東海堂 Bake ‧ Drink (已結業)

今天爸爸生日，買了一個日本網紋蜜瓜蛋糕。購買時已再三確認是否有蠟燭及刀，店務員說有，並且已放在盒內。當晚上打開蛋糕時，完全不見蠟燭及刀。這麼晚，叫我到那裏買蠟燭呢？第一次食生日蛋糕不能吹蠟燭。完全感到失望及無奈。另外，對蛋糕都好失望。拆開包住蛋糕的膠邊時，蛋糕的cream完全黏住膠邊。成個蛋糕邊冇晒cream，個樣好肉酸！雖然味道一般般、叫做正常，但係外表真係好醜！！真係好失望、好失望、好失望！！

有friend生日，想買個蛋糕同佢地慶祝。。。。 但係因為武漢肺炎關係，多人出嚟食飯都係有d風險， 遲d再日日放人免檢嚟香港，武漢肺炎唔再大爆發都難啦所以，我呢個蛋糕其實係買返嚟video call, 唱吓生日歌，叫做係咁二慶祝吓咋其實買嗰陣，前面有幾個人響度問嘢，企響cashier但係又唔係俾錢喎， d staff又唔叫佢地企埋一邊等， 由得我地響度齋企， 俾唔到錢。。。。 都唔知咩service嚟架 個staff好有心機幫我pack個蛋糕， 但係唔明點解， 佢響個盒係咁痴膠紙 佢個盒應該好化學， 超易爛， 如果唔係都唔會咁痴法啦。。。。 百幾二百蚊個蛋糕， 一d都唔平， 但係用d咁嘅cheap packing俾你。。。 慳埋d咁嘅錢。。。返到去開個蛋糕， 勁多蛋糕碎響個邊度囉， 都唔知有冇搞錯。。。 同埋用d唔食得嘅嘢嚟遮醜， 好失敗。。。。 拆咗之後真係好核突囉。。。食落個cake係有桃味嘅， 但係我覺得佢似藥水味多d。。。 救命。。。 個底既脆脆，超失望。。。 痴牙嘅 總知就唔好食啦。。。 好失望又貴又唔好食。。。

經過東海堂時發現正在做優惠，當然是不能錯過啦！喜歡栗子的食這款栗子朱古力牛乳慕絲切餅準沒錯，表層不單單有濃厚的栗子蓉，還有一粒粒大顆的栗子。身為栗子控的我迫不及待的試了一下，奶香味和栗子的香味撲鼻而來，既有入口即化的軟滑慕絲，又有酥酥的栗子蓉，還夾雜著有一丁丁的朱古力苦味，不會太甜，讓人回味無窮。最新推出的沖繩紫薯牛乳切餅迷人的紫色漸層靜靜綻放，一口咬下去軟滑牛乳慕絲入口即化，濃郁的紫薯香味立馬鋪滿整口，中間還混有淡淡的芒果香味，吃完一口立馬再來一口，欲罷不能。

妹妹經過東海堂廚窗被芝士蛋糕外型吸引而購買。 包裝入面寫住放進冰箱芝士口感更軟滑。⁣⁣蛋糕睇落唔係好大個，但都可以切開8-10小件。老實說，本人覺得蛋糕外面烘到深黑啡色不是太美，像烘燶咗一樣。😅 蛋糕所指的深旨是deep baked ,指焦香，但嘗不到所指的味道。不過，如果蛋糕有烘焦的味道，我覺得有點奇怪。🤣食落去芝士味是香濃幼滑，但雞蛋味很重，過份的甜。整體而言，每次吃一至兩小件就可以，否則會甜漏和飽濟。⁣

東海堂出左宇治抹茶二重軟芝士蛋糕，作為一個抹茶控，小弟諗都唔諗就決定買黎食喇。光睇賣相已經覺得好正。依個蛋糕，面頭係宇治抹茶蛋糕碎，跟住落黎果層係宇治抹茶白芝士慕絲，再落去係宇治抹茶忌廉芝士蛋糕，最底就係宇治抹茶蛋糕。切開出黎，雖然見到既全部都係綠色既宇治抹茶，但仍然分辨到每一層出黎。一口一啖一次過食哂四層，口感層次相當之豐富，加上濃濃既抹茶味，同淡淡既芝士味，對於綠茶控既小弟，真係一個大滿足黎呀。

最近睇到廣告東海堂新出了母親節蛋糕，賣相超吸引於是訂了－個同母親提早慶祝－下（其實自己想食，嘻嘻）！而且有早鳥優惠＄199.80，好抵哦！初時都怕廣告相片會否與實物不符，後尾看到真身後可以放下心頭大石了首先賣相好似－盒放滿了粉色鮮花盒般面頭有４粒大草莓，旁邊有大量可愛手工粉色唧花，還有幾粒珍珠色系的珍珠襯托，感覺好高貴呀賣相100分味道方面，蛋糕口感鬆軟，中間夾住水果，有草莓，芒果及原粒藍莓全個蛋糕不會有太多cream, 食完不太膩，啱哂不喜歡食cream的我，而且甜度適中！珍珠係用朱古力整，不是糖霜整成，不會硬到唔食得牛油忌廉唧花食落好香滑，不會油到gel住個口這個蛋糕屋企人都十分滿意真係性價比高！

每年嘅11月到3月都係士多啤梨季節，今年東海堂呢個系列嘅士多啤梨蛋糕真係無得頂，雖然價錢貴咗少少，但單係上面嘅超香甜士多啤梨同金箔已經值回票價!今次東海堂揀用最受女性歡迎嘅「草莓」做主題本來已十分穩妥, 加埋海綿蛋糕、慕絲全部都以粉紅色作主調, 睇就已經好吸引。美人・赤莓人氣九州赤莓蛋糕喺綿密嘅粉紅蛋糕上，滿佈兩層九州直送嘅新鮮赤莓，造型飽滿嘅士多啤梨，紅卜卜最吸引。一開包裝盒,，已聞到很香濃嘅士多啤梨味。 除咗面頭7粒赤紅士多啤梨做裝飾外, 忌廉唧花下面再有10粒非常飽滿嘅士多啤梨組成，粒粒都係日本直送嘅赤莓， 爽口香甜，果香滿溢，又不會太酸，咬落去非常多汁，食得出天然士多啤梨味道，冇人工修飾, 好味!加埋面頭裝飾嘅士多啤梨灑有金箔片,睇落更加華麗。蛋糕層次非常豐富，由士多啤梨海綿蛋糕，蛋白海綿蛋糕，士多啤梨白朱古力脆脆，士多啤梨啫喱，士多啤梨慕絲，士多啤梨醬及忌廉組成。海綿蛋糕一貫東海堂出品嘅鬆軟，濕潤得嚟又帶點空氣感。 輕盈嘅忌廉打得幼滑，甜道適中。 士多啤梨慕絲夠滑溜，士多啤梨醬有粒籽咬口，士多啤梨啫喱有彈性, 而士多啤梨白朱古力脆脆增加香脆口感。 每樣都做得層次分明，每口都充

呢排好想食甜嘢呀！！但又吾想買太大包！！因為未食完已經淋左！！勁掃興！！係東海堂見到細細包裝(6條装)嘅牛油杏仁條！！原價$20, 依家仲要特價$16、超抵囉！！即刻俾錢先！！番到屋企沖完涼忍吾住開嚟試試！！面頭有很多杏仁片！！咬落口脆脆的！！有淡淡嘅牛油香味！！杏仁片香脆可口！！有驚喜！！

父親節好似寂寂無名甘過jor, 身為乖女ge我當然唔會忘記la!!!! O係東海堂叫到個蛋糕好靚, 好有型, 就訂jor la。好彩一早訂jor, 父親節正日竟然無得賣, lucky~不得不佩服東海堂ge蛋糕師傅佢地ge創意。lei個扮日本出名ge whisky "響", 好入型入格, 爸爸見到時都好喜出望外, 爸爸鍾意就好la。整個蛋糕都可以食ga, 酒樽, 扮紙碎ge同仿木箱係朱古力做ge, 可惜偏甜, 根本食唔哂, 浪費tim。蛋糕係朱古力底, 蛋糕底鬆軟, 朱古力味都算濃, 底層有脆脆, 增加口感, 而且底層蛋糕加jor whisky, 帶有淡淡的酒香, 配上朱古力少少苦味, 好有大人feel ar !!!!

昨天食完雜果撻，今天經過東海堂，又擋不住甜品的誘惑。於是買了這個藍莓撻。藍莓給人印像很少女，是不是多吃幾粒，真的會變少女嗎？它的藍莓撻有數大粒藍莓，在一個撻來說，藍莓量十足。而藍莓醬厚厚的塗在撻上，很豐滿。而它的藍莓很清甜，有點莓酸，很新鮮很好味。而它不是冧 bet bet 的那種。藍莓咬落很清爽，藍莓汁隨即在口中爆發。咬了幾口，撻中有層藍莓海棉蛋糕。而撻的底餅較厚。不會因為它的藍莓醬超多，所以會中和了撻底的餅，會覺得十分鬆化。

之前母親節同媽媽興慶祝Mother's day, 提前幾日訂jor個蛋糕~蛋糕不嬲都鍾意食東海堂ge出品!!! 今次訂jor極上之冠, 係今年東海堂母親節系列之一。鍾意佢ge賣相俾人一種好grand, elegant ge feel!! 仲有少少金箔點綴下tim。食落蛋糕粉紅色, 好girly, 成個蛋糕都以草莓為主題, 上面草莓大大粒, 可惜有少少酸, 唔夠甜。白色好似珍珠ge係白朱古力, 如果內面加啲草莓醬就perfect la!!! 蛋糕係鬆軟, 內層夾草莓醬同草莓啫喱, 對我黎講, 內層餡如果酸d會更好更醒胃!! 好彩媽媽都好滿意好開心。

行經九龍灣, 女朋友話要食返個雪糕, 行過見到東海堂就買左個雪糕了好似唔係間間東海堂都有雪糕買, 不過價錢都唔似平時既雪糕咁平但係就寫明係 - 北海道3.6牛乳軟北海道3.6牛乳軟雪糕 $28價錢唔平, 當然對有有所期望! 出黎既成品味道都唔錯! 呢個軟雪糕食落好重牛奶香味, 個感覺有d似係日本食果d軟雪糕咁, 濃濃奶香味重點係雪糕唔會太過甜至於CONE方面, 食落都幾新鮮, 係脆身嫁! 食完同女朋友諗諗下先記得之前原來有食過佢地推出既紫薯口味, 東海堂唔只蛋糕出色, 連雪糕都做得幾好!! 

東海堂自日系改革以來，供應的蛋糕水平不斷提升。現在，不少東海堂店更推設了飲品專櫃，售賣各款特式飲品，筆者試過東海堂的抹茶牛奶、朱古力和寒天飲品，也是概當不錯。這日，來到淘大這間東海堂，發現了未試過的紫薯雪糕供應。曾試過同一店的紫薯牛奶飲品，雖真材實料即制，但紫薯味濃而不帶甜味，有點像喝西湯，固未留下良好印象。不過，嚐鮮是吃貨的天性，所以筆者又再出動成為「試食敢死隊」一員！身先士卒，意外，換來驚喜！想不到，紫薯雪糕 ($30) 不只軟滑，軟滑中亦見香濃紫薯味道和美妙的甜度平衡，令人滿足！雪糕筒也是脆的，值得一讚！推薦指數：5/5下一次再來試試這裡的舉奶雪糕或點一個雙拼試試看！

bb生日，一朝早落去買蛋糕，原來要11點先返蛋糕，10點去到只係見到兩個2磅裝大蛋糕。食個早餐到11點行多次過去，終於返左貨~有個細細的士多啤梨忌廉蛋糕，半磅裝，啱哂兩個人食。切開有驚喜！原來係粉紅色的，中間果層是士多啤梨醬同果肉，蛋糕應該是溝左士多啤梨汁做的。忌廉好厚實，甜度適中。價錢仲要好平。而家周圍都好難搵到個2百數樓下的蛋糕， 呢個價錢買到呢個質素性價比真係幾高！但其他大部分蛋糕款都是要2,3百蚊個，但當然都望落都靚好多。剛剛仲見到個4百幾蚊但勁靚的日本白苺蛋糕，女仔大愛，下次會試

繼上次試完東海堂紫薯味雪糕之後今期見佢推出左日本培茶味當然即刻去試下新野啦仲話係用左日本小山園培茶製造 聽落都覺得唔係普通貨式實物係淺色左少少 但茶味都ok 濃 而且沒紫薯味咁甜雖然我平時較偏好紫薯product 但今次日式培茶味係完勝既題外話最後食食下食左個心出黎