板長壽司 (創紀之城五期) (已結業)

一向同魚有仇，去左 apm 板長食 early dinner, 我叫左一條池魚$90， 貪佢又刺身又壽司可以滿足曬全部慾望，係咪真·日本來唔知，但都幾好係新鮮的唔腥會員可以手機落單，督督吓都幾過癮。又俾我搵到好野，今日係八蚊一件油甘魚壽司呀！好抵，因為都飽飽地叫左一件算，正喎！最後叫左個熱食日式蒸蛋，呢個無論賣相同味道都一般般，無特別。食左一陣見到隔離枱好多人都食緊佢個新的赤醋壽司併盤，有成十件都係貴野例如海膽或 xx 腩壽司，都好似係百五蚊左右。下次試吓先。

板長真係好耐冇去喇，原來已經唔同晒，面目全非首先，等位等了好耐，場地空間算大，但都要等35mins先進到場。諗住快快脆醫肚，冇諗到新會員制係咁樣落單，一行5人，只用友人手機落單，各自有心頭好，每人落一次都餓死了。懷疑以前的iPad.不過，落完單上菜速度好快，轉眼間就黎齊。清酒煮蛤，蛤好大隻，粒粒都有肉，而蘿蔔都好林，好味。唯獨湯底酒味不濃，過清。而且分量太少，每人分唔到兩隻。壽司每人各有喜好，我比較喜歡刺身，擔心食太多壽司，再冇位食其他野了。味道中等，沒有太大驚喜，而拉麵較為失色。烤魚就被大家所愛，烤到熱辣辣，好香口，好快比大家清了。而我地都高估食量，還有其他刺身、卷物都食唔到。呢餐，我未返到家，肚仔已經滾動了。食材唔夠新鮮。冇下次

家住新界既我難得黎到觀塘,實在唔知道有咩好西食見到好耐冇食既板長,又好似幾抵食咁,就久違地一試魚生飯非常之抵食有三文魚,吞拿魚,蝦,三文魚子等等而且每樣份量都唔少都只係七十幾蚊雖然味道就一定比唔上高級食店但係以性價比黎講絕對值得一試天婦羅相比之下就較為失色上台即刻食已經淋晒有理由懷疑係預先整定,上台前再炸絕對不值得一試雖然呢一餐魚生飯係貴過天婦羅定食但係評估過份量同埋味道之後我會評價前者係抵過後者因為都係果句「唔好食既野,價錢再低都係貴; 好食既野,價錢再高都係平」

中午約左朋友食飯，朋友提議食板長的午餐，手機傳來一張午餐menu,有西京比目魚定食，蒲燒鰻魚飯定食，海膽櫻花丼定食，刺身丼定食，咖哩吉列黑䐁飯，鹽燒鯖魚定食，另外有一個特價午餐：三文魚親子丼定食全部都好吸引，不過我地兩個都最鐘意西京比目魚定食，所以我地order 左一樣既餐比目魚兩大塊，好肥美！真的好喜歡筷子一夾，似蔬瓣咁，好厚實，放入口，勁鮮甜，又系我最鐘意的西京燒美味十足套餐配左蒸蛋，好滑，有蟹柳香菇沙律系煙三文魚什菜沙律不過價錢95有d小貴，平少少就好了

板長壽司 - 「年初5 之開年午餐」咁就過左個新年😂 真係喊出黎， 咁快放完假。 相信呢到冇一個打工仔會係想咁快番工😂不過算了， 畢竟都係逗左份人工。 板長同元氣比的話得覺得差別唔大， 質素都差唔多。 不過細味起黎就一定係板長好食dd。而係環境方面就當然係板長好得多。 最好食就係三文魚醬油漬壽司。 食材係三文魚皮， 極之肥美， 餘香甚廣，味道濃郁。 另外要推介既係板長既豚肉壽司同手卷。 不過老老實實， 所謂豚肉都係豬既面珠仔，即係豬頸肉。 味道調教得唔錯整體評分：4 分附上所有照片😎

放工去到觀塘apm板長壽司。見唔多人等位就試下啦！大概五分鐘就有位了。轉咗新系統，唔需要再用ipad 落單了，用手提電話就可以了。點左玉子壽司，劍魚腩壽司珍寶赤蝦劍魚腩壽司同埋油甘魚壽司吞拿魚三色壽司食三文魚醬油漬壽司板長壽司唔可以形容好好食，但咁多年來質素算keep到。

同朋友係觀塘行左成日，見行到攰攰地入左黎板長食野休息陣醫飽個肚再行過！！e+好似好多鋪都轉曬用i~pad點餐，1⃣️來方便快捷，2來又環保♻️唔怕浪費紙張，1⃣️舉兩🉐️我地點完餐等左陣，野食就已經好快送到面前啦首先送到既係 芒果蟹子沙律 上面🈵️滿沙律醬撈埋所有配料1⃣️齊食 囗感很豐富🙊再黎就係一系列嘅壽司送到每一件嘅賣相都好新鮮最後到甜品 抹茶慕絲蛋糕好香抹茶味 蛋糕亦整得🔟分滑溜兩個人連➕1⃣️二百幾蚊到

板長壽司🍣今日又去觀塘行下outlet，行完舊區去下新區搵食。APM相當好行，除了購物還有各式各樣的美食。 好耐冇去板長吃壽司，今日要光顧一下，在APM UC層。先來一客和風海鮮沙律，份量非常足夠，賣相又好吸引。裏面的新鮮沙律菜、車厘茄、玉子粒、三文魚及八爪魚...等等，好豐富，配合惹味的胡麻醬汁，簡直係前菜嘅首選。煙三文魚米紙卷係我好鍾意嘅一種食物，除咗顏色配搭得好好，味道相當一流。米紙卷裏面除咗有豐富嘅煙三文魚還有芒果，兩種食物配合起來 對味蕾有一定嘅衝擊，和味。👍🏻龍蝦沙律軍艦 雖然我食唔到什麼龍蝦味，但整個食物放入口中依然相當美味。油甘魚腩壽司 油甘魚好肥美、好新鮮，放入嘴巴吃到魚的肥和鮮，有壽司醋飯的配合，好拍檔，一點也不肥膩，再來一件吧！火炙鰻魚壽司 鰻魚大大件，好好味呀！我好鍾意鰻魚皮的油糯感，好香。赤貝壽司就有赤貝的爽脆，就是吃這種感覺。我喜歡這兒的炸物，他們的出品永遠係保持水準，爽身不油膩。今次點了南瓜番薯天婦羅，南瓜好食，可惜番薯本身沒有什麼甜味。

OT完經過APM ，想快快趣食個清淸地便算。原本諗住去頂樓幾間日本野望下。但上左一層便見到板長的招牌，一於去碰下運氣。去到門口都不少人等位，但咁啱 bar 台有個位剩，即入真 lucky 板長用左 tablet 落單，啱曬D宅族。天氣涼涼地，個人虛虛地。決定整返碗鹿兒島黑豚肩稻亭湯烏東補吓。醬油湯底，少少鹹中又帶有一點清甜。仲有唔少海帶同埋蔥，碗湯即刻好香。黑豚係我至愛，貪佢有豬味又夠腍。同埋黑豚應該係輕輕煎過，所以食落好香口。烏東係扁幼身的，係烏冬中嘅貴族。食落好軟滑，同埋佢索晒啲湯汁，好味。由於坐吧枱，食食吓烏冬嘅途中，聽到壽司枱嘅師傅同樓面講 「池魚剩一 亅。池魚 ～～～ 心諗，都好喎！橫掂今日咁高興，應該賀下佢 （其實冇乜喜慶事，純粹為食 ）於是即刻督督督， 响「築地直送」果頁入邊搵條池魚出嚟。原條池魚刺身壽司盛 $90然後喺 bar 枱就一路望住師傅點樣處理果條池魚。見佢手起刀落又一絲不茍咁，轉眼間就已經上咗枱喇！池魚好新鮮，結實的魚肉配上少少姜蓉，食落仲要冇筋又爽口，簡直人間美味。就係咁，最後一條池魚俾我食左，滿足回家～

太耐冇食日本野，與同事行走了一圈apm ，還是選了板長坐低。咁啱遇着板長推廣佢既app , download 安裝後落單可以獲20積分，即時當20蚊洗，雖然唔係平好多，好過冇啦(扣番個加一服務費)🤓 一行4人，大家都選set lunch , 三文魚生控既我二話不說選了個三文魚親子丼定食😋😋三文魚份量都算多，有6大片，都幾厚身，新鮮，但個飯偏酸，不知道是否落得太多醋。但服務就一般，溜了我一個前菜沙律和湯，催了2次侍應，要到差不多吃完才到，希望日後更可以改善一下...🙃🙃

星期日下午去apm唔知食咩好，經過見到有板長壽司叫幾出名🍣就去試下啦！2個人去到有吧枱坐所以唔使等就有位喇～！點餐係用平板電腦，想食咩就禁果樣，點多左都唔怕，到落單有得睇返點左啲咩，再取消點多左既野都無問題！唔使搵黎搵去同侍應落單😂岩晒我地呢啲阿宅😂😂😂重點係環保丫嘛海膽軍艦唔錯，都算大件，海膽都算鮮甜！可以一食😊帶子壽司，帶子都叫做鮮甜丫，唔太貴！火灸三文魚，都幾滑幾香！玉子燒就麻麻地，個人覺得啲味唔係好夠，舊蛋比較鞋！赤酢壽司系列三件，$38幾抵！壽司飯有醋調味，個魚就無咩特別！芝士饅魚壽司，味道很好！魚同芝士口感滑溜，饅魚好香！南瓜蕃薯天婦羅，普通野......味道都無咩特別...可以既話都唔好叫黎食😂釀雞翼，肉唔鞋都幾香口！唔使lur骨先正🤣另外果兩款卷物就麻麻地，芒果牛油果海饅同埋三文魚卷真係一般般.......味道唔多夾💣環境都算坐得舒服唔錯.但食物就有待改善！

今日因為趕住要去醫院探病🚶‍♀️所以就快快脆脆放低架車🚗食咗嘢先🙂經過見到冇咩人排隊，就諗入去食壽司🍣鍾意食壽司原因係如果好肚餓你可以叫多一兩碟，如果冇咁肚餓嘅可以叫少些，啲份量可以自己控制，兩個人就可以遷就對方嘅食量地方清潔，乾淨，手指指㩒左幾樣食物令我難忘嘅就係普通嘅三文魚壽司因為性價比高另外點了一個三色壽司同埋飯係用醋淹過，幾特別，所以食落去就冇咁寡以往食開係公仔店嘅今次食主要覺得性價比其實都比較高而且上菜速度快服務好地方乾淨清潔😃而且食物算係新鮮及多選擇

如果大家有睇我之前既食評，我主要既食評係係新界為主，之前係其他地方食板長，感覺上呢到質素比較高食物 🍲🥗🍛🍜🍝Lunch Set 櫻花丼1. 呢個飯有唔同類型魚生2. 就算你平時唔食某d魚生都唔會覺得難食架3. 魚生數量非常足夠，新鮮4. 超大碗飯，一定夠飽推薦指數: 👍👍👍👍服務 👧👦👱👩1. 服務態度良好2. 上菜速度快💙💚💛💜💙💚💛💜如果大家想知多d美食info, 就快d follow la 💜💛💚💙💜💛💚💙

1/7放假同男朋友去睇下戲行下街，之後就去左APM睇下有咩晚餐食好最後就選擇左板長壽司油甘魚壽司，上面係黑松露醬，勁好味劍魚腩和三文魚壽司都好普通，無咪特別軍艦壽司既紫菜都算脆，最近既係韓風三文魚，但完全食唔出係三文魚而三文魚醬油漬好正，食落口好多油$38/3件，係包ma池魚，勁抵油甘魚餃，外皮好香又多油仲有，好多熟食/壽司都清光，好少選擇

喺牛頭角見完客......冇乜嘢做就走去APM行下...... 都起碼行咗兩個鐘......見有啲肚餓又到下午茶時間.....突然之間又想食壽司....！就入咗去.....最近尚欠多花款...有呢一個番茄虎蝦....不過價錢略貴左＄38嘅一小隻...