東海薈 · 拉斐特 (The ONE) (已結業)

今年又食大閘蟹餐，揀番上年食過嘅東海集團，今年個定價係貴過上年，但係個餐有75折，所以都ok~不過，除蟹外，菜基本上係一次過咁上枱，食唔切就令到菜有點攤涼了，食得chur , 扣了分。。美極煎大蝦🍤大隻，蝦肉爽脆京式片皮鴨鴨肉嫩，配上京蔥，青瓜條和海鮮醬一齊食，正宋嫂魚羹濃稠度適中，調味剛好，料唔算好多蟹粉小籠包 每人有兩隻趁熱最好味，皮薄juicy，滿滿蟹油香羊城獅子頭大粒肉丸，都幾juicy主角大閘蟹🥰都有至少四両幾重，每人兩隻蟹公唔算爆曬膏，膏甘香又夠黐，蟹肉結實，蘸上鎮江醋，鮮甜好味！酸辣肉燥手打烏冬靚烏冬，煙韌，酸辣解膩。濃雞湯千層菜苗翠綠嫩甜，仲有千層腐皮薑茶湯圓食埋個薑茶湯圓驅驅寒，芝麻湯圓軟糯

It’s the time again to enjoy hairy crabsAfter looking at different sets offered by different restaurants, we pick this one. The set is actually quite value for money. $370 for so many dishes and 2 medium sized crabs! The other dishes are also yummy, esp the Peking duck! Would come again

大閘蟹餐 平但唔靚正 食完返嚟仲要肚痛。尖沙咀區 喺the one同埋北京道1號兩個地點取捨，最後揀咗the one話個海景好似近啲。訂位時問有冇得訂窗口邊 佢話冇，到左有枱就會畀我哋。原本book咗七點半 最後六點半就到 冇畀海景臺我哋 眼見到有三張吉枱 但帶位話唔坐得 熟客訂咗 佢話人哋晚晚嚟食喎所以留枱畀人。 身為香港人 雖然明白呢啲咁嘅階級文化 但打開門口做生意 就唔好話畀我聽冇得訂! 嗰個知客 大大聲 知佢唔代表冇禮貌 但啲態度都係黑人憎 😡 費事同佢嘈影響心情。坐低後 換咗隻仲有蟹殼嘅碟之後叫咗大閘蟹餐 放眼望去張張枱都係食大閘蟹餐 以為唔會太差。 點知落單後五分鐘 成個餐有六樣嘢 就即刻嚟咗三樣 連埋第一隻大閘蟹 仲有蟹粉小籠包 同埋一個湯 飲完個湯 蟹同小籠包已經唔熱 食埋個蟹 小籠包涼住冷氣直頭係凍嘅。 放低時都問佢咁講做乜嘢蟹都未食就嚟其他 冇反應。佢哋啲態度理得你 做咗就算數。第一隻蟹叫做正常唔算唔多糕，但係唔知點解啲腳、鉗已經甩鬼曬，第二隻蟹嚟到仲差 直頭係冇糕 朋友話仲有啲怪味。兩隻蟹唔係靚仲唔似太新鮮。之後碟菜，烚菜加兩嚿豆腐咁上下，冇味，個薑湯圓叫做最好，

依家在疫情下食市大不如前，但食市依然堅持做出好味嘅食物，如東海酒樓。東海在疫情下會用滾水洗碗筷再給客人使用，而點心方面，做得精緻不馬虎。另外不得不介紹傳統嘅蛋黃千層糕，因為很多酒樓已經沒有這款點心賣。其次是酥炸魷魚絲，外脆內軟而不油膩，細細條容易入口。

食海鮮🦀🦐，未食見到隻蟹鉗咁大就已經知道好多肉， 依家做緊絕配特價 星洲胡椒炒大肉蟹加京式片皮鴨 $268，今日其他菜色仲可以有半價，簡直為我慶祝生日😁😁😁，唯一失望就係豉椒炒花甲，花甲大部分唔開口，通知服務員再炒過另一碟出嚟，但今次基本上成碟都唔開，最後都係要取消呢個菜

今天與朋友相約聚餐，好友說起許久沒到酒樓用餐，我便想起這間位於尖沙咀 The One 商場的高級酒樓，於是便攜帶他到此用膳。因應疫情關係，酒樓入內時會提供量度體溫服務，而且所有食用用具均會貼心地使用熱水先清潔，再供顧客使用。這間酒樓其實是東海高級版的酒樓，入內可見大廳環境甚是寬闊，而且中間沒有任何支撐柱阻擋空間，兩側窗口更使用落地大玻璃設計，可同時欣賞維多利亞海港以及尖東的景色。瑤柱花菇灌湯餃湯底使用了上湯的雞湯製作，且配料豐富，分別有冬菇、乾瑤柱、灌湯餃。雞湯色澤清澈金黃，入口雞味濃郁，冬菇和乾瑤柱新鮮大顆，鮮美香濃，灌湯餃外型飽滿大只，入口餃子外皮爽滑薄韌，內餡豐富，有蝦、木耳、豬肉，甚是足料，味道清甜鮮嫩，湯汁佈滿口腔。紅米金沙脆皮腸這款菜式是餐廳得獎作品之一。脆皮腸外皮是使用紅米磨成米漿製作的，因此色澤呈現淺紅色，內餡再以網皮包裹著鮮蝦而成。外層口感軟糯滑溜，略帶嚼勁，內餡網皮爽脆，蝦肉則鮮香酥軟，爽口彈牙。花雕醉雞花雕醉雞是使用雞腿的部份製作，味道酒香濃郁，入味可口，而且雞腿肉的纖維密集，因此油脂豐富，入口時鎖緊的雞油汁佈滿口腔，雞味濃郁，口感嫩滑有彈性。九層咖啡凍糕九層咖啡

一行十二個人來到The One 東海食晚飯慶祝父親節，係呢間酒樓已經食過幾次，其食物質素和服務質素都係相當唔錯。一共叫左十碟餸，十全十美。1. 沙巴龍躉肉質嫩滑2. 京式片皮鴨(二食)第一食配麽麽: 每一張麽麽都隔住一張紙，咁樣麽麽就唔會黐住，方便取出。鴨片份量多，肉多皮脆脂肪少第二食鴨崧生菜包: 第一次試呢種食法，生菜包住鴨肉碎和西芹碎，有種清新既感覺，完全無油膩感。3. 陳醋雲耳不會太辣，酸酸地十分開胃4. 醬油脆皮雞雞皮炸得香脆可口，但肉相對實正5. 脆皮燒腩仔肥肉部分較多，皮還好，不是太脆口6. 宮保頂級明蝦球外層炸漿太多，不過里面既蝦球都好大粒，味道酸甜酸甜7. 金瑤扒鴛鴦蔬味道不錯，菇和西蘭花都是我喜歡既蔬菜8. 蝦湯海皇豆腐最受大人小朋友喜愛，豆腐香滑，蝦湯鮮甜美味9. 濃湯鮮竹浸菜芯食太多肉，食番d菜中和一下10. 蒜香蛋白海鮮炒飯炒飯唔太乾身唔太濕，飯既軟硬度適中，唔會太油膩，挺住個肚都忍唔住食左幾碗，值得推薦。

上星期日中午與太太家人飲茶，偌大的玻璃透視維港景色，我孩子一坐下已經大叫:「AIA!」中環的景色盡收眼簾。可惜，服務讓我們失望。本身我們已經落了一次單，但點心上得很慢，後來我們見數量不夠再下第二次單，但第一次單部分食物還未到，侍應匆匆忙忙經過卻沒有解釋，只急著去落單機按鍵，沒有人性化服務。應該錯在侍應將我們的枱號與隔離枱弄亂了，於是取消了我們部分的食物:你說，這多麼令人掃興。希望下次改善。以下是我們點過的部分食物:1. 鳳爪2. 燒腩仔3. 炸兩4. 鴛鴦飯5. 蘿蔔絲酥餅6. 鮮竹卷7. 鹹水角8. 燻蹄海蜇9. 蝦餃10. 小籠包

這是我以 online dining platform 訂外賣的經驗中，等候最久的一次，沒有之一！今日我在 online dining platform 11:24am時下單點了三款點心，包括叉燒包，咖啡凍糕，蒸蘿蔔糕，卻等了一小時才送到，而我住的地點與酒樓只有3分鐘路程！我相信此三款食品不可能是即叫即製，若非酒樓輕視外賣訂單，怎可能要我等那麼久？難道此酒樓是尖沙咀熱店，同時有一百個外賣訂單？我向 online dining platform 要求取消及Refund，客服表示只能取消不設退款，到底是 online dining platform 還是拉斐特店大欺客？

肺炎的影響，大家都爭相做優惠吸引更多客人，傳統的酒樓也不應該落後時代！這家酒樓最近做優惠，$98可以買到半隻燒鵝，另外可以半價換購其他小菜，對於無飯家庭來說真的是福音呢！不過這次買燒鵝也曾經失敗過一次，就是早一天下班去別家分店排隊，但竟然說中午就賣光了，但他們網上寫有2個時段可以買，這就有點問題了...所以我第二天一早就出門去買，去到現場竟然沒人排隊，我就馬上問職員是不是可以買半隻燒鵝，他說可以，我就趕緊下單，還叫了對半斬開就好了，等了十多分就就能拿到了，不錯。因為是外賣自取，我買完就趕緊回家了，希望吃到最新鮮的燒鵝！果然，回到家裡，燒鵝的皮還是脆的！燒鵝的油香簡直令人慾罷不能！由於家裡沒人，就單手拿起燒鵝下裝直接開吃了！爽！燒鵝充滿肉汁，肉不老，非常好吃！當然堂吃的話肯定更好！

垃圾，以後唔會再幫親，係OpenRice book 左枱，準時去到，居然同我講OpenRice book 位都係要拎飛照排隊，前面仲有20幾張飛，個reception 仲大大聲講唔關佢事，我再問佢點解book 左位都要等，佢答都唔答走左去，谷鬼氣上樓上食，唔使等，又好味

疫情期間有好多餐廳都要打折黎自救，今日一早去咗東海飲茶，佢哋防疫措施做得好足，每張枱分別有一包濕紙巾及透明袋，仲有專人幫你洗杯及碗！今日叫咗不少點心，包括皮蛋瘦肉粥，炸兩，燒賣，芋角，流沙包，魷魚鬚，鮮竹卷等等，全部都有七八折！東海點心水準不嬲都唔錯，出品快，即點即蒸即炸，今日我最滿意的就係芋角，因為炸得烚當好處，熱辣辣，好香口，餡料又夠多！而另一樣要讚的點心就係流沙包，一咬即流，就算放耐左食都一樣咁好味😋😋😋

東海薈星期一至五做緊特價12點前入單68折12點至2點78折- 點心紙上的食品濃湯腿茸稻庭面真稻庭日本面難得一見一籠一個蝦餃16元或燒賣連小籠包都有一個裝14$一個做到遷就的很難得味道不錯一個人一籠衛生自由奇妙的推廣棉花雞很精緻棉花＝魚肚是多的原來精點要48$但相當高質他們選用的琥珀合桃小食味道好新鮮也要18元一個不過好充實飽肚雖然個68折優惠只包括點心紙上的食品但見到客人很接受連壽桃包也有這種優惠早些少入去真係好平價靚抵食！

相信好多人近來都少咗出街食飯，轉為自己煮或者嗌外賣，而好多餐廳都提供左送貨服務。呢排因為要留喺屋企多，於是都投入左叫外賣嘅服務。其中一間見朋友推介過好食嘅就係呢個東海薈 · 拉斐特 。午市和晚餐都有唔少選擇，而且最重要價錢十分相宜。首次推出全線點心外賣服務及優惠嘅東海集團，提供了外賣自取優惠75折，另外你可以經網上外賣平台點餐及送貨都有88折優惠，平左唔少，剛最重要係可以足不出戶已經喺屋企嘆到佢地出品。以前曾經試過飲宴和茶市都食過東海嘅嘢，係中上程度，用來作為平日嘅午餐和晚餐就係一個非常好嘅選擇。昨天，由於家人剛巧在尖沙咀，就試咗呢到嘅晚餐外賣服務。最正係，平時外賣返到屋企都會冇咁好食，去到屋企嘅食物同係餐廳食無乜分別。我心水係鹽焗手撕雞，份量十足，手撕雞味道濃郁，而且唔會好似有啲餐廳手撕得來得細細條，芝麻的香令鹽焗嘅雞皮魅力爆發。乾煸四季豆，完全係好似係廚房攞出黎咁樣，條條仲勁熱，味道不鹹又功架十足，食到鑊氣。沙薑豬手粒係餐廳推薦，呢個適合怕吃大件豬手的人，沙薑味好濃，豬手雖然係一粒粒，但係都有骨膠原，好好送飯或送酒。另一推介係金沙魷魚，店方係盒到整左個位透氣，令到個魷魚唔會變質，金

又到食大閘蟹季節，今日即興卜左東海嘅大閘蟹餐試下，同屋企人食餐勁。我地一行五人，當然就係揀佢四人盛宴，再加多位。豆腐嫩滑，外層脆脆地，不錯。帶點微辣，醒胃。皮薄多汁，鮮味足，熱辣辣食最好味。湯熱辣辣端上，十分清徹，不覺得油膩，菇厚身，螺肉有嚼勁，到主角岀場了，應該有三両以上。一定要趁熱食，先食蟹腳，再食有蓋保暖嘅蟹身。打開蟹蓋，滿滿又黃又白的蟹膏，睇見都流晒口水，不過太急住食，忘了影番張蟹膏甘香，黏力夠，真係好正。蟹肉飽滿，醮少許蟹醋有助提鮮。食一隻一定係唔夠喉，個餐包一人兩隻，對我來說就剛好。雞一早端上，都攤涼了。蒜蓉包烘至金黃香脆，幾不錯，一定趁熱，否則就會腥。今日港鐵十點收車，可能酒樓都知客趕，一次過上埋烏冬同鴨掌，可能因為咁就攤涼了😢，扣了分，但味道都是不錯的。仲有個薑茶湯圓，湯圓有三粒，不太甜，薑茶再辣點更好🤭$1488嘅四人盛宴，呢個餐包了茶芥，但就未加一，另加一位就$368 但就未連茶同加一，埋單$2080左右。咁多野兩個半鐘食完，係有點趕😢