東記上海麵

营业中

休息中

肉肉🦊向來不愛吃面🍜，但是這次被吸引的是這家店的澆頭，竟然有肉末醬、竹筍、雪菜肉絲和榨菜肉絲！很像內地口味，更重要的是他家有一絕就是他家的炸豬排🥩和炸ji翅🍗。.我們大概等了十幾分鐘，小🐤胃點的是竹筍粗面，我選了炸醬米線🍜，口味重的要選炸醬！再多加一份澆頭亦🉑️，然後就是熱辣辣的豬排和🍗，可以說外皮酥脆，內里滑嫩，非常入味！！飲料🥤他家沒有，要另外去別家點。

入大埔搵個朋友問佢有咩好介紹佢話一定要來食炸豬排麵哈哈哈好抵食炸豬扒份量多、味道好 仲要包埋雲吞，不得了 個麵底稍林左少少但咁嘅價位 已經係好高質啦 夫復何求唯一吾好就係要自己搵位不過可接受

諗住咁多人講好好味就去試下點知就係無味同唔好味價錢$40 豬扒加墨丸上海麵另一個係雞亦加牛腩上海麵沒有飲品但隔離檔會有阿姐黎問您加唔加杯野飲，凍檸茶$18杯不過豬扒好肥但都係無味真心無下次

馳名 炸豬扒 炸雞翼有機會黎到大埔街市熟食中心 平日下午接近三點 都依然充滿食客需要等位 同場仲有另一間 世記 不過今日就無開旁邊鋪頭姐姐好快手 只要幫襯旁邊鋪頭飲品 就要快少少一位凍檸茶 凍奶茶 $18杯雙拼麵 炸豬扒 / 炸雞翼 /雪菜肉絲 / 炸菜肉絲 / 牛丸 / 菜肉雲呑 全部都係$40 麵種類有幾款選擇河粉 / 粗麵 / 米線今日就試左炸豬扒 同 炸雞翼炸物都係即叫即炸 豬扒有肉汁 好好食而炸雞翼就炸得好脆口 雪菜肉絲 好味 但肉絲只得一兩粒 試左粗麵 好似烏冬咁 好好食牛丸正常

👉🏻淨豬扒/雞翼 (雙拼同價)💰80 👍🏻✨👉🏻拼豬扒或雞翼💰40🌜米線、河粉、粗麵、幼麵👉🏻仲有啲牛腩、牛筋、炸醬、菜肉雲吞個啲普通野。。唔建議食呢啲😂我相信食得呢間既無人會食呢啲普通野🌟豬扒炸得外脆內脆，肉質經過捶鬆後口感幾好 熱辣辣🤤豬扒會比較肥 充滿油脂濕潤 通常一個人食一碟已經好飽 炸雞翼火喉控制很好 內裏肉質夠嫩多汁 全部都好新鮮炸起 好抵食👍🏻🌟👧🏻🍼好鐘意買一盒雙拼既💰80反屋企 份量超多 通常要幾日先食得晒 雖然炸豬扒同雞翼係普通野 但係唔知點解呢間又會吸引到好多回頭客🥺住大埔嘅一定會聽過或食過 👍🏻我諗你哋真係要自己試吓先明白我講緊咩😂 我間唔中就會去食一次 佢地仲有一間叫世記 都係兄弟舖 所以食邊一間都冇咩分別！

一朝早黎開附近，一心諗住黎食反個豬扒麵🤣第一次黎，問姐姐點等位，點知佢地好人到幫我搵埋位！一個人食，即刻就有位啦！姐姐仲幫手推介，最後揀左豬扒麵加炸醬。野飲另外嗌。同原來野食一到就俾錢😮我好似大鄉里出城咁🤣🤣喺等待期間，我見到隔離嗌左雞翼，都好吸引！豬扒份量唔算太多，但熱辣辣，感覺肉都實，唔會霉。四十蚊黎講，絕對超值。仲有免費加炸醬，辣辣地，不過原來係有西芹，如果唔鍾意西芹嘅就揀其他啦🤣🤣喺隔離個檔嗌既凍啡就麻麻哋， $18都唔平

週末小旅行，今次行程是遠征大埔，大埔是香港九個新市鎮之一🏘由1975年開始發展，時移至今留下了不少香港蓬勃發展的足跡，例如舊北區理民府，舊大埔警署改建而成的綠匯學苑，舊大埔墟火車站改建而成的鐵路博物館🚉一步步走完歷史之旅後，就去大埔熟食中心品嚐一下道地風味。 .大埔熟食中心有數十間老店，部份由以前的大排檔搬入，有數十年歷史，賣的不是豪華裝修、精緻食物和貼心服務，賣的是簡單自在人情味，抵食飽肚有朋友一起談天說地的空間🤼有手製點心、上海麵店、粥檔、泰國菜、甜品店等各式風味，隨便找個坐位就可以點到各家的撚手菜共上一檯，吃串燒配艇仔粥也是任君選擇。 東記上海麵正是其中一家老店，菜單很簡單只賣麵🍜招牌的是炸豬扒和炸雞翼，配上幾款配料和麵種，連飲品也不供應，貴精不貴多，上菜後就馬上結賬。 🥩豬扒米線 $40 7/10一大塊炸豬扒上檯前就已先剪好，方便進食。豬扒炸得外脆內鬆，肉質經過人手捶鬆後口感不錯🤗近骨邊位帶點油脂濕潤。 🍗雞翼炸醬幼麵 $40 7.5/10雙拼有4隻雞翼，炸醬不太像是上海式，因為是肉碎辣椒香芹的乾身混合😵比較少醬身的感覺。炸雞翼火喉控制很好，內裏肉質夠嫩多汁。 凍檸水 $18旁

今日黎到新界試下出名嘅豬排面可以有雙拼或者單拼都係$40一碗距嘅麵同埋豬排係分開係鮮整黎到仲係熱辣辣距嘅炸粉唔厚豬排都算鬆同林以$40黎講性價比真係非常高由於今日早黎唔洗等位但其實都已經差唔多坐到滿

好耐都冇寫食評，因為太懶，但再唔寫就會唔記得╮(╯▽╰)╭ 呢間東記，我都嚟過幾次。對上果次，我同我個friend各自叫咗一碗炸豬扒麵。但係太大份食唔晒。拎咗一份豬扒走╮(￣▽￣"")╭ 今次我就同我個friend再嚟學精左，叫咗一碗炸豬扒麵($40)，同埋一碗炸雞翼麵($40)，咁就可以試晒兩款唔同嘅嘢食喇。 我個friend叫咗幼麵，點知上嘅時候係雲吞麵舖啲生麵。我哋兩個都記得上次好似唔係咁㗎，不過算啦，都照食。但係始終都覺得生麵唔係咁搭配。 我上次配菜係跟筍，但係有一浸臭筍味，所以今次唔夠膽叫。點知隔離枱嗰對男女，男人叫咗筍，結果俾個老婆鬧臭。其實嗰啲筍唔係唔好食㗎，但係嗰陣味我頂唔順，食咁慣。所以今次我個friend跟咗雪菜，我就叫咗榨菜。 佢啲豬扒同雞翼好新鮮炸起，啲雞翼有四隻，全部都係肥嘟嘟，感覺好好，好抵食 👍🏻 始終食上海麵都係食返粗麵好啲！ 一定會再嚟。Rmks: 喺隔離叫多咗一杯$18嘅凍檸茶

住喺大埔兩年，聽咗呢兩間豬扒麵好多次，都冇勇氣嚟食，聽聞排隊都要等40分鐘。今日去圖書館， 3:00冇咩人所以就嚟試吓食。完全唔使等位，落完單嘢食幾分鐘之後就到左。豬扒非常之大塊，都好厚切，炸粉厚度啱啱好，即炸即食好酥脆，好juicy，又有咬口。調味都適中，唔會覺得太重口味。但係咪真係值得排好耐食，我就覺得還可以，平時茶餐廳嘅炸豬扒同佢都唔係爭太遠，只係無咁厚。反而，我比較驚喜嘅係佢嘅粗麵幾好食，夾左幾條比個仔食佢食到停唔到🤣

住大埔嘅朋友帶我哋黎食，差唔多中午2點黎到都要等位好多人食，我哋係等位嘅時候諗定食咩，上一枱差唔多食完就落單，坐低都要等多10分鐘左右食物先到，所以大家可以落咗單先。我哋3個人去食，所以炸豬扒、炸雞翼、雲吞各要一碗，再加炸醬同雪菜肉絲，三麵都揀上海麵，唔知係唔用師傅煮定麵煮太耐，其中一碗麵煮得稔咗口感無咁好，而出名嘅炸豬扒肉質有點乾，乾唔係因為炸過龍係肉嘅部位係柴，證明店家無用鬆肉粉，如果用其他部位就更加好味，炸雞翼係舊時個種味，香口暴汁，食個陣要小心真係好熱，雲吞超出期望，係食得出好新鮮菜味夠出，大粒又多餡好好味😋會因為炸雞翼同雲吞而再黎食，而且夠實惠，我哋3個麵$130幾，好抵食

經 youtube 介紹專程到大埔街市熟食中心， 東記豬扒上海麵， 碗麵到來賣相不討好（一堆嘢），食落口裡都不似食上海麵，似食劣質平價麵😡。豬扒係好大件，但沾上粉漿炸食落口感太油膩😓，食過類似別處商店是炸得不油膩， 豬扒本身無乜味道唔好食。本人對食物態度是食得唔好嘥，但最終😩食了一半份量投降吧😫。不會再來光顧！經常都看完 youtube 介紹有讚賞食店後，有空專程去試食，平均10次有 6次都中伏，真係幾激氣🤨。太多人追捧某一間食肆後，質素必會下降， 因太好生意唔憂做，初期未紅時我相信真係用心做好食物品質，但棒紅後 就算有人話他唔好食，都仍然大排長龍。那管用心做好品質？（中國人DNA ）。如果是日本人我會相信☺

東記係薄粉d世記厚少少兩者都差不多反而雲吞就唔同呢度細細粒，幾好不過世記大粒，多菜豬扒味係惹味d,重手d不過，正因為係薄d,佢有時炸過左，肉鞋冇咁多汁呢度d筍都辣dd架，好食

東記同對面既世記聽聞係兩兄弟黎，兩件都係賣一樣既野，都係出名食炸豬扒同雞翼，有咩唔同我就唔清楚la。住大埔既應該點都聽過或者食過佢地既炸豬扒，聽聞連發哥都好鍾意幫襯佢地。本身都諗緊試東記好定試世記好，始終兩件都好多人話好食，不過我去果日世記冇開，咁我就唔洗揀lu直接去東記😂  1️⃣豬扒雞翼麵（$40）自己就揀左上海麵，平時鍾意食米線河粉多啲，但係見呢間既上海粗麵好似幾特別咁，同埋好似見其他人都係食粗麵，咁我又試下。麵質呢就真係偏淋，冇乜咬口，我諗我都係鍾意米線多啲😬而個麵既湯底，可以話係冇乜味，不過清清地，配個炸豬扒同埋炸雞翼食都唔錯。我見佢枱面有罐醬，唔知係咩醬黎，應該係蒜蓉辣椒醬，我諗住個麵冇乜味就加啲落去試下，有驚喜wor！個醬偏辣既，唔食得辣既就唔好試la，但係佢既蒜味好香，加埋落個面到，辣辣地，又多啲蒜香味，好正！  碟炸豬扒同雞翼黎到既時候我真係嚇左嚇，真係好大碟😳豬扒同雞翼炸到金黃色，層炸衣好薄好脆。雞翼好大隻，食落唔會好乾，入面仲保留住啲肉汁。豬扒就好大塊好厚身，亦都夠鬆軟，調味唔算好重好鹹，啱啱好，不過多到好似有5定6件，食到勁飽。覺得呢度既豬扒又冇話好好食好驚艷咁，不

人好多，邊個霸緊邊張枱，無人知，員工完全唔會幫你。🙄在遙遠的粉麵店搵到位坐，員工話太遠，被迫買外賣，要加2元。仲話要等9個字。不過見到廚房已經炸咗一大盤喺度。😑最後等咗大概4個字就有。叫咗個雞翼拼豬扒河粉，河粉唔夠滑，湯無味。雞翼無以前咁入味，豬扒勁鞋，記得之前食過係鬆軟又入味，先想再幫襯，現在大不如前。唔會再嚟幫襯，人又多，員工又唔好服務質素，食物大退步。😵雖然好出名，成個街市最多人的店舖係佢，但咁嘅服務同食物質素，真係好失望，希望佢改善下。