影片
营业时间
今日营业
12:00 - 15:00
17:00 - 23:00
星期一至日
12:00 - 15:00
17:00 - 23:00
以上资料只供参考，请与餐厅确认详情
大瀛喜真係好多野食，好多野都想食，但係又驚食唔曬，最後我地叫左呢d野:- 刺身 （三文魚、 海赤蝦、北海道帶子、拖羅、池魚王、油甘魚、章紅魚、金磚慢煮紅酒鵝肝）- 壽司 （三文魚腩、油甘魚腩、花之戀）- 手卷 （蟹籽、海膽)- 熟食 （海膽蟹粉鮮甜蟹肉粥、金湯蟹黃花膠金勾翅、避風塘炒魷魚、壽喜燒牛肉鍋、一品蟹肉扒西蘭花）- 甜品 （D24榴槤蓉、蜜瓜雪糕、芒果小丸子椰皇布甸）刺身今次較為特別既有感覺鵝肝都係比較軟身，但今次食呢個紅酒鵝肝係好似朱古力咁，硬硬地，但食落味道唔錯，係比較新鮮嘅食法，如果大家唔怕新奇嘢，可以一戰感覺鵝肝🤣今次手卷食咗蟹籽同海膽手卷，海膽鮮甜，可以食多幾個👍熟食方面，由於大股東好鍾意食蟹，所以我哋嗌咗海膽蟹粉鮮甜蟹肉粥，完全唔腥，重有好多料食，唔怕飽肚嘅話一定要試🥰之後食埋壽喜燒牛肉鍋，壽喜燒湯夠晒甜，超正😝最重要一定要試嘅係金湯蟹黃花膠金勾翅，真係同酒樓食嘅一樣咁滯，個湯超甜，花膠又大隻，補身一流😊最後嚟到甜品，見到我最愛嘅D24榴槤蓉，梗係唔好錯過啦，今次見到有蜜瓜雪糕，兩樣超級甜野加埋，加倍嘅甜🥰我食咗一大杯😂重有食咗芒果小丸子椰皇布甸🤟食完真係飽晒，下餐都唔使食喇😝總結: 新出既熟食品質唔錯，重有好多唔同嘅選擇，樣樣都好吸引👍唔食生野既朋友仔，黎食放題都唔怕冇野食😍
继续阅读
今日約朋友去觀塘食早場放題，已經開始人頭湧湧，原因就係大件夾抵食咁簡單，餐廳地方寬敞座位舒適，自助區飲品包羅萬有，啤酒汽水、冷飲熱飲、清酒梅酒一應俱全。自助區除恆常冷盤小食外，有蝦餃燒賣牛肉球點心，更有我最愛椒鹽鮮魷。刺身新鮮，今日之最係松葉蟹腳好粗壯及北海道帶子刺身超鮮甜，用冰盆盛載加上花朵裝飾好美觀，打卡一流。多款壽司、火炙壽司、卷物、手卷，雖然飽肚都忍唔住一叫再叫，仲有我必點芝麻雞翼同紅燒乳鴿皇真係好好味。餐廳加入新品，鮑參翅肚都有得食，更留意到有多種蟹菜式，有避風塘軟殼蟹、蟹肉扒豆苗、牛油焗肉蟹伴脆麵、蟹黃蟹肉粥，二百幾就食到放題，仲有多款蟹任食，當然唔少得餐後甜品，除Häagen-Dazs,更多了Mövenpick 雪糕同樣任食，性價比極高。
继续阅读
大瀛喜最近又更新左餐牌，比起我上次黎多左唔少食物選擇，例如上湯牛油焗肉蟹伴脆麵底、吉品鮑汁鮑魚花菇翅撈飯、極尚金湯翅花膠、蟹黃蟹肉粥、壽喜燒牛肉鍋，除左原來嘅Haagen-Dazs雪糕任食，仲加入左Movenpick雪糕，晚市$288+10%，好易食回本。冷盤前菜有十多款，比較吸睛嘅係翡翠螺同黑松露煙三文煙，翡翠螺爽滑，味道鮮甜；煙三文魚連同黑松露醬有一大盤任你拎，配黎食都幾香。中式點心都有三款，包括蝦餃及山竹牛肉。雖然放題食飯好唔抵，但呢個「吉品鮑汁鮑魚花菇翅撈飯」個汁又真係好香濃，不比鮑魚遜色！醉鮑魚夠軟腍，肉質爽彈，酒味濃郁。川燒珍寶鮮蠔燒: 蠔肉非常飽滿肥美，唔係一般放題店細細隻果種，蠔味適中，炸蒜香甜，又幾好食。金蒜蓉粉絲蒸扇貝: 扇貝肉都算大粒，質感幼嫩富肉汁，粉絲吸曬肉汁，撈埋炸蒜食好惹味。香港仔避風塘軟殼蟹: 一客有兩件，大大份，軟殻蟹炸至非常香酥，蒜味濃郁，咬落去爆曬汁，好香口。鵝肝有兩款，一款為冷盤「法式紅酒藍莓鵝肝」，另一款為熱食「鐵樣鵝肝多士」：前者係將冷凍後嘅鵝肝切成粒狀，約莫一粒骰嘅大小，搭配蘋果片，質感奶滑Creamy，紅酒味香濃，與藍莓醬及蘋果都幾搭配；後者為傳統法式鵝肝，外皮焦脆，內裡十分滑嫩，入口即溶，且帶豐富肉汁。刺身約莫有十多款，另外再靚啲嘅就要食壽司先得，例如海膽、藍鰭吞拿魚等等，刺身比較高級嘅選擇有蟹腳、厚切池魚、赤貝、象拔蚌及帆立貝刺身，肉質普遍幾結實，望落同食落都覺得夠新鮮，味道係Okay嘅，但任食就唔好期望用Omakase把尺黎衡量啦……甜品及雪糕都係另一賣點，燒金枕頭榴槤都係任食，味道正常唔係特別突出，但過下口癮都okay，Haagen-Dazs及Movenpick都係任食，仲有人氣薄荷朱古力味！
继续阅读
🐧 一向好鐘意食放題☺️ 性價比高又可以食盡多款美食👍 最近極尙大瀛喜又新添多款新品，二百幾蚊仲可任食蟹😍 梗係即刻約埋朋友去食餐勁啦😆 試咗佢哋幾款新推出嘅料理😎 黑松露忌廉虎蝦伴蝴蝶意粉味道濃厚🤤 虎蝦大大隻，食落鮮美又彈牙😚 蝴蝶粉掛滿濃稠嘅忌廉醬汁🌟 滋味極佳❤️ 上湯牛油焗肉蟹伴脆麵底同樣高質👍 肉蟹啖啖肉大滿足，食落鹹鮮惹味😋 伴以脆卜卜嘅脆麵一齊食，邪惡又和味😈 極尚金湯翅花膠用料十足，大大塊花膠好有誠意☺️ 食落爽滑又彈牙😘 調味醬汁令花膠更顯鮮美👍 XO醬翡翠炒螺片好有驚喜😍 完美還原酒樓嘅高質口味✅ 食落鹹鮮味美，爽滑有嚼感😘 鐵板蒜片和風汁炒牛柳粒必食推薦👍👍👍 牛柳粒口感軟腍嫩潤，肉汁滿溢，加上和風汁和蒜片伴食，更顯惹味😎 牛油煮鮮蜆隻隻飽滿肉厚，食落鮮美無比，加上邪惡嘅牛油汁😈 味道令人上癮🥰 其他經典嘅壽司、刺身、炸物等照舊高質又新鮮👍 水準令人非常滿意😎 記得留肚食埋甜品🤩 除咗有Haagen Dazs 之外，仲有Movenpick 無限供應🥰 真係好抵食喲✅✅✅
继续阅读
近排發現而家嘅放題舖頭，真係越嚟越平，越嚟越抵食！平日過嚟食，晚市食足兩個半鐘，計埋加一服務費都唔使$300一位，性價比極高！🈹🈹刺身方面，我就最推介呢幾款，分別有北海道帶子、甜蝦🦐、松葉蟹腳🦀、日本油甘魚🐠、象拔蚌，幾款都好鮮甜，感覺上好新鮮，我哋都encore咗兩次～另外必食嘅仲有鐵板升級鵝肝多士🪿、金牌紅燒乳鴿王🐦、川燒珍寶鮮蠔燒🦪、蒲燒鰻魚🐟、蒜片牛柳粒🐮等等，款款都非常高質，唔洗$300可以做到任食鵝肝真係非常誇張！😍😍另外，近排天氣有啲凍，食完咁多刺身壽司等等嘅生冷嘢，叫返個蟹粉鮮甜蟹肉粥🦀就最啱啦，味道鮮甜又暖胃！甜品方面，一樣有好多選擇，除咗貴價雪糕雪條任食之外，仲有豆腐花、蛋糕、乳酪、馬卡龍、紫米露等等，超級滿足！😌😌
继续阅读