影片
港铁尖沙咀/尖東站 B2 出口, 步行约4分钟
继续阅读
电话号码
29076666
开饭介绍
始于2001年的深圳川菜品牌，其招牌「豆花鱼锅」加入手工磨制的豆花，口感及风味独特，午市更设有一人前分量，照顾不同食客需要。
继续阅读
营业时间
今日营业
12:00 - 00:00
星期一至日
12:00 - 00:00
以上资料只供参考，请与餐厅确认详情
有关奖赏计划
今晚同老公去左尖沙咀金馬倫道食豆花魚，餐廳地點方便，過江龍來自四川，環境乾淨企理，地方闊落，坐得舒服。餐牌有一人煲仔飯套餐，亦有唔同種類米線套餐。另外，仲有小食、小菜、其他煲類同甜品等。而我就想食佢哋招牌菜，豆花魚。我哋揀左2-3人晚市豆花魚餐，餐跟米線或白飯，想食其他配菜亦可另加，整體價錢相當抵。跟住我哋仲叫左個粉絲煲，呢個煲有兩杯飲品送。酸菜豆花鱸魚：份量超多，鱸魚切得夠薄大塊，魚肉新鮮嫩滑。配菜有豆花、芽菜、薯仔同酸菜，而豆花係自家製，豆味較濃。湯底用左金湯，飲到魚嘅鮮甜味，辣度剛好，越食越惹味，但又唔會有越食越辣果種感覺，真係唔錯。蝦仁粉絲煲：職員好細心，先較好手機六分鐘計時，之後仲幫我哋撈勻。粉絲煲份量好多，蝦仁都有好多隻，新鮮帶甜味。另外用左蒜蓉同煮，然後再加左少少豉油調味，入口好香蒜蓉味道，好味。飲品：凍咸檸七冰凍夠味，自家製豆漿豆味濃，口感幼滑，甜度剛好。另外仲叫左個涼粉爽，當甜品食幾好。軟雪糕：免費任食，雲呢拿口味，冰凍口感，天氣咁熱食就啱晒。
继续阅读
經過尖沙咀呢間柴夫人魚館見入面好多人，望一望餐牌發現價值勁抵，唔使諗即刻入去試試佢😬鮑魚雞煲2-3人餐 （小） $198-跟米線/飯+汽水/豆漿呢度嘅雞煲同平時食開嘅有d唔同，會有湯汁一路煲住食，可能亦都因為咁，雞同鮑魚超級入味，兩者嘅份量都好多，雞肉切得細細舊，幾方便食，鮑魚亦好彈牙。另外仲配上餐廳嘅特色豆花，豆味濃郁，果然係呢度嘅特色！想食得豐盛d嘅可以加埋配菜，大部分都係$18/$32，我地都加左萵筍，金針菇同娃娃菜，每樣都只係$18🥹而且份量好多，好抵食。另外再加左一份肥牛，盛惠$68，估唔到紋理都幾靚，肉質味道都唔錯👍🏻小食方面好欣賞餐廳除左有正常份量仲有細份可以選擇，人少少黎食都可以食到，唔怕做大嘥鬼😬爆漿糍粑 $15糍粑炸得金黃酥脆，外脆內軟，一咬落去入面嘅紅糖爆晒出嚟😍香口藕夾 $10同樣炸得好酥脆，咬落去好軟腍，味道有少少似蘿蔔糕，好味，推介大家試下！最後餐廳仲有免費雪糕食，可以自己去雪糕機吱黎食😍為今餐畫上一個圓滿嘅句號🥹
继续阅读
最近天氣凍想吃d辣鍋，出尖沙咀買野經過柴夫人魚館，都多人食，一於食下。同frd兩個人，叫左個豆花海鮮鱸魚雙拼鍋。要左微辣，個湯底非常出色，雖然係微辣，但辣味恰到好處，不會過於刺激，令人可以慢慢享受每一口。湯底香濃，帶有多種香料的味道，令人一試成主顧。個鍋有豆花鮑魚鱸魚鮮蝦牛肉丸腸仔菜花和土豆。我地另外加左鴨血同紅薯粉。鮑魚新鮮滑嫩，豆花柔軟，兩者搭配得非常好。每一口都能感受到鮑魚的鮮味，配上自家製豆花的嫩滑，口感獨特，令人驚喜。鱸魚鮮嫩，容易入味，煮熟後更加鮮甜。而鮮蝦則彈牙，搭配湯底的微辣，令整體味道提升不少。牛肉丸彈牙有勁，肉質鮮美，腸仔則香氣四溢，兩者都非常適合在這個湯底中煮，吸收湯汁後更加美味。鴨血、菜花、土豆和紅薯粉都非常新鮮，煮到剛好，保留咗脆口的口感，特別係菜花，清新又好味，幫助解膩。最後叫左維他菊花茶，解下辣，同埋自家製豆漿，濃郁滑口，搭配火鍋非常合適，令整餐更加完美。
继续阅读
天氣咁凍，好想食啲暖笠笠嘅嘢，咁朋友就提議食烤魚，咁我一定係舉腳贊成！咁岩對面街就有間，仲要唔係連鎖舖頭，而係小店經營，更加想幫襯試下。我哋入去揀左招牌豆花鱸魚，研究menu發現可以揀埋配料打邊爐，咁就叫埋肥腸，竹笙，牛肉片，土豆片，鴨血，炸蝦卷王，牛板腱肥牛，生菜。鋪頭上野都快手，好快就上左條魚，條魚肉質嫩滑，豆花又吸曬啲汁，十分惹味。打邊爐配料正正常常，最緊要係吸到好食嘅湯汁。我哋最後又補加左麻辣拌魚皮同梅菜扣肉煲仔飯，拌魚皮酸酸辣辣好開胃，梅菜扣肉又熱辣辣。食完成個人都暖曬呀！
继续阅读
天氣凍凍地，想食啲暖笠笠嘅嘢行過見到來自四川嘅餐廳，一於食吓餐廳主打食豆花魚，見到隔籬枱食緊雞煲就叫咗肥腸雞煲套餐啦 套餐包咗兩份主食 兩杯飲品一個揀飯 一個揀米線 飲品方面梗要試佢嘅豆漿 每一份食物都附上豆花 而豆花係新鮮製造豆花超級滑 濃郁豆味 都幾有特色🥰肥腸一啲都冇臭味 爽口好食 🤤雞煲唔係得死辣 帶有香辣味 雞件份量多米線放落去雞煲度朔晒啲汁 好正 邪惡美食另外嗌咗幾款小食 每一款都係$20左右可以食到唔同款式 又唔會太多份量 幾好👍🏻口水雞個醬汁幾特別 加咗麻醬嘅味道中和返辣嘅味 好食 小酥肉 炸得香脆 每一條小酥肉都好大條 灑上辣粉好有四川味道涼拌海蜇友人最愛 佢係用新鮮海蜇 非常爽口彈牙😎最後嗌咗佢個焦糖豆花呢個令我喜出望外超超超超超級好食 個豆花滑到不得了而焦糖嘅味道又唔會搶咗豆花嘅味🥰
继续阅读
您可能会有兴趣的...