東記上海麵

营业中

休息中

咁啱今日嚟到呢度附近做嘢順便嚟呢一度嘅熟食中心食吓嘢好多人都推介呢一間嘅炸雞翼同炸豬扒，今日就試吓佢哋先叫咗個雞翼墨丸河粉餐，同埋一個豬扒炸醬幼面餐留意番嘢飲係唔包嘅要分開俾錢兩杯凍嘢飲俾咗30幾蚊炸雞雞翼真係超好食，真係冇推薦錯㗎炸豬扒我反而覺得麻麻哋個河粉餐個湯完全冇味🥲個墨丸都唔好食另外一碗加咗炸醬先叫好食啲😂如果要推介嘅就真係得佢個炸雞翼同豬扒，其他嘅真係可以唔使試😂好彩佢呢兩樣都可以分開買嘅靜豬扒或者雞翼一盒都係$95價錢都偏貴但係個人口味唔同可能有啲人鍾意食得清淡啲，呢啲就啱食啦🙈經過都可以試下嘅🤣

難得做一日大埔友當然要試好西大埔墟熟食中心有好多嘢食未到飯點 就已經坐滿食客了今次就試咗東記啦🥳🌼 豬扒菜肉雲吞粗麵($46)豬扒一整塊切件另上，新鮮炸起熱辣辣😝炸粉唔厚，豬扒醃過之餘啖啖肉，好入味！菜肉雲吞有驚喜，菜肉餡調味啱啱好，可以解一解炸豬扒嘅膩麵底揀咗粗麵，麵質有啲似狗仔粉，略嫌煮得稔咗啲食得辣嘅朋友記得加辣椒醬，超級香濃惹味🌶️🌼 雞翼牛肉粗麵($46)炸雞翼四件都係另上不會炸到乾爭爭，咬開雞肉十分Juicy😋比起豬扒個人更愛炸雞翼❤️❤️❤️牛丸細細粒，但好彈牙幾好食😋

喺城門水塘起步行山落到大埔揾食，己經差唔多下午三點半，熟食中心仲咁多客人出入，今次食另一間炸猪扒麵，叫左雪菜肉絲炸猪扒幼麵$46,雖要等半個鐘同員工態度麻麻，但呢d小店己買少見少，猪扒係啱啱炸好，肥瘦均匀外皮夠脆，實係平民美食殷物

記得喺好細個嘅時候嚟食過，應該有20年冇食過東記上海麵😂喺我腦海入邊超級清楚，記得餐具係黃色🤭今日就嚟試吓回憶嘅味道。原來單餸同雙拼係同樣價錢，咁梗係叫雙拼啦！炸豬扒&雞翼上海麵炸豬扒同雞翼係另上的，豬扒同雞翼炸得唔錯，調味亦都足夠😋咬落有肉汁，唔係驚為天人咁好味，但係加埋回憶就好好味😆炸醬&雲吞上海麵估唔到炸醬係咁，有芹菜豬肉粒，有啲似餃子嘅餡🤣味道有少少辣，好惹味，雲吞發揮正常，但係有五粒好大方👍🏻最後係奶油豬，唔知係咪東記？🤣因落單姐姐推介一齊落埋，超多牛油同煉奶加埋脆脆嘅包好邪惡😈

見好多食評話豬扒好食，嚟大埔就入去叫咗碗豬扒配菜肉餃上海麵$46豬扒我嫌佢偏鹹，同埋個炸粉唔脆，不過就唔厚粉；上海麵麵質好淋；菜肉餃正常冇乜特別評價；清湯湯底。環境OK都算乾淨👍🏻46蚊雙併，冇嘢飲無希望無失望。試過就算，未必有下次。

途經大埔就過嚟試出名豬扒麵，我哋各自叫了豬扒加雲吞麵和雞翼加牛丸麵。豬扒炸得唔錯，但冇如期想像般好食，味道還好，偏硬，炸得都算脆，但味道偏淡。雲吞就一般，偏細粒，正正常常，味道普通，內裡蝦一般size，整粒雲吞很一般。雞翼有驚喜！皮脆肉嫩，雞翼內裡有淹過，味道剛好，皮炸得鬆脆，令人食完一隻又一隻！牛丸一般普通，偏細粒，一碗有3粒算唔錯！兩碗都叫了上海麵，麵偏粗，有啲過熟，令麵偏軟似烏冬，下次唔會選擇上海麵底。湯是沒有特別味道，整體來講都係雞翼最出色！

因為位唔多, 坐另一邊鋪位, 就要分開叫麵同野飲, 單叫一杯野飲要19蚊, 而且人頭計一人一杯, 但去得食就是但啦, 因為不得不講提供野飲間鋪的服務幾好, 又拎凳仔幫我地放野, 又幫我地催單反而東記就令人失望, 見遲過我地的都有野食, 我地問會唔會漏左, 仲比佢話返轉頭, 話好多單, 唔好催唔好問!因為真係太多遲過我地都食完, 再問先發現真係漏左單, 佢話即整比我地, 未食已經嬲嬲地~我見好多食評都話個麵偏硬, 我地個碗都淋到好似早餐D通心粉咁淋, 完全唔洗咬 個豬扒一般,  味道正常, 但一半都係肥膏 雞翼正常! 只能講44蚊一碗咁多肉份量算係咁, 唔難食但又絕對唔叫好食, 如果住附近行開想食香口野係OK~ 只係唔好有期望就OK~

好多名物好多時都係被吹噓過度名過於實，呢一間都唔例外，佢唔係唔好食，不過冇想像中咁好食，同埋唔值得排隊，冇期望就冇失望。聽講炸醬好好食不過我哋去到嘅時候已經售罄，結果我哋買咗啲食嘅豬扒同雞翼配菜肉雲吞麵，另外就叫咗一碗榨菜肉絲麵。豬扒連骨都幾大塊，無油益味，不過就有少少韌，另外因為一早炸定晒所以有少少皺皮。炸雞翼有4隻，味道不及豬扒，有少少雪味。炸菜肉絲唔錯，不過d肉絲嘅份量真係好少。佢嘅菜肉雲吞都幾好味，但係3碗麵嘅鹼水味比較濃，可能趕時間未chok乾淨。

週日同友人入左大埔食出名的豬扒麵 中午1點已經滿座, 我地等左大約5分鐘就有位我嘅點餐：菜肉雲吞豬扒粗麵我首先揀咗菜肉雲吞豬扒粗麵，啱啱上嚟個碗，就聞到豬扒濃郁嘅香氣。塊豬扒好大塊，嫩滑多汁，菜肉雲吞好足料，同埋粗麵都煮得剛好，成碗麵好好味!朋友嘅選擇：炸醬豬扒粗麵我朋友揀嘅係炸醬豬扒粗麵，個豬扒多汁香脆可口。我偷食左友人一啖炸醬，炸醬有少少辣，同豬扒完美地平衡咗口感，一啖落去，豐富嘅味道就噴發出嚟，呢個組合好正好美味! 味道令人回味無窮。

大埔墟街市有間好出名嘅上海麵，座位都幾多，但每次到中午時間，次次都爆棚，一定要等位至可以食。今次我地幫襯隔離檔買嘢飲至有位坐。麵底可以揀米線、河粉、粗麵或幼麵，配一款餸，另外仲可以拼炸豬排同炸雞翼。炸豬排比較好吃同大份，我地各點咗1份炸醬上海粗麵拼炸豬排，炸醬好好食，豬排好大塊又唔會炸得太乾，味道唔錯，而且價錢唔算貴。炸醬粗麵拼豬排 $44整體黎講，呢間上海麵味道好又份量大，而且性價比高，值得一試。

大埔街市熟食中心的東記最出名是炸豬扒麵 長期有客人坐滿 除了炸豬扒出名 朋友亦推薦炸雞翼 如果想一次過試兩款炸物 可以選擇雙拼 價錢一樣 麵底選擇了上海幼麵清湯豬扒同雞翼即叫即炸 兩者脆漿薄身 油炸火喉同調味控制得剛剛好 豬扒夠肥 不會太瘦太乾 咬開有肉汁 雞翼亦十分有驚喜 同豬扒一樣人口感十分香口鬆脆 但咬開又有好多肉汁上海幼麵同湯底就正正常常 麵底會有幾條菜心 如果想湯底濃味些 餐廳每張枱都有辣椒油 辣椒油十分惹味 如果去開大埔街市 炸豬扒雞翼麵十分值得一試 

聽過好多人都講東記係大埔必食之一咁岩經過就捉埋男朋友去試😂  佢位於熟食中心，所以唔好EXPECT環境好好，枱枱凳凳都係同隔離鋪頭SHARE一坐低呀姐就問食咩，有少少chur😅 叫左一碗豬排麵同豬排墨丸麵。佢冇野飲供應，要就要係隔離鋪叫。不過要單叫$18一杯。豬扒配墨丸麵，墨丸係正常冇咩特別。最出名既豬扒新鮮整好，係香口既但又唔算係超好食。麵底佢係中式上海麵麵款，偏硬身😅似煮得唔夠?整體黎講都可以一試既，但未至於係必食😂😂😂😂

首先講我和朋友去到都未揀枱就已比人問係咪食豬扒麵，我地話係，佢仲問飲唔飲嘢，我地都話飲，佢就分配我地坐叫飲品果邊d枱，呢個係無問題的？我和朋友正望住掛在舖內的餐牌傾緊食咩之際，個女人就走埋來問我地食咩，聽都未聽得切佢講咩就要我地答佢想食咩，我同朋友對望大家都唔知點之際佢好趕急咁再問食咩，我地大家都比個女人搞到食嘢感到有壓力下就求其叫，因我地都係為炸豬扒和炸雞翼而慕名而來一試 ，我地叫左兩碗雪菜幼麵，炸豬扒，炸雞翼和兩杯凍檸茶少甜， 承為126蚊，比錢食嘢係預左，但食物真係唔掂，碗雪菜幼麵到枱後起碼8分鐘我先食，但麵依然係硬的，炸豬扒好硬唔好食，炸雞翼都可以，凍檸茶正常，在我地進食期間，𣎴停有股怪氣味，傳來酸酸臭臭嘅味道，有點難受，朋友叫我快d食定走啦，試一次就夠，唔會再幫襯！

呢間大埔名物相信好多人都食過，今次都係慕名而來。原本想試另一間，不過好似話轉咗手，所以試咗呢間先下次再去另一間。.嚟到呢度梗係叫雙拼啦，因為單雙拼同價。朝早過嚟唔想食咁多炸嘢，所以叫咗菜肉雲吞併雞翼粗麵。一上枱就俾佢個份量嚇親，冇諗過雙拼都有四隻雞翼，呢個價錢來講非常抵食！.雞翼啱啱炸起，外皮香脆入面嫩滑多汁，超級好食😋 平時得兩隻或者三隻要就住就住咁食，今次有四隻食返夠皮！雲吞皮有啲淋夾起有啲散，下次未必會再叫。.另外一個朋友叫咗雙併牛腩加雞翼，同另一個單叫牛腩嘅份量其實一樣，所以過嚟記得叫雙併啦！

香脆好食大埔豬扒😋今次去到叫咗炸豬扒拼榨菜肉絲河粉，朋友就叫咗個單拼豬扒菜飯。餐廳榨菜嘅份量俾得好多😂啱晒我呢啲鍾意食榨菜嘅人，基本上係俾咗個榨菜肉絲山，榨菜食落係爽脆口感索索聲，而且河粉亦都大大碗，食完一定會夠飽。炸豬扒熱辣辣🔥仲大大件👍🏻脆卜卜嘅外皮、外脆內嫩又醃得入味，令人想一啖又一啖咁食唔停🤤🤤單拼豬扒菜飯十分抵食，豬扒份量非常之多，炸粉唔會太厚配菜飯一齊食味道一流😋，菜飯夠濕潤，菜量亦都好多。