柏景餅店 (已結業)

見到網上Eshop訂有折，即刻買左個試下整體唔係好甜，不過唔夠脆，個日中意食吉士醬，所以唔會覺得太濕，但屋企人就嫌d醬太多外觀好靚，如果做生日蛋糕都好體面！見榴連好似好出名，下次都可以一試

上個月初到訪「柏景餐廳 」食自助餐，時值做緊主題「泰•尋味之旅」，多款泰菜菜式固然有特色，去到甜點環節，當中有一款迷你榴槤撻，小巧的骰，真喺做得唔錯，老婆都好欣賞。路過佢哋嘅「柏景餅店」，與此同時見到推出咗一款「3D榴槤飄香蛋糕」，賣相好「榴槤」，都幾吸引，加上試咗佢哋嘅榴槤甜點，有信心會做得唔錯，所以，一於試試堅定「榴」。我見官網介紹喺一磅裝，但拎上手好似幾重吓。而蛋糕只喺以基本包裝盒袋住，初頭都好擔心，會唔會「飄香」而惹嚟厭惡目光呢？出奇地無乜味喎！打開包裝盒，個「榴槤」又真喺幾像真喎，由榴槤釘、果椗，到色澤，都做到似模似樣，一絲不苟。淨喺睇啲榴槤釘，就知幾花機，真喺逐釘逐釘咁唧出嚟，釘釘皆辛苦。就算打開個盒，都未有強烈嘅氣味，但一切開，唔喺講笑，啲榴槤味一湧而出，真喺飄香四溢。外層綠色嘅忌廉就好似保護罩罩實個蛋糕，所以，未切開就真喺無乜點聞到啲味。不過話喺忌廉，但感覺黏性較重，有少少似麻糬嘅質感，味道似喺斑蘭味。睇到個橫切面，就見到蛋糕一層又一層，海綿蛋糕之間喺榴槤吉士及榴槤果肉，而且，果肉都幾多，故此，榴槤味勁突出；海綿蛋糕非常鬆綿，吉士打得柔滑細緻，啲果肉熟到啱啱好，口感軟滑

不過不失的士多啤梨拿破崙蛋糕。屋企人生日，係皇家太平洋酒店訂左個生日蛋糕。今次我係網上訂，訂購過程都好簡單快捷，好快就攪得掂，唔會話好複雜，仲可以留言，話俾酒店內的餅店知想寫咩字。諗左好耐，最後俾佢官網張相吸引到，揀左士多啤梨拿破崙蛋糕，一磅裝。外型的的色色咁好迷你，唔知係唔係因為唔係士多啤梨當做的季節，d士多啤梨唔夠甜，拿破崙蛋糕最重要的餅都唔夠脆，感覺有d失望。不過蛋糕的賣相幾靚影相打卡幾好。

今年生日除了車爸爸送上小蛋糕外，就是兩位美女驚喜的為我倆8月之星送上生日蛋糕真的太有心了！而且更細心地選了香蕉朱古力蛋糕送給甜魔媽媽，而我則收到冧酒提子焦糖杏仁蛋糕(酒鬼形像太深入民心了吧)！真的十分感謝兩位美女的心意係愛呀！我這個一磅裝冧酒提子焦糖杏仁蛋糕只售＄208太抵吃了吧！蛋糕吃下帶甜蜜的焦糖夾雜軟滑的杏仁慕絲，而且還佈滿粒粒冧酒提子真的十分好味道，所以我又破戒分兩天吃了三分一個連不愛的蛋糕的車爸爸也十分欣賞！質素絕對好過坊間連鎖餅店的出品多多聲，有興趣買蛋糕的朋友可到酒店網頁訂購。

雖然已經係上個月既事，不過都想分享返！本來去到門口打算食蛋糕，但巧合之下見到啲沙律望落好吸引，唔想太飽太heavy，又有d肚餓，食沙律真係一個好選擇！同朋友一人揀左一個沙律share食$45 紅菜頭柑橘芝士沙律賣相唔係話好吸引，但勝在有紅菜頭，夠哂健康有益，紅菜頭食落口酸妹妹好開胃，完全無苦澀味！柑橘亦都好甜，兩者味道好夾！個人覺得呢個沙律好食過大蝦沙律$45 泰式大蝦柚子沙律賣相非常吸引！我諗大家見到通常都會嗌呢個黎食三隻大蝦都算係咁！料就爆多，又有青瓜、菜、蝦同柚子，不過我唯一嫌佢有點兒辣，食到最後頂唔順要飲水，不過朋友就話好好食，食呢個感覺上會full過紅菜頭沙律！

$138一磅蛋糕, 在今時今日的市場來說, 實在是超優惠價. 而且還是酒店餅店的出品, 一切就來得更加驚喜. 今天的博文, 就為大家介紹一下皇家太平洋酒店Park Deli這個限時優惠.荔枝莓莓蛋糕 Lychee Mousse Cake $138: 8.5分, 熱辣辣的炎夏, 也是最適合吃荔枝的時候. 除了淨吃荔枝之外, 也可以一嘗Park Deli的荔枝莓莓蛋糕, 一樣是感受夏日風情的好選擇.切開看看, 層次分明. 質感鬆軟的士多啤梨海綿蛋糕, 很甜美, 夾在中間的, 是質感細滑的荔枝慕絲, 以及清甜的荔枝果肉. 士多啤梨配荔枝, 是很匹配的組合, 甜蜜就是如此. 不要忘記的還有那可愛的小甲蟲, 小朋友一定喜歡.7月31日前在皇家太平洋酒店官網訂購這層次分明而甜美的荔枝莓莓蛋糕, 只需$138, 超優惠!

夏日, 正是吃荔枝的好時光. Park Deli的荔枝莓莓蛋糕, 就很適合這個季節.荔枝莓莓蛋糕 $138 這客荔枝莓莓蛋糕, 賣相吸引, 最喜歡的是面層的小甲蟲, 很可愛. 而蛋糕層次感很好, 是草莓海綿蛋糕, 配上荔枝慕絲, 以及荔枝果肉, 清新中見甜美.現在於皇家太平洋酒店官網訂購, 只需$138, 比起原價$248便宜一大截. 1磅的蛋糕只賣這個價位, 說真的, 超值.Park Deli的荔枝莓莓蛋糕, 預購價$138, 要享受, 7月31日前就要訂購!

時下不少餐廳都會做些折扣優惠來吸客，最近，從網上就見到皇家太平洋酒店的「柏景餅店」新推出一款「荔枝莓莓」蛋糕（1磅裝），並且有一個限時優惠價，只賣$138（原價要$248），唯一條件是需於7月27日至31日訂購，卻最遲8月尾取貨也可以，所以，既吸引，又具彈性。來取貨時，發現原來餅店對出位置更設有堂食座位，有漂亮色彩繽紛的小花糟跟商場間隔着，自成一角，而且地方頗為寬敞，猶如小型咖啡店般供客人閒適一會兒啊！既然營運上如咖啡店，當然提供很多相關出品，如特色三文治、沙律、鬆餅、丹麥酥、蛋批、麵包、多款精緻件裝蛋糕及個裝蛋糕，不論甚麼食物，外觀看起來也十分吸引。在凍櫃看到多款樽裝特色飲品之外，如一般咖啡店，同樣提供不同種類的咖啡及熱茶，還有鮮榨果汁、沙冰、啤酒、餐酒，以及為夏日而推出的仲夏甜蜜特飲……等等，選擇甚多，但要溫馨提示一下，餐廳是有設最低消費的呢！蛋糕盒的設計較為簡約，不過，質感較一般連鎖餅店的「硬淨」，有些坊間的蛋糕盒真的感覺很單薄得。而今次所訂的蛋糕，是用來慶祝生日的，所以，鮮豔奪目的賣相已經甚為奪人視線，再加上表面放了做得栩栩如生的小甲蟲及荔枝作點綴，真的予人一見難忘的感覺。唯匆

依家啲whatsapp搞搞埋埋好多群組，成日都收到唔少轉寄又轉寄嘅資訊，不少都喺流流哋嘅假資訊，實在需要過濾吓先好嚟吸收。不過，資訊流通方便咗，故此，就不時收到有啲好嘢嘅優惠，就好似今次「柏景餅店」嘅應節快閃優惠，真喺快閃得緊要，講到明訂購期只得幾日，但攞餅嘅日子就有成個月時間，加上價錢極優惠，吸引力大升。以前都試過佢哋嘅出品，感覺唔錯，所以，趁住今次嘅大割引，當然更有唔執輸嘅心態。呢次嘅新品，喺承着賞櫻季節所推出嘅「櫻花乳酪慕絲蛋糕」，平常佢哋啲磅裝蛋糕，正價要賣到成$248一個，但今次嘅快閃優惠只喺$138，喺咪好心動呢！？據官網介紹，整個蛋糕主要分為上層嘅鹽漬櫻花啫喱及下層嘅乳酪慕絲蛋糕，少咗花巧，卻多添一份怡人嘅外觀。春日嘅下午，就用作懶洋洋嘅下午茶主角。面層嘅啫喱做得晶瑩透徹，而鹽漬嘅櫻花，唔好期望太多，因為櫻花本身無乜味，但嗒落確喺有些微鹹鹹哋，都幾得意。至於啲乳酪慕絲，柔滑而帶微酸，中間嘅海綿蛋糕，十分軟綿，整體入口絕對唔膩，又屬少甜，好有一份清爽感。老實講，兩次到訪日本都遇唔着櫻花盛開嘅境況，究竟，小弟喺咪跟櫻花咁無緣呢？

細細個時都算喺物質匱乏嘅年代，食得最多嘅一喺光酥餅，一喺雞蛋糕，後來，識咩叫做「雪芳蛋糕」，都喺屋企人晌超市買番嚟嘅「嘉頓」雪芳蛋糕，仲不時當早餐添。不過，講開雪芳蛋糕（Chiffon Cake）就聯想起啲爛笑話，咩蛋糕喺最假，咪就喺雪芳（說慌）蛋糕，咪蛋糕一定喺最肥；咩就喺芝芳（脂肪）蛋糕，因為有譯Chiffon Cake為「芝芳蛋糕」，而Park Deli亦有推出數款雪芳蛋糕。佢哋嘅雪芳蛋糕有件裝，亦有個裝，不過，如打算買個裝嘅話，就記得穩陣啲預訂，佢哋啲個裝蛋糕比較少有現貨。士多啤梨雪芳蛋糕 $248每款雪芳蛋糕都有分1磅（$248）或2磅（$480）份量，唔同餐廳做嘅雪芳蛋糕都好唔同，不過，主要都喺以質感鬆軟、輕綿、有回彈力為賣點，其實，就即喺我哋平時講嘅海綿蛋糕，小弟都有做餅架，咪睇少海綿蛋糕咁基礎，易學難精。而Park Deli呢一個士多啤梨雪芳蛋糕雖然賣相簡單，蛋糕面單單鋪上大量原粒士多啤梨而已，但入口就知水準甚高。切開一睇，3層海綿蛋糕厚薄平均，而且，鋪出嚟整個蛋糕又唔會邊厚邊薄，夾晌中間又喺大量士多啤梨果肉，忌廉則唔會過多而感到肥膩，份量恰好，食到軟滑嘅忌廉卻完全無肥

白色盒子-抹茶焙茶慕司味道好均勻! 白朱古力既甜味同裡面抹茶焙茶苦咪夾得岩岩好, 唔會覺得好甜! 當然要食得有技巧, 不然會淨係食倒白朱古力梨子慕司味道唔錯, 口感非常特別! 偏甜. 佢裡面有一粒粒既籽, 令成個西餅既口感好似真既啤梨, 唔怕膩可以一試.果撻生果新鮮冇雪味! 可惜下邊既吉士同撻皮太甜.檸檬蛋白撻味道唔錯! 甜但唔係特別甜 (一般蛋白都係甜). 餅底好香牛油味. 令成個西餅味道更有層次!藍莓慕司喜歡真藍莓既值得一試! 口感順滑唔油膩, 食得出用真藍莓整, 有誠意, 好味!朱古力OPERA可可味完全唔夠, 咖啡味又冇乜, 得個甜字.失望!

今日去海港城行街，行到攰揀咗間喺中港城，人流唔多又坐得舒服既地方食cake。店舖除咗西餅，仲有鬆餅、沙律、飲品等，任君選擇。大部分cake都係$38，價錢唔算好貴。買咗兩件cake，一件係雜莓mousse，另一件係芒果拿破崙。想特別推介芒果拿破崙呢款甜品係即叫即整，需要等20-25分鐘。雖然要等，但絕對係值得既! 因為佢每粒芒果都好甜，另外由於即叫即整既關係，所以三層酥皮都香脆鬆化，唔會淋哂好高質好有誠意!

今天在就近的中港城午餐, 選擇了酒店自助門口的西餐廳.但包類MENU變左!没有我喜歡的風乾火腿/巴馬火腿水牛芝士意大利包,取而代之, 是風乾火腿扒茄子及青瓜配意大利包!自己又唔喜歡其他包款, 唯有選這個.餐湯: 周打海鮮湯湯底幾滑, 唔太鹹,內有洋蔥, 西芹, 薯仔粒及貝類等,雖然細細碗, 但已經半飽了沙律: 水牛芝士蕃茄沙律水牛芝士+蕃茄+青瓜, 表面灑上黑椒及少少鹽.呢個配搭很正常,我比較喜歡水牛芝士軟棉棉的口感.風乾火腿扒茄子及青瓜配意大利包原本是為了風乾火腿水牛芝士意大利包, 才到此午餐.現在竟然變左這個, 無水牛芝士!!!可能水牛芝士貴, 如為了控制成本, 我會理解.但是茄子唔厚身, 扮唔到水牛芝士果種軟棉棉的質感.如果茄厚切再燒, 會好好多.淡淡的茄子 + 鹹鹹的火腿, 二者鹹淡互補, 味道OK這款包應該是剛制成不久,意大利包翻烘後, 表面摸落不太硬.咬的時候, 没有刮損口腔上咢!(以往經驗 : 風乾火腿水牛芝士意大利包經翻烘後,意大利包表面好乾, 好CHARM口, 刮損口腔上咢)餐飲: 即磨咖啡 + 牛奶另上表面有泡泡, 咖啡香較弱, 入口無”確”喉,但是, 下午竟然係&

週六與朋友到尖沙咀下午茶, 逛來逛去都找不到地方, 後來走到中港城本想到酒店cafe, 誰知只有buffet. 但服務員就禮貌地帶我們一行四人到旁邊的半自助下午茶. 雖然地方比較細, 路人亦可在旁邊走來走去. 但由於位置比較偏於一角, 故此屬於安靜地帶. 比較驚喜的是, 有雜錦芝士加飲品下午茶套餐, 三文魚加飲品, 藍莓芝士蛋糕加飲品和巧克力慕絲蛋糕加飲品等等十分實惠的下午茶. 當然還有其他的下午茶套餐選擇.. , 通通都是十分吸引. 看來是相對昂貴的包裝, 但價格只由48元至75元, 加上沒有加一的費用, 落訂單是不用思考的.在食物方面, 店內提供的雜錦芝士, 共有4款不同味道, 吃的口感各有不同, 可以感到是非十分便宜的進口貨. 與加熱後的面包, 不但味道好, 而且非常物有所值, 可以推介予喜歡吃芝士的下午茶友.三文魚套餐是一般的煙三文魚加白芝士, 看來只是普通三文魚, 但有點心思是加白芝士, 可比酒店提供的食品. 而不會是因生意一般就草率提供食品, 我覺得是值得欣賞的. 蛋糕方面, 其實值得一贊的不是蛋糕有酒店的水平, 味道很好, 是真材實料. 藍莓芝士蛋糕的藍莓吃到藍莓新鮮的

三月上旬‧有雨在一頓盛宴之後，吃一點甜點來結束就最好了，是晚就是這裡的小杏仁餅。餡料有好幾款不同味道，吃起來外殼比較脆，也有點硬。而餡料幾豐腴也很夠味，中間也夠濕潤的，做得不錯。至於不同的味道方面，統計過最好吃的是檸檬味，還有的是巧克力也很受歡迎。