東煲西炒 (已結業)

Openrice訂枱85折仲有併盤送，埋單每人163，4個人，基本上叫一轉已經夠飽，汽水，豆漿，檸檬茶，蔘蜜支裝任飲，全部係鴻x堂。服務唔錯，有個肥大叔同我地炒下煱雞煲，又問夠唔夠食

放下寫食評的習慣超過半年，重新啟動restart，希望一週內可點評十間，數週內可追回所有點評。🤣東煲西炒 East West Hong Kong Pot 屬於東海飲食集團旗下火鍋菜館。位置不錯，距離地鐵站很近，很容易找。大夥兒一行十人，親戚飯眾，問問觀塘工作的，來推介了幾間火鍋食肆，隨手便選了這間火焰鷄煲火鍋菜館。Openrice會員專享八折優惠，再加送每位海鮮拼盤，使原價已好抵的任食價錢，變得更加「抵到冇朋友」！海鮮拼盤包括冰鮮青口、新鮮的有連殼帶子，中蝦和沙白蜆，全部都非常味鮮，要俾個讚。手打丸尚算是不錯。肥牛是一般貨色，但不是像其他食評所說的「咬唔開」。蔬菜及粉麵種類選擇亦也不少。飲品（包括韓國Lotte）有十數款選擇，食品傳菜速度一點也不慢，也要俾個讚！菜館待應人數不算太多，好像全場樓面少於7-8人，但服務亦不算太差，而這個價錢，個人認為不要來過多的要求吧！我們好禮貌要東西、加湯、取餐具，侍應們都算得上樂意幫忙。以現場所見，公平點來說，禮貌和待人態度是雙向的。東海飲食集團旗下食肆，晚市任食以$168 (再八折）這個價錢不要過分期望，以性價比來說絕對無得輸。

OPENRICE預約9位.1. Order完湯底+野食，d呀姐推出黎上枱，由於枱面已full，呀姐叫我地拎住，自己諗下擺邊，叫呀姐比張細枱仔我地擺，呀姐叫我地自己同黑色衫個d講，跟住個呀姐走左去。2. d雞乾晒痴底都冇人加水，幾枱都係自己去拎水加。3. 營業時間到23:00，22:00叫人埋單，22:30叫人走話夠鐘收工。4.收工既呀姐係d走左未執既枱到執汽水罐。5. 埋完單部份朋友落左樓下，我同另外2個女仔等埋個去左洗手間既朋友，黑衫個位女職員(應該係經理)走黎話任食野飲唔比拎走，其實我地未走等緊人，仲答埋我地唔會拎走飲緊，之後有位以為自己好型執枱既呀姐，不段咆哮鬧我地，叫極佢收聲都唔停。6. OPENRICE訂座送既海鮮拼盆唔新鮮，D蝦霉既。服務質素同d人既服務都非常差!!!不知所謂

呢間野完全不知所謂，我們九點幾先入去食，十點幾就同我們講要埋單，然後我們就落last order.因為之前叫左兩轉都來唔齊啲野食。點知佢十點五十分就要成間野所有顧客係十一點前要離開。我們聽聽到就立即將啲嘢倒晒落個煲度，希望快啲食晒啦。當到左十一點，佢真係唔俾我地再食，無論張枱仲有幾多野未清都要即刻走。最過份係有啲支裝綠茶，豆漿未飲晒都唔可以帶離場。結果最終搞到有枱女食客同佢地鬧起上來。我真係未試過打邊爐係咁樣趕客走，點都會俾顧客食埋先囉

今晚十二人叙會，揀左任食雞煲火鍋兼任飲汽水，啤酒(食足3小時)，人頭$168ㄧ位，另加海鮮拼盆 - $88一位(不過而家做promote, 每人都送海鮮拼盆), 而且仲有精美嘅點心拼盆數籠。用埋open rice 訂位，仲有八折，平均埋單每人$160一個，所以真係好超值。食物方面， 雞煲有好多唔同味嘅選擇，海鮮新鮮，d蝦及蠔好大隻，扇貝ㄡ吾老，而且其他d食物都吾差，侍應雖然吾多，但服務好好及好有禮貌。 地點亦都好方便， 出咗觀塘地鐵站行，五分鐘就到

成人每位168，茗茶鼓油每位10蚊，再加一7點一入去間野冇咩人，都幾清靜! 都埋都好大！仲可以坐3粒鐘，如果一大班人黎食都可以慢慢傾計。如果前一天預訂呢個時間仲有8折，可惜我地臨時想食，無訂位。想落單，舉哂手但系冇咩人睇到，之後見到我舉手，都即刻過黎👍🏻叫左魚翅雞煲，等左好耐，基本上全部食材上哂，雞煲都未黎，後面個2台遲過我地黎都已經食緊😰黎左4粒點心，都唔錯，個皮好薄。2粒菜餃，2粒小籠包最後個雞煲無網上面講既”火焰”🤣係咪忘記了？雞煲個汁唔夠味，加上唔夠辣，冇咩味道。食物麻麻地，其他任食邊爐野食會好好多。例如蟹枊麻麻（其他地方系蟹棒😍），芝士腸，金菇怪味（未洗乾淨？）😂 但飲品好欣賞就系好多款支裝，其他地方有支裝但比較少款。👍🏻👍🏻

之前幫襯過因為貪佢無限時，人多都可以傾計點知今個月去食佢話 只能夠行三小時放題，興致大減 已經沒有先前嘅優勢了， 食物都可保持水準 但係準時都會叫你走， 價錢都係上網訂有8折，埋單都係大約一人一百六十多元 都會考慮下次再去。 其實七點鐘去食三個鐘頭十點鐘都應該冇乜人嚟㗎啦，佢哋又收11點 ，不如照返無限時仲吸引多啲客啦， 不過一至日晚上食都係一樣價錢星期六日都冇加多啲， 不過值得一讚 見到原來一個員工要招呼超過20檯，嗰位員工真係應該要加人工畀佢呀，敬業樂業又好笑容，佢係個大叔嚟嘅 ，大行50几歲60歲左右，我覺得嗰晚如果冇咗佢 間舖頭應該開唔成囉。 送海鮮都ok ，上蝶都快，

價錢不但止非常相宜，食物質素比想像中更好，環境， 座位 寬敞舒適，服務細心， 親切， 適合家庭，朋友聚餐的好地方👍👍👍特別係個海鮮拼盤， 扇貝意想不到咁鮮甜美味又大隻，出面酒樓 打邊爐火鍋， D丸類一般味道都係普普通通，有啲仲會有雪味， 所以都唔高期望， 但係真係估佢唔到， 出奇地好味， 讚👍 值得一試

聽朋友介紹，去左觀塘工廠區，喺openrice訂枱先有8折再每位送海鮮拼盆，有大扇貝，青口，海蝦同蚬。去到當然叫出名嘅雞煲先，嚟到待應會落酒再炒造成火焰效果雞肉多同十分夠味食完就有個點心拼盆，有薑汁千層糕，潮州粉果同鮮虾粉果，我地冇咁笨，因為依d係為左食飽你加湯後，海鮮已到，另外仲嚟多一碟什錦小丸子同肥牛海鮮雖然係送，但都唔差，而且邊爐嘅料都嚟得好快飲品方面，有韓國罐装飲品，汽水同鴻福堂樽裝涼茶，選擇好多最好，係依度話食2小時，但由於收11，我地8點去到坐到收工冇人話，10:30就last order係幾好

一行10人試新野見佢有折又送海鮮拼盤又送點心雞煲：有不同味道揀，我地揀左原味同奇異，不過食落無咩大分別🙈味道正常打邊爐：食物都係普通貨，呢個貨既任食邊爐有更好選擇送既點心：呢個味道唔錯喎

呢度基本上係酒樓格局, 地方又夠大, 晚市主要係雞煲打邊爐, 只係$168/位, 包點心拼盤、雞煲、火鍋拼盤、三十幾款火鍋料、汽水、清涼飲品, 當你一選好邊款雞煲, 點心拼盤會好快送上, 而當你食完個雞煲之後, 叫佢加返湯(水), 就會跟住上火鍋拼盤, 你要將個拼盤食得七七八八先好叫其他火鍋料, 我記得仲要追問伙計拎紙仔剔火鍋料~汽水、清涼飲品同醬油係自助形式, 要自己去拎, 但真係好多選擇, 除咗一般果d汽水外, 仲有韓國飲品, 而清涼飲品係鴻福堂果d膠樽裝, 絕對係多選擇, 不過我地食果陣仲算係新開, 未拎到酒牌, 但客人可以自己帶酒精飲品入嚟, 佢無任歡迎~ 至於醬油, 都係果d辣椒、蒜茸、蔥、芫茜果類~雞煲有5款口味, 分別係甜、酸、苦、辣、奇, 我地逐樣問每個味係d咩? 阿姐都好耐心答, 可能部長見阿姐比我地問咗咁耐, 驚佢唔識答比d客咋型, 主動走埋嚟一齊答, 最終選擇咗我地認為最正常的酸味, 而呢個酸味主要係味菜去煮~等咗都好似幾分鐘左右, 應該唔駛十分鐘, 一煲熱辣辣的酸味雞煲上枱, 仲可以選擇加唔加酒落去一齊炒, 咁唔駛額外加錢, 梗係加埋酒啦~ 會香好多, 阿姐一路

好耐無一家人出外打邊爐上openrice search左好耐，發現呢間好似唔錯咁岩openrice訂座又有8折加送埋原本要加88嘅海鮮拼盤位置方面唔算隔涉，距離觀塘地鐵站行2分鐘就到，環境算唔錯，夠寛敞 ，坐得都舒服啲。好快點嘅魚翅雞煲就嚟左，屋企老人家都讚不絕口，之後嚟嘅甜雞煲女人至愛，而其他點嘅野都黎得好快，款類又多，有我鍾情嘅肥牛 青口 蜆 好快食到飽肚，但有3個鍾比我地食，好比其他又貴又得90分鐘咁趕總結， 平靚正，下次約朋友再食過

之前嚟過呢度食好多次，由剛開張walk in行過嚟就有位, 食到而家要book枱先有位之前係冇限時間嘅，依家好似係三個鐘，不過我都食唔到咁耐啦呢度價錢實惠，味道唔錯，依家仲多咗個海鮮拼盤（不過我寧願佢唔送，因為d海鮮唔新鮮，好多客人都冇食到好浪費）呢個雞煲嘅味道係OK嘅，呢個價錢我收貨架啦今次試新野啲，依個你魚翅雞煲，啲魚翅普通，下次叫返雞煲食到左啲玫瑰露落去，個職員炒來炒去，都幾得意幾好玩啦！好明顯係影相位囉！

本來一直都是主打不限時火鍋雞煲放題，突然今天改了限時3個鐘，超過1分鐘要收每位50蚊。訂位時又冇講，今晚去到先知；上菜又慢，搞到匆匆忙忙咁食，連傾計都唔夠時間。原本諗住不限時可以慢慢食和傾計才訂，但以呢個價錢又要限時，出面大把好過佢的選擇啦，好難會有下次喇！

最近經常見到介紹東煲西炒嘅雞煲火鍋，又見幾多正評，朋友食過都話ok嘅，咁就搵左呢晚放工黎試試佢。我地下午電話book，去到先知喺openrice book枱有8折，認真後知後覺！其實最想試花螺雞煲，不過3個人得一個食得辣，還是算罷啦！最後揀左甜味雞煲，又估唔到好好味，個醬汁加埋啲菠蘿、紅、黃椒等等，個甜味配雞好正！而且一開始個雞煲會淋啲酒落去令佢起火，用黎影相呃like都唔錯嘅。另外跟餐嘅點心拼盤都唔錯，3個人有3件粉果同芋頭味好似馬拉糕嘅糕點。粉果皮薄餡靚，疑似馬拉糕有芋頭味又鬆軟略帶煙韌。至於火鍋配料就渣啲喇，牛肉片肉色係淡粉紅色兼好肥，炸魚皮同響鈴係腍嘅，其他野(例如海鮮)就普普通通。飲品方面都唔錯，本身冇開茶嘅，但飲品任飲，而且選擇多，所以冇茶都ok。環境值4星因爲打左3個幾鐘個身都冇打邊爐味，即係通風做得好好。服務得2星，唔係服務態度唔好，只係人手相當不足。綜合黎講，如果加埋有8折，為返大約$160一個人，都算係不過不失。**今次淨係記得影「起火」，其他咩相都唔記得影