板長壽司 (屯門時代廣場) (已結業)

叫了一個定食一個自選吞拿魚加四款刺身飯。個豚肉定食都好好味，個量都多，個汁好好送飯。個定食配沙律，同同面鼓湯。個刺身飯我選了油甘魚，蝦，帶子和蠏肉。加埋吞拿魚一共有五款刺身，都幾豐富。刺身好新鮮，好好味，沙律好麻麻。

腐皮壽司 1件 $7蟹棒壽司 1件 $10火炙鰻魚壽司 1件 $20吞拿魚腩壽司 1件 $35火炙佐賀和牛寿司1件 $28精選三昧壽司 $35(三文腩,一口帆立貝,赤蝦)和風蒸蛋 $22麵豉湯 $12兵庫縣生蠔(1隻) $38整體好味指數 4/5 🍭🍭🍭🍭{各款壽司新鮮 和牛和吞拿魚腩油份平均 入口很香 鰻魚肉厚 生蠔新鮮 入口很算甜 但就沒有很creamy既感覺 還有醬汁太搶 令蠔既鮮甜味減低 直得一讚係沒有蠔碎 整隻蠔都很完整食到}

今日經過，朋友系會員會有優惠就選擇食下板長😝下午茶嘅時間優惠會比較多啲所以比較推薦下午茶食叫咗花之戀雜錦壽司裏邊有三款嘅花之戀仲有吞拿魚三文魚🍣鯛魚質素其實係好過壽司郎，刺身都非常新鮮，唯獨是係海膽就真係麻麻地，不過呢個價錢係非常合理👍🏻每款都單點叫咗幾款😋價錢係性價比高，兩個人埋單都係270左右👍🏻

好耐無食過板長，今日再黎食，水準無咩點變，同時，無任何驚喜，但我最鐘意食佢個黑松露油甘魚寿司，黑松露配上油甘魚，好夾嘅味道，而佢嘅火炙左口魚寿司，燒到d魚油出晒黎，好好食赤蝦壽司都唔差，爽口，而且都新鮮。鮟鱇魚肝軍艦個紫菜都仲係脆嘅，值得一讚。鰺魚壽司都新鮮嘅，爽口彈牙。天婦羅，佢每塊切得都一樣大細，而且入面係好熱，做到內脆外軟，都唔容易。雞軟骨，無沙律醬就差少少。可能下午茶關係，上菜速度非常快，亦係唯一驚喜

板長可能位置身處角落位置再加上好暗的燈光，晚上的話好自然會難吸引客人。下午入面光線都充足，員工服務好好。其實板長的會員制好似CASH DOLLAR咁，平日LUNCH TIME食一兩次都好快會有現金折扣或換野食。例如 生日登記左都會有85折 WASABI雞 好好味 唔會太油 呢個帆立貝一入口 好有蒜味好好食定食材料新鮮算係咁啦會員價好抵食！！$33

-🦄板長壽司 @itachosushihk-本身今日諗住去食壽司郎 試吓9月新品トロ祭不過11點拎咗張飛都排到310號 好誇張ですね之後又趕住去睇尚氣 所以最後都無緣食到🥺🥺-然後我哋就臨時轉場 去食板長壽司 快靚正之選@itachosushihk 都可以話係我嘅童年回憶不過食完呢次之後 我諗都唔會有下一次👋🏻😂-♦️赤目張壽司 Hkd(Forgot)▪️Rating🌕🌕🌑🌑🌑♦️火炙金目鯛壽司 Hkd18▪️Rating🌕🌕🌑🌑🌑赤目張我好似無食過 見佢咁特別就試吓係咩味而金目鯛不嬲都係我好鍾意食嘅 所以都叫咗碟-不過兩碟壽司我都幾失望 魚肉好韌 唔太新鮮甚至唔係好食得出佢哋兩者嘅分別 味道差唔多就算金目鯛係火炙 燒過都完全食唔到有魚油感覺上赤目張同埋金目鯛生前應該做咗好多運動係咁努力游水 游到咩脂肪都無哂 瘦到離哂大譜-♦️火炙帆立貝壽司 Hkd17▪️Rating🌕🌕🌑🌑🌑♦️炙燒帶子壽司 Hkd15▪️Rating🌕🌕🌘🌑🌑♦️帆立貝刺身 Hkd55▪️Rating🌕🌕🌕🌗🌑本身一開始都唔知兩者之間有咩分別 都係帆立貝以為帶子係熟嘅個款 點知原來兩款都係生嘅(˶‾᷄ ⁻̫ ‾᷅˵)火炙帆立貝壽司面頭配搭

晚上9:00做完嘢，突然想食壽司，就來左板長，9:30話last order，跟手就來埋張單，心情已有些不太高興，嘢食剛剛到，都未開始食就叫埋單。之後更令我無胃口的是，侍應開始執枱清潔，老細，我仲食緊嘢，如果你說關門，我便走吧。你們還在營業，服務緊顧客，但不停噴消毒液枺枱，請問我點食呢？ 我付錢消費，不應該有這樣的用餐體驗吧？板長的食物不過不失，但今次的用餐體驗實在太令我失望，希望管理層可改善這一點。

板長壽司堂食散叫其實幾貴不過而家有全日定食仲有7折就幾抵六十幾蚊有個三文魚丼連湯、沙律七十幾蚊有個壽司定食連沙律以晚餐而言性價比不錯扣埋會員積分等於唔洗加一散叫的壽司其實質素都唔差對得住價錢👍🏻星期三仲有會員折扣

呢日經過屯門，星期日中午時份，周圍好多人，咁岩見到板長又有d想食壽司！好彩唔多人等位，等左10分鐘左右可以入坐想簡簡單單過下壽司癮，就叫左一個lunch set沙律軍艦三味，雖然三種都係沙律軍艦，但配搭唔同，完全唔會撞味。分別有三文魚沙律、龍蝦沙律、芝士飛魚子沙律。見到顏色都吸引，而且份量都好夠，完全唔係敷衍了事，個龍蝦沙律有驚喜，真係feel到入面啖啖肉！然後就係魚生飯，同樣顏色幾吸引，新鮮，有光澤。見到即刻想食飯亦粒粒分明，唯獨係個蛋就普通d，都厚身既，味道都正常，但口質偏鞋，其餘既都有鮮味帶到出黎。整體唔錯

每次都預早少少入座打點一切，等待您的到來。被迫坐迷你二人枱，食多幾道菜都無位放，仲要放埋調味料、餐牌、用具，迫上加迫，討厭。Asahi 生啤，繁忙工作過後，來杯冰凍啤酒大口灌入，人生一樂也！赤酢壽司系列，池魚皇、伊佐目、平目魚。飯粒程淡淡淺啡色，獨特的味道與香氣。由淡食到濃依次序，全部白肉魚都係較清淡的，不過各有所長。池魚皇極有彈力，魚味清爽。伊佐目軟軟滑滑，陣陣鮮味。平目魚油油潤潤，綿綿甘香。吞拿魚腩海膽丼，吸睛的畫面，刺身堆得滿滿，顏色鮮艷奪目，索一索聞得到的海鮮鮮味！侍應妹妹我係要有蟹腳既海鮮三色丼 $208 呢，依家變左吞拿魚腩海膽丼 $268 啊！最愛大大啖海膽刺身混在飽滿珍珠米間，頂層再鋪上油潤激甜大拖羅享用，色香味爆發到靈魂出竅，罪過罪過！麵豉湯，平實滾燙味濃，嘆完大碗飯狠狠灌入，痛快淋漓。和牛薄燒，嫩嫩綿綿鐵板燒薄切和牛捲著大量蔥花蒜蓉，香口惹味。珍寶赤蝦刺身，赤蝦廿蚊有找抵到爛，雖然比牡丹蝦次一級，不失黏彈鮮甜。伴碟炸蝦頭凍冰冰，無肉無汁乾爭爭，只作裝飾吧。天婦羅盛，雜菜天婦羅包羅萬有，蕃薯、南瓜、紫蘇葉、茄子，新鮮鬆化，不硬不油。還有兩大條車海老點綴，肉爽香甜。螢光

板長壽司個app介面好就係人都知，所以我耐唔耐又會嚟食一次今日我食晏食唔飽，就入嚟叫咗沙律軍艦三味呢個三味有三文魚沙律，龍蝦沙律同芝士飛魚子三件軍艦啲餡都好凍，感覺好Fresh而且每件軍艦啲餡都好多，我比一百分

難得晚巿堂今食有位，就緊係坐低慢慢嘆。叫左2個魚生丼，但忘記左咩名🤣魚生尚算鮮甜、新鮮，質素不錯。海膽味濃郁，沒有臭味。👍🏻唔好睇佢細細碗，其實都好飽，飲埋碗味噌湯就好滿足🥰。

兩母女在v city 逛一田超市後，正好tea time時間，眼見商場內所有餐廳都有長長人龍， 怕怕。但一心想吃壽司，就朝屯市方向出發，途中看到板長壽司的廣告板，拿了飛仔，不用等便有位置了。以前都有光顧板長，中規中矩，倒沒有留下深刻印象。但今次再臨卻令我倆有多少驚喜，讚我們透過手機下單，看過一遍menu，便火速點了以下食物總括：每件壽司都好好味，是餐廳食物質素提昇了嗎？兩母女食得開心，再加上媽媽偏好生蠔，在連鎖壽司店能吃到又肥又鮮甜的日本蠔，真希望一年四季歺廳都能進貨就好了，大滿足！

今日豬師奶同朋友尼板長食晚餐，朋友好想食壽司，不過佢唔食魚生，坐落先發覺唔係太多選擇。衣家板長都轉左用手機落單，好方便。我地今日主要食壽司同手卷，冇乜點叫其他前菜小食同鍋物。叫左個芒果軟殻蟹壽喜，腐皮，玉子，蟹棒，饅魚壽司，呑拿魚沙律，蟹肉蟹膏軍艦，豬師奶為配合朋友都冇乜點叫魚生，淨係叫左芥末八爪魚同北寄貝沙律，另外仲叫左個蟹籽手卷。今日既壽司都係板長正常水準，不過不失，價錢合理，性價比高，係食壽司既飯堂。

買左堆外賣壽司，外賣既選擇比堂食少，亦限左兩件兩件。返到屋企打開睇，好感恩無執漏到，見到壽司都分晒類咁擺，雖然好多浪費好多膠盒（之後全部洗乾淨拎左去回收箱回收），但拎到返屋企都keep得好靚仔無散晒，豉油都俾左兩大兜！個拖羅出晒事！顏色係變左半生熟肥牛咁既色，好明顯已經係唔得，擺埋入口，有異味！壞架！仲賣俾人！都唔銷毀...有無搞錯！仲要食到有片魚鱗！個加洲卷入面粒牛油果呢？變左醬咁...差少少搵唔到...以後買外賣真係除左要數下齊唔齊，仲要睇下佢會唔會俾壞左既魚生你