柳和亭

营业中

休息中

透過threads知道哩一間餐廳，見到原來店主好叻畫碟（畫過迪士尼城堡），即刻心心眼，然後就打算黎試下成餐飯都好滿意啊飲品我覺得幾有誠意，菠蘿汁有果肉的餐具杯碟都幾靚～覺得店主好多野都畫到落碟當然畫碟都好滿意啦！下年生日可以encore～

柳和亭位於大角咀的小巷內我特別喜歡其獨特的美食和用心的製作！平日lunch set選擇非常多我們點了蟹鉗烏冬和吉列豬扒烏冬套餐包了前菜的中華沙律 還有果汁！有橙汁/菠蘿汁我們各點了一款 好飲😋蟹鉗烏冬並不是每間日式餐廳都會有三個金黃色的炸蟹鉗丸子 吃下去有驚喜！外皮酥脆 旁邊還有一小撮美乃滋讓人迫不及待地想咬上一口🍤而烏冬麵湯底不是味精🍜 湯中還有一些玉米粒 吃完很滿足😌友人點的是吉列豬扒烏冬（必點）一份炸得金黃酥脆的炸豬排 咬下去的時候有被驚艷到！！！！！感覺像是雞扒的軟腍 又非常多汁炸豬排外皮酥脆但又不會很熱氣內裏的豬肉嫩滑多汁的搭配清淡的湯底烏冬麵 非常美味🤤柳和亭值得更多食客知道它家的食材用心製作餐廳環境溫馨 擺盤也非常講究💗如果你喜歡日式料理 一定不要錯過柳和亭🍱

好用心嘅店，試過幾次，出品都唔錯，呢次試左🍜烏冬同🍝意粉，上菜快～～午餐set比較抵，包菠蘿汁同前菜，我哋呢日係海草，#茄汁雞肉意粉🍝 意粉嘅口感好好🍅茄汁味濃，茄醬入味，雞皮煎得夠香舖頭雖然細，但坐得都幾舒服，推介大家試下！！其他可以試試蟹籽海鮮炒飯，都好味～

串燒都有三款味揀有香辣、醬燒、鹽燒。點完串燒之後店舖都好細心，會喺碟下面點蠟燭，咁就可以同班friend慢慢傾偈慢慢食，啲串燒唔會凍晒。下次去要試埋佢嘅畫碟服務！牛舌呢個牛舌真係一定要點，一串有兩塊。試咗醬燒同鹽燒，個人鍾意鹽燒多啲。串燒燒到外脆內軟，牛舌肉質超級腍。小小嘅鹹味仲可以增加牛肉嘅鮮味，真係超級推介！翠玉瓜香辣味嘅翠玉瓜好惹味，原本淡味嘅翠玉瓜即刻變到勁吸引。個辣有啲似七味粉，好香口又唔會過辣。松阪豬呢個亦都係揀咗鹽燒，個串燒燒到外面啲邊邊好脆，而且個肉唔會好油，食到唔停口！鰻魚忌廉燴飯飯嘅份量都好多。上面有一條完整嘅鰻魚，而下邊個飯亦都整到啱啱好唔會過硬。

明太子蟹籽海鮮飯$78用左炒飯嘅方式去整，粒粒分明、夠乾爽。炒飯每一啖都有好多蟹籽，而且海鮮差唔多每一啖都可以食到一嚿。明太子材料令到個飯好鮮味。仲可以有少飯呢個選擇，啱晒胃口比較細嘅女仔。翠肉瓜串燒$10 翠玉瓜串燒可以揀三隻味，分別係香辣、鹽燒同埋醬燒。試咗香辣同埋鹽燒之後大力推薦大家食香辣味。本身翠玉瓜燒完之後會甜甜地，加埋香辣嘅辣味食落去口感更加豐富。炸榴槤兩粒$18榴槤漿一咬落去就會爆出黎。仲要熟咗嘅留言額外甜。難得呢間日式餐廳可以食炸榴槤，快啲叫返兩粒試吓先！柚子梳打$25柚子梳打勁大杯，冰凍嘅口感送串燒一流。

開頭得知這間食店每月免費派發健康飯盒比弱勢社群，咁有心的小店近年已好少見！所以好想幫襯支持下。今次第二次食明太子海鮮忌廉燴飯，好好味！不過份量對我而言，我加左底（可能因為太好食嫌唔夠）😆特別一提是，只要預早兩天訂位，可享客人來圖免費畫碟服務，我生日已過，只想起一件感恩事想紀念，食店真係畫得好靚，好鍾意呀！上次又食左佢嘅串燒，由$10一串起，食左雞翼和燒波蘿，都很好吃！推介！下次絕對想食黑醋鵝肝多士，好吸引！飲品亦有各類cocktail, 又係下次目標🎯！

本身想食酒燒弄，後來發現轉左手呢間小店，直接入去試下😆一開始比個餐牌既價格嚇親，燒雞皮、蔬菜類都低至$10一串😨另外仲有一人餐、二人餐等等今次叫左一個一人餐$88，另跟餐$18加左一串雞翼同$20松板豬串燒有個爐熱住都幾有heart🫡另外，叫左一碗 辛辣湯拉麵·日式叉燒$82都幾辣下，同埋咸左少少🤏可以無咁重口味就比較好見到小店有做慈善服務，好有心既舉動🤗不過晚上就得兩三枱客人，建議可以多利用社交平台做宣傳，令多D人知道你地有搞活動🙌🏻

話說早排喺Threads發現到呢間啱啱新開嘅舖頭，㩒入去發現有好多生日碟嘅作品😽。全部都畫得好有心機🥳正正啱我心水🫶🏻所以揀咗呢到同男朋友慶祝6週年💕串燒方面，好有驚喜🤪。睇落普通嘅冬菇咬落去啲汁爆曬出嚟而且好有鮮味😲。其他串燒火喉都控制得啱啱好🤩！特別係有個爐可以長期烘住唔洗驚凍咗～啱曬我呢啲鐘意等齊食物👻相機食先嘅朋友仔📸😎。主食方面，我揀咗海鮮明太子忌廉蟹籽意大利粉。口感綿密，蟹籽份量好多😳！個人認為個汁「傑」身多少少就更完美🤤。而我男朋友揀咗日式叉燒豚腩手打烏冬🍜。叉燒淋度啱啱好，烏冬份量係意料之外🤫（可能因為出面嗌烏冬份量都係比較少）飲品方面，分別揀咗一杯荔枝梳打同埋一杯👉🏻戀愛腦特飲👈🏻(RedWine,Vodka,Peach,OrangeJuice & Lime)。荔枝梳打正常發揮，「戀愛腦」隻杯好得意，整體賣相都非常打卡able😈。位置方面，對於唔係住呢邊嘅人嚟講有啲難揾🧐加上店舖唔係喺十分當眼嘅位置~😆所以佢哋值得更加多人認識😢送甜品又送畫碟真係好難得🥰。最最最重點係，我覺得佢哋唔應該太集中sell畫碟服務🤣，因為淨係嘢食同埋飲品😋都已經好值得到訪了😌。

之前聽朋友講呢度十月頭有派過飯盒俾老人家，所以想過嚟支持下小店❤️ 不過今日太忙，過到嚟只係食個小小嘅宵夜~ 嚟到發現原來係 <酒燒弄> 嘅舊址，同樣都係串燒，所以會抱有少少期望 🙈😋 燒羊架 ~ 無羶味，燒到剛剛好，肉汁鮮嫩，同埋幾欣賞佢哋個醬汁，極力推薦！😋 鹽燒牛舌芯 ~ 厚度適中，口感柔軟🙈 墨魚汁意粉 ~ 墨魚汁嘅蕃茄味太重，蓋過本身應有嘅海鮮鹹香味，加上意粉略嫌唔夠口感，唔入味，有少少失望 🙈店員都好友善介紹返呢間餐廳係新開的，所以想睇吓有冇咩意見，我覺得呢個態度好好，希望改善完之後可以吸引多d人幫襯小店！

Thread 到見到呢間餐廳會幫客人畫畫幾特別畫咗成個城堡 仲要畫得幾靚😂😂即刻Mark低今日收工過嚟試吓🫰🫰原本以為係西餐廳 原來餐廳主打日式串燒雖然唔算好大 但食物款式幾多都算係幾驚喜⭐️晚餐一人前包括魚肉燒賣 聖女果（車厘茄)雞脾菇 多春魚 司華力腸 飯同一杯細橙汁建議一定要試埋佢哋嘅串燒聖女果非常鮮甜juicy😍雞髀菇超級入味😍😍⭐️明太子蟹籽海鮮炒飯好重本超級多蟹籽明太子的鮮味與蟹籽好夾每一啖都好滿足😌！

買咗兩個鐘，返屋企打開一睇賣相仲非常好，包裝得好好，而且仲熱。串燒同炒飯嘅味道好好食。串燒好入味！！！個人好鍾意食佢嘅香菇炒飯啲蟹子都俾得好足，每一啖都有，真係好好味

在社交平台上偶然發現這間餐廳，第一眼被畫碟服務吸引左！店家畫得勁靚！👍🏻👍🏻就算好複雜的圖都畫到，令我更加確認要預約這間來為朋友慶生日🎂給她一個驚喜提前幾天透過WhatsApp 卜位及remark 想要畫碟服務，但大頭蝦的我竟然打錯日期，直至去到餐廳，跟職員確認後才知道我打錯日期，但職員很好很快安排入座。因為日期錯誤了的關係，由原本預約好的，變成了即興，所以其實店員沒有充足時間準備定我指定要的畫碟服務，但店員女孩真的很好👍🏻她說會試試盡量畫。就這樣我為朋友準備的驚喜幸運地沒有泡湯了，真的很感謝餐廳每位職員的幫助！結果那幅畫比我想像中還要好👍🏻👍🏻畫得很美很細緻！朋友看到很驚喜！很開心！ 真的感謝店員給我們難忘的生日驚喜🥰至於食物方面，性價比很高！二人餐很抵食！味道也很不錯，最喜歡是明太子海鮮意粉！很creamy 香港特色的小店真的買少見少，我們更加要好好支持！想給年輕的店主們說聲：加油阿！希望下次再試到你地其他野食👍🏻

食4人餐，所有食物上菜時間都好好，食完一碟上一碟。 食物味道好住家，份量亦都好好，唔會太多太飽，每樣食物都可以好好試到味道。Cocktail 沖得好好，每杯都各有特色。4人餐有主食、小食、串燒、甜品及飲品，總數都係$5xx, 抵～

呢間店幾有日本風情,有D紙扇做裝飾。見佢有d晚市set,可以食到好多串燒又有主食同埋野食,埋單都係二百蚊多少少,就決定左黎食。佢有個爐keep住串燒warm,我叫左燒賣、司華力腸、、鴨胸、鰻魚串等,每款都可以選鹽燒或汁燒,師傅燒完就會有人放係我既爐到。我好多時都選了汁燒,燒得剛剛好,汁就提到左食物既味道。個手打烏冬都好好食,調味都相當好,我仲叫左杯熱情果梳打,唔會太甜。中意佢個玻璃杯,有波希米亞既feel.

這家串燒店讓我驚喜連連！串燒的肉質鮮嫩，烤得恰到好處，雞翼串燒真是好好食，多汁肉嫩！每一串都是剛烤好的，外脆內嫩，香氣四溢。特別是那個火爐，讓串燒一直保持著熱度，吃的時候特別過癮。主食的份量也相當充足，尤其係明太子海鮮意粉，非常creamy同濃郁。調酒都好靚，好易入口😍最特別的是，我們提前預訂時提到慶祝生日，店家還特意為我們準備指定的圖案，冇諗過還原度咁高，讓這次慶祝更加難忘。無論是食物還是服務，這裡都值得一再光顧！