林香檸手打檸檬茶 (新都會廣場)

营业中

休息中

林香檸手打檸檬茶勁勁勁多多多冰冰冰：昨天星期日經過葵芳新都會店，之前未試過林香檸想试下，都算係第一次幫襯，於是買咗一個特濃$29，味道跟其他店差不多，冇乜特别，但估唔到飲咗4啖就已经冇乜剩，最初以為飲筒放得唔好，好奇之下望下，竟然發現整個杯全部都係冰，感到有點被騙被呃。平時都有買其他店的飲品，明白做生意要贊錢，凍飲都係冰多料少，不過未試今次“勁多冰” vs 茶少少對比咁大，都係第一次，不會再買此店飲品。

招牌香水檸檬茶1分糖，啱啱好，有啲人可能會覺得好澀，但係我就係鍾意呢種茶味。香水檸檬味都好出，見到店員好俾心機咁手打，完全飲得出佢嘅心機，唯一缺點就係太多冰飲兩啖已經飲晒。

叫左一杯經典手打檸檬茶味道可以但飲幾啖就冇晒飲完仲有7成係冰想買冰去佢度買就岩喇送埋隻膠杯俾你去其他舖再買過唔洗去seven買冰抵讚不過我就冇下次幾十蚊買杯冰番黎好日唔評價原來要打夠200字夏天咁熱喺新都會想買杯野飲經過呢間店未試過手打檸檬茶就課金試下檸檬香，茶味正常，但係杯冰多到嚇死人個茶膽溶左d冰都仲有勁大杯飲完成杯檸茶大約仲有70%冰抵唔抵飲自己諗其他台式飲品d冰都冇咁誇張可能係呢d檸檬茶特色啦

小妹諗住買杯渣男檸檬茶試下，講明要少冰，但最終全杯都係冰問職員點解要求左少冰都咁多，得到解釋係已經將個杯茶面層既冰撥走了，小妹即時O晒咀心諗：唔撥走都吸唔度個杯蓋啦職員另一個解釋係渣男味道比較濃郁，所以要多冰中和返先會好飲啲，咁不如直接唔好俾客人揀冰既份量，咁咪唔會有呢個問題囉小妹突然諗起“食神”既經典對白，“飲管有咁粗得咁粗，冰有咁大嚿放咁大嚿，杯汽水咪雀一聲飲完買過第二杯囉‘’小妹只可以話認真便輸了😵‍💫😵‍💫

最近成日經過旺角都見到呢間手搖飲品店好多人排隊，仲要係專賣檸檬茶，今日經過葵芳見到冇咩人排隊，即刻買一杯啜下解解渴先🥤😚😚🩵飲品：特濃手打檸檬茶$29見到menu有好多款檸檬茶，就揀左特濃手打檸檬茶，仲可以選擇吾同甜度，我就揀左低糖既1分甜同小冰，檸檬味都幾重既，但飲落去個感覺同係茶餐廳飲既凍檸茶冇咩分別，所以試過一次就好了🤣

買左兩杯，第一杯口渴飲左兩大啖冇晒，第二杯專登細啖d，都係得嗰4-5啖，你老闆睇得食神多呀，d冰有咁大舊得咁大舊，飲管有咁粗得咁粗，d冰溶左應該足足有半杯，可以飲多半杯檸水，真係好幸福呀

經過新都會廣場見到有檸檬茶店，只賣檸檬茶咁專業於是買杯試下。行埋葵廣杯嘢拎咗20分鐘後先飲，竟然都仲可以咁大杯冰， $28買幾啖檸檬茶，雖然檸檬味幾香，但實在太唔抵。睇返其他分店食評都係大大杯冰，早知去其他茶飲店買嘢飲仲好，冇下次呀，亦都唔會介紹俾朋友試。

跟內地不一樣嗎？感覺檸檬不是香水檸檬，而係泰國既大青檸，有種青檸乸脷既味道而欠缺左香水檸檬淡淡香茅味，青檸同香水檸檬有極大分別。本身店舖最大特色係用香水檸檬為基底，而店舖竟然用青檸去代替最重要既香水檸檬，加上極度多冰，飲了兩啖就飲完了，因此極不推介。