松澗西日料理 (已結業)

呢間餐廳我同同事lunch 都變左做半個飯堂咁濟， 早兩日見到佢擺左d 宣傳單張， 原來佢地開左晚市做日式串燒， 樓面姐姐話因為人手問題， 所以暫時只接受預約既訂座先。 食完個lunch , 同事都話有興趣試， 佢地話星期五可訂位， 見佢menu 都唔算貴， 於是就book 黎試試佢。 我地3條友book 左6:30 ， 可能唔多人知， 所以唔算多人， 可以慢慢傾下計。 個晚傾得太開心， 所以頭round 先有影相：燒蒜頭同露荀個蒜頭可以間生d 同熟d , 我地比較鍾意熟d , 無咁辣口。 好味露荀都唔錯汁燒雞肝 雞軟骨黃金燒雞肝燒得外脆內軟，至於個雞軟骨黃金燒， 原來係用咸蛋黃炒出黎， 真係好香三重芝士炸雞本來以為係雞胸肉， 因為個外形似， 諗住都好鞋， 但又估唔到佢係雞肶肉做， 而中間夾左既芝士好香， 亦都唔算好乾身極辛翡翠螺本身佢地個lunch 既極辛炒拉麵我都食過好幾次， 原來佢地用返個辣汁底去做呢個螺， 辣度亦都可以小辣大辣。 D 螺都算入味， 亦食到個螺既甜味荔枝豚肉/大蔥雞肉/柚子味噌秋葵三款串燒都不錯，特別個柚子味噌秋葵， 真係食到柚子個個清香甜味！我地仲有叫到芝士蠔，

觀塘食肆林立要突圍而出當然要天時地利人和，環境要舒服食物質素要好先可以留住客人。一上去環境干淨光猛舒服，讚！過左lunch高峰時間只有1台人坐位好鬆動。叫左set lunch胱炸豬柳飯，上台快唔使5分鐘值得一讚。不過見到食物感覺中伏，首先食物賣相同份量都好一般，成set上台微熱，飯偏硬要用力"𡁻"有少少食膠感覺，豬柳...啊...唔夠熱好厚粉而且乾身無肉汁，比人感覺係炸左放係度好耐有人叫就放上碗再淋醬汁，食落去食落粉食唔到豬柳味道，另外醬汁都出事，既偏少唔可以撈飯又偏鹹！講到隱世......啊...不了，真係談不上，希望只係呢款set lunch比較一般而其他人推薦會既食物會好d。希望！

本人其實好小寫評語，但係今次好想同大家分享呢間食店。我係觀塘區工作咗一年時間，每到lunch time就煩唔知食咩好。雖然觀塘好多野食但係味道真係唔係好掂直到呢間店都開咗，我終於搵到失去嘅味覺我大約每月必去2-3次；原因係同事鐘意出街外走走（呢間在我公司樓下），但係只要我同事放假我就一定落嚟呢度食飯。因為食物真係好食尤其係卡邦尼意粉簡直冇得輸有酒店水準。今日就食咗咖喱吉列炸🦐飯又係一個超驚喜⋯非常正嘅日式咖喱大家有機會可以試吓

觀塘打工仔又多一個食堂‎|•'-'•) ✧日系料理價錢親民，環境簡約日系ฅ •ﻌ•♡餐廳座位不多，下午一時半去到只剩下一張二人枱和bar枱兩個位置樓面只有一位美女做嘢，但都好快手!雖然忙碌但佢都好友善(⸝⸝•‧̫•⸝⸝)出餐速度不會等很久!!Menu選擇豐富，而且價錢唔貴。$50左右就有一個飯連飲品~除了日式料理，還有西餐意大利麵等選擇☁️滑蛋牛燒丼 $52牛肉份量並不少，不會煮得過老。滑蛋亦好嫩~洋蔥煮得好淋，易入口，配上燒汁剛剛好*⸜( •ᴗ• )⸝*珍珠米粒粒分明，好食!!☁️脆炸雞配日式咖喱汁飯 $52炸雞都有六七件，份量算多!!但咖喱汁浸過後，外皮變得有點軟，食落沒有炸雞香口的感覺，但味道是可以的!!咖喱味都是平時食開日本咖喱磚的味道~有少量青紅椒配菜⚗︎·̫⚗︎青紅椒反而好好食!!好淋~☁️玄米茶(跟餐 凍飲加兩蚊)偏淡

臨近歲晚，同同事喺街諗緊lunch食乜好，咁啱有個姐姐派單，原來豐利中心新開咗間餐廳，咁就一致決定上去試試佢。同事叫咗個汁燒牛柳糖心蛋便當，盛惠$78，小弟就冇份食，但同事就話啲牛燒得夠入味又淋，好好食喎，等小弟下次就試下。我自己就叫咗個蒜油海蜆意大利麵，再加2件忌廉蟹肉薯餅，個意粉好好食呀，好香蒜油味，意粉軟硬度又啱啱好，$48都好抵下。加$12加咗2件忌廉蟹肉薯餅，又幾好食喎，啱啱炸起，卜卜脆，入面又夠味，正！好彩咁啱收到姐姐派傳單先知開咗間好嘢，以後觀塘開飯又多個選擇。

喺觀塘食 LUNCH 真係花多眼亂🥴有平有貴, 好食嘅又要等位🌚都幾無奈🤦‍♀️今日出咗去做野, 返到公司樓下見到有張BANNER 啲日式便當都幾靚仔喎, 唔係啲 一格格 果種🧐見又近我公司 , 所以就食埋飯先返去喇😆唔知係咪新開關係, 唔算好多人😍我自己好中意食雞翼, 見到有水牛城雞翼同芥末蜜糖雞翼 😋唔知揀邊款好, 所以兩樣都追加晒🤣主食就叫個雞肉野菜炒烏冬🤤另外加$3 飲凍奶茶多奶🤤 個炒烏冬睇落唔多, 食食下其實都好飽肚, 雞肉又多. 重點係唔會成碟油, 唔錯唔錯😋👍兩款雞翼都好好味, 自己中意水牛成雞翼多啲 , 因為個辣度好正😋😋 順便提吓杯凍奶茶🤩 其算本身都預左無茶記做得咁好, 因為呢啲西日式唔會係專長囉🤔 但 LUNCH 點都要飲杯奶茶嘅😆竟然又比預期中好飲喎👍👍下次再試下佢地啲外賣便當😋👍

早兩日公司有同事試左樓下呢間新開西日餐廳, 話個價錢同質數都唔錯, 今日無帶飯, 就落去試下啦. 叫左個牛肉湯烏冬, 40 幾蚊包杯麥茶或者玄米茶, 我就間左凍玄米茶 . 牛肉都唔少, 個烏冬又唔係個d 淋GG 個D , 都幾彈牙. 湯底唔係死咸又唔係好油, 呢個價錢真係唔錯. 臨走時見到佢個牌寫住7送一, 40幾蚊其實都算平, 仲要7送一, 下次叫埋D 同事一齊叫再抵D 先得!

係觀塘日日諗食咩lunch 都諗到頭大，早幾日經過開源道拎野，見亞姐好落力塞左張傳單比我，望下係西日式料理，上網睇都係40幾蚊有野飲，約下同事試下啦。舖內裝修清清地，有d 簡約feel , 都幾好坐。睇下有咩食先， 好多都想試， 佢仲有d 追加小食都好吸引，今次間左個卡邦尼意粉+忌廉薯餅，試試佢咩料先。同事就間左個肉醬意粉+半份香菇玉子燒佢跟餐飲係玄米茶或者麥茶，姐姐仔話配呢兩種茶食完可以消「濟」，又幾細心wo. 卡邦尼意粉：份量夠， 汁都好夠味， 配料又多，正！同事既肉醬意粉都好足料， 汁無話好甜或好酸，味道岩岩好， 食完意粉仲有肉醬係到。忌廉薯餅好好味， 香菇玉子燒連我唔太好食菇都覺得好味！可能新開張，人唔太多，但真係唔錯，下星期要再黎試佢其仔野先😋