東湖小廚聯威餐廳

营业中

休息中

呢個餐廳我岩岩同父母，男友一齊去食，侍應及收銀員啲服務態度真係非常差，問佢地攞水淨係攞兩杯，我地4個人有咩理由淨係攞兩杯呢，之後仲要比說話我地聽，跟住再叫佢攞多兩杯水，佢就好晦氣話呢啲能量水嚟架，佢地啲服務態度真係好不知所謂呀，唔怪之得好多人北上啦.永遠都唔會再幫襯

呢間餐廳成日經過都比佢扒餐張相吸引到我眼球👁️👁️，但從未光顧過。直至有一日夜晚8點，友人想食中餐🥢就嚮渣甸街隨意揀咗一間。。。食評全正數？真定假🥶叫左兩個餸，沙嗲肥牛粉絲煲同鹹魚雞粒豆腐煲，另加5蚊轉紅豆冰OMG！紅豆冰嚟到，感覺幾足料，但個味有啲怪，唔係飲開嘅味，紅豆🫘係煮咗好耐紅豆沙果隻紅豆，成個感覺有啲怪，唔太好飲😢OMG !!先嚟沙嗲肥牛粉絲煲，望個樣都覺有啲出事，煲仔嚟到通常都滾緊，但呢個係非常平靜，而且顏色似唔入味，點知一試。。。沙嗲味好淡，似翻熱再放入煲，味道唔太好，似溝稀落鹽嘅芡汁。。。OMG !!!再嚟缺鹹魚嘅豆腐雞粒煲，又係異常平靜😐，豆腐還可以，雞粒完全無味，食咗一半先發現！鹹魚呢？😑一粒細過鼻屎嘅鹹魚粒都揾唔到，係堅冇，嚮底有啲啲汁有極少類似鹹魚嘅味🫨，無錯，只係類似嘅味。餸份量足夠嘅，但味真係唔太好今餐係失望😞但比個機會試吓扒餐，因見到人哋叫扒餐，份量好多，個味都幾香，先比中評，如果下次。。。都唔知幾時😰其實呢，我煮餸已經唔叻，我覺得我整得好食啲😱

今晚在銅鑼灣打完波，一行5人上聯威食晚飯。點了4個餸，分別係芥蘭炒豬頸肉，蒸水蛋，梅菜蒸鯇魚，咸蛋蒸肉餅。先後已上了三個餸，兼且已食晒，還未見蒸水蛋，我就問落單的亞姊，點知佢答：『要蒸嘛，未蒸熟點食』，我跟住同佢講，梅菜蒸鯇魚，咁大隻魚尾都蒸熟，而水蛋反而未熟？我講完呢句說話後，蒸水蛋立即出現，咁大家可以想想邊個有問題。最唔要得，亞姊連睇都睇，就敷衍我話未熟。跟住食完埋單，行去俾錢，由於我們大家夾錢食飯，所以細面額紙幣比較多，嗰收銀數完後，擲番$2落個兜處，找番俾我，我心諗你當我乞丐呀。呢d員工咁嘅工作態度，間鋪等執笠，就係因為有呢d伙計，所以你唔好怪人地大陸搶晒你香港生意。員工服務態度差，如果咁唔鍾意份工，你有權選擇唔做，唔好得失d客

今日晏晝去食飯，本身叫咗個印尼炒飯，點知嚟到個飯係楊州炒飯，我就搵個侍應問吓，我問四眼阿姐我係叫印尼炒飯唔係楊州炒飯，佢話呢個有蝦有雞肉有蛋係印尼炒飯⋯ 我就咁俾佢硬食咗⋯今日年初四服務費加2，$66x1.2，$79，平時都唔寫呢啲嘢，不過越諗越嬲豬，寫出嚟舒服啲。

銅鑼灣經典港式鐵板牛扒，味道好過金X，平靚正，性價比高。💜澳洲鐵板牛扒$82（⭐️⭐️⭐️⭐️⭐️/5）啱啱經典港式鐵板牛扒，真係令人驚艷！啲牛扒大過我塊面，啖啖嫩滑，每一口都充滿濃郁嘅肉汁，令人回味無窮。鐵板熱辣，令啲牛扒保持香嫩，外層微微焦香，入口即化。啲牛扒上面嘅洋蔥汁淋得啱啱啱啱好，Jar Jar聲係一場聽覺同視覺嘅盛宴，洋蔥汁香辣中帶有微微的甜味，令人胃口大開。鐵板上嘅配菜同薯條都係經過精心處理，清脆可口。整體而言，呢間鐵板牛扒唔單止係視覺盛宴，味道更係令人讚不絕口，絕對係香港美食嘅一顆新星，值得一試！

【灣仔區】【聯威餐廳】銅鑼灣渣甸街食肆林立，而年青人食店更加係潮起又潮落咁，開完又執執完又開，一歲一枯榮。而我作為一具劇毒肥叔，梗係幫襯啲啱我嘅餐廳啦。而呢間聯威餐廳就真係啱晒我要求，夠毒，夠麻甩，成件事佬味好濃呀。之不過我始終係一個毛都未出齊嘅黃毛小子，嚟到呢啲地方都係食返啲細路仔先食嘅嘢。叫咗個 $62 嘅「美式什扒」配黑椒汁，幾塊薄扒加條腸再加隻雞翼事小，個「喳喳聲」事大，塊板都算熱嘅，啲嘢食就正正常常咁啦。個餐唔配嘢飲，跟個「凍奶茶」都要加 $9 ，有啲撳住搶嘅感覺。而呢杯奶茶當然亦都唔係啲咩驚世傑作，普普通通茶記凍奶茶一杯囉。咁就七十幾蚊嘅話我就唔係太滿意，價錢我畀得起，主要原因係我完全冇飽足感覺呀。用多 $32 叫個「花生醬西多士」填飽埋呢餐，咁佢個西多又唔差，花生醬夠厚實，仲係用粗粒裝花生醬，咬落有啲嘢趙吓咁，幾好。不過餐飯就咁樣昇華到去一餐過百嘅晚飯，埋單價 $103，係兩年前嘅價，而家可能唔得喇。。。（地址：銅鑼灣渣甸街54-58號1樓）#1amfoodie #foodie #hkfoodie #thatfoodiething #hkfood #food #insta

👉在銅鑼灣等hea鐘，見呢度🈶️下午茶餐 ～ 炸髀薯條🍟 ～ 即時內進。。。門口只係一條長樓梯直上，所以睇唔到入面咩環境。上到嚟發現🈶️好多大張卡位，條走廊濶大，包唔會比人碰撞。唔使人貼人，又🈶️大電視📺，環境感覺良好‼️👍👆點咗📌炸髀薯條 · 凍檸茶 $46 ～ 5⃣️分鐘就到。。。咁快嘅 ～ 即時心冷了一截⋯⋯炸髀size標準偏小，皮脆，中間切開出晒煙。肉身入口乾身冇汁，應該係炸定晒一堆，🈶️order再翻炸嗰啲。。。🙅🏻‍♀️薯條🍟凍檸茶🥤正常，比ok係因為坐🉐️舒服、炸髀係脆嘅。。。但唔會再喺呢度食炸類食物😔

好耐無食高質常餐，蛋滑，傳統餐包，沙爹牛肉丁，牛肉好高質。凍檸茶和奶茶都好飲。的確傳統高質味道，實在難得。好在無比樓下另一間茶餐廳呃入去坐，否則錯失左美食。一定會再幫襯，目標係佢晚市鐵板餐。

去高級餐廳食靚牛扒，當然係正但歎返個港式鐵板，食住好味扒餐外，加上懷舊味道，配合港式西式特色，實在有種「説不出的爽」推介心水鐵板餐，一齊「Jar」東湖小廚聯威，好多時未必會聽過既名，但如果你係銅鑼灣想食平靚正鐵板，可以話係不二之選用心做左好多年既「冠軍扒」，環境就一般茶餐廳，都大既，好多唔同既小菜同炒野，今次主力試鐵板勞蘇食推介 —— 精選冠軍澳洲牛扒(黑椒汁)上枱超吸引，夠晒熱夠晒煙，隔離枱都見到，好香又大份嘅Jar Jar Jar 一切，五成粉紅色牛扒，嫩肉腍身，牛味都幾濃既，味道真係ok食極都仲想食，油脂位好香濃風味十足，雜菜比想像中鮮同好味，薯條係粗薯條，但唔脆美式什扒，賣相仍然係好吸引同夠份量既豬牛雞分別係豬扒、火腿、薄牛扒、雞全翼，薄牛扒雖然較薄，但味道都好，醃味好食豬扒香脆，近骨肉滑腍，肉質ok既雞全翼唔算好多肉，味道都唔錯既，唔太乾，連汁食幾好既成個感覺就係爽風味一百分，好有味道既高質鐵板餐，醃得好食，性價比高到一個點，睇到餐牌個價錢經過諗唔到食咩都要試吓#好想試埋瑞士雞扒#其實樓下既皇袍叉燒飯都好正架

次次去銅鑼灣食茶餐廳一定去食呢間👍🏻👍🏻可能係食嗰度人情味😂😂今日又來呢度食晚飯☺️☺️一行三人叫咗魚香茄子煲🐟🐟🐟🍆🍆菠蘿咕嚕肉🍍🍍🍍椒鹽九肚魚🐟🐟🐟每人一碗例湯一碗白飯🍚🍚🍚呢度啲小菜好救獲氣😋😋同埋對於我黎講都幾大碟🤣因為我哋兩男一女食都食淨啲嘢😃😃魚香茄子煲可以食到一碗白飯😀😀味道啱啱好✌🏻✌🏻✌🏻菠蘿咕嚕肉熱辣辣😊😊酸酸甜甜好開胃反而椒鹽九肚魚就冇乜特別呢間餐廳地理位置都幾方便 地鐵站行過去都好近👍🏻👍🏻👍🏻

呢間茶餐廳，我哋由細幫襯到大。裏面嘅職員，我哋都見慣見熟( ´▽` )ﾉ不過，我哋平時多數幫襯嘅係夜晚堂食或者係外賣，我就好少會幫襯佢哋嘅早餐。試咗好幾日其他舖頭嘅沙嗲牛肉公仔麵，今日我就專登試吓平時成日幫襯嘅茶餐廳，睇吓佢哋嘅沙嗲牛肉公仔麵質素係點。同平時啲茶餐廳差唔多，佢哋將啲牛肉乸到霉晒，冇乜咬口，完全唔係牛肉應有嘅質感。沙嗲越食越冇沙嗲味，得個咸字，啲麵質就OK嘅，唔係好淋。不過我最欣賞就係佢哋個方包，因為我以為會係啲隔夜嘅麵包，點知原來好新鮮好鬆軟，而且佢哋將塊方包係搽到滿滿嘅牛油，好似自己喺屋企食方包咁。讚٩(˃̶͈̀௰˂̶͈́)و總括來講，佢哋嘅早餐質素唔係特別好，不過好在就有九折嘅外賣優惠！我都係留番啲quota，食佢哋嘅夜晚嘅炒粉麵飯。

係銅鑼灣番工，想食個tea，要價錢平平地既都係揀番茶記。今次就去左東湖買左個下午茶餐，疫情關係外賣有9折，咁我都係買左番公司食！食物質素係一般茶餐廳水準，下午份量就正常下午茶份量。下午茶 叉燒米線 ($38)推介指數：7/10佢用左雞湯做湯底，有啲咸，感覺係重味精。叉燒竟然另外用盒上，幾驚喜。而我就叫瘦叉， 都算唔錯呀，唔肥呀！(都係為左健康先叫瘦) 叉燒燒得都算香，係幾好的！一般茶餐廳水準就唔會要求太多，呢間唔會太有驚喜，但都算係偏向above average。而且外賣都用獨立包裝餐具,  幾衛生。

去銅鑼灣搵翻舊同事食飯，本身諗住食乜都得，點知佢零舍要求要中午飯食雪菜肉絲米，咁都好啲，起碼叫唔使諗食咩餐廳，不過銅鑼灣午餐真係好少常餐有雪菜肉絲米，為咗佢嘅要寸，我行咗五六間終於有呢間樓上有啦！坐咗最入嘅卡位，對住出面等咗陣，終於見到約咗好耐嘅舊同事！佢一早決定食常餐，我就見到雞脾好心動，就叫咗皇胞雞脾飯！好可惜冇餐。。。原來日日午餐係唔一樣㗎~常餐 雪菜肉絲米配火腿奄列加牛油多士 $46其實我覺得雪菜肉絲好難零捨出眾，不過我朋友就話個米粉好好味，唔知係咪佢朝思暮想，佢好快清哂仲好讚，我就幫佢食咗個飽，好多牛油嘅方包咁xD皇袍雞脾飯 $60其實就係一隻油脾擺係滑蛋飯上面，我係超鐘意食雞脾，呢隻脾又大隻又滑，重點個汁個味入到肉！ 同埋啲蛋咁香，超好送飯超好味！我清哂成碗飯，好飽不過好開心！總括而言食咗個好入味嘅雞脾好滿足！同我朋友終於晏就食到雪菜肉絲哈哈

今晚到了茶餐廳試了一個雙拼湯粉麵餐，我，沙爺牛肉配豬扒公仔麵，加一杯凍飲，價錢都是$55，都可以説合理，尤其有其中一款餸可選牛扒、豬扒、雞扒，扒類絕對大份量，而且所用的扒跟這𥚃扒餐所用的一樣，味道比很多冰室或茶餐廳的扒餐絕對有過之而無不及。如果不是太肚餓的話，又想試試一個美味的扒餐，都會是一個好選擇。

如果你唔加野飲, 呢間鐵板扒真係好值得番兜再番兜, 係銅鑼灣地段都係HK$59~ 雜扒既有牛扒, 豬扒, 雞全翼, 腸仔, 厚切火腿, 本身就送薯條! 性價比一流~