板神鉄板燒日本料理 (The Hennessy) (已結業)

今日嚟到灣仔，同個好耐冇見嘅朋友，想坐得舒服啲，又想食日本野，就揀左板神食鐵板燒！無論服務同食物質素都係5星級！每人一個一人前，全個餐連甜品一共八款食物。前菜 - 沙律豆腐魚子，蒜頭，配搭新鮮，味道出奇地好，而且非常開胃之後有三款刺身，包括吞拿魚赤身，味道鮮甜，完全唔洗點任何醬汁都好好食。而且師傅喺我哋面前砌出刺身，仲可以欣賞刀打！再嚟就係南非鮑魚，配上秘製醬汁，味道超正，而且好有咬口，一試難忘。第四道菜係白甘鯛，係我全晚最鐘意嘅菜式。師傅將魚鱗爆一爆，再將魚塊煎香。最好食嘅地方係 魚肉依然非常嫩滑 鮮甜，再加上煎香左嘅魚皮，真正做到外脆內滑！之後仲有日本大蝦，師傅拆肉，然後將蝦膏同肉一齊煎香。蝦嘅香味同味道都非常濃郁。食鐵板燒當然唔少得牛！今餐個menu有日本A5和牛薄燒。和牛有牛味，雖然未到入口即溶，但都算中上水平。再配合爆香左嘅蒜片同葱，令食物味道提升，更有層次！最後仲有個炒飯。鐵板夠熱，炒得勁香口，好好食！ 仲可以添食添！最後就係味憎湯同甜品！味噌湯味道濃郁，飲得出唔係出面啲罐頭湯。甜品係自家梨蛋糕，味道出奇地好，唔太甜，好食！除左食物外，環境同服務都係用餐體驗非常重要嘅一環！

最近工作壓力好大朋友話帶我去灣仔嘆高級鐵板燒一上到去坐係個靚海景附近已經覺得好舒服之後開始食野真係煩惱一掃清野食超高質，服務員態度一流真係好值得嚟食！第一道菜：前菜好精緻嘅前菜，用一個木盒裝住分別有豆腐、蒜頭、青瓜絲每一份都有一個好靚嘅碗裝住未食都已經覺得好賞心悅目！蒜蓉係師父特製，唔會好辣口！好驚喜！第二道菜：季節沙律🥗新鮮蔬菜、蕃茄粒、Parma ham 配上酸酸甜甜嘅沙律醋，好鮮味！第三道菜：刺身三款分別有深海池魚、間白魚、吞拿魚背脊；新唔新鮮真係一食就食得出，三款刺身都好鮮甜，而且每塊都好厚身，好有口感！第四道菜：南非鮑魚食完哂頭盤，係時候開始戲肉啦！鮑魚都大隻厚身，廚師👨🏼‍🍳會將鮑魚切開三份上碟再加上少少嘅醬汁，唔洗再加任何調味料都夠哂鮮味！第五道菜：鱈魚煎完少少香脆，有少少牛油香味魚肉好鮮甜第六道菜：大蝦真係超大隻蝦，可以用巨蝦嚟形容廚師好熟手咁完美拆肉，蝦膏蝦肉煎完好香會先上蝦肉，食完之後會再上埋個蝦頭！第七道菜：A5和牛薄燒需要好薄，但都算大塊燒出黎好香，師傅會預備一塊面包墊底上面再加啲蒜片同蔥，搭埋一齊簡直係絕配最後會上埋炒飯同甜品炒飯好香口，食埋一碗啱啱好甜品係自

環境寬敞兼保留私人空間，坐位攻略：基本上每個位都可以睇到高空樓景，更可遠眺睇到跑馬地。卡位靠近落地玻璃大窗，夜景尤其靚；廚師為主要近距離欣賞師傅手藝，夜景方面只能睇到部分。另外設有包廂，有沙發同電視，好大！🔺椿。席前鐵板燒一人前 ($780)🔺前菜 - 梅味啫喱、醃漬蒜頭、蟹子豆腐 擺盤好精緻，味道既話最鐘意蒜頭，濃味肉汁配上爽口又唔會腥既蒜頭，係比較少見既前菜。梅味啫喱略嫌過酸，帶上有種螺肉既腥味。蟹子豆腐則算不錯。🔺季節沙律🔺刺身三款 - 赤血引 間八 蝶魚每款刺身都極厚，起碼有一隻手指的厚度，口感一流。而且刺身唔係一般連鎖食到既款式，都係第一次聽呢d名。最鐘意食係赤血引，加上有灸燒魚皮部分，魚皮變得更脆和香口。它的油脂比拖羅少，製成刺身食用甘甜味道更勝拖羅，濃而不膩。加上焦香味道，更有層次感。🔺南非鮑魚終於入正題！可以睇住廚師煮野食既過程真係好有氣氛，好似食omakase咁。廚師話佢地有個水缸養住d水產，務求serve客人都係最新鮮🤤所以舊鮑魚仲係好新鮮仲郁緊！煮既時候見廚師加左牛油和小小醬油🤔，件鮑魚非常彈牙，完全無腥味，微微帶醬油香，就算完全不點其他sauce已經好好食！p.

今晚是慶祝妹妹大學畢業，所以特意來到此吃一餐鐵板料理，都是我們沒有吃過的。位置：距離灣仔地鐵站約十分鐘的腳程，A出口再轉右一直行。環境：全層都是其餐廳，面積相當大，門口設有等候座位，室內以淺色木為主，配以柔和的燈光，大部分座位都有窗景，可望高樓大廈，氣氛放鬆寫意，另設有包廂，播放懷舊的英文歌曲而非日文歌！ 抽風系統相當不錯，完成沒有聞到油煙味，而廚師的鐵板位置都坐落在客人面前，可以看到整個烹製過程，相當療慰享受。服務：桌上除了基本的餐具及餐墊外，還有口罩套和放物箱，相當體貼！店員上菜時，會提及食物名稱及品嚐淡至濃味食物的次序！服務周到！不一得一提是其裝潢、設備媲美五星酒店級的洗手間，坐廁選用日式多功能馬桶，洗手盤旁邊有棉花棒、獨立包裝牙縫線和漱口水，吃完還可以仔細清潔牙齒才離開。晚市：我們選擇了較便宜的椿‧席前鐵板燒(一人前) $780，今次是一個年輕的女師父在我們面前烹煮，雖然她帶了口罩，但以女性的直覺，她一定是美女，好可惜未能見真面目。前菜：三式小食：三文魚籽豆腐、梅子青瓜、自家醃製的蒜頭，由清淡的滑豆腐開始吃，到酸溜溜的梅子青瓜，最後是濃味的蒜頭，最好吃的竟然是蒜頭，完全沒有蒜頭

出咗糧又係食好啲嘅時候！今次去到有無敵海景， 又好好SERVICE嘅灣仔板神食高質鐵板燒真係要好好紀錄一下！裝修非常日系， 30樓望出窗外海景夜景一覽無遺而且檯夠大又坐得舒服不論係好友聚餐， 定係情侶約會都非常適合前菜已經睇得出非常精緻有蒜頭， 檸檬醃青瓜 （上面仲有D梅味JELLY）， 魚子豆腐柚子汁沙律沙律菜超級新鮮酸酸地， 好開胃的刺身3款有我最愛嘅深海池魚， TORO亦新鮮肥美火炙後嘅蝶魚裙邊肉質帶有微醺嘅軟糯， 好食！海鮮會先放喺檯上比相機食先海蝦大過我隻手鮑魚新鮮到仲郁緊㗎！燒完出嚟當然非常鮮味啦鮑魚肉質堅韌有嚼勁鱈魚口感鬆軟大蝦煎到剛剛好蝦頭香脆， 蝦身彈牙A5和牛薄切和牛脂肪豐富， 煎完都KEEP住鮮嫩多汁， 入口即溶包住蔥花同炸蒜， 香口得嚟一D都唔膩！最後想讚埋送嘅焦糖多士明明已經滿足到上心口但份多士咬一啖就停唔到口了

自從上次食過板神喺觀塘嘅分店之後就迷上咗，得之原來佢喺港島仲有其他分店，當然諗都唔諗即刻book曬佢啦🤗今次去咗灣仔分店，呢度成三十樓高，個view非常正而且好有私隱度，靜係食個靚景都值返，不過可惜我食嗰日唔好天☹️餐廳做緊假日午市優惠所以我地揀咗特選美國牛肉(薄燒)午餐，連埋加一都只係四百蚊一位姐，相當掋食👍🏻唔單止閒日13:45之後入座有八折，weekend指定套餐第二個仲有半價優惠，遲啲有機會要再試先得！清新嘅沙律前菜，夠曬開胃🌱我地一陣嘅主菜，望到都流曬口水了🤤望住師傅煮野都係一種享受😎燒到金黃色嘅帶子，上面仲加咗黑松露點綴一吓😛師傅將銀鱈魚煎到好香，而且仲專登起咗塊皮佢煎香佢🐟 嫩滑嘅魚肉加上香脆嘅魚皮成咗令到成個味道即刻昇華曬♨️喺中間嘅部份先有少少骨，而且完全冇腥味，唔鐘意食魚嘅朋友都可以試吓🤓師傅燒之前預先去除曬蝦嘅殻同腸，所以食落去都好方便，啱曬我呢啲懶人🤪而且隻蝦燒完之後仲放得好整齊，加埋啲配菜點綴一吓真係好靚好好睇🥰咬落去淡淡都係肉，十分香口彈牙燒完之後和牛會放喺一塊麵包下邊，主要係為咗索走牛嘅油份😯 師傅燒牛肉燒得好有功架，全程飯睇住師傅燒都係一個享受🤤🤤套餐連埋嘅

在openrice上看到這間鐵板燒餐廳很久了，原來他們有價錢非常合理的外賣～前排終於有機會order了外賣。銀鱈魚套餐只需$140，比好多日本餐廳都便宜呢。而且頗豐富的，除銀鱈魚外還有玉子和醃製過的鮑魚。配菜非常有心思，鮑魚底下加了檸檬，帶出鮮味。另外都好欣賞飯上的小魚仔，撈在飯內好香口。銀鱈魚則肉嫩滑，品質算是不錯了。去取餐期間還看到店內坐得好舒服，有機會真的要現場食！ps 希望加班買外賣的日子快過～

上網見到灣仔有間穩世日本高級鐵板燒，喺軒尼詩道油站後面，就專登去睇下有乜咁好食，結果超乎預期，超級好食，非常值回票價。第一道係前菜，有沙律，有豆腐魚子，蒜頭，好新鮮，好開胃 但未算最正。之後就真係黎料luu，廚師走左出黎喺我地面前開始”表演”。第二道菜有三款刺身，有吞拿魚赤身，好新鮮好好食，非常有海水味，完全唔洗點任何醬汁都好好食。果然食材新鮮係比所有野都重要。第三道菜係全晚最貴嘅南非鮑魚，廚師將鮑魚切開三份，再加啲醬汁，簡直係絕配，非常有咬口，好好食。第四道係白甘鯛，依個真係重點，廚師先用油將魚鱗炸到鬆脆，再放上鐵板剪香，咬啲魚鱗索索聲，但魚肉好多汁好嫩滑，完全唔似係煎過咁，好好食！第五道菜係好巨型嘅大蝦，廚師拆肉非常熟手，一睇就知係老江湖。佢將蝦膏同肉一齊煎香，好濃郁嘅味道，完全唔洗加醬料都好夠味好好食。第六道菜係日本A5和牛薄燒，和牛當然冇得同喺日本食到嘅比，但喺香港黎講已經係中上水平。入面放左啲蒜片同葱，簡直係絕配。最後有個炒飯，炒得好香好好食，唔夠飽仲可以叫個廚師煮多啲你食。仲有個味噌湯，味道好濃郁，同喺出面飲到嘅好唔同。最後甜品係個蛋糕，自家出品，唔係太甜，放喺最後食啱啱好

特選牛肉薄燒套餐,主菜：鵝肝，帶子，銀鱈魚中三選一套餐配有沙津，大蝦及牛肉，炒飯，漬物，麵鼓沙及甜品。銀鱈魚被煎香後，會加上香草牛油才上碟，魚皮爽卜卜，魚肉嫩滑。大大件的帶子煎香後會加上魚子醬及金箔。魚子醬只係錦上添花，因為帶子本身質素很好，不需要任何調味都食得出鮮甜。大蝦超巨型，蝦頭及蝦身都有超多蝦膏。從兩至三刀就已經幾大蝦起晒殻，又挑出蝦腸就睇得出師傅手法純熟。牛肉一被放上係爐面，師傅就即刻加上蔥蒜，卷起，切件上碟。牛肉嫩身，肉香多汁，由帶位入房，到望住師傅為你烹調的每一道菜，鐵板燒最好係可以每令你得到滿滿既服務感，有預約既我地被帶入包廂，30樓的景觀可以望到灣仔銅鑼灣既城景。同時又同師傅有個近距離接觸。今日呢餐飯食得好滿足呀😋😋😋重點係依家lunch指定套餐仲有優惠，抵食好多😎😎😎

🌹在網絡上有朋友介紹《阪神鐵板燒專門店》，見到很想去感受一下高空吃鐵板燒，致電訂位，成功預訂及留了窗邊位置，興奮🥰！🌹餐廳位於灣仔地帶，容易尋找，在30樓，高空中的環境10分開揚，當天天氣不太好，沒有藍天白雲，所以景色有少少失色，但仍然能夠欣賞到周圍景色，有山有海，雖然不是整片景色，仍然覺得很不錯！🌹食店裝修淺色木系為主調，配以窗外景色，感覺柔和放鬆，拍出來的照片都很養眼，原來食店分兩邊坐位，一邊是望海，另一邊是山景，另設有包廂，我們比較喜歡欣賞景色，所以選擇坐窗邊望海位置。翻看餐牌，選了海鮮鐵板餐，款式較多。🌹喜歡食店安排整套裝備的廚師在旁邊鐵板上為我們烹調食物，可以睇到烹製過程，每道菜會由服務員逐道奉上。抽風系統相當不錯，起碼沒有燒烤味，見到老公食到嘴舐舐，很開心！前菜⭐️⭐️⭐️沙律⭐️⭐️⭐️南非鮑魚⭐️⭐️⭐️⭐️⭐️➡️新鮮大隻白雪魚⭐️⭐️⭐️⭐️⭐️➡️魚香脆口大蝦⭐️⭐️⭐️⭐️⭐️➡️大大件蝦肉，鮮味季節野菜⭐️⭐️⭐️炒飯⭐️⭐️⭐️⭐️➡️略淡，但廚師炒功了得，料豐富漬物⭐️⭐️⭐️麵豉湯⭐️⭐️⭐️甜品⭐️⭐️⭐️焦糖多士⭐️⭐️⭐️⭐️➡️驚喜好吃，這個是贈送個人評分食物味道⭐️⭐️⭐️⭐️⭐️服務⭐️⭐️⭐️⭐️環境⭐️⭐️⭐️⭐️⭐️衛生⭐️⭐️⭐️⭐️回頭率⭐️⭐️⭐️⭐️抵食⭐️⭐️⭐️⭐️

見餐廳指定嘅午餐有優惠，有啲週未指定套餐，第二份仲有半價優惠！我地就緊係唔會錯過呢個咁好既機會啦😆餐廳為於The Hennessy 30樓，大部份位置都係可以望到海景！少部份就係望城市景！係咁嘅環境食嘢，食慾都特別好😜我地order咗餐廳薄燒美國牛肉特選套餐$380/set前菜-沙律🥗銀鱈魚皮煎到香脆可口，魚肉鮮嫩，醮少少鹽，其鮮味更出😋帶子新鮮空運到港，勁大隻，外皮煎到黃金色，內裏半生熟，再配埋黑松露及金鉑點綴，賣相實在無得彈🥰大蝦🍤蝦肉爽口彈牙！蝦頭仲有超多蝦膏，十分甘香👍薄燒美國牛肉牛肉包住脆蒜及蔥粒，燒到5成熟，入口即化，牛肉嫩滑，口腔仲充滿蔥蒜味！套餐仲跟埋炒飯、麵豉湯同甜品十分飽肚！眼同胃都表示滿意🥰🥰🥰

朋友有好消息宣佈，我哋就順勢食好啲啲🎉。我哋今次去到位於灣仔The Hennessy嘅「板神鉄板燒日本料理」食晚飯，由訂枱一刻以至離開餐廳，成個體驗都無得輸。店員確認訂座資料後，就帶我哋進入廂房坐低。呢間房環境超正，一方面可以睇住個廚喺我哋面前煮👨🏻‍🍳，同時亦能俯瞰銅鑼灣嘅城市景觀🌃，簡直係一種享受。我哋揀選咗價格較為相宜($780)嘅一人前套餐：「椿．席前鉄板燒Tsubaki Set」。套餐有十道菜，份量啱啱好，而且逐一送上，確保食物喺最佳狀態時食用👍。前菜，前菜有三款，攞盤好靚，而且款式幾特別，包括有胡麻醬菠菜、自家醃生蒜頭同羔蟹肉豆腐。🌱菠菜最為普通，後面兩款則好有驚喜；生蒜頭毫無普遍認知嘅臭蒜味，辣辣哋幾開胃。豆腐唔止得面頭有蟹肉🦀，而係件豆腐本身都用上蟹羔整成，所以蟹味特濃。季節沙律，🥗沙律同平日食開嘅有啲唔同，火箭菜做菜底，上面再放有雞胸肉，肉質唔嚡，再配合埋麻醬食，幾清新🐔。刺身三款，包括間白魚、金目鯛同赤身🍣，每片均係厚切。三款都好味，好新鮮；但我自己最鍾意就係外皮經輕輕炙燒過嘅金目鯛，因為魚香味特別勁。嚟到鐵板燒部份，師傅會先將食材展示比我哋睇。海鮮嘅色澤好靚，而且

同女朋友慶祝紀念日，好早我已經諗緊食乜好，早前個客請食飯黎過板神。我果陣覺得食物同個景應該都合女友心意，於是我就膽粗粗未經佢同意下，已經book定枱帶佢黎食。餐廳係灣仔The Hennessy三十樓，居高臨下，將景色一覽無遺！從女朋友既面部表情，我就睇得出佢好滿意，haha。餐廳提供唔同價位既鉄板燒套餐，女友話事，揀左$780一位。我地兩個人都揀左同一款餐，佢係最平果款，但已經好吸引同豐富。等左不久，鉄板燒大廚就登場了，佢一出嚟就已經好好禮貌，令人舒服。1️⃣麻醬雞肉沙律- 太好了，個汁竟然唔係用醋，我最怕酸，而且配雞肉好過齋菜🥗2️⃣刺身三味- 魚肉鮮味，做前菜一流，三味分別係間白，金目鯛同呑拿魚。呑拿魚係三種之中最大路，不過係我至愛，但一定要無筋✅3️⃣前菜拼盤- 店員介紹款式係會每日輪換，今日有蟹味豆腐，辣醃蒜頭同菠菜。三款各有特式，建議可以先食菜，再食豆腐，最後才辣蒜頭，次序由淡食到濃。豆腐內有乾坤，裏裏外外都有蟹味。食完全部我已經開哂胃，非常期待接住落黎嘅鉄板燒4️⃣鮑魚- 南非鮑出名大隻，鮮味明顯，比起中國或澳洲鮑香濃。鮑魚厚肉，口感爽身，好簡單既調味已經足夠。但亦好岩點鮑魚醬食5️⃣鱈魚-

預約好星期五晚餐，分兩輪入座，6-8點及8-10點。套餐選擇不多，只有兩款，金・特選鉄板焼コース(二人前) 及母親節鉄板焼コース(二人前) 送龍蝦/鮑魚餐牌甜品是班戟🥞，但餐廳話今晚改為雪糕😕 但隔離枱就有‼️😒食完離開後各人都肚瀉，睇落新鮮，唔知食錯咩😑前菜: 芝麻菠菜、魚子豆腐、蒜頭外表精緻(待應有介紹食嘅先後次序)煙鴨胸沙律: 煙鴨胸厚身配芝麻醬沙律刺身3款: 海膽、油甘魚、牡丹蝦 本日海鮮: 蟹肉餅 (中間有牛油果、蕃茄、最底係炸餅) 貌相精緻、味道清新鐵板鱈場蟹、龍蝦澳洲和牛厚薄燒季節野菜牛肉炒飯(炒飯乾身唔油膩)、龍蝦頭麵豉湯(冇龍蝦味的普通麵豉湯)、漬物普通雪糕 (芝麻、豆腐)