影片
港铁沙田站 A3 出口
开饭介绍
Yoogane柳氏家，1981年源于釜山，韩国首屈一指的铁板鸡专门店，分店多达140多间，因自创独特风味酱汁伴以铁板炒出嫩滑惹味鸡肉而闻名。香港店首推无限追加招牌铁板鸡及免费享用自助区逾30款韩国美食及饮品，一起品尝韩国国民美食的魅力！
营业时间
*最后入座时间: 午市60分钟15:00 (星期一至四), 17:00 (星期五、六、日及公众假期)，午市90分钟14:30(星期一至四), 16:30 (星期五、六、日及公众假期)；晚市90分钟则由18:00 (星期一至四), 16:30 (星期五、六、日及公众假期)开始供应，最后入座时间为21:30
星期一至日
11:30 - 23:00
以上资料只供参考，请与餐厅确认详情
相关文章
高高瘦瘦嘅个位经理，嚟我地枱同我地交代开炉嘅事嘅时候，态度差得嚟又劲急，上菜个阵成盘野队过嚟，吓亲同行朋友，仲有佢真系无乜礼貌，令到成个进餐体验极差。野食唔错，但系经理嘅表现真系极度令人失望。食过三次，都见到个位经理拎住热野系餐厅快速咁左穿右插，可见呢间野嘅员工训练不足、尤其系连经理都可以咁冇安全意识。
继续阅读
详文！所以先写结论，有兴趣先睇入文！结论：1 如非必要，唔好试，食物已经唔太好，服务可以直接话差！ 2.如果必要试，拣炒鸡配炸鸡，唔好试炒鸡配烤肉！星期日晚六点到，唔使等位直入，两个人拣左90分钟炒鸡🐔+ 烤肉放题，另加$28任饮啤酒。炒鸡有四只味拣，我地拣左蜜糖味噌炒鸡醒韩式拉面。90分钟任食任饮当然想快D开始食，但当我地拎好哂烤肉、酱料食埋雪榚，吹阵水时间过左20 分钟有落单时间所以一定无错，于是揾左位男职员,问下已经二十分钟炒鸡仲未到，完全无法开始，（因为烤肉要先食完炒鸡等换铁板先可以烧），佢答炒鸡系即炒要等十五至二十分钟！好我接受，但啤酒都未到? 但佢就甘走左去，原来叫返本身落单位姐姐黎，姐姐问我地鸡同啤酒都未到? 姐姐自己亲自即刻入去拎左啤酒出黎，一分钟都唔使！终于等到炒鸡到，自己炒埋大约三十分钟先食到第一囗野食😫 盘鸡味道系ok 嘅，剩返三十分钟换板转食烤肉！烤肉选择唔多，强烈建议大家㨂炒鸡配炸鸡🍗转烤肉炉10分钟，炉火仲未够热整熟一片肥牛，咁啱又系之前位男职员埋黎话要埋单先，唯有问佢可唔可以教最大火，佢望都唔望个制就话块鐡板厚已经开大火🤬我地照埋单先！之后见到跟开我地枱嘅姐姐终于得闲行过，叫佢帮我地搞下个火，咩都烧唔熟！佢竟然答：「我帮你开最大！不过一阵要教返细，唔系好易㶶！」 咁我紧系问个炉头先开咩，原来系最细🔥 黎到尼刻已经唔想再食，走人！
继续阅读
今日四点先食lunch, 就系沙田睇下有咩下午茶食！因为太肚饿啦，就睇中左柳氏鸡既任食！同之前唔同既系，除左有《炒鸡加炸鸡》之外，仲有新出既《炒鸡加炉边烧》！咁就一于试下新野啦！😍😍而加仲做紧happy hour 第二位半价- 记得要七点半前走呀！我地嗌左柳氏家炒鸡。至于炉边烧既野食就去bar攞，选择都算多架，仲会有时refill新野食。推荐梅头猪肉，五花肉同埋牛仔骨！同之前厨房煮定既炒鸡唔同，呢个系我地要自己炒熟，再捞饭或者面。我更中意今次旁边烧其他野食，中间就炒鸡同饭。要赞一赞饭同面上既辣酱份量够，变相炒完好入味！教学法～炒面食落好似韩国黄色包装捞面既味道！最后私心推介，饮品柜隔离有冷盘，可以攞啲泡菜捞埋炒饭食！一冻一热口感好丰富😍😍😍大家经过都可以试下新野！🤤🤤🤤🤤
继续阅读
今晚系柳氏家庆祝友人的生日，为左俾个小惊喜友人。于预约时间前已到达餐厅，希望餐厅职员可以帮忙把蛋糕收好。职员同事好好，知道后连忙叫同事帮手把蛋糕放系雪柜。一入座，职员发现同事仲未准备好个table setting，连忙帮我地揾个炉，然后等我地可以炒鸡同埋开始烧肉。不过，成餐饭既感觉都好忙碌。因为个火都好猛，要顾住炒鸡、落菜、落饭同埋烧肉。如果太耐唔理，啲食物就会变焦。所以成餐饭大家都觉得好忙碌..不过，食物既质素以呢个价钱都不错。烧物既种都有好多选择：牛、猪、鸡、海鲜、蔬菜同埋唔同菇类。友人仲话牛仔骨系咁多个肉类中最好味既一款，成晚系咁出去夹牛仔骨...haha差唔多食到尾声，我偷偷地出去counter个到，整蛋糕谂住就咁拎入去算。不过，个到职员好好主动同我讲帮我点埋蜡烛。等我拎入去，令我地好成功俾到个小惊喜友人。所以，整体来讲食物虽然一般，但餐厅职员服务好好！
继续阅读
韩国除左炸鸡，炒鸡都好出名，不过香港炸鸡铺头就大把，炒鸡真系好少有，今日特登黎试下柳氏家既铁版炒鸡。呢间系任食有两种，一种系炒鸡+炸鸡任食，另一种系炒鸡+海鲜bbq任食。晚市90分钟198加一~因为朋友想食炸鸡，所以我拣左炒鸡+炸鸡，自助区既食物九成都系比bbq既所以冇得试，只得雪糕同饮品可以拣。炒鸡口味只好试一款，之后再添加都冇得改味道，饭/面/芝士可拣一，我地拣左韩国拉面，再加左$38升级芝士。上枱系样，一半炒鸡，一半拉面。可以自己抄都几玩几，炒鸡既鸡肉几嫩滑，追加既芝士可以捞拉面食。食左第一round,已经饱左一大半，呢个时候终于等到炸鸡上枱。我地叫哂3款， 柳氏家辣炸鸡、黑椒蜜糖炸鸡 、 芥末蒜香牛油炸鸡。炸鸡真系好失望，冇一款好食既，辣炸鸡只系炸鸡上面淋韩式辣酱，同韩式做法完全唔同，令啲炸鸡全部唔脆，只系食到酱，可惜既系三款酱都唔好味。
继续阅读