松屋日本料理 (已結業)

2017年7月12日，我去過好多間放題真係未試過咁難食既放題！呢間野神奇地無寫果樣黎果樣，寫一個佢比個多件，驚死人地食唔飽！其實唔洗寫紙啦！你地直接攞咩過黎就得啦！天婦羅d粉厚到呢好似食麵包咁樣冷麵最高境界係食到只係得水既味道，牛柳粒硬X過條命！刺生擺放好似d 亂葬崗一樣睇到都唔開胃！一d美感到無！雪糕又話係韓國雪條，點知係牛奶公司雪條！呢間公司真係唔驚觸犯商品說明條例！真心想整蠱朋友可以推薦呢一間！

-真係好難食, 食物款式真係好少-叫左個海鮮煲,無海鮮-叫左個什菌, 根本就係同個海鮮煲係同一樣野, 換左個碟就以為我唔認得佢?-叫左個炒飯, 超級無敵大碗-叫左碟壽司, 啲飯散晒, 夾都夾唔到-唯有串燒味道不錯大伏

垃圾食物 垃圾服務 冇下次真係 未食過咁伏既放題 叫乜冇乜 唔問都唔講 叫野又漏單 係得個出黎幫手既廚房佬叫好啲 個經理都西口西面 一句講哂 請都唔食佢新張期間話二人同行送酒煮螺 妖諗住試下 問下個工作人員 佢直頭一句 我地 "冇" 呢個 我再問係送哂定點 佢就話 冇呢個 我心諗咁你姐係呃人姐 入左場食左15分鐘已經想走 一入個場一大半係空既 野食已經少到hihi 仲要乜都冇 諗住還掂都唔飽試下佢個日式海鮮鍋 好伏 平時食開放題都唔敢叫就係因為份量大 怕飽 挑黎到面前真係燥到爆燈！蝦霉既 個海鮮就係個粒蝦毛 同個粒蠔豉毛 其他真係冇整過 一黎就咁 好似比人瘋狂食完既餸頭餸尾咁 其他真係影都廢能事

昨晚同太太想食放題，跟住八點幾walkin 上兆萬睇下有咩食，之後上左7/F, 9/ F 都好多人，後尾上左11/ F 冇人等就入去食la , 因我之前都有食過幾次松屋都ok , 但就見到改左名叫松龜，我見應該同集團都唔太差，所以決定入去食。我們和平常一樣開始先叫魚生，我們選了吞拿魚，油甘魚，甜蝦，鮑魚，劍魚。 記住係冇寫三文魚！ 到上菜時，件數同我們寫的一定有出入，但唔緊要，間間都係咁啦，但沒有叫的三文魚出現了。唔緊要我照食；好了，第二回，我寫了吞拿魚，油甘魚，生蝦，亦是冇三文魚。到上菜，三文魚又再出現了！但我叫的吞拿魚不知游了那裡，我今次當然不會接受啦，跟著叫服務員，幫我換番我要既野，服務員很禮貌地幫我回廚房更換，等了一陣，我們要的吞拿魚回來了。到第三回寫刺生，亦是寫了三款魚生，可惜三文魚在沒有召喚情況底下又出現了，如往亦叫服務員更換!!! 但今次來的油甘魚超差，不知廚房佬玩野與否，質素超差… 可惜唔記得影相… 其實其他魚生亦不是很新鮮，吞拿魚亦未完全解雪…到熟食，燒菠蘿是好吃，但其他都是一般，如羊扒很肕，雞腎很乾又冇味，我叫燒三文魚頭就上左燒三文魚骨，當然我冇要，但又唔會上番俾我

5個男仔,成班圍喂喂係MK聚舊咁普通餐廳一定食唔飽我地係兆萬樓下睇左勁耐 間間好似差唔多咁我地就上左11樓本身下面話有位 我地先上去一上到去 成場滿既又話汁埋張枱比我地入去我地成班就坐左係出面成半個鐘都未等到張枱個晚仲有其他人都係等超過半個鐘都未入到等到半個鐘咁上下終於有個姐姐行泥叫人入去但唔係叫NUMBER係叫自己D FD入去食佢D FD仲要等左一陣 5至10分鐘就入得其實真係好唔公平大家都係冇BOOK位但可以咁樣比佢地入先到最後我地入到去個時已經冇乜心情食叫左D野淨係影左刺身 味道方面刺身好多筋同好細塊仲有少少黑色添 白色個塊唔夠記得左咩名但算好食少少起碼比較新鮮 另外壽司都叫左D但都梅梅地咁 尤其係玉子壽司 舊玉子就散咁樣曬 唔算太好食加上D單甩得好勁又係咁比錯野食服務態度真係2分都比多最後叫左一輪食得唔太開心就埋單走人

我同一班朋友上星期去食，最初個經理同我地講$179加一，我地話考慮下，跟住個經理就話免埋我地加一，我地就入左去點知最後張單照收加一，個經理竟然話冇講過免加一! 真係好嬲! 好後悔冇睇過食評先去，如果唔係就唔會中伏!食物方面:野食choice好少，偏鹹 D串燒燒到黑晒，賣相唔太好雪糕尚可接受，蜜瓜味幾特別魚生感覺唔太新鮮，但份量夠多好多昆蟲飛來飛去，感覺好唔乾淨希望松屋可以改善!

BOOK了兩位, 係好耐之前,常去尖沙咀分店食的,但現在只淨下MK分店...刺身唔新鮮，特別係三文魚... 同埋唔夠凍... 串燒冬菇算普普通通 多春魚烤焦了一半粟米好乾身，入口乾澀😨飲品有d茶但好甜款已經不多... 比以前少左好多...同埋D人態度好差，成日黎錯野... 仲要冇禮貌，大大力咁放落枱...

以前我都幫襯唔少松屋，最近見佢改左名做松桂，都覺得有D奇怪架啦一試，真係對松屋徹底失望!D魚生唔新鮮，野食太鹹唯一正常嘅應該係雪糕叫十樣黎錯九樣，態度仲要極差我地催左佢一兩次，佢就已經俾面色我地睇以前我幫襯開嘅松屋已經無左... 而家呢間野真係極差!又難食又貴仲要受人氣!

真係難食到一個點 除左刺身同炸蝦 無野係放得入口 特別係個菠蘿 有好大陣酒臭味 入口係鹹既 羊架有好多肥糕 仲要係燒唔熟既 有好多血水係面 整體而言 食物差 環境差 食梗野既時候有三四隻蚊係張枱到飛黎飛去 真係好難頂 差唔多全部野都好難食 係咁耐以來食過最難食既放題 $149一個算係好平 怪就怪自己貪小便宜 打依篇食評只係希望唔好有人再中伏

上星期六我同兩個朋友諗住去旺角食放題，當時我地仲未決定去邊間食，諗住去到先揀。去到兆萬中心，誤打誤撞上左11樓，見唔洗等位，於是就問企門口嘅店員點樣收費。佢最初同我地講每人$199，再減$20，我地見價錢尚可，正諗住入去之際我突然記起佢冇同我地講過收唔收加一，於是我就問佢。佢話要收加一，跟住我地見有D貴，正準備轉身走，呢個時候個店員就主動提出唔收加一，仲話得返一張空枱，唔想再搵客咁麻煩，平少少俾我地咁話。於是我地就滿心歡喜入左去，點知原來已經中左伏。去到埋單，我地見張單照收加一，就走去同企門口嗰個店員係咪打錯左張單，點知佢即刻反口話冇講過免加一。但係我地三個明明都聽得好清楚佢有咁樣講過，喺再追問之下佢竟然話免收加一嘅意思係減$20呢個優惠就相當於免加一一樣。我地當然唔會接受佢咁樣嘅解釋，喺爭辯其間佢竟然以粗口辱罵我地。喺各執一詞嘅情況下，再加上我地冇證據在手，最後唯有埋單後憤而離開。食物種類不足，而且好多野食都叫左冇黎，再三催促先知道原來已經賣晒。刺身唔夠凍，三文魚好多根，同埋灰灰黑黑，感覺極唔新鮮。 炸物極多油，炸得太誇張。 串燒一般，太過鹹。環境方面，好似冇開冷氣咁，勁焗促，食得都

今晚同女朋友來到旺角打算食串燒諗左好耐都係想去返以前好好食既松屋於是就來到旺角松屋樓下點知好多多人派傳單全部都係任食放題同女朋友諗左陣最後都係去返最想去既松屋先去片…魚生片質素沒有驚喜, 但每次都有冰底秋刀魚(尾)味道OK!金菇肥牛卷, 惹味!雞翼屬滿意程度!燒翠玉瓜, 正! ENCORE左好多獲!燒元貝同波蘿亦屬於滿意程度!咁多串燒之中, 以牛肉及汁燒雞肉最好食, 大蝦真係得個「大」字, 並無驚喜!其實除左魚生之外, 每樣食物(串燒)都做得夠火候,加埋檯面有提供既椒鹽, 同唔知咩粉, 味道都算唔錯!總括泥講, 野食我好滿意價錢我都好滿意！因為入電梯前見到「現金付款每位減二十」哈哈！食到空桶變竹桶！最後順帶一提我真心覺得每個員工都好有禮貌同雪糕好好食！

今晚一行7個男仔去食放題，一去到已經見到間野好full..好彩book jor 位。一坐得，即刻睇點菜字，雖然只有連埋飲品及甜品只有6張紙，但種類也算多。之後就係開始瘋狂叫野食既時間，一開始即刻喪點刺身、壽司、串燒、天婦羅。刺身的種類也不小，但可惜沒有象拔蚌、帶子、吞拿魚，我們點每款刺身也點了好多塊，但好彩冇縮水比我地，黎左一大盆，即刻開動! 刺身好大塊同肥，但可惜三文魚唔夠凍，感覺唔係太新鮮，而且魚食落好多根，所以刺身不一定要大才是好，但劍魚同油甘魚就不錯，感覺上幾新鮮下同好有鮮味，而馬刀貝係值得推介，因為食落好爽口彈牙。 壽司就麻麻地。本來見到冇吞拿魚同帶子刺身就叫壽司補番數，但帶子壽司的帶子細到薄片咁，而吞拿魚壽司就賣晒，其他壽司就舊料唔夠凍，而且飯也比較硬，不值得加單天婦羅普遍也不太好，因為不夠熱同脆，而且天婦羅漿好似落得太厚，顯得d 料好小。 吉列同其他炸物系列尚算不錯，這炸蠔很熱辣辣，芝士年糕也很不錯、很多芝士，但不要吃太多。因為會很飽川燒類整體也不錯，但最值得推介係雞脾菇、霜降牛肉還有幾個川燒的款式。還是飲品和雪糕款式也尚可接受，但飲品值得推介是那個凍柑桔檸檬。超級解渴

必須一說, 這食評是遲來的一遍。總是提不起勁寫這間放題, 因為沒有甚麼特別。今天突然心血來潮想寫一寫。因為同事推介這裡的燒雞脾菇, 所以相約嚐嚐。每次去放題, 坐下第一件事, 就是點刺身。相信有不少人跟我都一樣吧。刺身選擇不多, 不過來到的都新鮮。不過不夠冰, 我喜歡冰凍一點的刺身。三文魚新鮮, 而且厚切, 擺得很漂亮。其他的刺身, 味道一般。金菇肥牛卷好吃!調味很好, 而且不會咬不開。雞軟骨ok好吃。鯖魚也是好吃。但是炸物就很難吃。很油很油, 而且炸得有點過了火位。特別是春卷。反而天婦羅炸得比較好, 沒那麼油。不過炸粉沒有什麼味道, 點了醬汁, 味道仍是偏淡一點。最後出場的是燒雞脾菇。難怪同事大力推介, 是真的好吃。燒汁惹味, 而且雞脾菇很入味。甜甜咸咸的, 而且很易咬開, 雞脾菇新鮮。不也不知道點了多少次, 四個人都覺得很好吃。不過, 總體而言, 「松屋」質素一般, 沒有賣點。除了雞脾菇, 其他的都一般。如今在香港這麼多間放題餐廳的競爭下, 要留住客人是很難的。還是請加油吧!

今次食松屋早早訂了位因為想同男朋友兩個人趁Christmas食餐好既 之前上網訂座有優惠成人可減20本來覺得幾抵，但出發前為求保險也打去問一下價錢，接听的是位男士，可能是因為聖誕節正日繁忙而語速很快，有點咄咄逼人，還說如果覺得貴可以cancel booking，如果我到處預約的話不如快點cancel，感覺態度不友善好像在說我吃不起就不要吃，可是沒辦法既然預約了就算了book了9:00pm，我們8:30pm早到了，服務生也有立刻帶我們入座，一入店內感覺並不好，環境不大而且焗促，坐下後立刻脫下外套也有點不舒服😵而且枱和枱之間靠得太近，有點擠迫首先點了一大堆食物，串燒，刺身，主食等等陸續交了好幾張單 等侯時間也不算久值得一讚的是三文魚份量很足，夠厚幾有口感，但大部分刺身都有一個問題，不夠新鮮，雖然放在冰上感覺較爽口但仍缺乏鮮味，墨魚和鮑片食下去也怪怪的😱我們把menu上的天婦羅也各點了一份，入口脆，但略嫌油，食了數塊已覺得油膩飽滯，建議少點再談談串燒男朋友推介的波羅烤得剛剛好，入口酸酸甜甜，幾開胃😆冬菇十分乾身，入口乾澀😨多春魚烤焦了一半，吃到的幾乎都是燶掉了的部分，沒燶的部分勉強合格😧粟米

BOOK了兩位,係好耐之前,常去尖沙咀分店食的,但現在只淨下MK分店,都大概知道咩事...野飲多數係汽水...有d茶但好甜的野食款已經不多... 比以前少左好多...仲有雪糕,有4隻味..刺身食左一次就冇叫, 三文魚幾肥美,但感覺唔夠新鮮要推介下羊架! 半肥瘦,又好香!牛串,好食!!燒海老, 好咸反叮的串...燒波羅燒香蕉, 係特別推介的, 好香好中2食