松記粥品

营业中

休息中

突然想食一碗白粥做下午茶😀另外試下佢的蔥花蝦米蒸腸粉🤩,, 等左一陣白粥先到, 不過感覺$15一碗好似貴左DD, 不過食落幾香幾綿👍👍之後再送上葱花蝦米蒸腸粉😅$25都好似感覺唔平, 不過原來送來都幾大碟, 腸粉皮食落都幾滑😋唔會好厚身😂蔥花同蝦米加埋一齊起好夾好香, d料都幾多😁😄👍不過有好多蝦米殼😅大家來食要小心d, 但整體感覺唔錯😆要支持下香港小店😍🥰😘

牛脷酥：脆口、甜甜地，口感同味道都喜歡😃炸兩：腸粉皮正常，唔會糊口。唔太鍾意切得太幼件，呢個size剛剛好，有口感。豉油、甜醬加花生醬一齊食～正。鮮鯇魚片粥：粥底ok，但唔鐘意太多骨皮蛋瘦肉粥：中規中矩。

早幾日一個人嚟呢度食晚飯，叫咗兩樣嘢～❤️艇仔粥 💰2️⃣7️⃣足料，粥底夠綿😋魷魚彈牙，豬皮爽口而且洗得夠乾淨👍但個人認為以一碗即熟粥黎講$27偏貴咗啲～❤️蔥花炸兩 💰2️⃣2️⃣份量都唔少～即叫即包👍 裏面嘅油炸鬼都仲係脆既😋腸粉皮唔會太厚～(但個甜醬既味就爭啲😅)食既期間都keep住有人黎買外賣，店員(應該亦係太子爺)夾炒麵/炒米一啲都唔手軟，份量非常多😂呢間粥店都可算係我心目中頭三甲🙌🏻

好耐無食粥經過見到 心血來潮好想食入到去見到餐牌超級多款生滾粥揀正呀 真係多到唔知點揀超多配搭我嗌左蠔豉滑雞粥蠔🦪豉好香 雞好滑同行媽咪嗌左 鯪魚球爽肚粥鯪魚球彈口 爽肚爽脆仲食左個牛肉腸都好滑✌🏻✌🏻生滾粥個粥底幾好味💯💯不錯不錯

今日星期六，去開元朗個邊開野，順便食個Lunch。天氣咁熱唔想食粥，所以就叫咗碟炸兩，另外再加杯豆漿。豆漿味度都係偏甜，不過飲落都香的。炸兩係即叫即造，油炸鬼唔會太硬同太乾，加埋滑滑的腸粉皮，整體都不錯。唯一要挑剔的係枱上的醬汁樽，係樽上都幾污糟，一拎上手痴粒粒，每次吱完都要抹手。最後埋單總共34蚊落樓，平食就差不多啦。

依間粥鋪喺元朗都開咗好多年，平時次次都叫外賣食，今次係第一次坐低食👍🏻叫咗個鯪魚球豬潤粥🍲個粥一上枱係新鮮滾熱辣，真係要慢慢吹住黎食🤣值得一讚嘅係大碗得黎好足料，豬潤大塊夠厚又有爽口，鯪魚球就彈牙又唔腥👍🏻啲粥仲要好綿呀👍🏻真係好鍾意食😋至於佢個油炸鬼，平時買到返屋企都淋咗啲仲要都幾油下。今次竟然唔油得黎好鬆脆，好似食緊牛脷酥咁🤪疫症期間，就無幫到我地量體溫啦，不過環境都算乾淨衛生嘅🧐

嚟到元朗辦事 。做嘢之前先吃碗粥填肚。想吃清淡一點，剛好看到有粥舖，中正我的胃口，而且頗有老舖子的味道，相信不會差既。 ▶️南瓜粥幾清甜的南瓜，加在粥都好吃。 可以看到一絲絲的南瓜碎。粥底綿滑， 親和力很高的一款，小朋友也會喜歡吃。 ▶️艇仔粥也是不錯，材料足夠又新鮮 。粥底沒有溝粉， 不會食食下很輕易出水。▶️齋腸腸粉滑溜 ，配搭的甜醬、豉油、麻醬、濃淡度得宜， 配搭完美， 沒有一樣會太搶口。 整體上都不錯，值得再吃。

皮蛋瘦肉粥個皮蛋瘦肉粥啲皮蛋都算多，皮蛋嘅味都好香，個粥都有瘦肉，不過啲瘦肉就好少，碗粥嘅口感都好水，😥個油炸鬼嘅口感好趣，而且唔會好油膩煎堆佢嘅口感比較淋，個芝麻味都好香，味道都不錯👍🏻個牛肉腸粉，牛肉真係好小可以話係等於冇一樣，只得腸粉皮感，不過口感都不錯

#日日食早餐唔通個個人都鍾意食早餐咩ಠ_ಠ家姐屋企樓下咩都冇，結果要專登出嚟市中心食早餐。行咗一陣，發覺好多嘢都未開🙃，好彩仲有呢間粥品開咗，結果就同家姐走咗入去 (╯3╰)裏面都有幾個人，雖然時間尚早(7:30am)。結果，我哋叫咗一碗白粥，一碟炒麵，一碟白腸粉。我家姐話白粥最緊要有米香，呢間做得幾好，而且仲㷛得好「綿」喎，我冇份食，唔知道🤷🏻‍♀️炒麵炒得好乾爽，份量都好多，確實算抵玩(^з^)-☆齋腸粉就好新鮮，好滑，好明顯係即拉出嚟嘅。臨尾我仲叫多碟蘿蔔糕，但反而蘿蔔糕就甜咗啲，不過臘味重(多臘腸臘肉~算好多料)，還可！呢間粥品都似樣嘅，可繼續幫襯( ´▽` )ﾉ

有時食得太油膩太重口味想清一清腸胃，食粥就岩晒。甘岩元朗又新街有間松記，係正燒賣皇后對面，而且仲營業到好夜，開到凌晨2點，基本上每次想食粥都會黎呢間食。呢度d粥唔會好稀，料都比得好足。最推介係呢度既炒面，大大碟都係十幾蚊，夠抵食。另外，腸粉炸兩都好正，腸粉皮好滑，油炸鬼炸好好脆，唔會好似其他粥店甘整定係度，放到冧晒...除左腸粉，蒸羅白糕都好好食，蒸得好冧，而且入面會啖啖肉，混醬之後食就更加好食。

收工時間突然落雨 咁就唔打唔撞入左黎食粥首先呢到啲粥都係百搭既咁我就叫左艇仔皮蛋粥加蝦米炸兩兩樣既份量都幾大兩個人都夠食味道都唔錯既 不過食完都幾口渴蝦米炸兩好香好脆 因為我食得慢 所以未食晒就淋晒 下次要叫色分開上

啲食咗幾次覺得係一般一般冇咩特別但係舊式粥舖佢算做得ok嘅， 昨晚突然想食粥又近要視乎又再去松記， 叫咗常叫嘅食物蠔豉瑤柱粥，咸瘦肉粥，一碟炒麵，一碟蔥花炸兩😁……… 積極想尋找單又係好耐尋找唔到嘅感覺就係💖🎹🎹🎹嘩……！！！好耐冇食過內脆外軟嘅蔥花炸兩，正。個蠔豉瑤柱粥呢，一半一半啦！蠔豉間中一兩隻有小小火水味， 啲青貝仔好爽脆， 係欠點點鹹鮮味 ，味道都做得ok ookk, 炒麵大大碟 炒得好香口, 咸瘦肉豬紅粥都可以接受.

今朝想食粥系又新街落車去左松記粥品🍴🍽叫左🍴🍽艇仔粥$25,葱花腸$15 =40艇仔粥~有魷魚🦑，豬皮🐷，碎牛🐂,面有花生'綿綿的粥底好好味!葱花腸~即叫即蒸'腸粉滑滑的👍，葱花平均👍，豉油吾太咸'我唧了麻醬，好香'🤗🤗好好味環境舒適,食物👌多選擇

呢晚放工,去左又新街買晚餐返屋企同女朋友食。其中一樣就係去松記粥品買粥食!店唔係好大, 但粥的種類都幾多,/有好多配搭,仲有腸粉小食。我叫左皮蛋瘦肉粥, 鮮牛肉腸,咸肉粽, 牛脷酥同油條。皮蛋瘦肉粥 ($29)其實唔係第一次食了,一向都覺得佢D粥唔錯,皮蛋瘦仲幾正添!但呢晚碗皮蛋瘦有少少過咸,有少少失準。牛脷酥/油條 (各$11)呢度粥唔錯外,其實我覺得最出色係油器!!雖然佢唔係即叫即炸,只係放喺保溫箱,但佢D油器好脆!就算你外賣拎到返屋企過一陣先食, 都依然係脆的!咸肉粽 ($20)咸肉粽都唔錯,味道幾好, 料都足。但綠豆可以多D~鮮牛肉腸 ($24)牛肉腸見得多,我見到呢度有鮮牛肉腸,所以叫左一個來試下。冇失望,味道幾好,一定係好食過牛肉腸的!唔錯!呢度所有野加埋盛惠$95。價錢都中規中矩。

今次食魚片粟米粥，大大碗，又好食仲有炸兩，即叫即做，油炸鬼又夠趣環境一般啦，地方淺窄，四個人一齊搭枱街坊生意，但都好企理的姐姐落單都好快趣，叫完唔夠2分鐘就有得食唔駛等好耐