柏妮絲咖啡店

营业中

休息中

比店舖嘅靚靚咖啡吸引咗，佢嘅Rose latte真係好靚，拉花係櫻花樹🌸。除左個樣，杯咖啡本身都好好飲，有淡淡嘅玫瑰香味。窩夫外脆內軟，牛油果沙律好健康。店員好NICE～

咁啱喺元朗探險，發現咗間毫不起眼嘅咖啡店，簡直係隱世珍珠嚟嘅！冇諗到佢哋啲食物同飲品質素咁上乘！首先，就點咗間店嘅名物—櫻花咖啡。啖啖嘅咖啡入口即溶，淡淡嘅玫瑰香氣令我瞬間覺得自己似乎行到喺日本櫻花下。又靚又香，真係賞心悅目😍肚子餓嘅時候，點左份雞肉牛油果薄餅，熱辣辣底脆邊軟，好有層次感！牛油果同雞肉嘅組合滋味滿分，夾埋咬落係真係夠曬爽口，重點係好飽肚喎！店內暖暖地，四周嘅裝飾都話你知，店主對於這個小天地寄予咗滿滿嘅情意💖就喺熱鬧嘅元朗，呢間店係真真正正為食客帶嚟一份恬靜同品質生活嘅感受。走過路過，千萬唔好錯過嚟呢度坐低，享受一下這份來自咖啡嘅溫暖同甜蜜🥰🍵

和很久沒見的朋友見面、朋友推介元朗這一咖啡小店！ 這店比較遠離煩囂大街，給人一種寧靜舒適感覺❤️雖然位置不是很大，但2-3人小聚會chill下是很不錯。因去的時間是平日下午，所以也不用等位。店內裝飾佈置也很溫馨，有一點點田園系feel.店內有一些cake 可提供，配搭咖啡來喝蠻不錯！這是店內的裝潢，格局雖小但也挺舒服溫馨店內有早餐及下午茶set提供，主食以西包及pizza為主。想享受悠閑的me time 或兩三人chill下可考慮來呢

返工返到攰，最好就搵個地方chill 一chill😂 而尼間coffee shop就可以幫到你😂 同朋友一齊尼又可以好輕鬆咁傾下計飲下嘢食啲輕食😌 由於室內座位唔多，所以咁熱嘅天氣都只好坐室外，不過室外坐位反而令人更放鬆，因為比較鬆動😌 我哋叫左個pancake , 蘑菇忌廉雞批同埋菠蘿橙沙冰，有冰飲坐室外都冇咁怕😂 沙冰真係用果汁去造唔會係齋甜果隻，而pancake 都好好食，夠哂鬆軟，而雞批嘅牛油味就有些少太勁，整體尼講都唔錯😁

被一張絕美嘅咖啡相吸引，所以今日千里迢迢入元朗，親身試吓呢杯畫上粉紅色浪漫櫻花嘅Rose Latte，果然不枉此行！玫瑰香氣撲鼻，每一口咖啡都帶淡淡花香。另一杯本來已經過咗「期間限定」無再賣嘅濃香Macha Latte ，今日好幸運老闆都特別為我哋調製。兩杯「畫作」同店內嘅每一位員工一樣熱度十足！真摯有禮、又滿滿人情味嘅咖啡店真係非常珍貴！一邊嘆啡順道問一下附近可以買「救命電池」嘅地方。結果，熱情嘅老闆Michael不單予以介紹，更生怕我們找不到五金鋪位置，親自走一趟為我們張羅！感謝老闆的熱心幫忙！🙏🏻兩個「外人」，一件「小事」，老闆都如此上心！一位真心服務大家嘅小店老闆，非常值得我們的支持！大力推薦！

呢間咖啡店係元朗西菁街附近，岩哂行左轉元朗千色又想搵個位坐下hea 下再諗下一站去邊度😌喜歡坐戶外一列Coffee Corner ，曬下冬日嘅太陽，嚐柸暖暖嘅flat white，豆香四溢，淺嚐藍莓芝士蛋糕，味道唔太膩果醬酸甜度剛好，輕輕鬆鬆嘅享受了一個下午時光!! Enjoy🥰🥰下次會早點黎試一下bagel🥯，見旁邊嘅啡友坐低都點一份😋

朋友介紹，點都要試吓！習慣晚睡晚起，All day breakfast係我經常嘅選擇。不過店舖細細，main dish選擇一定唔多。包可揀牛角包同bagel，成日食牛角包當然會選擇bagel，係有口感、香同好味嘅。牛油果熟、軟但唔爛，蛋香，菜新鮮，腸唔錯，哈蜜瓜還好。牛油果墨西哥薄餅，餅脆、健康之選，講健康通常味道唔好提😂 因為本人只愛黑啡，所以朋友帶我試，黑啡係Long black，比連鎖咖啡店好，完。朋友上次試完芒果奶昔返嚟再叫，相信係好飲嘅。

朋友知道我鐘意食Begel所以帶我黎呢度，但室內位置不多所以我哋坐左係室外。Begel+沙律（+$4）+有一個配菜 （$58）咖啡另計Begel包好有口感，女仔唔太食都夠飽

上次經過見到。諗住試下 今次有時間元朗附近又冇咩其他coffee shop，就買左杯外賣自取諗住外賣杯細嘅white coffee試下，$38一杯white coffee唔算平，出面同樣市價可以搵到更好嘅咖啡。入去見到有賣lavazza（唔差但唔特別，好大眾）嘅咖啡粉，就知道啡底應該冇乜驚喜。拎到杯咖啡，外賣杯有少少污糟（可能只係沖嘅時候整到），開黎睇，有拉花，普通心形圖案，但飲落個泡打得太厚同咖啡分開。啡底好普通，有啲淡，個味唔出。之後隔左陣凍左啲再飲，澀得黎又唔係香。同埋外賣等得有少少耐（耐過平時），感覺系統有啲亂。希望元朗可以開多啲有特色＋高質嘅coffee shop，同出面港島是旦一間都冇得比。so far 元朗推介嘅會係雞地HEATO同朗屏Accro。Yoho開左間市區有嘅NODI都唔錯。

星期日去開元朗，要hea 一陣找地方坐，search 到呢間cafe 就一試！簡單一杯大的熱朱古力,味道濃濃的，係我鍾意那種，仲拉埋花（第一次見有人拉花係朱古力度），舒服地休息了等下一個行程，值回票價！

Rose latte 有櫻花樹既拉花裝飾，打卡一流。玫瑰味尚算濃厚，奶泡幼滑。Bagel 上面有好多芝麻，令bagel 表面更香更脆。熱辣煙韌既bagel 內揸cream cheese，但分量唔多，咸咸地既包帶有酸甜，味道更豐富好味。可惜，包本身唔平，cream cheese 又要另外加錢，整體價錢偏貴，性價比唔高。

༺ SB square Cofee Shop☕️ ༻∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻呢間咖啡店最出名就係呢一杯⊰ rose latte櫻花咖啡🌸 ⊱ ☕️，拉花拉得好細緻，感覺真係好夢幻🦄，最神奇嘅係飲完杯咖啡個櫻花都仲喺度💗，想知係點既樣就要去試吓啦。除此之外呢度仲有蛋糕🍰同埋all day breakfast食🍳，不過我就未試過啦，大家試完可以話俾我知好唔好食😋。∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻餐廳🛎：SB square coffee shop地址📌：元朗西菁街20號益輝大廈地舖營業時間⏰ ：星期一至日 11:00～19:00∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ Follow我哋 @foodoirsis 💋帶你去到更多打卡嘅地方❣️

好耐冇食all day breakfast, 因為有d餸唔食🤣同埋油!但係呢個all day 我超級鍾意😍仲要有橙開胃😂😂最緊要係，唔油！對面既 手撕雞墨西哥捲餅都超正～手撕雞好好味～🌯最想講 牛油果!!!🥑🥑好靚！ 成熟程度啱啱好！ 之前食過有d店係會用開始爛既牛油果，唔好食，有d係苦既！訪問唔知係咪老闆娘既好nice既姨姨，問佢牛油果咩產地? 答完佢仲會講解點樣先保存得牛油果好d，冇咁快爛！咖啡咖啡！！！☕咖啡豆好香 啡底唔錯👍🏻 拉花好靚（一開始就係比櫻花樹吸引而去🤭）佢暑假仲會開拉花班🙈琴日仲食咗佢哋既甜品，芝士餅＆心太軟❤ 佢哋真係樣樣嘢都正！ 姨姨講：「唔需要自己宣傳，自己讚自己，只要係有品質，一定會有人欣賞，會再幫襯！做人都係啦～唔洗自誇，只要每次都認真，一定有人睇得出！」講得好啱！ 所以我琴日去完今日又再帶朋友去試🤭🙈❣P.s. 去試既朋友！記得記得臨走前主動幫手執台呀！

中午在元朗見客途經這家咖啡店，看看手錶都1:30 還是先吃點東西吧！🥳這裡有戶外和戶內座椅，外面方便吸煙我還是到店裡面找個位置，坐下發現這裡的環保很舒服，安安靜靜的享受咖啡機帶來的聲音。我點了白芝麻貝果🥯配忌廉芝士醬，烘得熱騰騰的貝果香軟柔韌超好食。黑芝麻咖啡，拉花藝術見到都心花怒放，咖啡香芝麻滑既提神又補髮開心🥳！😋Enjoy everyday

雖然唔近地鐵站，但跟住地圖行，都好易搵到。雖然係小店，但計埋戶外嘅座位，座位數量尚算足夠，唔使等位就可以坐低。好似平時d coffee shop咁，叫野食要去cashier直接order。但唔同嘅係，侍應會送餐，可以坐定定等食/飲。我坐室內，室內唔算太大，有3張枱，同埋counter。餐廳仲貼左唔少相信係店主去旅行影嘅雪地相。我order左櫻花咖啡（其實係Rose Latte），拉花好靚，果然係signature。另外，因為有d肚餓，叫左個雞肉牛油果薄餅（可以自由選擇配菜），都好好味。食完之後，有位侍應（我懷疑係店主），一位好親切嘅伯伯，話我知，原來仲有另一款拉花，下次再嚟打卡先。