶 1.6 公升的紅酒終大派用場了，起初還以為要把它清掉，有一定程度上的困難，豈料還要加開啤酒，確認我們是一班「了不起的死酒鬼」。佐酒小菜選來了麻辣鴨下巴、炸豬大腸和炸南乳豬手。這麼多年，「東寶」保留了口碑佳的菜式外，還不斷加入新菜式，所以「相識」十幾年，新鮮感猶在！麻辣鴨下巴正合「寬粉王」和我的喜好！麻辣香氣十足、富有層次、不會死辣死鹹，「寬粉王」大讚好吃，而其他不嗜辣者，也感應得到其美妙之處！炸大腸要比上一回的出色多了！大腸炸得乾爽，入口皮脆肉嫩，腸壁夾著大腸的脂香。配上鮮菠蘿，更是一絕，將原先已不算油膩的炸大腸，提升至更加清新的層次！炸南乳豬手是沒有被淘汰的老菜式。「東寶」選取較細小的豬手，讓外皮炸得甘香，而內層則保留薄薄一層的骨膠原，不會過份黏滯，卻保留豬手的風味。其實不用蘸上南乳醬汁，其惹味已讓人渴上幾杯！不見數月，「東寶」兼任了「涼茶佬」，不是老闆親自推介也不知道

是日喺南丫島行咗個圈，返到中環5點幾。無聊之下就隨機咁搭叮叮去試吓北角街市。6點9到咗喺側門上電梯，入門口見到間大排檔冷清清，行多幾步就見到東寶小館，未到七點。已經高朋滿座，仲有其他國家嘅啡仔拍攝梗飲食節目，行入啲先見到原來大門出面已經有十幾廿人等梗枱，我哋5大2小就喺玻璃門坐到7點半，終於有枱。肥哥哥見到我腹大便便，好窩心咁拎咗張“i pan"櫈比我。由於太餓，等位時已經睇哂食評嘅美味推介。未坐定就叫侍應哥哥落單。砵酒蠔，荷葉飯，番茄排骨湯，墨魚面，芝士番茄焗包，辣酒煮花螺，胡椒大蜆，椒鹽魷魚配戰鬥碗啤酒。食完見到人人都叫豬手，飽都照上！兩個字，滿足戰鬥啤

在東寶，有過無數愉快的回憶！跟老公拍拖的階段，也就是跟東寶結緣的時候。那時我倆總愛到石澳海灘游泳，然後再到東寶飽餐一頓。那時的東寶甚為冷酷，由於輪候客人極多，老公跟我也經歷過被人叫走，回家去的慘況！此後，在不同階段裡，分別有大夥兒的同事、中外不同的朋友、與及與家人的飯聚，也紛紛安排在東寶。因為多去了，我們跟樓面的工作人員也熟絡起來，見面時就如好朋友般會擁抱，也會一起喝酒。已記不清楚有多少年沒去探望東寶了，當晚要選擇北角區的食肆，於是又重回東寶了！眼前的東寶，並沒有陌生的感覺，只是有不少新面孔浮現。也許我的面容，多年亦無太大的轉變，終於有熟悉的工作人員認出我了！"舒舒"、"多多" 及 "卡卡" 三位大學同學已到齊，我們先來啤酒，豪氣一番，Cheers！繼冰杯後，預先冷藏的冰碗，是東寶為中菜品嚐啤的一大傑作！女人就是這樣，嚮往男兒的豪氣，也不忘天生愛美的宗旨。時晚例湯是粉葛赤小豆豬骨湯，東寶一向以 "無錢買味精" 作為口號。入口湯味純和，舌頭證實真沒下半點味精，秉持一貫作風。但對我來說，粉葛與赤小豆、扁豆等香氣甚為單薄，相對從前在東寶嚐過的例湯，真是失色了！當晚東寶了三款特別推介，我們挑了

不過不失，但不值得大力推介！芥辣魷魚-十分攻鼻、眼水直流炸豬手-外脆內軟，但豬蘇味都幾勁沙拉骨-一般金銀旦浸白菜- 一般椒鹽九肚魚- 不過不失啤酒- 用碗飲，都幾得意其實一般大排檔都做到，甚至更好，不值得特登去！

是日十幾個同事ot完8點幾來食飯,由於遲左book唔到位,要walk in,係門口等左10分鐘到就入得,叫左左上: 胡椒豬肚湯+大蜆 ($168),好味,俾人食左半先映到相.右上:芥辣魷魚頭($88),鍾意wasabi 就一定鍾意.左下:陳皮狗仔鴨+河粉底 ($88), 見個名好奇叫,好味右下:椒鹽鮮魷 ($88), 味道一般左上:炭燒牛仔骨($??), 好味,啖啖肉左下:豉油皇炒面 ($65), 見好多台都叫,量多,味道一般右上:墨汁鮮魷 ($88), 好味,不過食完個咀黑曬.右中:雞煲 ($??), 狗仔鴨好食d右下:荷葉飯 ($90),好食,而且好大份,食極都有.本來想叫風沙雞,不過太夜賣曬,另加左沙拉骨($68),咕嚕肉($68),瑤柱豆苗,魚腐湯同啤酒埋單一人一百有找,算係抵食!可以再食!另加menu

已經好多年無去東寶食嘢！突然想起便帶家人去試吓啦！哈...結果我們都話無下次我們6點去到，原本5人但我們3人先到達,明明有大把枱也要我們人齊才能坐下。咁我即刻致電另外2人睇吓佢地去到邊啦！就喺果時又突然叫我們坐張5人枱。點知突然其中一位唔嚟！咁我就老實吿訴那位疑似太子爺的人兄4位。佢一知道就指我們坐另一張細D嘅枱，咁都算，那張是2－4人枱，但放不下我們的所有食物!太迫了食物方便order了一煲例湯（菜乾豬肺湯）：那煲湯簡直係隔夜湯，我們懷疑唔知隔了幾多夜因為那些菜乾丶豬肺都煲到爛容容，又重味精，重要收$128，非常不值。季X紅好飲過佢好多，仲可以夾到湯料食，仲平東寶幾十蚊一煲呀！鴨汁荷葉飯：越食越咸，只有鼓油味，又無荷葉味。蒜蓉豆苗：味道尚可，不會太多油。風沙鷄：都唔明點解可以做招牌菜。無雞味唔在講，裏面未完全熟透，有D生！！！皮脆好多地方都做得到,完全無特別！$160半隻，又一低性價之作。清蒸沙巴石斑：全晚最好之食物。餐牌寫時價，問店員才知是$298/1條，話游水嘅！雖然貴咗D，但爸爸想食魚，咁就試吓。但佢地無撈起條魚比我地睇咗先囉！條魚好新鮮；因支魚旗豎起的。但咁嘅價錢食D餐非常貴

今次一行半圍席人繼續到港島區為食一番，進攻北角渣華道熟食街市。別小看熟食街市，不少名人無名而來，還有外國遊客手持旅遊書到來覓食，看到這來頭，真的想快快有枱開餐 由於我們不到七點到場，所以很快就可以入座。首先我激力推介墨汁墨魚麵，如美女們要顧及食相而放棄，那就走寶了，這道菜亦經眾食家評價為必食之選，內裡的墨魚丸彈牙而鮮，讚！其次是南乳炸豬手，豬手被肉包圍著，如要一口咬下去，你便中計了，因為豬手是即叫即炸的，炸得熱呼呼的，皮帶微脆肉嫩，吃兩件才夠滿足。還有鹹魚魚餅夾豬仔包、椒鹽九肚魚....雖然沒有整齊裝修，沒有境色陪襯，但有中西合壁的美食，又是街坊食價，份量剛好夠我們六人份量，不用爭食。只是街市食檔別要求有甚麼服務，甚麼態度，乾脆把自己當一晚的粗人，大吃得吃，說話要大聲便大聲吧

從十幾年前的中學柴娃娃慶功到現在，來過東寶很多次了。這些年看著它一步步「升呢」---開始要booking in advance，電話很難打得通，上菜慢了很多很多， 價錢也「升呢」了很多，一切不再是記憶中的樣子，令人確實有些唏噓。不過始終地點就腳，所以東寶偶爾還會是我們聚腳的地方。這天，又來到東寶。朋友兩星期前訂了枱，所以一到就可以入座。先上的是南乳豬手。外皮炸得很香脆，南乳汁咸度適中。豉椒炒蜆:味道可以但份量奇少，只有上面幾個是蜆，下面竟然全是芽菜！黃金蝦:大愛！雖然知道卡路里和膽固醇奇高，但每一口都有咸蛋黃香，就放縱一下吧！瑤柱肉鬆蒸水蛋:如果蒸水蛋比黃金蝦先上，吃上去味道應該也不差。不過我們吃完黃金蝦才吃蒸水蛋，相比之下，蒸水蛋淡而無味，失色不少。風沙雞:其實我一直不明白為什麼風沙雞是招牌菜，雞肉真的很乾很「鞋」。"Bu"酒蠔:也是每次必叫的！不過分量真的不多，幸好一人可以有一隻。荷葉飯:這個是失望之作。飯沒有荷葉的香，味道像極了豉油撈飯。

與同事一行六人晚宴賀生日, 大家以前也試過來東寶, 相比現在的味道真的差太遠了。叫左成9樣野, 只有2樣係真真好味, 令人回味的。讚的第1位. 啤酒, 夠凍, 雪櫃功不可抹第2位. 黑椒牛仔骨 : 牛仔骨好嫩, 秘製黑椒汁好好味第3位. 砵酒蠔 : 令人回味的味道水平魚湯浸A菜- 好難唔好食...墨魚汁麵 - 無特別辣酒煮花螺: 螺新鮮, 夠辣, 夠酒味, 但唔夠入味失望的太白酒乳鴒 1 隻 : 味道OK, 酒味不夠, 似滷水多。但價錢並不便宜 HKD1XX, 不太值得。黃金蝦: 唔知係咪咸蛋貴, 好難搵到咁淺色的黃金蝦, 可以改名叫炒蝦錄OK..無味之選 : 蓮萬綾魚球: 夠熱囉..同埋唔明點解要點甜酸醬???南乳炸豬手 : 加埋淡如水的南乳醬都亳無生機, 只有油炸味, 好似食緊油豬油糕者....