東海堂 (已搬遷) 新店位置

東海堂嘅綠茶蛋糕，標榜用來自日本嘅綠茶粉整，睇圖片已經覺得幾吸引，趁綠茶粉絲生日，買個細嘅試試。一層綠茶cream、一層綠茶蛋糕，中間仲夾雜大蜜豆，和蒟蒻。平時食蛋糕會飛走果堆cream，今次特地先食cream，好味呀，帶有淡淡綠茶味，而且軟滑。綠茶蛋糕反而失色，無乜綠茶味，只係變咗綠色嘅蛋糕。中間夾雜嘅粒粒增加口感，成個蛋糕都幾好，唔太甜，食完唔覺漏😋😋

一餅3個口味, 對一人都可以食曬GREEN TEA CHOCOLATE< 中間有脆脆, 但無綠茶味, 看似CHOCOLATE色的皮都不重CHOCOLATE, 中心是加了糖的綠豆粉櫻花味,中心淡紫粉色好美, 但綠豆粉勁甜好難食,加了少少花瓣碎另一個是梅子, 酸酸的但如糯米皮味一點都不夾

個人本身對東海堂感覺一般，經近年重心打造作及改革，感觀大有不同，共買有3款，香芒之丘賣相唔錯，食落好creamy，不過芒果就唔夠果香味，可改善。曲奇妙趣口質唔錯，唔會太濕，仲有粒粒Oreo，唔太甜，不錯！意大利芝士之丘回甘既外層，輕輕既芝士香味，唔會太溜，食曬成件都唔''制''，重點係甜度適中，合適唔鐘意食太甜既朋友。

Purple potato bread 厚切紫薯包$15成日都同同事蒸蕃薯，有日經過見到紫薯方包好難吾買同同事分享…我地2個一人二片已經夠一個早餐份量每片都有3cm咁厚，首先已經覺得抵食，之後拿出來見紫色部份（紫薯）都吾少，食落去面包軟熟而邊位吾硬身，紫薯位香紫薯味同有少少黏的紫薯蓉感覺，又有飽肚感絕對可以滿足到我這個紫薯控

今日行過東海堂買早餐既時候, 見到呢個厚切紫薯方包幾吸引, 原來呢度既方包都有好多唔同味道, 幾特別, 呢個厚切紫薯包$15, 有4厚塊, 每塊包上面都有紫薯扭紋, 食落小小甜, 方包幾鬆軟, 紫薯味唔係太突出, 但比白方包好味, 而且一塊都幾飽肚, 一包可以做幾日早餐, 下次諗唔到食咩都會再買

好友生日，特意來東海堂訂購生日蛋糕，貪佢有細蛋糕，唔貴之餘又賣相吸引，最適合我地幾個女仔，人少少既小圈子聚會。今次就簡左近期大熱既紫薯蛋糕cake little($118). 加生日牌係$10蚊，價錢算係合理同公道的。當日選購時已經一下子比佢既賣相吸引左。呢款cake little 既外表好吸引白雪雪咁，又配上少少既紫色，令人覺得佢好高貴。蛋糕上有幾塊白朱古力裝飾，除左呢幾塊裝飾其實個蛋糕就只係得番張圍邊紙係有圖案，但個人認為簡單就是美，所以就簡左係佢。拎蛋糕當日，一如當日訂購既美麗。於是我地開開心心拎住去慶祝lu. 其實個蛋糕好好，只係一拆開圍邊紙果下，個cream 已經有d 走樣。為保賣相建議相機食先，係咁二擺把刀上去切一切，影完先撕張紙。至於個味道方面，其實真係令我地覺得好驚喜。首先表層既cream 係唔會好甜，雖則佢走左少少樣，但無損佢既味道，食落已經好中意，呢個好好食而個cream 係相當之有厚度的，唔洗擔心好味既cream 太少而滿足唔到食欲。繼續向內發展，你會發現蛋糕分幾層，係有紫色啫喱，紫薯泥，竹炭蛋糕，海棉蛋糕，有好多個層次。蛋糕食落好鬆軟，紫薯泥亦都唔算好甜，其實食

芸芸連鎖麵包店中，較喜愛東海堂出品，可能是口味啱key卦。這回又再次買了紫薯包，一包4塊，好厚身，入口啖啖紫薯味，很香，麵包質地很柔軟，而且仲有好香牛油味，作為早餐食品，好滿足，放工時候買仲有2蚊優惠添。

3.14 Special Edition戀白之花語-沖繩紫薯玫瑰寒天竹炭蛋糕Okinawa Beniimo Charcoal Cake With Rose Kanten有驚喜喎....面頭果個牛乳忌廉好滑.好幼身..食得出係手打CREAM啊..之後見到佢有8層一層朱古力蛋糕再有玫瑰寒天,竹炭蛋糕,沖繩紫薯忌廉--->甜甜地..好好味呀呢個..再一層朱古力蛋糕,沖繩紫薯牛乳忌廉--->本人覺得佢加埋牛乳忌廉落去....個感覺又唔同左...好似一個蛋糕食到2種口味咁啊...再竹炭蛋糕,之後最底下係朱古力脆米...--->好脆呀真係...呢排紫薯大熱....好似咩都有紫薯份朱古力脆米層只限戀白之花語 ; 戀白之花語cake little 並無此夾層

：美人之赤莓 $338東海堂既蛋糕好少係唔好味既😂 我仲記得有一款藍莓芝士蛋糕我細個連續三年生日都食個個🎂 因為真係好好味😭 近年黎東海堂既廣告design都好新穎～呢個🍓蛋糕 廣告真係周圍都係 地鐵離遠就見到好紅既廣告😂好唔開心九龍城竟然冇東海堂分店 搞到要出到去旺角買😳 食一粒🍓真係甜到癲🙈成個cake有好多層 每個layer好分明 但又好夾～ 有白朱古力草莓脆脆 仲有一層好似jelly咁😙唯一唔係太好就係夾係中間d cream有d太多🤔 我食到仲有草莓醬 一啖食曬所有layer係真係幾滿足既不過我覺得有陣時⋯ 有d食物比人講得太多讚得太多 就會有期望👉🏿👈🏿 當人有期望就會有失望 呢個又唔係真係好食到一個點 雖然🍓係高級係甜不過其實三百幾蚊真係唔算平🌚 但佢好靚好精緻呢個係真既💕

紫薯黑糖年糕: 紫薯熱潮，連帶年糕都有埋紫薯味！ 買了東海堂的黑糖紫薯年糕， 切開紫紫的，內裏仲見到粒粒紫薯肉！像一般煎年糕般處理它，加蛋黃漿煎起即成。 吃下，年糕偏較綿身，帶些少的煙韌，仲會食到紫薯肉的沙沙感。食味方面，紫薯味好香好濃，味道天然，甜度唔算高。大家都對我早排介紹的谷埔宋伯士多的紫薯茶果好有興趣，但要山長水遠去好難先食到一次，未食到嘅孩子，用呢個黑糖紫薯年糕充當住先都ok!!! (旁邊是媽媽製的手工蘿蔔糕，我最愛就是把它切成方形去煎，煎岀黎又靚啲，食落去每啖都食到脆邊位)Wow factor: 8/10購自東海堂

東海堂出左抹茶蛋糕一段時間，呢排先有心情買黎試下~蛋糕細細個, 幾岩少人慶祝生日既時候, 裡面夾左抹茶忌廉, 黑芝麻醬, 紅豆同,抹茶蛋糕, 層次分明, Vi覺得抹茶味道都算濃, 紅豆亦幾甜同粉, 蛋糕算鬆軟,不過加左黑芝麻醬就有d格格不入, 同埋上面既抹茶忌廉偏硬身, 唔夠軟滑,整體算ok~

想不到我第一篇文就是幫自己慶生, 不要說我的標題太粗獷, 因為這是赤裸裸的現實! 我就是一名喜歡四出試食的毒L! 買了一個生日蛋糕給自己, 連名都不敢寫, 因為自己送給自己, 寫上名實在太毒了...這東海堂出了那麼多年的北海道天使蛋糕, 上面滿佈白白的白巧克力片, 甜得來不會太漏中間蛋糕部分十分結實而且CREAMY, 最令人喜愛的莫過於其餅底, 牛油味香而不膩, 而且夠鬆脆, 一切即開, 卻又不會散成粉碎, 雖然整個吃是有點漏, 但味道, 質感卻是非常出色的一個, 讚!

美人の赤莓$338: 整個蛋糕，一共使用了12粒的草莓，草莓粒粒赤紅飽滿，草莓還頂上金箔，單看已覺得吸引呢。切開後看，層次極之豐富最底層起，分別是草莓蛋白蛋糕，草莓白朱古力脆脆，草莓果凍，鮮忌廉，草莓蛋糕，原味蛋糕，再一層草莓慕絲。 先嚐一口草莓，咬下草莓表面帶點脆身，內裏十分豐腴多汁，飽滿香甜，草莓控一定會喜歡！再吃蛋糕部分，先是草莓慕絲的滑溜綿密，再來則是蛋糕的鬆軟，果凍結實彈性，忌廉高密度的絲感，而最最最畫龍點睛的莫過其草莓白朱古力脆脆，在一眾柔弱中帶著剛強，口感層次立體而分明。赤苺の卷(條裝$118,件裝$19): 蛋糕中的草莓香甜，吃下相對沒有前幾款來得濕潤，中間的橙慕絲橙味不太突岀。整體上，海綿蛋糕部分佔多，香橙慕絲部分較少，自己覺得在早餐時候吃，就適合不過了。冬天是草莓的季節，愛吃草莓的孩子快快買來試試吧！

同好友慶祝生日，一行四人食完飯係時候食蛋糕，平日多數都係美心或東海堂二揀一，今次就女人知好友鐘意食朱古力就買左呢個五重之朱古力。外層朱古力慕絲已可嚐到用上相當濃郁的朱古力，慕絲十分細滑，之後是朱古力海棉蛋糕及有一層蛋糕比慕絲口感黎得結實的，正當口腔是滿滿的朱古力覺得膩時，又會嚐到底層有朱古力脆脆，一軟一脆的口感，形成對比，很是有趣，反正友人食得開心就對了。

今日去深水埗度睇翻以前嘅舊屋，約上隔離屋嘅朋友，一起去逛下，嚟到東海堂嘅時候就已經覺得肚餓，就入去買野食。北海道牛乳蛋白撻，簡直系新鮮出爐、熱辣辣吖，一入到間店就俾牛乳蛋白撻吸引咗，畢竟賣相真係幾靚嚇，味道都好正啫，蛋撻皮是酥香的，烤的非常的色澤漂亮。裡面的又同皮相反，是很嫩滑，一點都唔會老，而且最重要嘅系佢唔會話好甜，岩曬我啲口味咯，一無覺意就食咗兩個！與老友分食咗一個榛子千層酥，榛子落咗好多系上面，中間夾層嘅奶油同果仁都好多，食落一啖蛋糕一啖奶油加榛子，味道很好。栗子卷我一定唔會錯過咯，好香栗子味，又滑又軟，而且價錢又平，岩曬喇。