東記雞煲烤魚火鍋點心餃子 (已結業)

街坊小店，同屋企人飲茶既必到之地唔似大酒樓咁，反而相對比較似係茶餐廳但因為舖頭細細，人情味十足又唔洗驚搵唔到位，因為佢地總會為你地搵位點解會揀呢度？因為佢點心係自己整唔係入貨架仲有好多懷舊點心牛柏葉好鐘意食呢度既牛柏葉佢揀既部位好林，好易入口燒賣比平時既酒樓大粒仲啖啖都係蝦腐皮卷炸到脆卜卜，老少咸宜鮮蝦腸粉略嫌個皮有Ｄ厚同粉粉地，唔推介鵪鶉蛋燒賣唔係度度有得食，最鐘意就將鵪鶉蛋同燒賣分開食而燒賣係豬肉饀架

琴日約左人去上水食烤魚，原先諗住食巴辣仔不過要等，咁朋友話食過東記覺得唔錯，咪排埋囉，入到去烤魚有3種，分別係鯇魚 、魽魚同沙巴班，咁我問左佢個沙巴班有幾大條，條友話斤零兩斤288蚊，咁我地4個人斤零重應該唔夠食咪叫個大份鯇魚食囉，點知黎到條魚我真係嚇一跳，以為上錯左菜，我又去問左夥計，佢話無上錯啊，細份1斤$168大份就1斤半$238，條烤魚真係細到又驚又慌，食多次烤魚未試過條魚咁細條基本上魚肉得1斤魚頭半斤，大佬鯇魚咁平既魚洗唔洗咁啊，搵笨既，個菜牌明明係成條魚咁show出黎，直頭違反埋商品說明條例添啊😳我地4個人都好無奈同o嘴，問返個fd原來佢上次黎食雞煲，唔係食烤魚，不過除左條魚，其他野都正正常常，d肥牛都幾好食，各位師兄師姐如果要點烤魚絕對唔好點鯇魚啦😂

發現新大陸 ﹗沒有神州來嚇淹致，終於可以清清靜靜嘆嘆茶，悠然自得一盅三件。全場只得小貓三四個食客，真係好舒服。牆上貼著多款特色羊腩煲，想都無想過，試到無試過，非常好奇又吸引﹗全部點心即叫即蒸無偷懶，滾熱辣非常有誠意，請耐心等候。師傅球類好得超美味，鯪魚球牛肉球，蒸飯類都好得，比街市更勝一籌﹗色香味都比九里香、唐記、點盅皇更出色﹗街市東莞佬、城記望塵莫及，如跟馬仔記、新明苑能爭一日之長短。早前到訪，四眼肥佬是否老闆，零晨沒招呼？完全行行企企，當我地透明懶得理 ﹗朝早嬸嬸們非常熱情有禮有招乎架喎。老人家的日常一盅兩件，即叫即蒸必須耐心等候。水滾茶靚，嘆幾杯甘香鐵觀音醒醒神先，不到十分鐘嬸嬸端上熱騰騰噴煙蒸籠。鳳爪排骨蒸飯，沒有淨排骨飯呢 ﹗轉眼蒸飯到達，預先煮好正常不過。暖暖的溫度滿意，鳳爪 18 層地獄咸，頂唔緊﹗排骨斬得的骰還可以，半骨半肉半軟骨，骨多肉少，鬆軟肉質，甜甜黏黏滑滑，蠻喜歡不錯不錯。豉椒份量足夠，跟甜豉油撈飯，格外香口無破綻。飯粒煮得靚靚，飯香飄逸醒神，乾濕適中。甜豉油調得清香不濁，開胃越食越想食 ﹗突然諗起早前上水金都酒樓及紅磡寶城不開心經驗，極咸豉油嚇死朕，現在還心有

中午前已打電話到巴辣仔訂檯 7 點半，專登遲十多分鐘到逹，都仲要等 5 張檯。被迫坐係門口吹風兼食二手煙﹗越等越滾上晒火，等到 8 點見群大媽們一到即刻可以入座，有無搞輪錯呀，神州大媽優先架？員工們留定檯還夾路歡迎，差在未揮旗仔﹗搞到我完全變身黑面，您地食飽去啦﹗成條街都係火鍋店，得您一間咩？立即轉場到隔隣東記食火鍋﹗轉場前先查詢有否座位，四眼肥叔叔稱只剩樓上雅座，都好啦，我地即到。閣樓的樓底非常矮，生得高少少都頂頭鎚咯。密封侷促空氣不流通，幸好熱心叔叔給我們開風扇，感謝感謝。有電視有調味架有食具，還可以啦。點菜紙只有幾個錯別字，沙巴斑、雞髀菇、豬膶、雞膶，實屬難得。最緊要正字，捍衞繁體字﹗青島啤酒，比酒吧青島較濃較苦，飲兩支已有點醉意。生力清啤酒，好過青島苦澀，依款淡淡然入口順喉舒服。雷式混醬，天下無敵百搭醬油﹗配海鮮配紅肉白肉一樣出色，提鮮提味﹗蒜蓉、蔥花、指天椒、豉油，禮成﹗東記豉油特別厚杰架喎。剛才明明見到盤調味架，行到去不翼而飛？還似為我飲醉眼花，原來比條黑框四眼港女成盤搬走，過份唔過份輪呀！酸辣烤原條魽魚中辣，到底什麼係魽魚啊？上綱溫習一下，原產地係美國鉛岸，屬鯰魚科目，後

東記係一個集各種身懷秘技既叔叔於店內既食店，由點心蒸飯小炒水吧到雞煲魚窩都一一供應，重點係24小時營業價錢又抵，仲有自助醬料吧，$5/人頭，重口味實好鐘意雞煲（半隻）+雞腎好味道基本上個個黎呢度都係食雞煲/魚窩，今次揀左中麻小辣雞煲（半隻），再加份雞腎大家可以任揀辣度，如果有咩特別要求，可以同舖面既叔叔講，佢地都會答到你雞煲夠哂惹味，食過咁多間始終最鐘意呢度既味，夠麻夠香，雞件又夠，配料本身已經有啲三色椒，蓮藕片，香菜等等，真係好入味，係連啲肉都入哂味，唔係淨係得個香字同埋份量好夠，可以跟據自己鐘意食啲咩加食材落去比師傅炒，今次揀左雞腎，香脆新鮮，無得輸睇想又掛住雞煲啦重點樓面叔叔見你食到咁上下會主動幫忙換左隻碟麻甩既店舖裡面充滿住細心同貼心，呢樣真係街坊味濃，最鐘意呢啲小店，叔叔們真係無得輸響鈴好味道個響鈴朋友仔用鬆化黎形容，真係十萬個脆，浸一浸啲汁再食超級無敵好味，重點係仲要脆卜卜推薦蔬菜籃好味道食到咁上下個雞煲可以用黎打邊爐，樓面叔叔會預先比個壺你裝住啲清湯（有蔬菜粒係裡面！真材實料！）然後自己食到七七八八就可以落湯等佢滾變打邊爐蔬菜籃係必點，樣樣菜都有，但唔係得雞碎咁少，而係樣

屋企人話今日出去食雞煲，話原來上水有間都幾出名嘅，真係佢地唔帶我去真係唔知有呢間野。佢可以食烤魚、雞煲、火鍋。不過屋企人就話覺得烤魚最好食，所以叫烤魚。5人食，都幾大條，再叫其他配料就夠飽了。除左魚仲加左蜆，蝦，蘿蔔，豆卜等等個湯都ok,辣辣地，魚肉都幾滑魚肉因爲烤過就特別香另外再另加肥牛，色澤都幾靚，雪花都算明顯，份量都唔算少，食落都幾淋，唔錯另加唐生菜、西洋菜、水魷、薯粉。全部都夾到個烤魚，而水魷係最推薦嘅鴨血都好多舊，屋企人意食就話正

東記有提供烤魚、雞煲、火鍋和點心，還有是24小時營業！這間餐廳是由一位曾在附近工作的廚師介紹的，還推介魚卜雞煲，至此每次來到就只點這個雞煲。吃雞煲就是要夠惹味夠麻甩，他們的汁底就很夠濃郁和惹味了但⋯⋯但以前就會經常光臨，最近去的時候就差了一點，就是過咸了，而且女侍應態度不太好呢，看到還和其他客人差點吵起來。

今晚在北區醫院探病後，我便建議去吃烤魚🤤(沒辦法，自從上星期在深圳吃完烤魚後，便對烤魚念念不忘👉🏻👈🏻) 愛吃魚的肥爸當然舉手讚成😂來到已是8時，餓到一個點的我立即趕跟肥爸商討下單點菜：烤魽魚窩、一份白菜仔、蘿蔔及羊肉片🤔豈料白菜仔沒有，只好改唐生菜🤷🏻‍♀️老闆還送多份西洋菜👀菜和爐上檯速度極快，之後是漫長的等候過程......過了20分鐘，肚餓到不行的我忍不住問老闆。他笑口說他們是即點即煮，我們一定是第一次來食不知烤魚最少20分鐘。嗯，我下次一定問清楚🌚......最後我們總共等了約40分鐘，烤魽魚窩終於上檯😭 魽魚肉質不錯，外皮烤得好香👍🏻我們選了順德海鮮味，有手打鯪魚球、蜆、豆卜及蘿蔔，這些配料挺好吃😋鯪魚球彈牙，還有些陳皮香味👍🏻豆卜吸汁；蘿蔔又夠腍，讚👍🏻食完都飽得七八成，最後問清楚原來羊肉片同蘿蔔都漏單，都沒所謂吧～

夜闌人靜，有時自己夜晚12點去食飯都幾慘情，行經石湖墟見到呢間東記餐廳，其實本身係想入去啊食點心算數，不過入到去夥計幾熱情招待同天氣都覺得有啲寒冷，夥計熱情介紹就試咗個魚煲，個魚煲其實食落都幾可以嘅，但問題等時間太長，所以我食左幾個點心，呢間餐廳啲點心原來夜晚係即叫即蒸，所以又係要等得耐。簡簡單單一餐飯食咗接近個半鐘頭。點心平均大約＄20一碟。其實都幾貴下。不過講真夜晚12點你都冇咩選擇可以。平心而論，個煲係唔夠兩個人食。反而食個煲嘅價錢，我會建議大家食點心好啲。

個魚煲勁好食👍有興趣食魚煲一定要食東記👍喜歡食魚既人包你一定喜歡😍唔係整係得雞煲魚煲架🤔仲有鳳爪排骨飯架😍仲有點心😍東記真係好好食😍真係值得一試👍

位於上水新祥街的東記，晚市的招牌烤魚窩味道十分不錯。剛坐下點菜時，建議先選好烤魚窩的味道，吃完魚窩後再點其他配料。因為配料上桌速度很快，桌面很快會沒有位置。魚窩來到了，選了順德海鮮味和魽魚，魚有預先炸過，浸了湯後也頗惹味。順德海鮮味湯底包括豆腐卜、鯪魚球、蝦、蘿蔔和芽菜等，十分豐富。最特別的，這個鍋是長方型扁鍋，好處就是面積大，較易夾食物。但另一方面加湯底後需要較長時間才會滾起。推介食物為手打四寶丸，總括來說，食物份量足夠和飽肚。飲品有支裝鴻福堂、支裝可樂、啤酒等選擇。

星期日和朋友行山 ，晚上和朋友再找個地方吃飯聚舊，當然首選打邊爐!!!同行朋友是北區人，她推介這店，於是馬上訂位。一行四人六時半到達餐廳，人不多，只有一檯客人。我們看了餐牌，即使同行有人不吃魚，我們還是點了一客 "原條魽魚窩" ，麻辣少辣湯底，再送一款菜。點了湯底之後再選了不少配料:美國肥牛 (大)，四寶丸，三寶餃，芝士腸，魚皮餃，芝心丸，雜菜籃，冬瓜，響鈴，金菇。等了一會，原條魽魚窩上檯啦!!! 比想中豐富很多呀!!! 除了魚還有非常多的配料!!! 青口，蜆，蝦，豆卜，蘿蔔，大豆芽菜，芹菜，韭菜，雞脾菇等...其實就這一窩已經可以半飽了...等水滾了一會就先試魚肉，很厚實卻很易拆開，而且沒有細骨，非常適合打邊爐!!!魚肉非常的滑，肉質爽甜，我不太懂品評魚，只是覺得非常好吃。湯底方面，少麻辣已經很夠了，如果不夠辣可以再另加調味架 ($5)一份，有生熟蒜及蔥，非常新鮮好味。單是湯底已覺非常滿足，店員還時常送上一壺壺的湯底，一次加一壺剛剛好，非常貼心。其他配料都非常新鮮好味，這樣的四人份好像有點多了，可是吃著聊著，最後只剩了三條響鈴...

正所謂不食不知道食了才知道，有人說好食有人說不好食為什麼呢？因為食是可以很主觀的，這個生腸雞㷛加雞腎一起啫啫，味道非常配合濃郁野味再叫安格期肥牛簡直好味到不知如何形容，不要相信我寫的也不要相信其他人寫的，要相信自己親身體驗一下才知龍定蟲

天寒地凍見係招牌菜式生腸雞煲，好似幾吸引，點知真係食到好興，簡直係一肚火，雞無味！肉質木嘅，劣質雪貨，生腸腥同埋係唔爽嘅！試圖用麻辣味掩飾劣貨，但又唔夠惹味唔夠麻！有啲辣味咁，唔好以為食過幾次就可以開鋪得㗎！墨魚丸同魚片頭係街市24蚊磅的假墨/魚丸，日本蠔又係腥又有雪味！咬落梅梅地咁，同埋好細隻，比較好只有魚皮韮菜餃味道ok、臘味魚球都係街市現成貨加少少臘腸咁，質地比較削，脆肉鯇魚片不過不失叫做爽但以份量講係偏貴！其餘食咗皇帝菜等份量都偏少比較貴！但最精彩係特級牛肉粒$118，簡直係欺騙肥油多過肉！完全係下欄啲頭頭尾尾！差！食酒樓火煱放題好過佢，起碼食飽，價錢就上價，食物就劣價，千其唔好去！

雪兒姐去澳洲前 farewell 幾次都未 farewell 完，哈哈 ﹗今晚有時間又 farewell dinner，執左幾劑架喇喎。一直好想試新開東記既麻辣魚鍋，辣友難求，一直都約唔到朋友仔。雪兒姐唔太喜歡辣，而且又食唔到太辣都捨命配君子，無言感激，您係咪頂得住架？我先到攞位，無晒卡位咁陰功？好采有張枱差不多走，我坐住圓枱研究下個 menu 先。只有鯇魚或魽魚供應，我已食到有點悶了，好想食大魚或桂花魚呢 ﹗四眼侍應哥哥話可以打電話預訂 menu 上無既食材，絕對無問題。除左魚鍋外，有一般既打邊爐、雞煲添。另外仲有點心、蒸飯、腸粉、大量各式餃子，不過我自己都係開點心蒸飯食店，多謝喇。終於等到卡位喇，無朝日啤酒，叫支大青島爽下先。雪兒仲未到，唔多識路，但我已經係上水火車站行黎既時候一路影相、一路教點行架喇。兩口子叫到滿枱食物，嚇死人咩，哈哈。魽魚一條、梅林午餐肉、鮮生腸、特級牛肉粒、日本蠔、墨魚汁墨魚丸、游水海蝦、竹笙、西洋菜。麻辣烤原條魽魚鍋中麻中辣，好大兜喎 ﹗要花點時間先滾起呢，大家要耐心等候。除左有大大條既魽魚外，配菜仲有中蝦、蘿蔔、冬瓜、芹菜、大豆芽、豆腐卜、紫洋蔥、芫茜、花