松板日本料理

营业中

休息中

今日去海濱花園路經有間日本料理，正值午餐時段裏面坐滿客人，應該質素都唔差。咖喱吉列蝦定食只是$48，個餐跟一個小小的菜沙律幾新鮮，吉列炸蝦炸得好鬆脆，日式咖喱汁香甜唔會辣，很好送飯。照燒雞扒定食（$48） 雞扒大大件又厚身，煎得好香滑加上個照燒汁非常好味，米飯柔軟帶糯，好用心的製作。

💛黃店🔱今次要介紹嘅食物就係位於荃灣！📜”松板日本料理 (荃灣)📌 地址: 荃灣海濱花園3座地下108-109號舖🕐營業時間: 11:00-1500 & 17:00-23:00 🍽分店地區: 荃灣📝評價💬📢 蟹棒有4條 配住烏冬食剛剛好✨ 有日趕住返工叫左黎試🤣 跟住連續2個星期都係食呢個🤣🤣個湯又好入味 同烏冬好夾😆 套餐仲有埋沙律同埋味噌湯😋 少少的黃店係住宿區 需要大家支持呀💛 雖然我只係叫外賣都見到入面位置坐得幾舒服咁👍🏻KS評分 💫5分最高🌟🏵環境指數:⭐️⭐️⭐️⭐️🏵味道指數:👅👅👅 👅🏵抵食指數：💰💰💰💰🏵回購指數:❤️❤️❤️❤️

荃灣西除咗商場嘅連鎖食肆, 附近屋苑都有好多高質小店! 今次去嘅餐廳只得廿多座位, 二人限聚令下只可以serve幾枱食客☹️午市套餐選擇多, 經濟實惠, 仲可以優惠價加配小食, 而且種類多元化, 包括炸軟殼蟹炒, 牛舌, 炸餃子等。滑蛋雞肉定食份量適中, 雞肉嫰滑, 加上甜甜嘅滑蛋, 可以食足一大碗飯呀! 有別於正宗親子丼, 餐廳無加入洋蔥, 反而啱晒唔鍾意食洋蔥嘅我😂朋友叫咗一客叉燒拉麵定食, 配壽司數件及炒野菜一碟, 頗抵食!

有一次嚟到荃灣附近，行到肚餓就走入嚟依間松板日本料理到食野，叫咗一碗鰻魚飯，份量都足夠，而且仲好好味添。除咗鰻魚飯之外，其實入邊仲有其他日式料理㗎，例如三文魚壽司、軍艦等等。場內嘅佈置都幾有日本特色㗎。

在2019年11月13日大約1pm, 我和家人去光顧松板, 等了一會兒, 還沒有食物來, 之後見到比自己遲來的客人陸續有食物及吃完走埋, 巳感𣎴滿. 大約兩點八, 問疑似老闆整咗自己order未, 他說還未得, 有個飯完全未整, 我們很𣎴開心地向他說取消order, 並立即離開. 疑似老闆 (也是厨師) 𣎴按落order先後次序時間來處理食物, 隨心所欲, 服務態度麻麻, 所以對這間食肆的服務非常失望. 因為不想呆等, 再不想浪費自己宝貴的時間, 也不想令自己再受氣, 所以我們決定從此不再幫襯.

講到抵食就緊係中午既定食set但晚餐都唔錯👍🏻松板既烏冬就不建議大家order啦，佢豬骨湯底味精極重，十分港式...有心食都係去番食拉麵烏冬既食肆反而，壽司、刺身飯味道唔錯我喜歡食火炙壽司，貪佢燒完夠肥美三色刺身好肥美😍😍

之前一直間唔中去食，覺得質素唔差，仲覺得抵食。無食一排，今晚就叫外賣，拎到返屋企一打開個角切魚生飯，成個人呆咗，覺得質素仲衰過去爭鮮買，只有三文魚同幾粒其他兩種魚同青瓜，連甜蛋都無，飯完全無味，完全唔似食魚生飯，d飯完全係散開嘅，油甘魚仲要食落口食腥嘅，成碗嘢好難食，同以前差好遠，對我嚟講可以blacklist 了。海濱食肆我又少咗個選擇。

今日帶個仔去剪髮， 剪完髮之後我就喺附近食晚餐。 因為我個仔鍾意食拉麵，所以我哋揀咗間日本式嘅餐廳。 我們坐低嘅時候呢就唔多人， 當等嘢食嘅時候就開始坐滿。我叫咗個豚肉泡菜煲定食， 我太太叫咗個鲭魚烏冬及我個仔叫了豬扒拉麵。豚肉泡菜煲定食68元， 有啲辣食到我都要流眼水， 味道唔錯。鲭魚烏冬望落都ok， 55元。食落口感唔錯。 烏冬就不過不失。我個仔食曬豬扒拉麵68元。 豬扒炸得好金黃， 應該好有味。我太太埋單一百九十一蚊到。 總括來說呢度位唔多 但係就多嘢選擇， 價錢大眾化。 下次得閒可以再嚟。

講真 $40蚊一個午餐定食都唔會有咩期望嗰照燒雞排真係得飯(好多飯)同一塊剪開五份的雞排啲飯點到雞排的部份有少少燒汁其他都係普通白飯再送個味增湯 啊唔係 係味增水比你一條菜 甚至一條海帶都搵唔到成個餐就係雞排 飯 同有鹹味的水

間舖頭四四正正，坐得幾舒服，又光猛又乾淨，入面既員工都nice既，我見好多街坊坐低都同員工吹到幾嘴。食物方面，我今次點左個鯖魚飯加三文魚壽司。個壽司好好食，三文魚又厚又大份👍🏻 個飯都幾足料，魚燒得好香，加埋佢本身既油脂同暖暖地既飯，感覺岩岩好。整體感覺幾好，唯一可以改進既係個面豉湯同個前菜。面豉湯有d d死咸，而且如果可以多少少配料就好啦。前菜如果可以多d花款就更正。總括黎講呢，間野都幾抵食同品質唔錯，下次會再去。

經過見到間幾乾淨舒服嘅日本餐廳就入去試下，同朋友分別叫咗個照燒雞扒定食同汁燒牛肉定食，可能廚房只有一個廚師而當時鋪頭都幾多人，所以出餐時間稍爲耐小小，但食物質素係好的！汁燒牛肉好香，而且飯煲得剛剛好，口感不錯又十分香的珍珠米，雞扒都好好味，整體都覺得好好！一定有下次👍🏻聞到其他客人點左炒飯好香好吸引，下次會試一試，最愛發掘有心的小店！另外見到廚師（老闆？）會同客人傾計有講有笑，一個人整緊壽司又兼顧廚房好忙都會主動同客人講多謝拜拜，十分友善，而店員妹妹同樣一個人好忙但都好有禮貌同耐性，而且笑容親切可愛，成間鋪既人感覺都好close又帶有人情味，雖然同食物質素無關，但我就好著重呢啲小細節帶俾我成個感覺👍🏻👍🏻👍🏻

等左四個字催單先講話原來無落單，仲惡人先告狀話「咁你想點丫？」，好啦，咁叫佢而家落返單，問佢今次要等幾耐，佢又好似比人寸親咁反問「咁你想幾耐丫？？」我無出聲，佢就唔知講笑定點，就答1分鐘就得，我等夠你5分鐘，都係無野出，我索性起身走人，點知佢居然衝出黎指住我係咁鬧，仲好意思話自己服務性行業，你呢行就係比你呢d人影衰哂真心奉勸大家唔好幫親，嗰度有好多其他餐廳，唔好買佢怕，除非你想食個飯都比人問候

今晚收工攰攰地，都係喺荃灣區搵食。揸車入去荃灣入少少嘅海濱花園搵嘢食。以為呢度係飲食沙漠，結果發現左一間性價比高嘅日本餐廳。入面環境寬敞，充滿日式味道。☺️☺️☺️朋友點了豬扒丼，豬扒不會太油，味道剛好我就點了雜菜豬肉炒烏冬，十分惹味！老公點了芝士金菇肥牛卷，充滿勁喜！值得一試！最後來個炒雜菌作總結老闆十分友善，會主動與客人交談！充滿人情的餐廳，值得一試！

今日特登去附近探朋友同佢食lunch，不嬲都鍾意食日本野咁就行入去啦點知一個人都冇，入到去睇返都唔知食乜因爲選擇不多，諗左好耐終於決定揀咗個三文魚刺身定食，佢寫住有前菜丶面豉湯！跟住拎到上嚟…我知道50幾蚊一個魚生飯定食並5可以要求啲乜嘢…真係好大碗飯，記住飯好多！因為只係得五片薄嘅三文魚，唔緊要！最慘係通常啲飯店都可能有幾粒蟹子或者有幾塊青瓜半碟，唔該哂係冇的！三文魚嘅味道係正常！食個飯感覺好可憐，所謂前菜係幾條切碎嘅生菜加芝麻醬:.…不過唔緊要呢個地方好少去一次夠啦！我覺得如果唔係因為住喺度冇得選擇我都唔會再有第二次，住喺呢度附近都真係冇啖好食

呢個京蔥拖羅飯 $88 ，係我食左咁多個之中最好味既!!食材非常新鮮，而且餐牌有好多選擇:壽司/拉麵/串燒/魚生飯/便當/鍋物，總有一款想食! 餐廳環境很舒適，衛生程度好乾淨，店員雖然忙碌，但好有禮貌同細心不停加水，服務值得一讚!!!