影片
营业时间
今日营业
12:00 - 23:00
星期一至日
12:00 - 23:00
以上资料只供参考，请与餐厅确认详情
排隊前邊有兩個人, 排咗5分鐘先至輪到我落order，但係裏面嘅兩個職員同一時間響度幫前面嗰一個客😓….5分鐘還可以接受…但係之後等啦就等咗17分鐘先至攞到我杯檸檬茶。 大熱天時☀️要企響街度等，我完全唔值得。得嗰兩個職員，其中一個仲要係新嘅，每一個問題都要問同事…唔係佢嘅錯，係公司嘅管理嘅問題。兩個職員都好勤力，但係要我喺34度高溫🔥喺街排隊廿幾分鐘買一杯嘢飲就應該冇下次啦。我總共幫襯過三次，每一次都係超過四個字先至可以攞走杯茶。祝佢好運啦！
继续阅读
壞機又唔講，俾完錢白等好耐，要問先由收銀同店員口講落單。五個店員係度行行企企唔知做乜。終於拎到杯野，一拎上手就發現有啲重量已經心知不妙，點知真係飲得10啖，剩低嘅係成杯冰山，無誇張自己睇相（我叫微甜少冰）。呢10啖要$30，真係$20都俾多，大伏！寧願去茶餐廳叫杯凍檸茶外賣仲好。
继续阅读
之前朋友極力推介呢一間臨林檸手打檸檬茶，今日去到附近就諗住試吓。見到長長嘅人龍，便滿心期待應該唔會差得去邊。我同同事一人叫一杯，我哋各人叫咗一杯招牌手打檸檬🍋同原諒手打檸檬。我哋都係叫少冰同埋甜三度加寒天珍珠。滿心期待等咗大約10分鐘，到手嘅時候一飲勁甜，覺得完全冇理會我哋嘅甜三度。明明加錢叫寒天珍珠，但比支幼筒我哋。多冰同多渣。同事飲咗三四下，就飲晒。我就覺得太甜無謂勉強。唯有等到啲冰溶晒，先覺得甜度似樣少少。
继续阅读
做生意做到咁，杯野得7分滿，質素又差，員工亦沒有服務態度，毫無誠信可言，簡直係影衰晒香港嘅舖頭！幫襯時記得要三思！咁嘅價錢飲杯咁嘅嘢，直頭係交智商稅。絕對係最差嘅林香檸！
继续阅读
嗌咗一杯黃皮手打檸檬茶，要成$40 ，然後少咗冰，佢話會得返八成杯嘢飲。最後出到嚟冰依然好多，渣佔三份一，冰佔三份一，茶就得返嗰少少，然後杯嘢飲飲咗五啖就冇晒，完全係搵笨。
继续阅读