松義仙草

营业中

休息中

最近先知原來那個嘅舊舖變咗食簡單健康便當重點係仲有好吸引嘅台式甜品即刻入去試下佢🤩🤩餐廳係自助形式～點餐之後要先付款再取餐其間可以去幫襯下佢嘅自助沙律吧🥗沙律菜好新鮮～仲有幾款沙律醬揀！另外飲品區仲有免費麥香紅茶供應非常貼心🐔 胸弟限定-雙重雞胸便當唔好睇兩塊雞胸咁大塊但真係處理得好好一啲都唔鞋！加埋蘑菇汁好好吃😋😋仲有紅米飯同大量蔬菜真係好食又健康😍🥩 美國安格斯牛板腱牛扒套餐唔係自己嗌都唔信咁大份都只係$68！兩大舊5成熟嘅牛板腱煎得剛剛好仲搭咗好多薯仔同埋沙律菜連爸爸咁大食都覺得好飽🤣🤣呢個價錢真心係佛心價～～🥥 椰汁芋圓冰燕食到幾飽但一定要食甜品🤭🤭呢碗椰汁芋圓超大碗入面勁多料椰汁唔會太甜而且勁多冰燕食到我舐舐脷😋😋😋🥭芒果椰Q愛玉凍芒果加愛玉完全係媽媽嘅至愛💗💗💗超多芒果肉仲有芒果雪葩🤩下面勁大碗蜂蜜愛玉勁香滑Q彈芒果fans真係唔好錯過！

去到大角嘴搵下午茶☕️，原來都有皓多選擇，最後揀咗那個既副線松義仙草食甜品，但門口仲係「那個」。Walk-in不用排隊，得兩枱食緊嘢，仲有袋鼠🦘南亞人等外賣🥡，呢間除咗出名甜品🍮仲出名熟食🍲，因為可免費🆓任食沙律吧。不過入到店冇招呼，我唔知自己做乜，我主動搵侍應，佢問我做乜？我話食甜品🍮，佢叫我搵位坐低🪑，坐咗一陣我以為佢會招呼我，點知冇。我行出去問佢攞menu佢先叫返我埋位do枱上QR code，我皓無奈😮‍💨。QR code入到Pinme有主食同甜品3，不過皓多甜品🍮已賣哂😅,最後㨂咗芒果🥭芋圓仙草凍$40，做會員有9折coupon。以為會上菜，點知係有侍應喺counter叫號碼，我連自己號碼都唔知，先開返個網check返先知叫我，我出去自己攞。芒果🥭芋圓仙草賣相唔錯👍🏻，芒果🥭甜，仙草大份，芋圓都Q口，下次可試其他甜品🍮。

同家人叫咗總共五碗燒仙草，唔知點解要等咗差唔多半個鐘先上齊所有燒仙草，燒仙草仲有少少凍同有D似糊仔。仙草嘅芋圓亦偏硬，唔知係咪唔熟，味道亦唔太好。整體來講有D失望。

叫咗碗熱嘅仙草，等咗半個鐘先有(可能真係要製作需時)，點知係一碗半暖嘅仙草，個presentation 極差，正常甜品應該係有啲配料喺面俾人睇吓，一打開淨係見到黑色嘅仙草，如果個碗好大好深我都算數，但佢個碗係好淺嘅碗，仲有員工對座位安排極差，佢要客人搭枱，但其實只係有一張枱佢哋擺咗啲文件唔想拎開碗仙草味道係正常，一般普通甜品有既味道，但係餐廳既安排同個presentation 令到整體表現好差，失望而回

想唔駛$60就可以食到個台式晚餐加自助沙律🥗？咁就要來大角咀！奧運站行天橋一落就到，大大梳化位坐得舒服😌晚餐便當好抵呀😍係到食野仲可以享有自助沙律和台式茶👍🏻.點左香煎雞胸便當 （$58）和美國安格斯牛板腱牛扒（$68），好健康的便當🍱用上紅米飯，配牛肝菌汁，大大塊雞扒和牛扒啖啖肉，仲有好多菜👍🏻.呢到甜品都相當吸引🤩松義一號仙草冰好多珍珠和芋圓，煙煙韌韌好有咬口，滿滿涼粉和冰透心涼😌 西瓜椰Q愛玉凍用上牛奶冰，加上西瓜的清甜好解渴！愛玉又q彈好味😋.性價比好高的小店👍🏻

人氣台式小店「哪個」在原址開副線🎉主打台式甜品及新派健康主食😃香煎雞胸肉肉質緊實🍱口感鮮嫩多汁💦灑上黑胡椒和香草🧂每啖都是滿滿的蛋白質🥹選用黃金比例的紅米與白米🍚有口感又夠營養😋牛板腱是附在肩胛部位的肉🥩因為這個部位經常運動🐮所以脂肪較少，有咬口，肉味濃郁😙甜品仙草口感滑溜☘️濃濃仙草香味🌾小丸子及芋圓煙韌彈牙😍甘露滿滿新鮮香甜的芒果🥭還有葡萄柚水潤酸甜🍴口感清爽，甜而不膩🤩

前幾個月那個開咗新副線，地點喺返舊鋪，主打一系列嘅台式甜點同健康營養便當。小店採用半自助餐形式，只要叫一款便當就可以任飲任食健康沙律菜、咖啡同紅茶！沙律菜新鮮鮮甜，會不斷Refill，配上芝麻醬同柚子醬好夾呀～ 便當可以自行選擇主食同配菜，烤雞胸好大一塊，肉質唔乾柴，搭配芝士增添香氣、烤三文魚外層薄身酥脆，魚肉嫩滑，調味適中，值得一試。旁邊附上紅米飯，口感煙韌，份量唔多，另外有烤雜菜，用黑椒調味，容易入口。甜點有椰皇同夜市燒麻糬，前者賣相一流，原個上適合打卡，椰香味出，甜度適中，果然無介紹錯、後者上枱時熱辣辣，麻薯自家製，即叫即煮，口感軟糯，灑埋開心果同黑芝麻糖粉，讚。飲品方面有西瓜沙冰，無添加糖，真材實料，好Refreshing！

之前一直吃開那個，最近才知道他們出了副線，有台式糖水和健康便當！🔅香煎原條龍脷柳套餐這個是沒有白飯的，但是有好吃的薯仔！魚肉是滑嫩的，輕微煎過，醬汁也不會很濃味，個人比較喜歡這個。🔅嫩滑雞胸便當雞胸很大份，有點驚訝。我們選擇了牛肝菌汁，同樣地這個醬汁也不會很邪惡，味道剛剛好，很清淡但不難入口，撈飯也很好吃（另外還有其他醬汁選擇的），而且另外仲配搭了椰菜花和毛豆，健康便當也不會很悶！🔅芒果丸子愛玉凍吃完了健康的便當，我們就叫了不健康的甜品食🤣。超級喜歡這個，超多芒果蓉，而且個冰也是芒果味，芒果控大愛。加上小丸子很煙韌，配冰吃真的一流。🔅松義一號仙草湯這個是新出的，適合熱食。老實說，這個很飽肚，因為入面有芋圓小丸子等，如果一個人吃真的會很飽。這個沒有想像中甜，甜度適中，仙草很杰，和平時喝的不太相同，這個更像是啫喱的口感。如果大家想減肥，他們家的健康便當幫到你。

《松義仙草》主打健康便當及台式甜品的台式餐廳這間松義仙草其實是“那個”的原址及支線餐廳，主打健康便當及台式甜品。秘製壽喜燒牛肉便當 ($58) 。美式芝士烤雞胸便當 ($60)↪️當天點了兩款便當，壽喜燒牛肉煮得夠哂入味，牛肉帶有脂肪，增加了牛脂香氣，好傳統的日式牛丼味道。芝士烤雞胸經過慢煮，夠哂嫩滑，同樣夠香夠入味。每個便當都跟了健康的紅米飯及香草蔬菜。凡點了便當，便可以到自助bar享用沙律菜及咖啡茶等飲品。[甜品]。松義一號仙草凍 ($41)。芒果丸子愛玉凍 ($47) ↪️今次係第二次食松義嘅甜品，不得不說真係好美味，而且賣相美。松義一號仙草凍入面有珍珠、白玉丸子、芋圓及嫩滑彈牙的仙草凍，大大碗，份量十足。另外，芒果丸子愛玉凍有好多鮮甜多汁的芒果肉，香濃的芒果雪葩及芒果醬大大增加了芒果香氣，配埋愛玉凍，清涼又爽口，愛芒果或夏天時必點。

呢間新開主打賣自家製台系仙草甜品 係同區超出名專賣台系便當嘅姐妹店👀 除咗有仙草之外 仲有主打高蛋白嘅健康便當 款款都好高蛋白質 做完gym去食一流呀💪🏻 同場仲有自助沙律吧添🥰-🐥雙重雞胸便當 $70便當有兩塊巨型雞胸 仲長過隻手掌😂 夾埋有大約70g protein😍 而且食落喺雞胸界嚟講都幾嫩滑 調味唔會太重手 加上淋咗低脂芝麻醬 好開胃😗 最讚係佢有得轉飯做焗薯 同場仲配備大量沙律菜 想食原型食物冇難度🥰-🐮秘製壽喜牛肉便當 $58壽喜燒醬汁唔係走超濃郁路線 反而係文青小清新嘅啖啖甜味😘 牛肉份量都唔少 餐牌話都有50g protein架😏 紅米飯嘅紅米比例都算高 飯粒粒分明😙-🧋松義一號仙草凍 $41食完正餐當然要叫返個甜品 我地㨂咗招牌仙草凍 仙草好滑溜 而且係有回甘嘅成人向味道 出色呀😘 配料仲好充足 toppings有好QQ嘅波霸 芋圓 同白玉丸 添😜-🥭芒果丸子愛玉凍 $47那外我地仲叫咗愛玉凍 佢地嘅愛玉凍主打自家手工製 加咗少少蜂蜜檸檬 食落清爽😙 滑溜溜嘅愛玉加上台灣芒果 芒果沙冰同丸子 夠哂refreshing😌-📍松義仙草 (大角咀)大角咀埃華街116-11

今日到訪了位於大角咀嘅松義仙草&那個😚 餐廳採用全自助形式，可透過QR code 自助下單，所需嘅餐具可於自助區自行拿取✅ 凡惠顧主食更可免費享用自助沙律吧❤️ 好正正😍首先㨂咗一客香煎原條龍脷柳套餐🤭 龍脷柳勁大條👍 食落軟嫩滑溜，魚香味鮮🤭 煎得香噴噴好好味😎 另選了一份芝士雞肉漢堡便當🤗 㨂咗健康又有嚼感嘅紅米飯😚 漢堡厚切又大件🤩 一切開滿滿嘅芝士流心傾瀉而出🤤 真係超級邪惡😈 食落漢堡肉軟腍可口，啖啖都充滿芝士和牛肉嘅滋味🤤 高質必選👍 跟餐加咗大大杯綠豆牛奶沙冰❤️ 山一樣高嘅沙冰超壯觀😝 食落每一啖都有綠豆😁 牛奶醇香美味😘 解膩消暑一流✅ 另外㨂咗一杯咖啡🤝 可以係自助區自己沖🤭 都幾唔錯架😚 最後壓軸當然唔少得🐧 最鐘意嘅甜品😝 芒果椰香愛玉凍🥰 同埋仙草凍👍 愛玉凍好滑溜溜😆 食落彈牙嚼感好正😎 加上香甜嘅芒果同埋清新嘅椰子，真係最佳拍擋✅ 仙草凍非常豐富☺️ 有手工芋圓、蜜綠豆等經典配料🤩 食落啖啖超滿足🤤 甜美無比😋 尤其喜歡Q 彈軟糯嘅芋圓😘 真係必食必點📍

今日去到大角咀，行過見到呢間台灣野幾吸引就入去試吓～餐廳主打自助形式，QR code落單之後再出去比錢等叫號！🙂🙂餐具自己拎，另外仲可以自己斟嘢飲～～同埋有自助沙律吧❤️😍叫咗一個香煎雞胸便當，同一個牛板腱便當。便當係配紅米飯，十分之健康！👍🏻👍🏻而且仲講明有幾多蛋白質，好岩健身/keep fit嘅人🥰雞胸係嫩滑嘅，而且唔會太濃調味！個磨菇黑椒汁都好惹味～牛板腱係做到5成熟，口感好，仲好大塊添😍😍令人好滿足！便當有配咗好多菜，真係營養均衡！😝呢到叫得松義仙草無理由唔試佢嘅甜品🤪叫咗芒果椰Q愛玉凍同埋松義仙草冰佢哋啲冰唔係就咁冰底淋汁上去。而係果汁雪成冰再打碎，所以十分濃味👍🏻👍🏻👍🏻食得出好足料～同埋無落糖漿推介健康飲食嘅大家一定要過嚟試～唔係咁多餐廳做到咁👍🏻👍🏻又健康又好味😆😆

最近去到發現運作模式變得同以前都幾大分別因為唔再係食佢地平時招牌炸豬扒台式便當而係變左做健康輕盈餐廳以半自助模式去營運$58起就可以任飲任食自助沙律吧主食方面都係改為健康為主既餐單 「那個平衡便當」椒麻無骨雞肉便當椒麻醬汁微辣唔會好重口味👍🏻雞肉都幾嫩而且都幾大舊配上蔬菜🥬紅米飯🍚營養均衡又夠light-—————————————香煎原條龍脷柳套餐龍脷柳就正正常常無咩特別但可以食到咁多原汁原味既香草薯塊香口得黎夠晒飽肚🙈重點係原型食物👍🏻👍🏻——————————————紅豆牛奶沙冰相對就比較邪惡甜甜既紅豆🫘配牛奶🥛無得輸不過杯野就有啲溶得太快🙈-————————————松義總匯仙草冰芋圓/波霸/綠豆/爆椰Q/仙草冰椰汁芋圓冰燕冰燕/芋圓/椰汁食完正餐當然要食番個靚甜品作結佢地自己特別炮製既仙草苦同甜既比例都幾得我歡心椰汁冰燕就絕對係女士們既養顏之選

已經試晒全部menu上有興趣嘅嘢真係幾抵食牛扒食咗兩次 但有一次比較多筋 運氣唔好不過咁平又大塊都無咩投訴嘅 呢個價位呢個質素嘅牛扒除咗觀塘某一間知名餐廳同那個light 都無乜邊間做到 牛肝菌汁同龍蝦汁都唔錯 辣汁就辣咗啲 我麻麻哋魚柳幾大塊 切開入面仲要juicy有汁嘅有啲驚喜證明佢哋食材處理同烹飪方式應該幾好 抵食之餘 用心處理食材 不過牛扒同魚柳配菜都係出面自助任食嘅沙律菜如果可以跟其他餐咁有其他配菜就好了最欣賞都仲係佢哋嘅雞胸 除咗表面有啲蛋白唔太美觀之外 真係處理得好好 口感有80%似雞扒 壽喜燒牛肉 食過三次 中間嗰次很難咬又比較肥 但其餘兩次係唔錯嘅想睇嘅可以睇返我上一個食評 Btw想食飽啲要揀紅米飯/原個焗薯 薯仔粒份量偏少芒果沙冰跟餐$25 正常糖水鋪嘅水平 嗰盞燈每張枱面都有 係店家今年出嘅月餅盒嚟另外我發現手機落單時在網站登記會員有9折券用 更抵食 無加一再九折 真係抵到爛另外店內仲有chiiwaka 汽水賣不過有一次晚上7點幾去到 沙律菜 水 都無refill 要提醒店員先做嘢其實店家可以自己留意一下 因本人社恐 希望可以唔洗講嘢行返出門口

好幾年冇去過台灣，好懷念當地嘅小食同埋甜品。趁着週末出嚟食吓台灣嘢，假裝自己去咗台灣旅行都好。牛肝菌汁嫩滑雞胸肉配紅米飯呢個飯真係好好味！雞胸肉煮得恰到好處，肉質嫩滑，一啲都唔嚡口。牛肝菌汁帶有濃郁嘅香氣，令整道菜增添咗幾分層次感。紅米飯則軟硬適中，帶有淡淡嘅香甜，紅米搭配毛皮雞胸肉健康有營。美國安格斯牛板腱套餐牛肉煮得唔錯，肉質鮮嫩，油花分佈均勻，咬落去入口即化。五成熟啱啱好。搭配啲新鮮嘅蔬菜、薯仔同埋特製醬汁，更加提升咗牛肉嘅鮮味。每一口都充滿咗肉香，同埋滿足感，真係食到唔想停！甜品當然，仲有甜品我最愛嘅甜品登場！芒果椰香愛玉：裡面有新鮮嘅芒果、Q彈嘅椰子、清爽嘅椰冰充滿椰香味．同埋愛玉，口感層次分明，味道清新。松義仙草：這道甜品包含咗燒仙草、芋圓同埋牛奶布甸，味道香滑，仙草嘅清涼感同埋芋圓嘅Q彈，搭配濃郁奶香味嘅牛奶布甸，簡直係完美嘅組合。自助沙律吧最後，餐廳仲有自助沙律吧，提供各式各樣嘅飲品同沙律，任食！可以隨意搭配自己鍾意嘅配料，飲品仲有咖啡同荔枝茶選擇茶仲可以自己決定要唔要甜。