松菱日本料理

营业中

休息中

同心愛的人去吃午飯，梗係搵間視正架啦。聽日本朋友說松菱好食兼難訂位，就揀佢。去到食鐵板燒，叫左兩個"竹"，一個要大蝦牛柳，一個要帶子薄燒，可以分甘同味。樣樣都好食，仲有個師傅好靚仔，成個方力伸咁樣。叫阿Roy，你地下次睇下似唔似？食得好開心，好舒服，唯一不好的地方，個靚女Waitress冇問我地就求其俾兩個芝士旦糕我地，其實我地想食綠茶雪糕麻。200蚊一個人真係抵到爛啦，午餐一定無問題，晚餐就唔好搞，一模一樣但要兩倍價錢。

Honey 今日生日，我就揀咗間未試過又冇喊面嘅餐廳，應該信得過啦。呢度環境幾舒服，服務態度唔錯，第一個印象都幾好。睇吓 Lunch Menu 先，鐵板燒有三個 choices，我哋揀了兩個 竹 Set ($190)，有Salad、 miso soup、一個要蝦，一個要帶子，其他仲有魚、牛柳、炒飯和炒芽菜。 首先黎個 Salad配芝麻 dressing，菜很新鮮又爽脆，唔錯喎，有個好開始。 三文魚 - 燒得太老，都幾嚡喎，味道一般啫，又令我唸起肥美嘅銀鱈魚嘞。 大虾 - 有鮮味又爽口，正！ 帶子 - 唔錯，都幾甜，可惜裙邊就太靭嘞。 牛柳 - 我哋要medium rare，但就燒得老咗，好彩都幾淋喎，蒜片也很香脆，一齊食，真喺幾好味。蒜片要記一功。 炒飯 - 夠乾身，有水準，配上大量蛋和葱花，好好味呀。 炒芽菜 - 這個也好味，很重嘅 pepper 味，芽菜又爽。餐後waitress請我哋坐在另一張枱，然後送上甜品，綠茶雪糕幾好味。

同朋友聚會，由於大家久不久都會想吃一頓好的刺身、壽司，於是選擇到彎北的松菱。這家主打鐵板燒和刺身、壽司的餐廳，幾年前來了一次大裝修，將原本開陽舒適的用餐環境弄得黑黑沉沉，坐久了讓人懨懨欲睡。若果餐廳是標榜浪漫氣氛的約會好地方還可以，但拜托，這裡是吃廚師功架的鐵板燒，和師傅刀章的刺身！和朋友坐壽司吧，燈光暗的差點連生魚的肉色、光澤都看不見，坐久了渾身不舒服。要不是這裡壽司吧雄師傅的技術與香濃的魚頭湯夠吸引，早不來了－ 試了城中無數其它同類餐廳也找不到更好的選擇！特別推薦他們的魚頭湯－真正用大量魚頭熬成奶白色的濃湯，放涼了上面會凝固出一層奶皮，超正！不是其他餐廳的miso soup 加魚塊能比。

友人宴客.試下食間冇喊面既餐廳. 原因係想食和牛. 亦想睇下師傅表演.的而且確, 唔同師傅既刀功都好唔同. 最好睇係切大蝦及大扇貝既手法. 由於坐bar台,睇到3個唔同既師傅同時燒野切野.可睇得出技術高低. 講番重點既食物.1.(竹)刺身拼盤. 非常新鮮,肥美.正. 再叫左支asahi同kirin飲. 爽呀.450+80 2.松菱和牛燒套餐. 兩個人分. 700-前菜沙律, good. 新鮮. -麵豉湯. 普普通通.-大蝦, 好睇亦好食. 正-和牛西冷厚燒. 要左5成熟. 可惜既係期望太高有少少失望, 唔夠"去日本跟團食既400蚊塊和牛仲要係導遊燒"既好食. 友人仲講左句. 入口要趙頗耐. 更重要係.竟然係冇乜牛味. 香港食和牛真係唔多值. 與其他人分享經歷. 亦得出香港食1000蚊塊都唔夠係日本既500蚊好食. 當然.香港食果d去晒運費同公司賺價.依段寫咁長真係小失望.-和牛既脂肪切細再用黎炒飯. 夠乾身,夠香口.但唔多突出. 3.另叫西京銀雪魚. 讚. 極好食. 加埋個沙律漿更加極品. 160 :服務: waitress服務算周到. 但離開時竟然係waitress,女經理,男經

價錢上絕對是比銅鑼灣那間鐵板燒便宜得多，環境也不錯，而且有獨立房間。廚師態度也不錯，有問有答，炒菜伎倆也不錯。薄燒蒜片牛：my favorite!!! 推介之選牛柳：我覺得有點"un"，咬到個口好累蝦：唔錯，廚師會挑埋蝦腸，但蝦糕就仲會留低銀鱈魚：很甜。。。 好食！牛舌：我不太好，不懂評價，只是覺得唔"un"螺：正！ 螺肉很入味！ 推介之選甜面包：很特別！ 以前從未試過。絕對值得一試！鵝肝：不食也吧！不知是鵝肝問題還是煮法出錯雪糕：那四款都好好味！我最愛桃味，而朋友就喜歡柚子味總結：雖然食完后，成身都系野食味，但價錢reasonable，所以都會再來

與食友們閒聊，說起在香港想食具質素的日式鐵板燒，不出三個選擇，分別是和三昧、松菱及花盃。自從試過銅鑼灣和三昧後，對那種味覺及視覺的雙重享受一直念念不忘，時隔不足一個月，相約了好友們共聚松菱，松菱設於萬麗海景酒店內，實力數一數二，但午市套餐的價錢只需大約二百元，既然價廉物美，當然是不可錯過的了。一行七人被安排入座於獨立的廂房內，窗外是灣仔天星碼頭的景色，可惜當日天公不造美，陰陰暗暗的想下雨，還是把精神集中在鐵板燒的表演上吧！午市有幾款套餐供應，當中主要分別在於牛肉的產地及質素，作為窮鬼代表之一，當然恰如其份要了名為『竹』的套餐，吃的是最基本的美國牛肉，全數以厚燒炮製，再另加一客燒鰻魚，務求試盡鐵板燒帶來的美味。吃過了一客味道鮮甜的蕃茄沙律後，師傅終於出場，巧合地跟食家Gourmet KC 一樣，這次為我們服務的又是黃師傅。從事鐵板燒已近三十年的黃師傅，相當健談友善，由其資歷說到吃鐵板燒的要點，話題滔滔不絕，甚至連家中狀況也娓娓道來，如兒子已結婚，女兒行年二十四剛畢業等閒話不絕，過程輕鬆幽默，帶起了舒服自在的互動交流。鐵板燒是先吃海鮮後吃肉的，黃師傅簡單的介紹了是日的流程後，便著手準備燒

正月十五‧晴 算一算，最初幫襯這個品牌是廿年前的事了，因工作之便，而那時在香港，日本料理更是如日方中，吃飯應酬，一個月總有三、兩餐來這裡吃的。之前有不少食友問過對這裡的意見，我總是說「港式」，而沒有想過來吃。但最近想起吃鐵板燒，很久沒來了，來一試吧。 一行十一人，訂了一號房，而這間房也是招呼朋友的首選，可以自成一國，非常企理。比較起銀座，當然較優勝，但若說花盃，這裡明顯是舊了一點。午市有三款鐵板燒定食，松、竹及梅三款，最貴的松比竹貴兩倍有多，但分別是和牛及澳牛。而竹及梅的分別在於食物的種類及份量，分別只60蚊。松只賣190蚊一客，以鐵板燒來說，不算太貴。那我們就要了7個竹及4個梅。也不知何時開始，吃鐵板燒也興起吃鰻魚的。這裡賣20蚊一安士，就來一條鰻魚，一人3安士，差不多了。 是日招呼我們的是黃師傅，照他所說，在在這裡工作也超過30年了，是個具資歷的師傅。照鐵板燒的慣例，也是先吃海鮮。只見師傅先將厚厚的鰻魚﹝其實是白鱔而非鰻﹞放上鐵板去燒，另一方面就燒大蝦。只見師傅熟練的除去蝦殼，再剔去蝦腸及衊物，下點清酒去燒，香噴噴的大蝦已放在面前。蝦肉新鮮爽甜，剛夠熟又不太過，火侯剛好。最好吃的當

零八年九月下旬晚餐另一間老字號的鐵板燒專門店，老闆同大廚都不是日本人，出品與花盃、千登世（現在的和三昧）同樣認真，這裡午市及晚市同樣是人山人海，就算是周日晚，也要預早三天先訂。已是零八年九月天的事，當奧運結束不久金融海嘯未爆發，加上蔡生效應，周日晚早的一輪已滿，九時許入坐也要等上一些時間才有位。走過鐵板燒長廊，是由外而內都是清一式的鐵板吧檯，廂房自然也是鐵板燒為主，如入鐵板燒的大觀園。二人被安排到走廊端的位置，師傅姍姍來遲，心情已有點煩躁，幸好師傅埋位未解釋原因，即送來一客小吃，是甜入心的冰鎮北海道粟米，招呼完「大鼻」客趕過來，仍能笑面迎人。介紹過是日的招牌套餐，反正吃鐵板燒也離不開和牛、海鮮幾味，吃什麼也沒所謂，由對方發辦好了，牛與海鮮套餐，再加法國鵝肝，再想多點一些，師傅也客氣地建議下次再吃，不虧為總廚，很專業。 師傅在準備，先以西日式雜沙律菜消磨時間，然後捧出幾款材料讓大家「過目」，自己當然不客氣的影下幾張相。也不說什麼，以海鮮開始，手起刀落將大蝦、秋刀魚置中鐵板上，大蝦去頭、挑腸、除殼過程一氣呵成，轉過頭來替秋刀翻一翻，期間又介紹過秋刀的吃法。秋刀是原條燒的，到中段時才對半分，

諗起好好味既鐵板燒實係和三昧...偶然知道呢度都唔錯...所以就搵個lunch去試下啦~我地叫左兩個唔同既餐~可以share試多幾款唔同既野~前菜沙律~幾好~不過個汁多少少會更好~因為0的菜有少少乾~0的好大粒既帶子呢......好新鮮!!!食到停唔到~可惜每人只係得兩小粒~和三昧有銀鱈魚...呢度係燒三文魚...一開始仲擔心會好鞋...但係呢個三文魚真係勁好味.....裡面因為係半生熟...所以好嫰...一的都唔鞋...類似火炙三文魚壽司咁....一諗起都好想食...薄燒牛同粒燒牛之間~我同sheep一致認為薄燒係好味0的...唔知係燒既問題~定係口味既問題呢~就算我地去和三昧都係認為粒燒會無咁嫰~始終都會有少少鞋….不過隔離果0的炸蒜片配埋一齊食都好好味既~...因為叫左兩個餐...所以要左一個飯且一個麵...相中只係一個人既份量黎架咋…可想而知係幾咁飽~不過個人認為飯比麵好, 可能因為去到後期已經好飽~飯炒得幾香同埋乾身少少…而麵比飯炒得比較油少少~所以我只係好努力咁食晒0的飯~淨左半碗麵~餐後甜品...豆腐凍餅...唔錯~其實見到隔離有綠茶雪糕食, 不過待應無問我地要咩就好快拎

睇完蔡生介紹, 决定去朝聖啦! 聽聞有時都幾 Full, 所以 book 咗枱先! 今晚只有3個人, 2 個唔大食嘅, 所以唔敢叫太多(1) 先叫鰻鱼燒 (我係俾它吸引嚟!), 原來是段斤計, 咁我有個friend 唔食, 又唔知要幾多, 個 waiter suggests 個 size, 一開始就慢慢煎, 煎到其他嘢煮好晒先食得, 真係心機錢, 雖然等到頸都長, 但真係好 Crispy, 好好味 (2) 日本清酒燒蜆 (4) 刺身拼盤 (5) 燒牛扒套餐 (抵食, 只叫一個order, d牛肉同菜都夠分, 仲每人有碗炒飯) 埋單 around $1100, 抵食, 環境又好, 值得試!

星期日晚三個人黎. 聽聞難book 位. 所以一早book左.裝修黑麻麻甘. 所以靜d. 坐鐵板檯. 個位本身唔細. 但係D位都好逼下. 如果有人坐隔離, 會食得幾辛苦.叫左2個鐵板餐 + 1份薄燒牛肉 + 炸豆腐:Salad: 細細兜. 酸酸地. 淨係得菜. 但前菜可以啦. 肉餅 (跟鐵板餐的): 得一細舊, 加左馬蹄, 食落爽爽地. 幾好味. 炸豆腐: 唔得. 豆腐係中式豆腐. 個炸粉亦唔係日式啡啡o個隻的. 鐵板蝦, 帶子: OK. 唔係特別好食.薄燒牛肉: 超正. 正在牛肉夠晒薄. 一d都唔晏. 每人差唔多有十舊. 喪食!! 鐵板抄飯: 好食. 乾濕適中.鐵板抄菜: 普通. 太多銀芽. 可以多d 椰菜同咸dd.仲有是日生果s. Service 普通. 師傅好cool. 總結: 由於個薄燒牛肉實在係正. 鐵板燒黎講亦都唔係貴. 我一定會回來了.

吃日本菜,尤其是鐵板燒,從來不是低消費,晚市閒閒地六七百一個人落樓,如果叫埋酒,那就不用說,我這等人家,趁中午去吃,附出區區二百多塊,在鐵板檯前附庸風雅一番,何樂而不為?早前看過蔡瀾先生的節目,介紹過灣仔萬麗酒店上面,老字號鐵板燒店"松菱",與E小姐說起,不如找個下午來吃,反正午餐的門襤,我們也能觸得到.後來興之所至,再約多幾位朋友,一同坐在松菱的廂房內,享受一個"失憶周末"的午餐.事前沒有指定要那一位師傅,我們著起圍裙,就疊埋心水看師傅表演,吃鐵板燒,除味蕾上得到滿足,在視覺上同樣地享受.每位朋友,也是點同一個餐,再加一客燒鰻魚來分享.例牌用沙律來作開胃菜,大家一邊吃,一邊看著師傅為我們準備美食.牛肉本來要薄燒,見差不多人人都要厚切,我就立即回心轉意跟大隊,素來有個性的E小姐說:{哈,乜你咁無立場架.}做人沒有立場,別人做什麼你就去附和,大忌也.但這個下午的一剎那彷彿,又沒有什麼大不了.只是吃下肚,不是過人世.燒鰻魚製作需時,師傅一開始就先燒原條鰻魚,我們問:{而家係咪好多人點呢味?}師傅笑說:{哈,全賴蔡生啦,搞到個個都點呢味,而無

好開心再黎到松菱﹐記得上次食過返尋味﹐到依家都食吾返甘好味既蟹糕﹐今次黎都好想試返﹐不過後黎都係無點到。是次食鐵板燒-燒大蝦-燒帶子-牛舌(最正係入面既香蔥)--牛扒 (直情見到個樣都吾捨得食)-煎蛋炒飯-吐司好味就吾洗講架喇﹐不過價錢始終較高﹐間中食一次就好喇。

10/9/2008 之前經過電視既介紹, 都已經對此店心思思, 一經尋找, 原來就在我公司樓下,但上到Openrice, 發覺原來個價錢都非比尋常, 閒閒地慳慳地都五六百, 仲要唔係食和牛添. 更加覺得 非要到此一試不可.今晚有得早少少收工, 呃左老婆落灣仔, 我又時間剛剛好攪掂晒, 於是就向這次華麗日本鐵板料理出發了. 上到門口都幾驚架, 因為冇人響門口, 入到去都唔係滿場, 不過鐵板吧頭位就坐滿了人. 記得電視講吧頭先係正位.(不過係真既, 試過你就知) 冇法啦.待應門唔駛講 整齊既制服, 親切既笑容, 友善既眼神, 係如此高級餐廳必備既.我同太座一於拎個餐牌, 由頭到尾睇幾次.結果點了.野菜沙律 = 都係一堆菜呀之類 不過我呢類食肉獸都會食晒我自己的一兜. 可見係有幾好食.明太子沙律 = 因為等得耐, 師傅請既, 唔係因為免費, 不過真係好鮮甜爽脆.2 隻帆立貝(逐隻計) = 好大隻好厚肉, 有生以來食過既帶子類食物極品級.鐵板美國牛舌 = 可惜, 真係好可惜 是晚冇和牛牛舌, 不過美國既都已經非常香滑.鐵板和牛西冷厚切 = 比起其他地方食既和牛 好食到我兩老婆都傻左, 點好食

是日為預祝阿K牛一，一如以往，我同佢一齊食番餐好嘅。今次嘅主題係鐵板燒，受較早前阿蘇嘅節目影響，我地去咗位於灣仔萬麗酒店嘅松菱食LUNCH SET。講起鐵板燒，除咗松菱之外，以前响銅鑼灣仲有一間千登世，年前結業後，變身成宜家嘅和三味，水準能否保持仲未考究。松菱係比較高消費場所，而且係日本食肆，銀碼驟眼睇起嚟一啲都唔平，但考慮埋食材嘅質素，真係物有所值。如果食LUNCH SET嘅話，咁就更加物超所值喇。响香港捨得食嘅人唔少，要食鐵板燒LUNCH SET，又要坐到好位置，一定要預約了。我地嗌咗一客「松」SET、一客「梅」SET及一客SASHIMI。「松」SET係最豐富嘅，包括大蝦、日本和牛、三文魚、炒野菜和炒飯(或炒麵)；「梅」SET冇咗海鮮，牛肉轉用美國牛肉。阿K唔食牛，轉用黑豚肉，價錢都係一樣。今次我稍為失策，食日本和牛，竟然叫口咗薄切。和牛肉質嫩滑但肉味不濃；相反美國牛味濃但肉質冇和牛咁嫩滑，所以食和牛應該厚切，美牛要薄切。不過唔緊要，和牛不愧為和牛，入口即溶，加上爆香咗啲蒜頭和蔥粒，令我食完一口又一口；黑豚肉選料也十分上乘，一點肉根都冇。三文魚本來唔係好食嘅品種，原本都不存厚望，果