影片
营业时间
今日营业
12:00 - 15:00
17:00 - 23:00
星期一至日
12:00 - 15:00
17:00 - 23:00
以上资料只供参考，请与餐厅确认详情
每隔一段时间又会想食吓放题，「极尚大瀛喜」嘅晚市放题真系食咗好多次，午市放题就真系未试过，今次就到观塘分店试吓，好彩有book位，估唔到都爆场，以为午市放题嘅食物种类点都会少啲，殊不知一样咁丰富，一贯坐得舒服，上菜执枱效率高，而且价钱$258/ 1位，食足三个钟好抵食。⊙刺身坐低一定系点转刺身先，刺身款式依然好多选择，我点咗三文鱼、油金鱼、吞拿鱼、北寄贝、带子、八爪鱼，赤贝、赤虾、甜虾，象拔蚌⋯⋯点完好快上枱。今次最钟意系蓝鳍吞拿鱼，肉质柔软够新鲜，油金鱼肥美，象拔蚌脆口劲鲜甜，净系呢盘刺身已经超值，我点咗几转。⊙寿司⦿蓝鳍吞拿鱼寿司午市可以无限任食蓝鳍吞拿鱼寿司，柔软鲜味，配葱丝更清新，我点咗好多，回本之选。⦿ 炙烧焦糖鹅肝寿司炙烧鹅肝表面焦糖化，入口微甜带脆，口感绵滑有即溶嘅感觉，饭团沾上鹅肝油，喺口中混和层次丰富，必食推介。⦿ 𩽾𩾌鱼肝池鱼王寿司池鱼王劲鲜味，配𩽾𩾌鱼肝味道浓郁。⦿海胆拖罗蓉鱼腩寿司海胆拖罗蓉系绝配，剑鱼腩肥美。⦿海胆手卷手卷系迷你，一口一啖，最紧要饭系细细嚿，唔会食到饱晒，海胆鲜甜，encore之选。⊙期间限定⦿油盐焗膏蟹系得观塘分店嘅期间限定，当造嘅奄仔蟹爆晒膏，软滑甘香，蟹肉都饱满，盐焗更能提升鲜味，奄仔蟹出面食价钱都唔平，食几只就已轻松回本。⦿铁板星级鹅肝多士鹅肝够大件，铁板煎香外脆内软，入口即溶，鹅油香气充满口腔里，配脆脆多士，无得输。⊙烧物⦿川烧珍宝鲜蚝烧热辣辣烧得好有水准，蚝肉新鲜大只饱满，铺满蒜蓉即叫即烧，啖啖充满蒜香，juicy劲鲜味⊙自助区有多款前菜、翡翠螺、熟冻虾、青口、麻辣小龙虾、虫草花花胶鸡汤、虾饺、烧卖、沙律、生果⋯⋯⦿饮品区一排雪柜放满饮品，款式多过便利店，汽水、茶类、自家制冷泡茶，亦有啤酒类提供。自由斟咖啡、冷热清酒、梅酒、if椰青水⋯⋯⦿甜品区冻柜放满泡芙、布甸、大福、乳酪⋯⋯名牌雪糕雪条款式都唔少，自助软雪糕机俾你自己唧软雪糕。#极尚大瀛喜日本料理地址：观塘观塘道414号1亚太中心5楼
继续阅读
中午时间去到观塘食放题，12:00之前未够钟已经排紧队，好彩有book定位😻入到去座位间隔舒适，枱与枱之间都有一定嘅距离今日带妈咪黎，都觉得坐得舒适☺️-今期重点推介，蓝鲸吞拿鱼刺身油脂均匀入口鲜甜，其他刺身都好出色例如甜虾大大只剥咗壳，新鲜好味。😋仲有蓝鲸吞拿鱼铁火卷👍-熟食方面今次有新嘅盐焗膏蟹，膏蟹嚟到嘅时候好多膏啊，我就叫咗一件试吓先，盐焗蟹系会食到蟹嘅鲜味，一客一件如果钟意食蟹嘅就叫多几件嚟食啦。-鹅肝多士每次都是必要的，鹅肝大大件油脂非常丰富，好香浓，好好味。仲有鹅肝寿司！-川烧珍宝鲜蚝烧，有少少香辣嘅感觉！只蚝好新鲜！-王牌乳鸽王，每次嚟亲都会食！因为真系外皮炸到脆卜卜，里面啲肉质好嫩！-烧榴梿，平时屋企多数食开普通一个榴连，呢度嘅榴梿系烧完仲更加香！更加浓味😋😋-饮品区有多款嘅果汁汽水啤酒任饮，同朋友一路倾偈一路饮嘢一路食饭，非常满足。-甜品区都有多款甜品选择，又有好多款雪糕雪条，简直食到饱为止啊。
继续阅读
基本上格局都好分明，冷盘熟食区一目了然。个人会推荐麻辣鸡肾同泡菜。因为呢两样酸酸辣辣开胃，等之后可以试到其他更多唔同款式嘅美食。至于刺身类，都保持到一贯水准，鲜味足够。重要嘅系三文鱼一定系厚切！厚切三文鱼带出嘅𠮶种鱼油香，喺口腔真系感觉到大满足。如果食到生虾嘅可以点几只，因为黑嘅酸甜酱可以中和下三文鱼嘅油腻感。钟意食海胆嘅，绝对可以叫个海胆手卷。白饭量唔多，但海胆多！一口咬落去，鲜味十足。我都忍唔住叫咗三卷。而熟食方面，必推介金钻烧蚝，因为嚟嘅蚝都只只好饱满，食落去蚝汁足够，蒜香十足。吉列蚝其实都好正，但我私心钟意金蒜烧蚝更多。而鹅肝梗系必试啦，虽然好邪恶高脂，但呢啲咁香口诱人嘅美食，又点可以唔试呢？食落去满口鹅油香，至少食两件先够！当然想清少少可以试吓烧鸡软骨，加少少柠檬汁清新去油腻。而烧比目鱼系我食放题必叫嘅，因为真系好滑好香。私心推介一定要叫埋烧榴梿，因为平时都唔会喺屋企特别整，呢度啲榴梿软糯十足，我敢讲我至少食咗三件。最后当然唔少得嚟返杯Häagen-Dazs收尾啦！日本版嘅黑朱古力真系几好食！个人推荐度爆灯！
继续阅读
收工去咗观塘的极尚大瀛喜日本料理，晚市放题任食，最近推出的日本版Häagen-Dazs，任食金枕头榴梿烧，高性价比的美食体验。餐厅的装修风格现代而典雅，简约的木质设计搭配柔和的灯光，营造出一个舒适的用餐环境。家庭聚餐还是朋友聚会，都是一个理想的选择。扫描QR code 自助落单，餐牌的榴梿和刺身立即吸引了我的目光。极品金枕头榴梿烧马拉甜品界的明星，榴梿的浓郁香气，肉质细腻，味道甘甜，吃得出有一点焦糖的甜味，欲罢不能。川烧珍宝鲜蚝烧带著淡淡的海洋气息，蚝鲜味无比，口感紧实，鲜美多汁。刺身：象拔蚌、松叶蟹脚、矶煮鲍鱼、甜虾、赤贝、三文鱼、油甘鱼、希灵鱼、池鱼、北寄贝、八爪鱼、北海道带子、赤虾。新鲜的象拔蚌、松叶蟹脚和矶煮鲍鱼，每一样都摆放得恰到好处，色彩鲜艳，非常新鲜，美味的刺身令人垂涎。象拔蚌肉质鲜美，口感弹牙。松叶蟹脚蟹肉丰满，味道鲜甜。刺身拼盘，三文鱼、油甘鱼和赤贝等应有尽有，三文鱼鲜嫩多油，富含Omega-3。油甘鱼肉质结实，味道醇厚。无论是视觉还是味觉上都让人忍不住想要品尝。矶煮鲍鱼鲍鱼嫩滑，带有海洋的鲜味。铁板鹅肝多士绝对不会让你失望，外焦内嫩，搭配香脆的多士，口感层次分明，令人回味无穷。香芒芝味鱼生簿脆，独特搭配。法式红酒蓝莓鹅肝既有法式的高贵，又不失日式的细腻，令人惊喜。蒲烧鳗鱼肉质鲜嫩，搭配特制酱汁，让人感受到浓厚的日式风味。王牌乳鸽红烧蟹肉花胶翅吉品鲍汁鲍鱼饭这里热食菜式的质素也令人赞赏。寿司：蓝鳍吞拿鱼炙烧焦糖鹅肝海胆拖罗蓉剑鱼腩蒜香牛油熟带子烧盐酱和牛肩胛𩽾𩾌鱼肝池鱼王酱烧左口鱼边至于寿司有我喜欢的蓝鳍吞拿鱼，口感滑嫩，味道清新鲜美，适合生食。肉质鲜甜的烧盐酱和牛肩胛，口感弹牙。炙烧焦糖鹅肝，口感脆嫩，极具质感。自助区：走进自助区，海鲜、冷盘、沙律、小食、黑松露烟三文鱼，琳瑯满目，口感滑嫩，色泽鲜艳。梅酒、清酒、啤酒任饮梅酒清酒饮一两樽返晒本，我钟意饮佢嘅日本果味啤酒，蜜桃味、柠檬味，微醺感觉真好。甜品：日本版Haagen-Dazs及movenpick任食海燕窝椰汁炖木瓜杨枝甘露拼九份芋圆这里晚市放题的性价比无可挑剔，高质食材和丰富菜式，合理的价格，感到非常划算。尤其是海燕窝椰汁炖木瓜和日本版Haagen-Dazs雪糕任食，更是为这个放题增添了不少亮点。
继续阅读
朋友生日一起来到<极.大瀛喜日本料理> 庆祝， 原来现时全线大瀛喜分店开始任食蓝鳍吞拿鱼，我们今次预订了观塘分店，环境濶落，有装饰好有气氛，观塘原来期间仲有限定供应油盐焗膏蟹 🦀！我食过都几好食！我同朋友品尝了不少刺身，叫完再叫，仲有好多种唔同嘅精致日式料理美食🍎鹅肝苹果 对于我都好吸引！食完仲有林林总总饮品及甜品，仲有养生糖水！新鲜又新颖的放题，提供自助美食区多达过百款自助美食！下次约埋一班亲朋好友再共聚一堂好开心！🤩
继续阅读