<林里>手打檸檬茶

营业中

休息中

平時去開南昌果間，d人好正常又好禮貌，呢間差好遠，又唔比單，又唔會叫no，問佢邊杯係佢先話未到，你乜都冇比又唔叫no鬼知咩，同埋喺大街出面好嘈，根本冇人聽到佢up咩。一去到已經講緊電話，等勁佢落單又話固定冰，但我南昌買係可以少冰，少甜變左半糖，結果出來一杯冰。支飲管一開始隊入去要左右了，因為太多冰隊唔入，隊到底已經淋哂，但仲未開始飲。

行過銅鑼灣好口渴，上網睇吓有啲咩檸茶手搖飲品奶茶舖頭喺附近。見到呢間有鴨仔送，好似幾得意咁，就行咗去呢間完全冇聽過，但係內地好似幾出名嘅檸茶舖頭。不知所謂，買飲品想要少冰，店員話冇得揀冰量。行兩啖已經飲完全杯，成杯其實都係塞滿冰，只有少量檸茶，伏成咁真係去一次都嫌多。不要去，不要去，不要去重要事情講三次。店員是講普通話的，廣東話好似唔係好得，講咗幾句疑似廣東話，我都聽唔明，佢自己就即刻轉Channel用返普通話。

$30買一杯冰，仲話明固定冰量，即無得少冰，但係飲兩啖已經無左，個杯就係500ml 的，飲左唔知有無200ml啦⋯⋯消費者自行評估值唔值得飲⋯希望店舖進行改善，消費者的眼睛係雪亮的