林園甜品粉麵小食

营业中

休息中

食過2次外賣，叫過越式湯河，撈檬同埋豬扒飯。全部都好味同抵食。呢度的炸物好好味，但我驚熱氣，所以唔敢多食，間中食下好啦~我每次都係外賣，因為現場衞生環境係好差如果真係要堂食，我覺得室外位應該好過室內。

好耐無黎了間中都會想食呀佢個雞絲河係有獨特既味道雖然雞絲有少少皮我每次都要搞一輪先食到(本人麻煩咋唔鍾意食雞皮)佢個河粉係OK既唔會好散少少幼身湯底無得輪係唔油得黎令你好想飲既我鍾意蔥佢外賣都比得多幾好幾好

以前曾經係附近返工，有一次咁岩同事買呢間外賣俾我，食過一次佢既雞絲撈蒙真係好好食，自此好鍾意成日去食。佢好食在於個蔥油真係好香同個肉好夾，而且配埋大量花生碎同甜酸汁，係會食到停唔到口。最重要係又平又大份，一定食得飽。當然環境同衞生就差小小，但出得街食就唔計較咁多喇。而且阿姨好好人，會關心下d後生仔，又會請佢地飲野，係連鎖店唔會有既體驗同風味。除左雞絲撈蒙，佢d湯河同咖哩魷魚都值得一試，而且有做宵夜糖水，去到附近不妨試試佢。

Tucked at the corner of the street with several tables set up at the entrance at the outside area, this low-key cha chaan teng style restaurants serves up some yummy Vietnamese 🇻🇳food.The shop is famed for their lemongrass pork chop rice, visited Tai Wai last weekend and paid a visit😊. The pork chop is prepped and deep fried upon order, and was quickly served. Two sunshine eggs 🍳laid on top of the rice and pork chop served with a specially garnished spring onion and garlic sauce🧄.The pork chop w

一家很地道的越式粉麵店食物份量都很多🙊-◾️#香茅牛肉撈檬 HKD$46牛肉味道很香 還有一點黑椒調味😋檬粉裏還有青瓜絲,蘿蔔絲,蔥油和花生碎加上醬汁拌在一起吃很豐富酸酸甜甜的超級開胃🤤而且放到滿滿的份量好多！-◾️#香茅雞翼豬扒飯加蛋 HKD$58香茅雞翼和豬扒調味很越式💕味道很香偏咸一點因為是炸的 吃起來比較油葱油和太陽蛋拌飯好吃-◾️#咖喱魷魚 HKD$32魷魚很爽口咖喱有放香料調味吃起來蠻辣的🌶-(各項滿分為5分)餐飲分數: 🌕🌕🌕🌗🌑環境分數: 🌕🌕🌗🌑🌑服務分數: 🌕🌕🌕🌕🌑價錢分數: 🌕🌕🌕🌗🌑回頭分數: 🌕🌕🌕🌗🌑-#林園甜品粉麵小食📍大圍積福街60號祥興樓地下📞 2608 1330🕐 11:00-00:

大圍站附近美食林立，今次經食家介紹再鑽窿鑽旯搵到離地鐵站口比較遠嘅小店（大圍美食小區嘅角落頭）出面睇真係一間好細嘅小店，係面積細，三角型嘅樓面除左檯之外仲有各種食材，汽水，雪櫃，係麻雀雖小五臟俱全店面得一個姐姐睇曬，加埋廚房入面嘅主廚姐姐，來來去去都係得佢地兩個雖然牆上Menu有好多越式美食，不過第一次來到梗係要叫主打熱門🍽<雙蛋豬排蔥油飯>雖然賣想係普普通通嘅港Style碟頭飯，不過份量係巨量級，尤其係蔥油，係我見過無額外Request下份量巨多蔥嘅，D蔥係有爆香過嘅，好味指數極高，就咁攞來撈白飯都可以食到好多碗，再夾埋外面香脆惹味內裡嫩滑好淋嘅秘制豬排，滋味十足，而雙蛋同豉油都係不必可少嘅角色仲有咖喱同撈檬都好似好正，下次要再來先

📍林園甜品粉麵小食 (大圍)大圍積福街60號祥興樓地下香茅豬扒撈檬$32經開大圍，去咗間mark咗好耐嘅小店。最出名就係豬扒，見到食飯要$45，返而叫檬就$32。由於唔係太肚餓，結果就叫咗檬粉😏由於即叫即整，等咗大概10分鐘左右，就有得食。味道係唔錯嘅，份量亦都非常之足夠，尤其檬粉真係放滿一整碗，加埋甜酸汁，零舍開胃，食完一碗都飽晒，唯一唔滿意嘅，就係衛生欠佳。枱面都幾污糟，同埋啲醬料嘅容器，好黐立立😂

夜晚諗住去買盒撈檬做宵夜，結論三個字：差差差！一）去到話叫外賣，無堂食都要等好幾分鐘先肯幫我落單二）撈檬外賣通常魚露都會分開裝，免得個檬會浸太耐，佢就偏偏將啲魚露倒埋落個檬度三）呢點先最嬲，你有咩可能叫個雞翼撈檬會無雞翼？？？🤯無人等緊外賣，無人堂食，間鋪有嘅人手仲多過客，咁簡單嘅一樣嘢都可以出錯，係我角度係完全不能接受😡我自問幫襯過今次，好難會有下一次！如果大家鍾意叫個有餸嘅撈檬然後走餸嘅話，不妨一試！

睇完電視推介，一心千里迢迢駕車外賣自取，一去到十多人系外面等候外賣，我便找店員落單她一句叫我在外面排隊，我說我外賣她仍然叫我在門口等，過左20分鐘完全冇人幫我落單，我不知道在等什麼，又冇人同我落單，我再次入去找店員，叫左多次完全冇人理會，完全冇人睬我，冇能力應付甘多客就唔好賣廣告，簡直不知所謂，浪費時間！賣得電視就知道很多人 慕名而來，完全沒有能力應付，又完全唔積極處理客人，態度簡直極差，極度失望！

以前記得大圍好多糖水鋪，但當要去食個陣，就難唔到一間岩心水既。經過見到餐廳寫有糖水，一於入去食。餐廳環境唔係好靚，但勝在職員態度好親切，好好招呼。當晚好多人食豬扒煎蛋飯，好吸引。仲有唔少人入黎都係食糖水添。叫左花生湯圓(~$20)，喳咋(~$20)，西米露(~$20)。原本冇諗過叫湯圓，但職員姨姨話佢特登人手搓，望見見到有一盤搓好係廚房，一於試下。湯圓大大粒，唔係公正既圓形，所以一望就知真係人手逐粒搓。花生呈粒狀，係帶鹹味既，輕輕炒香後就做成餡料。好特別，同湯圓又幾夾。平時出去食，可能會慣左係甜花生餡。喳咋好足料，非常濃稠好難得。混合椰奶食，一流。西米露個人覺得不過不失，有好多西米露，微甜。整體，每碗糖水都真材實料，好有地道風味，仲要係3碗既價錢合共好似係$58。真心平民價。

每次想食雞絲河都諗起呢度由以前番學時代我地己經成日在林園開餐好有回憶的一個地方今晚如常的叫了雞絲河分湯帶回家食比較自在可以一邊食一邊煲劇打開包裝湯底是淡奶白色的飲左兩啖唔似係勁味精湯有點似煲幾個鍾果隻河粉正常雞絲份量都OK唔會話好少有少量蔥同芽菜加埋湯落去就開餐林園的雞絲河總是有種其他地方食唔到的香味食完係滿足的係略嫌份量唔算大女仔如果大食DD應該唔夠飽要加個小食但價錢就算平 ($30)出面食碗粉一定唔只呢個價錢呀

都食左幾次啦，今次先記得影同寫食評！！！！！係舊舊嘅小食鋪黎嘅～好食啊真係！個重點其實係。。。。。。。佢啲蔥囉！！！ 真心係不得了！係有用油炒架！仲有少少鼓油架！咸香咸香 好有舊式香港嘅風味！！！！！！！不過我其他野就未食過哈哈哈哈！你地可以試下～～～

📍林園甜品粉麵小食（大圍）📌大圍積福街60號祥興樓地下⏰11:30-22:00回頭率：💎💎💎💎（五分為滿分）———————————————————-由中學食到依加都仲食緊嘅小店☺️ 主打越南野 小編覺得好正宗👍🏻 除左飯之外 啲撈檬都好好食 唯獨是環境好唔衛生（已經好咗架啦）同埋啲呀姐長期唔知做緊乜🤭成日落錯單 次次去都見到老闆娘比人鬧 不過好好人嘅🤣 最重要係有人情味同啲野好食😆唔想坐低食都可以叫外賣😆-🔹雙蛋豬排飯 HKD42（😋：9/10）知唔知呢個飯嘅精髓係咩？係多蔥呀😆 小編平時都唔鐘意食蔥 但呢間啲蔥油真係好香 送飯一流👍🏻再加埋兩隻脆邊太陽蛋 一吉落去流哂啲蛋汁出黎 勁正😍 塊香茅豬排都好香 不過有時會偏咸🤭 但係碟頭飯黎講 真係平靚正呀❤️———————————————————-👅味道：9/10🍝賣相：7/10💒環境：5/10🙇🏻‍♀️服務：5/10💰CP值：8/10⚖️人均：～HKD40♦️服務費：❌

夏日熱辣辣黎返大圍飛完個髮又要搵野食喺大圍返過一排工其實都對依附近嘅餐廳都有晒印象，特別就在於今日曬到爆，想搵D冇咁熱嘅野食，搞到兜左成個圈先黎返林園林園門面其實真係唔多靚，殘殘舊舊咁又唔多人去食，仲要冷氣唔夠勁，當年都係有朋友帶我黎試先發現依間小店餐廳裝修係唔多新淨，但反而感覺上夠warm夠casual夠親民，好有一種會由細食到大嘅街坊鋪感覺，而相信事實上都係咁越南野餐牌選擇唔多，天氣咁熱就連飯都廢事叫喇，叫個扎肉雞絲撈檬就算撈檬夠凍身，天氣咁熱食起上黎仲開心仲爽，加上有埋個撈檬汁酸酸甜甜夠開胃雞絲就比較乾身，亦都唔好expect係手撕雞嗰陣level，不過成碗野有惹油又有撈檬汁就夠晒好食

🍳雙蛋豬扒飯($42)🔻推薦指數:🌕🌕🌕🌕🌗鹹度:少鹹🌕🌕🌕🌑🌑🔺港味頹飯🍚雙蛋好動L！仲見到d蛋白未凝固晒，所以撈落比較乾身嘅米飯到非常適合， 飯係粒粒分明個種，有咬感，拌埋蛋汁真係一流🤤豬排好香口，好夠熱辣辣！墊係蛋下面用餘溫去整到雞蛋半熟👍🏻香茅味好惹香，少少辛辣，肉質不韌不會過乾😋真係好少食到白飯都覺得唔夠撈😫然後旁邊嘅油蔥都好好食，第一次食唔知有得叫多蔥，配埋甜豉油，咸咸地又好送飯，總之成個飯都好好食👍🏻住大圍嘅真係要去食下呀喂~🦑咖哩魷魚($32)🔻推薦指數:🌕🌕🌕🌖🌑鹹度:微辛🌕🌕🌗🌑🌑🔺好好彩食到最後一碟😭但唔知係咪因爲得呀姨話淨翻最後一碟，想再多都無，其實真係得d汁🙈d魷魚好少，感覺貴左少少，味道係幾好食嘅，凍凍地彈牙又爽口👍🏻咖哩味濃🌿韮菜豬紅🔻推薦指數:🌕🌕🌕🌑🌑鹹度:適中🌕🌕🌑🌑🌑🔺相比魷魚，豬紅依碟就大份好多！不過豬紅就唔夠滑溜，外皮有少少嚡口，韮菜有少少太油。