檸檬冰室 (葵興商場)

营业中

休息中

好耐無寫食評喇！今日都係時候upload返多啲資料先😆首先同大家分享同update吓呢間嘅喺葵興店。係openrice嘅出口資料唔啱嘅！應該係由“A”出口再經葵興邨穿過去就去到㗎喇！如果跟openrice出口資料係去唔到嘅！敬請留意。好回歸正题！今早先去試吓佢哋嘅吉列豬扒早餐都唔錯喎！啲食物嚟得都幾快，豬扒都鬆脆都厚嘅！唔太乾。嗰片蒜蓉多士都幾好味！（似係自製新鮮蒜蓉牛油）唯一係隻煎双蛋唔夠膿邊同穿咗！熱奶茶都滑嘅！我見對面位姐姐食嗰份蝦米雪菜肉絲米都好似幾好味🤤（哈隔離飯香）有機會下次試吓。整體都可以試吓！另人想試埋佢其他食物質素（檸檬雞翼）

檸檬冰室近年開到周圍都係，啲飯抵食、大碟好味！性價比好高，但完全不比大快活大家樂頹。餐牌嘅選擇好多，照顧到唔同人口味。// 鮮茄芝士焗豬扒飯超香濃鮮茄、芝士醬，仲配上蛋炒飯，完全每啖蛋炒飯都可以沾到鮮茄醬。豬扒十分厚身、大塊，醃得好入味。好食！

特餐好食，比起其他連鎖冰室有味道，無冰奶茶同椰汁紅豆冰。秘醬太咸，客特別要求都做到，其他餐廳就未必得，好好人字數太多啦，我都係咁樣嘅話，我都係咁樣嘅話，我都係咁樣嘅話

冰室都係夜晚飯一個好選擇啊～係葵湧附近返工，收工唔知食咩好，見到呢間檸檬冰室！都聽到過這家味道不錯！就決定吃啦檸檬牛油雞翼💰58肯定要點一個招牌雞翼啦，牛油味道真的很重，每一口咬下去都能吃到香香的牛油味！雞翼是新鮮炸出來的，外酥內嫩，再配點檸檬汁的鮮甜，搭配還是不錯的😄麻辣口水雞💰75足足有半隻雞，份量好大，每件雞件都很滑嫩，口水汁唔算好辣，配上嫩滑雞肉好惹味好開胃，配飯一流呀！彩椒薯仔牛柳粒煲💰85熱辣辣啫啫煲，裡面的份量很足，能看到很多的牛柳和薯仔，不過牛柳有些會有筋，是比較難咬的，大概是7成熟左右，牛味十足！蒜蓉炒生菜💰55這菜的份量也很多，蒜蓉炒很讚，夠鑊氣啦！

檸檬冰室接管紅茶係觀塘大舖可見佢地既實力不容忽視，平時我都會食佢地既早餐，今次過左早餐時間就叫左特餐，由以前既丹麥方包轉咗而家嘅蒜蓉方包冇之前咁好食，滷水雞髀就依舊喺度大隻咁好食，滷水超入味，加埋撈公仔麵一齊食真係好滿足。仲有佢地既腸仔焗肉醬意粉🍝，味道都係超好食，肉醬勁多好足料，跟住加埋佢地既特飲：抹茶朱古力同埋紫薯涼粉冰，兩杯都勁好飲，跟餐加$8真係勁勁勁抵呀😝已經食左好多次檸檬冰室，下次再食其他新野先得。

夜晚8：00係YMCA游完水之後去咗光輝圍睇吓有咩食 睇到檸檬冰室 啲嘢食睇落去都OK 叫咗香草鮮菌牛丸意粉+雪碧、麻辣囗水雞（外賣）同 鐵板牛肉炒烏冬 1. 香草鮮菌牛丸意粉 裏面有西蘭花🥦、茄子🍆、牛丸、真姫菇、苦苣菜、意粉。茄子同真姫菇都ok 西蘭花 好淋👎牛丸係打邊爐嘅牛肉丸 好硬唔好食😣苦苣菜係用嚟裝飾但都可以食 只有2⃣️條 苦苦地。2.雪碧 侍應俾咗一罐雪碧+一杯冰 🥲。3.麻辣口水雞 普普通通 冇麻辣嘅味道 似小辣口水雞多啲😅 啲雞肉都滑既。4.鐵板牛肉炒烏冬 - 食得出好有鑊氣 熱辣辣的鐵板 食到尾都仲係熱 啲烏冬黐底+燶燶地 。5. 差唔多都係暑期工 夜晚好多嘢都賣晒 如：乾炒牛河、湯粉麵

今日有啲唔舒服所以想食有湯嘅野鍾意食常餐但唔鍾意個多士就搵下有冇得單點啦，唔想要迷你通粉想要大碗嘅本來好開心見到足料通粉，$50，應該大大碗唔似套餐嗰啲咁迷你啦，點知⋯⋯⋯外賣碗同7仔啲撈麵兜一模一樣咁細，同事都問我嘩咁細兜嘅？？⋯⋯仲細過手掌😂😂真係呆咗，反而同事個楊洲炒飯就正正常常冇咩問題味道黎講就正常茶記味，唔難食嘅不過最失望都係$50用個迷你兜裝通粉叫足料，小朋友份量，真係3啖就食晒，勁無奈，咁做生意真的好嗎⋯⋯⋯⋯譚仔都係$50大大兜米線😓😓

因為食過下午茶好吃, 再回來試早餐的!招牌沙嗲牛肉即食麵: 可以的.牛乳炒滑蛋: 可以的.丹麥多士: 一般, 丹麥包可再新鮮點.仿鮑魚火腿絲通粉: 好味道.西煎雙蛋: 正常.熱奶茶: 茶夠濃, 唔錯的.仿鮑魚火腿絲通粉勝沙嗲牛肉即食麵.

因為食過下午茶, 好味! 所以來試了晚餐.聖誕及新年餐: 金銀蒜焗青口沙律及香草芝士焗龍蝦配牛柳金銀蒜焗青口沙律: 麻麻地.香草芝士焗龍蝦: 麻麻地.牛柳: 好味, 肉嫩的.雜果賓治: 大大杯, 好飲的.西湯羅宋湯我改左要中湯既葛湯: 中湯葛湯唔錯.我唔記得有雪糕, 我走左.

特餐SPECIAL: 炸雞髀拼蛋沙律配迷你火腿通粉跟熱飲炸雞髀: 唔錯的.蛋沙律:  沙律新鮮與醬料配適中, 自己可撈蛋, 我把炸雞髀起肉拆骨, 撈成炸雞髀肉蛋沙律, 啖啖好味.(把蛋及沙律分開, 自己撈, 我覺得很好的做法. )迷你火腿通粉: 佢既湯底好唔錯, 令我想再來試佢地既早餐.熱飲(奶茶): 茶夠濃, 唔錯的.

檸檬冰室門面好光猛，遠遠就望到佢嘅招牌，加上醒目黃色主調，好易認。佢哋有8 個招牌菜， 睇個餐牌都覺得幾吸引，今晚食其中兩款，海南雞飯同杏仁茶😋😋😋😛😛😛😚😚秘製無骨海南雞配香茅油飯 $68呢個係套餐嚟嘅，預設配埋中湯同熱飲。海南雞雞皮Q彈， 皮下油脂已在起骨時去除，連皮食都唔會覺得邪惡，所謂食雞唔食皮，罪大又惡極呢。 雞肉相當嫩滑，係一半雞比，一半雞胸嘅配搭。油飯極香，雞油混和香茅，一上枱時已經聞到獨有嘅味道，不愧為招牌😋😋😋😁😁😁🥳🥳豉汁蒸倉魚配絲苗白飯 $88倉魚剛剛好蒸熟，魚肉細嫩少骨，輕易就夾起一梳魚肉， 豉汁味道香濃，蒸魚豉油似係自家調製， 同出面嘅味道有啲唔同😊😊😊😜😜😍😍鮮磨蛋白杏仁茶 加配$8呢個係另一款招牌， 好多食客都有叫，冬天飲返杯即時暖笠笠啦。 味道相當濃郁，無杏霜咁甜，有嫩滑蛋白加持下，口感層次更豐富😋😋🥰🥰😁😁😁晚飯時間都幾多人， 睇嚟食物質素得到街坊認可😊😊😊😊😋😋😋😋

食咗好耐街坊的兩餸飯！今次有時間希望食吓小菜，經過呢間茶餐廳，地方幾乾淨清潔！再睇睇個餐牌都幾合胃口，於是點了兩個餸菜，一個係辣椒肉碎炒四季豆，另外一個係粟米肉粒斑片，另外奉送兩個白飯和兩個例湯！例湯的水準真材實料不錯，個炸斑塊炸得唔錯，魚肉唔會一夾就散！好有趙口！粟米同蛋花做嘅芡汁好適合用來送飯，有好香嘅粟米味，當然知道呢啲粟米應該都係一般嘅急凍粟米，但廚師處理技巧不錯！另外四季豆，炒得也味道適中，麻辣味道唔錯，我們兩個很快就將白飯食晒！食完這一餐很滿足

檸檬冰室 Lemon Cafe📍葵涌禾葵里2號葵興商場地下10-12號舖老爸喺葵涌返工，趁今日佢放早，搵佢食個下午茶先。同老爸食當然食返啲港式味道啦，見附近嘅葵興邨有間全間都係黃色嘅冰室，午市同下午茶價錢相當經濟實惠，所以就決定喺度食啦。 💰$47吉列魚柳 🐟呢個皇牌吉列魚柳下午茶餐好豐富，配以香腸、炒滑蛋、丹麥麵包同薯茸，加埋杯冷檸茶先係$50，好抵食。佢嘅炒滑蛋滑捋捋，重牛油香味，放喺層次感滿滿嘅烤丹麥麵包上面食就最啱。好欣賞佢唔係用一般嘅白麵包，而係用油酥感較重嘅丹麥麵包，雖然肥就肥啲，但久唔久食一次都幾過癮。凍薯茸無額外調味，可以食到薯仔原味，口感厚實但不油膩。主角吉列魚柳大過我一隻手掌，麵衣炸得香脆，切落去真係索索聲，外脆內軟嘅魚柳無落太多調味，配埋沙律醬食，還原港式茶餐廳、冰室味道！ 💰$39羅宋湯餐肉粒通粉 🥫之前睇新聞有見過有人食羅宋湯餐肉粒通粉，話餐廳好孤寒，果然成碗通粉，只得數粒細粒嘅午餐肉，分分鐘堆埋都唔夠半塊，水平真係好參差。但呢間冰室嘅餐肉粒唔單止大粒，而且一小碗通粉入面有八大粒餐肉，唔洗用放大鏡都搵到粒粒餐肉！而且佢嘅羅宋湯底好濃郁，亦有唔少新鮮蔬菜，通粉唔

🥘鮑魚雞煲 有鮑魚，冬菇洋蔥再加雞煲，一拎出黎已經聞到好香，份量好足，而且雞煲夠晒濃味，唔怪得係呢度主打菜式😋🥗欖菜肉鬆四季豆 比坊間嗰啲多欖菜，係多好多，配上其他菇類配料，份量味道都好足料🤗🍵冷泡芒果鐵觀音有大大個茶包喺入面，想話佢唔足料都唔得啦😂 成杯茶夠哂茶味，而且飲落仲有啲芒果味咁好清甜，爽呀😊🥤桃之戀人呢個係餐廳全新出既產品，夠晒大杯之餘入邊仲有好多桃，飲落超級重桃味，真係岩晒愛桃之人呀😍

📍#葵興 #檸檬冰室#羊羊在葵興#羊羊在新界成日都經過見到幾多人食，就想入去試下😏雖然餐廳係以檸檬做主題，餐牌頭個頁都有檸檬菜式🍋不過最好食竟然係其他嘢，真係估佢唔到🤣至於裝修都想講下，係有別傳統茶記，會多啲玩味元素，感覺年青啲💪🏻不過啲姐姐仲係咁熱情，一坐落嚟就遞水又問食咩😂🐖咖喱吉列厚豬扒飯 $72咁啱見到隔離枱叫，勁大塊又香咖喱味🍛豬扒真係勁大，仲要厚切，唔係厚炸皮，啖啖肉超正🤩咖喱係重椰奶味咖喱，一大兜食完飯都仲有🤪🐑保雲蘇焗羊架 $148估唔到茶記都有，仲要大大份嘅呢😆羊架冇得揀幾成熟，但唔老，係唔知點解整出嚟係紅噹噹😝好港式風味，羊架會落黃芥末，不過又冇違和感😳薯條係熱辣辣，食落好脆🍟🥣羅宋湯 (跟餐)好足料，聞到好大陣蕃茄味🍅仲有唔同嘅配料，好似有西芹/薯仔🥔🥤冷泡芒果鐵觀音(跟餐特飲+$12)店員推介話鍾意津X烏龍茶可以試下，俾佢吸引咗😆見到連茶包上，即係唔係幾包茶沖一大壺，茶味都有🫖感覺有啲似台式手搖飲，有驚喜😸個人建議，兩人一杯都唔駛加其他飲品，好大杯🫢總價錢 － $232評分－回頭草指數（🍀🍀🍀🍀🍀滿分）食物：🍀🍀🍀🍀環境：🍀🍀🍀🍀服務：🍀🍀🍀🍀#hkfoodie